လျှပ်စစ်ဓာတ်အား ထုတ်လုပ် ပေးနိုင်သည့် လောင်စာ အမျိုးမျိုး ရှိသည့် အနက် လောင်မြိုက် နိုင်သော အနည်ကျ ကျောက်တစ်မျိုး ဖြစ်သည့် ကျောက်မီးသွေး ကို အများဆုံး သုံးစွဲနေကြ သည်။

ကမ္ဘာပေါ်တွင် ကျောက်မီးသွေး ဖြစ်ပေါ်မှု သည် လွန်ခဲ့သော နှစ်သန်းပေါင်း ၃ဝဝ ခန့်က စတင်ခဲ့သည်။ ယင်းအချိန်က ကမ္ဘာမြေပြင်ပေါ် တွင် သစ်ပင်ကြီး များ အများ အပြား ပါဝင်သည့် ရွှံ့ညွန်တောကြီးများ ရှိနေခဲ့သည်။ ပင်လယ်ရေပြင် ၏ နေရာအတော် များများတွင်လည်း အယ်လ်ဂျီ ခေါ် အပင်ငယ်များ ရှင်သန်နေခဲ့သည်။ ယင်း သစ်ပင် ကြီးငယ်များ သေဆုံး၍ နှစ်သန်းပေါင်း များစွာ ကြာသောအခါ အပင် ရုပ်ကြွင်းများ မြေကြီးအောက် တဖြည်းဖြည်း နစ်မြုပ်သွားသည်။ အပေါ်မှ ဖုံးနေသော ရွှံ့ညွန်နှင့် အက်စစ်ဓာတ် ပါသောရေ တို့ကြောင့် အပင် ရုပ်ကြွင်းများသည်  အောက်ဆီဂျင် ဓာတ်နှင့် မထိတွေ့နိုင်သဖြင့် ဖြည်းဖြည်းချင်း သာ အသွင်ပြောင်းကာ ဦးစွာ သစ်ဆွေး အဖြစ်သို့ ရောက်သည်။ အသွင်ပြောင်းမှု နှေးကွေးခြင်းကြောင့် ရုပ်ကြွင်းများတွင်းရှိ စွမ်းအင် သိုမှီးထားသော ကာဗွန်ဓာတ် သည်လည်း များစွာအပြောင်းအလဲ မရှိဘဲ ပင်ကို အတိုင်း တည် ရှိနိုင်ခဲ့သည်။

မြေအောက်တွင် ပြင်းထန်သော ဖိအား၊ အပူ ဓာတ်တို့နှင့် ထိတွေ့ချိန် ကြာသော အခါ ရေငွေ့ အချိုးများ၍ ကာဗွန်ဓာတ် အချိုးနည်းသော သစ်ဆွေးမြေ များသည် ကာဗွန်နှင့် စွမ်းအင် ပါဝင်မှု ပိုများသော ကျောက်မီးသွေး အဖြစ်သို့ ရောက်ရှိ သည်။

ကျောက်မီးသွေးတွင် ကာဗွန်၊ ဟိုက်ဒရိုဂျင်၊ နိုက်ထရိုဂျင်တို့ အဓိက ပါဝင်ပြီး ဆာလ်ဖာလည်း အနည်းငယ် ပါသည်။ အပင်ရုပ်ကြွင်းမှ ကျောက် မီးသွေး အဖြစ် သို့ ပြောင်းရာတွင် ပြောင်းချိန် ကြာကာ ရုပ်ကြွင်းမှ ကာဗွန်အဖြစ် ပို၍များများ ပြောင်းပြီးသော သို့မဟုတ် ပို၍ နက်သော အပိုင်း သို့ရောက်နေသော ကျောက်မီးသွေး များက ယေဘုယျ အားဖြင့် စွမ်းရည် ပို၍ မြင့်သည်။

ကာဗွန် ပါဝင်မှုနှင့် အပူစွမ်းအင် ထုတ်လုပ်မှု အပေါ် မူတည်၍ အင်ထရာဆိုက် မီးသွေး၊ ဘီတူး မီးနပ်စ်မီးသွေး၊ ဆပ်ဘီတူး မီးနပ်စ် မီးသွေးနှင့် လစ်ဂ်နိုက် မီးသွေး ဟူ၍ ကျောက်မီးသွေး လေးမျိုး လေးစားရှိသည်။

အင်ထရာဆိုက် မီးသွေးသည် အမာဆုံးဖြစ် ပြီး ကာဗွန် ၈၆ ရာခိုင်နှုန်းမှ ၉၇ ရာခိုင်နှုန်း အထိ ပါသဖြင့် လောင်စာ တန်ဖိုး မြင့်မားသည်။ ဘီတူး မီးနပ်စ် မီးသွေးတွင် ကာဗွန် ၄၅ ရာခိုင်နှုန်းမှ ၈၆ ရာခိုင်နှုန်း အထိပါပြီး လျှပ်စစ် ဓာတ်ထုတ်ရာ တွင် အသုံးများသည်။ ဆပ်ဘီတူး မီးနပ်စ်မီးသွေး တွင် ကာဗွန်၃၅ ရာခိုင်နှုန်းမှ ၄၅ ရာခိုင်နှုန်း အထိ ပါပြီး ဘီးတူး မီးနပ်စ် ကျောက်မီးသွေးထက် အပူ စွမ်းအင် ပိုနည်းသည်။

လစ်ဂ်နိုက် မီးသွေးသည် ပျော့ကာ ကာဗွန် နည်းပြီး ဟိုက်ဒရိုဂျင်နှင့် အောက်ဆီဂျင် ပို၍ပါ သည်။ လစ်ဂ်နိုက်သည် အခြား ကျောက်မီးသွေးတို့ ထက် သက်တမ်းနု သဖြင့် ကာဗွန် ၂၅ ရာခိုင်နှုန်း မှ ၃၅ ရာခိုင်နှုန်း အထိသာ ပါသည်။ အပူစွမ်းအင် ထုတ်ပေးနိုင်မှု အနည်းဆုံးဖြစ်သည်။

ကမ္ဘာတွင် တွေ့ရှိပြီး ကျောက်မီးသွေး ပမာဏ တန်ချိန် သန်းပေါင်း ၈၄၇ဝဝဝ ခန့်ရှိသည်။ လက်ရှိ သုံးစွဲနှုန်းနှင့် တွက်လျှင် နောက်ထပ် ပျမ်းမျှ နှစ်ပေါင်း ၁ဝဝ ကျော် သုံးနိုင် သည့် ယင်းကျောက် မီးသွေးသိုက် များသည် အမေရိကန်၊ ရုရှား၊ တရုတ်၊ သြစတေးလျနှင့် အိန္ဒိယနိုင်ငံ တို့တွင် အများဆုံးတည်ရှိသည်။

ကျောက်မီးသွေးကို တူးဖော်ရာ၌ အချို့ နေရာများတွင် မြေမျက်နှာပြင် အနီးတွင် တည်ရှိ ကြသဖြင့် လွှာ၍ တူးဖော် ထုတ်ယူကြသည်။ မြေပြင်မှ အနက် ပေ ၂ဝဝ အတွင်း၌ ရှိသော ကျောက်မီးသွေး များကို ယင်းနည်းဖြင့် တူးယူကြသည်။ လွှာ၍ တူးယူခြင်းကြောင့် မြေယာ ရှုခင်းနှင့် ဂေဟ စနစ် ပျက်စီးခြင်း ၊ မြေအောက်နှင့် မြေပေါ် ရေကြော များ ညစ်ညမ်းခြင်းတို့ ဖြစ်တတ်သည်။ နေရာ အများအပြားတွင် မူ ကျောက်မီးသွေး ကို မြေအောက် အနက်ပိုင်း အထိ တွင်းများ တူး၍ ထုတ် ယူကြရသည်။ အချို့ ကျောက်မီးသွေး တွင်း များသည် ပေ ၁ဝဝဝ ခန့်အနက်တွင် ရှိကြ သည်။

လူတို့သည် လွန်ခဲ့သော နှစ်ထောင်ပေါင်း များစွာကတည်းက နေအိမ် အဆောက်အအုံများ ကို အပူပေးရန်နှင့် ချက်ပြုတ်ရန် ကျောက်မီးသွေး ကို သုံးခဲ့ကြ သည်။ ကျောက် မီးသွေး ကို ထိရောက် စွာ အသုံးချနိုင် ခဲ့သဖြင့် လုပ်ငန်းဆောင်တာ အမျိုးမျိုးတွင် လူအား၊ တိရစ္ဆာန် အားစသည်တို့ကို သာ သုံးခဲ့ရာမှ စက်ကိရိယာ များ၊ ယာဉ်များကို တီထွင်၍ လူနေမှု အဆင့်အတန်းကို မြှင့်ပေးနိုင်ခဲ့ သည်။

ကျောက်မီးသွေးကို တူးဖော် ထုတ်လုပ်ရာ တွင် ဈေးသက်သာခြင်း၊ ကမ္ဘာ့နေရာ အတော် များများတွင် တူးဖော်နိုင်ခြင်း စသည့် အားသာ ချက် များရှိသည်။ အများဆုံး သုံးသော နိုင်ငံများမှာ တရုတ်၊ အမေရိကန်၊ အိန္ဒိယ၊ ရုရှားနှင့် ဂျပန်တို့ ဖြစ်ကြသည်။ ယင်း ၅ နိုင်ငံ တို့သည် တစ်ကမ္ဘာ လုံးသုံးစွဲသော ကျောက်မီးသွေး ပမာဏ၏ ၇၇ ရာခိုင်နှုန်း ကို ထုတ်ယူ လောင်မြိုက်နေကြသည်။

ကျောက်မီးသွေးကို လျှပ်စစ် ဓာတ်အား ထုတ်ယူသော စက်ရုံများတွင် အများဆုံး သုံးကြ သည်။ တစ်ကမ္ဘာလုံး ထုတ်လုပ်သော လျှပ်စစ် ဓာတ် ပမာဏ စုစုပေါင်း၏ ၄၃ ရာခိုင်နှုန်းသည် ကျောက်မီးသွေးမှ ရသည်။

ကျောက်မီးသွေး မှရသော မက်သနော၊ အက်သလင်းတို့ကို ပလတ်စတစ်၊ ကတ္တရာ၊ ဓာတ်မြေသြဇာ၊ လူသုံးဆေးဝါးများ ထုတ်လုပ်ရန် အသုံးပြုကြ သည်။ ကျောက် မီးသွေး ကို အထူး မီးဖိုများတွင် ပြင်းထန်သော အပူပေး၍ ရရှိသော  ကုတ်မီးသွေးဖြင့် သံများမှ သံမဏိ ထုတ်လုပ်ရာ တွင် သုံးသည်။ ကုတ်မီးသွေးမှ ထွက် လာသော ပြင်းထန်သည့် အပူကြောင့် ခံနိုင်ရည် ကောင်းသော သံမဏိကို ပြုလုပ်နိုင်ခြင်း ဖြစ်သည်။ ဘိလပ်မြေနှင့် စက္ကူများ ထုတ်လုပ်ရာ တွင်လည်း ကျောက်မီးသွေး ကို သုံး ကြသည်။

ကျောက်မီးသွေးသည် အသုံးဝင် လှသည့် လောင်စာ တစ်မျိုးဖြစ်သော်လည်း တူးဖော်ရာတွင် နှင့် အသုံးချ ရာတွင် ပတ်ဝန်းကျင်ကို ညစ်ညမ်း စေသည့် ဆိုးကျိုးများ ရှိသည်။ မျက်နှာပြင်မှ လွှာ၍ ထုတ်ယူသော ကျောက်မီးသွေး မိုင်းများ၊ တောင်ကိုဖြို၍ ထုတ်ယူသော ကျောက်မီးသွေး မိုင်းများကြောင့် အပေါ်ယံမြေဆီလွှာ ပျက်စီးခြင်း၊ မြေယာရှုခင်း ပျက်စီးခြင်း၊ ကျောက်မီးသွေး တူးရာ မှ ထွက်လာသော အနည်အနှစ်များ မြေစာများ ကြောင့် ပတ်ဝန်းကျင်ရှိ ချောင်းနှင့်မြစ် များ ကောခြင်း၊ ရေ အရည်အသွေး ကျဆင်းခြင်း တို့ ဖြစ်ပေါ်သည်။

ကျောက်မီးသွေးကို လောင်မြိုက်ခြင်း မှ အပူဓာတ် အပြင် ဆာလ်ဖာဒိုင် အောက်ဆိုဒ်၊ နိုက် ထရိုဂျင်အောက်ဆိုဒ်နှင့် ကာဗွန်ဒိုင် အောက်ဆိုဒ် များ အဓိက ထွက်ပေါ်သည်။ ကာဗွန်မိုနော့ဆိုဒ်၊ ပြာနှင့် အခြားဓာတ်ငွေ့နှင့် စွန့်ပစ် အနည်များ လည်း ထွက်သည်။

ဆာလ်ဖာဒိုင် အောက်ဆိုဒ်သည် အက်စစ်မိုး ရွာသွန်းစေခြင်းနှင့် အသက်ရှူ လမ်းကြောင်း ရောဂါများ ဖြစ်ပွားစေသည်။ နိုက်ထရိုဂျင် အောက်ဆိုဒ် များသည် မီးခိုးမြူများ ကို ဖြစ်ပေါ် စေပြီး အသက်ရှူ လမ်းကြောင်းရောဂါများ ဖြစ် ပွားစေသည်။ ကာဗွန်ဒိုင် အောက်ဆိုဒ်ကြောင့် ကမ္ဘာ့လေထုကို ပူနွေးစေကာ ရာသီဥတု ပြောင်း လဲမှု ကို ဖြစ်ပေါ်စေသည်။ လူတို့ကြောင့် လေထု တွင်းရောက်သော ကာဗွန်ဒိုင် အောက်ဆိုဒ် ပမာဏ စုစုပေါင်း၏ ၄၃ ရာခိုင်နှုန်းသည် ကျောက် မီးသွေး မှထွက်သည်။ ထို့ပြင် ကျောက်မီးသွေး စက်ရုံများ မှထွက်သော အမှုန်များကြောင့် အသက်ရှူ  လမ်းကြောင်းရောဂါနှင့် အဆုတ်ရောဂါ များကို ဖြစ်ပွားသည်။

ကျောက်မီးသွေး မှထွက်သော ပြဒါးသည် လေထုတွင်း၌ လူ့ကျန်းမာရေးကို အန္တရာယ်မပြု သော်လည်း ရေထုတွင်း ရောက်သောအခါ ဖြစ်ပေါ်လာသော မီသိုင်းမာကျူရီ သည် သက်ရှိ များအတွက် အဆိပ် ပင်ဖြစ်သည်။

ကျောက်မီးသွေးမှ ထွက်သော မလိုလားအပ် သည့် ဓာတ်ငွေ့နှင့် အမှုန်များကို ဖယ်ရှား သန့်စင် သည့် နည်းပညာများ ရှိသည်။ သို့သော် ယင်းတို့ ကို သုံးလျှင် ကုန်ကျ စရိတ် များသည်။ ယင်း ကိရိယာတို့ လည်ပတ် အလုပ်လုပ်ရန် စွမ်းအင် အမြောက်အမြား လိုသည့်အပြင် ယင်းတို့မှ ကာဗွန်ဒိုင်အောက်ဆိုဒ် လည်း ထပ်တိုးထွက် ရှိ သည်။ ယင်းတို့ ဖယ်ရှားလိုက်သော စွန့်ပစ် အနည် အနှစ်များသည် သဘာဝ ပတ်ဝန်းကျင်ကို ညစ် ညမ်းစေသည်။

ပြဿနာများ ရှိသော်လည်း ဈေးချိုခြင်း၊ အလွယ်တကူ ရနိုင်ခြင်းစသည် တို့ကြောင့် နိုင်ငံအများ အပြား၌ ကျောက်မီးသွေး အသုံး ကျယ်ပြန့် လာနေ သည်။ ၂ဝ၁၂ ခုနှစ် စာရင်း အရ တစ်ကမ္ဘာလုံး ၌ ကျောက်မီးသွေး စက်ရုံ အသစ်ပေါင်း ၁၂ဝဝ ဆောက်လုပ်ရန် ရာထားသည်။

သို့သော် ကျောက်မီးသွေး၏ သဘာဝ ပတ်ဝန်းကျင်နှင့် လူ့ကျန်းမာရေးကို ထိခိုက်စေ သည့် အချက်ကြောင့် ယင်းကိုလျှော့သုံးရန် အားထုတ်သည့် နိုင်ငံ များလည်း ရှိနေ သည်။ ကျောက်မီးသွေး စက်ရုံများကြောင့် လေထုညစ် ညမ်းမှုကို ဆိုးရွားစွာ ကြုံတွေ့နေရသော နိုင်ငံ များတွင် ကျောက်မီးသွေး အသုံးအများဆုံးဖြစ် သည့် တရုတ်နိုင်ငံ သည် ထိပ်ဆုံးမှ ပါနေသည်။

ယင်းကိစ္စကို ဖြေရှင်းရန် တရုတ်အစိုးရ သည် လေထု ညစ်ညမ်းမှု၏ ဇာစ်မြစ်ဖြစ်သည့် ကျောက်မီးသွေး စက်ရုံများကို လျှော့ချရန် ဆုံးဖြတ် လိုက်ပြီဖြစ်သည်။ တ ရုတ်နိုင်ငံတော် ကောင်စီသည် ပေကျင်း၊ ရှန်ဟိုင်းနှင့် ကွမ်ကျိုး ဒေသ များတွင် ကျောက်မီးသွေးသုံး စက်ရုံများ အသစ် ဆောက်လုပ်မှု ကို ခွင့်ပြုတော့မည် မဟုတ် ကြောင်း ကြေညာထားသည်။

ကျော်ဦး

အခု တစ်လောတော့ မြန်မာ့ ဆက်သွယ်ရေး လိုင်စင် ရသွားတဲ့ တယ်လီနော တို့၊ အော်ရီဒူး တို့ သတင်းတွေ ကြားရ ဖတ်ရပါသဗျာ။ အဲဒီ သတင်း တွေဖတ်ပြီး ဝမ်းသာနေ ကြ သူတွေလည်း အမြောက်အမြား မြင်ရပါတယ်။ ”ဒီလောက်တောင် ငါတို့ကို အမြဲ စိတ်ဒုက္ခပေးနေတဲ့ MPT လက်က လွတ်ပြီဟေ့” ဆိုတဲ့ စကားသံတွေ လည်း ပလူပျံ လို့ပေါ့။ ဆက်သွယ်ရေး လိုင်စင်ရ မိုဘိုင်းလ် အော်ပရေတာ ကုမ္ပဏီဖြစ်တဲ့ အော်ရီဒူး ကလည်း အခု ကတည်းက သုံးစွဲမယ့် သူတွေကို ကြိုတင် အာမခံ ထားတာတွေ ရှိပါတယ်။ 2G, 3G စနစ် တွေနဲ့ ထုတ်လုပ်မယ်၊ ဖုန်းပြောဆိုခ သက်သာ စေရမယ်၊ အင်တာနက်လိုင်း ဆိုရင်လည်း Youtube ကိုတောင် Live Stream ကြည့်နိုင်စေ ရမယ် စသည်ဖြင့်ပေါ့။ သုံးစွဲသူ လူထု အနေနဲ့ အခုကတည်းကကို လက်သီး လက်မောင်း တန်းပြီး အားတက်သရော စောင့်နေ ကြပါပြီ။ မောင်ဝါဝါကရော …။

မောင်ဝါဝါ ကတော့ တခြားသူတွေနဲ့ ကွာချင် တိုင်းကို ကွာပါတယ်။ သူ့ဟာသူ အော်ရယ် ရုံမကလို့ အော်ပဲငိုငို၊ ဒူးမကလို့ ပေါင်ပဲဖြစ်ဖြစ် စိတ်ကို မဝင်စားတာခင်ဗျ။ MPT မှ MPT ၊ မြန်မာ့ ဆက်သွယ်ရေးမှ မြန်မာ့ ဆက်သွယ်ရေးပဲ။ အော်ရီဒူးတို့ တယ်လီနော တို့က ဘယ်လို ဝန်ဆောင်မှုတွေ ပေးမယ် ပဲပြောပြော မြန်မာ့ ဆက်သွယ်ရေး က အခု ပေးနေတဲ့ ဝန်ဆောင်မှုတွေ လောက်ကောင်းမယ် မထင်၊ ပြီးပြည့်စုံမယ် မထင် ပေါင်ဗျာ။ လက်ရှိ ဝန်ဆောင်မှုတွေတောင် ဒီလောက် ကောင်းနေမှတော့ အခုလို အပြိုင် အဆိုင် အော်ပရေတာတွေ ပေါ်လာပြီ ဆိုရင် မောင်ဝါဝါရဲ့MPT ကြီးက ပိုတောင် မိုက်လာဦး မယ် ထင်ပါရဲ့။ အဲ … မိုက်တယ်ဆိုတာ မိုက်ရိုင်းတာကို ပြောတာ မဟုတ်ပါဘူး။ အဲဒီလို မရည်ရွယ်ရိုး အမှန်ပါ။ ခေတ်စကား၊ ဘန်းစကား နဲ့ဆို ‘မိုက်တယ်’ ဆိုတာ ‘လန်းတယ်’ လို့ ဆိုလို တာပဲ မဟုတ်လား။

ဒီလိုတွေ ပြောလို့ မောင်ဝါဝါ တော့ MPT ကို လော်ဘီ လုပ်နေတယ် ထင်ကြမယ်၊ ”ဒီအကောင် နာမည် ကြီးချင်လို့ လျှောက်ဖား နေတာပါကွာ၊ မြို့မေတ္တာ ခံယူချင်လို့လား” ဘာညာ နဲ့ မောင်ဝါဝါ့ ကို ခနဲ့ကြမယ်၊ ရွဲ့ကြမယ်။ ဒီလိုတော့ ဘယ်ဟုတ် ပါ့မလဲဗျာ။ လူတစ်ကိုယ် အကြိုက် တစ်မျိုးမဟုတ် လား။ လွတ်လပ် ပွင့်လင်းလာ တဲ့ နိုင်ငံရေး အခြေ အနေအရ ကိုယ့်အကြိုက် ကိုယ် ရဲရဲဝံ့ဝံ့ ထုတ် ဖော်ပြောတာ၊ ဝန်ခံတာလည်း အပြစ် မရှိဘူး ထင်ပါတယ်။ ”ကိုင်း … ဒီလောက်တောင် ပြောချင် တဲ့ကောင် ပြော စမ်းကွာ၊ ပြောစမ်း၊ ဖုန်းနှစ်လုံး ဘေးချင်း ယှဉ်ထားပြီး ခေါ်ရင်တောင် ဆက်သွယ်မှု ဧရိယာပြင်ပပဲ ထ ထအော်နေတာ ဘာဖြစ်တာတုံး၊ အဲဒါ မင်းရဲ့ MPT ကပေးတဲ့ စပယ် ရှယ် ဝန်ဆောင်မှုလားကွ” လို့ ခင်ဗျားတို့ မေးချင်နေကြပြီ မဟုတ်လား။

မောင်ဝါဝါက နည်းပညာရှင် မဟုတ်ပေမဲ့လို့ ဒီလောက်တော့ ယုတ္တိရှိရှိ စဉ်းစားတွေးခေါ် ကျိုးကြောင်း ဆင်ခြင်ပြီး ဖြေနိုင်ပါသဗျာ။ အဲဒီနှစ်လုံး မှာ တစ်လုံးက တကယ်ပဲ ဧရိယာထဲ ရှိပေမဲ့ နောက်တစ်လုံး က ဧရိယာရဲ့ပြင်ပကို သီသီလေး ရောက်နေတာ ဖြစ်ချင် ဖြစ်မှာပေါ့ဗျ။ ဧရိယာ ပြင်ပကို တကယ် မရောက်ဘဲ နဲ့တော့ အလ ကား နေ ရင်း အရူး ထပြီး အပြင် ရောက်နေပါ တယ်လို့ ဘယ်သူက ညာပြောမှာလဲ။ မိုဘိုင်းလ်  ဖန်ကြိုးမျှင် ဧရိယာလှိုင်းတွေ ကိုလည်း ခင်ဗျားတို့ တကယ်မြင်နိုင်တာ မှ မဟုတ်ဘဲ နဲ့။ ကိုယ့်ဟာကိုယ် ကံဆိုးလို့ တစ်လုံးက အပြင် ရောက်နေတာဖြစ်မှာ ပေါ့။ နှစ်လုံးစလုံး ဧရိယာထဲ ရှိချင်သပဆို တစ်လုံး အပေါ် တစ်လုံး ထပ်ပြီးခေါ်၊ အဲ… အဲဒါမှ ကံအဆိုး လွန်ပြီး နှစ်လုံးစလုံး ဧရိယာ အပြင် ရောက်နေ ရင်တော့ မောင်ဝါဝါလည်း မတတ်နိုင်။ MPTလည်း မတတ်နိုင် ဘူးပေါ့ဗျာ … နော့။ ကိုယ့်ဟာကိုယ် အထား အသို မတတ်လို့ ခေါ်မရ တာနဲ့တော့ အပြစ် မပြောချင်ပါနဲ့လေ။

”ဟေ့ကောင် … အပိုတွေ လာပြောမနေ နဲ့၊ ဘာမှ ကံဆိုးတာ မဟုတ်ဘူး၊ မင့်ဘိုးအေ ဖုန်းလိုင်းတွေက ကျပ်နေလို့ ဒီလိုဖြစ်တာကွ၊ ရှင်း … အဲဒီ ကိစ္စကို ရှင်း” လို့ ခင်ဗျား တို့ ထပ်ပြော မယ် မဟုတ်လား။ သိနေတယ်လေ … သိနေ တယ်။ အဲဒီအတွက်လည်း ဖြေရှင်းဖို့ အဆင်သင့် ပါ ခင်ဗျာ။ လိုင်းတွေ ကျပ်မှာပေါ့။ ဖုန်းတွေ အများကြီး ထုတ်ပေး ထားတာကိုး။ GSM, CDMA, WCDMA ဆိုပြီးတော့ အမျိုးစုံ ထုတ် ပေးထားတာလေ။ ဆယ့်ငါးသိန်းတန် မူလလက် ဟောင်းကစလို့ ငါးသိန်း တန်၊ နှစ်သိန်း တန် ၊ ထောင့်ငါးရာတန် ဆိုတာတွေ အထိ ခင်ဗျားတို့ကို ထုတ်ပေးထားတာလေ။ ဒီလောက် များမှတော့ မကျပ်ဘဲ နေလားဗျာ၊ ကျပ်ပြီပေါ့။ ဘာလို့ အဲဒီလို ထုတ်ပေးသလဲ၊ ခင်ဗျား တို့ပဲ အခြေခံ လူတန်းစား ကအစ ဖုန်းကိုင်ချင် လှပါချေရဲ့ဆို။ စေတနာနဲ့ တန်ဖိုးနည်း ဖုန်းတွေ ထုတ်ပေးတာ ပေါ့ဗျ။ လူတိုင်းလည်း ဖုန်းကိုင်ချင်သေး၊ ဖုန်းလိုင်း လည်း မကျပ်ဘဲ ရှလွတ် ရှလွတ် မြည် ချင်သေးတော့ ဘယ်ရမတုံး။ တစ်ခုလိုချင်ရင် တစ်ခုတော့ စွန့်လွှတ် ရမှာပေါ့။ ဒီလောက်လေးနဲ့ လည်း တက်မလာပါနဲ့ ဗျာ။ တောက်ချ ပစ်လိုက် မယ် ဘာမှတ်လဲ။

ဒါဖြင့် ခင်ဗျားတို့ ညစ်တွန်း တွန်းပြီး မောင် ဝါဝါ့ကို ထပ်မေးမယ်။ ”အောင်မာ … ဘာ တန်ဖိုးနည်း ဖုန်းလဲ၊ နှစ်သိန်းတန် ဖုန်းကို တန်ဖိုး နည်းဖုန်းလို့ အော်ရောင်းတာ မင်းတို့ မရှက်ဘူး လား” လို့။ ခင်ဗျားတို့ တယ်လက်ပေါက် ကပ်တဲ့ လူတွေပဲဗျာ။ မသိရင် မှတ်ထား၊ မောင်ဝါဝါ တို့ နိုင်ငံက ရွှေ၊ ငွေ၊ ကျောက်သံပတ္တမြား၊ ဥဿဖယား၊ ပယင်း၊ ဒုတ္ထာတွေ ထွက်တဲ့ ရွှေတိုင်း ရွှေပြည်ဗျ။ အဲ … ထွက်တယ် ဆိုတာ ကိုယ့် တိုင်းပြည်ကနေ သူများ တိုင်းပြည်ကို ခြေထောက် ပေါက်ပြီး ထွက်သွားတာ ကို ပြောတာ မဟုတ်ဘူး နော်။ မြေပေါ် မြေအောက် သယံဇာတ ထွန်းကားတဲ့ တိုင်းပြည်လို့ ပြောတာ။ ချမ်းသာတယ်ဗျ … ချမ်းသာတယ်။ ဒီတော့ ငွေနှစ်သိန်း ဆိုတဲ့ ပမာဏ လောက် ကို တန်ဖိုးနည်း စာရင်းထဲ ပစ်သွင်းထားနိုင် တယ်ဆိုတာ ခင်ဗျားတို့ အပြစ် မမြင်တဲ့အပြင် ကြံဖန်ဂုဏ်တောင် ယူကြရဦးမယ့် ဟာကိုဗျာ။ လူရှိန် တာပေါ့၊ အထင်ခံရ နည်း လားဗျာ။ ကဲပါ … ခင်ဗျားတို့ နိုင်ကွက် မရသေးဘူး မဟုတ် လား။ နောက်တစ်မျိုး ထပ်ပြောပါဦး။

”အပိုတွေ ပြောမနေပါနဲ့ကွာ၊ မင်းရဲ့ MPT ပေးတဲ့ ဖုန်းတွေက အခုဆို အရင် ထက်တောင် ပိုဆိုး လာသေးတယ်၊ ဖုန်းခေါ်လို့ ဝင်သွားရင် လည်း ဟယ်လို မထူးနိုင်ဘူး၊ ကြားလား ကြားလားနဲ့ တောင်ပြေး မြောက်ပြေး အော်နေရတာ၊ ပြောနေ ရင်းလည်း တဖုတ်ဖုတ် ပြုတ်ကျလို ပြုတ်ကျ၊ တကတည်း ဘုရားစူး ကျမ်းစူး မိထားတဲ့ အတိုင်း ပဲ၊ အဲဒါ ကျတော့ မင်းဘာပြောမလဲ” လို့ ထပ်ပြီး အပြစ်ပြောဦးမယ် မဟုတ်လား။ ခင်ဗျားတို့တော့ မသိဘူးဗျို့။ မောင်ဝါဝါ့ အတွက်တော့ အဲဒီလိုတွေ ဖြစ်တာ ပိုတောင် အဆင်ပြေသေး တယ်ဗျ။ ကြွေးရှင်တွေ ဘာတွေများ ကိုယ့်ဆီ ဖုန်းဆက်ရင် လေ၊ ကြားရဲ့သားနဲ့လည်း ”ဟယ်လို … ဟယ်လို၊ မကြားရဘူး၊ ဟယ်လို … ဟာ .. ဒီဖုန်းတော့ ကွာ” ဘာညာနဲ့ ရှောင်လို့တိမ်း လို့ ရတယ်။ သူ့ဘက်က အတင်းကို ပြောနေပြီ ဆိုရင် လည်း လိုင်း မကောင်းလို့ ပြုတ်ကျ သွားသလိုလို ဘာလိုလို နဲ့ ဖုန်း ခဏ ခဏ ချပစ် လို့ရသေး။ အဲဒါကြောင့်ပါ။ အဟဲ … မောင်ဝါဝါဆို အဲဒါမျိုး အမြဲ လုပ်နေကျဗျ။ အောက်ခြေ လူတန်း စားတွေအတွက် တကယ်ကို အဆင်ပြေအောင် ရှောင် လို့တိမ်း လို့ရအောင် ဆင်ပေးထားတဲ့ အကွက်ပါဗျာ။ တကယ်ကို စေတနာ အရင်း ခံပါဗျ။ နားလည်ပေးကြစမ်းပါ။

”ဒါဖြင့် ဖုန်းကတ်ထဲက ပိုက်ဆံတွေ မှား မှားဖြတ်တဲ့ ကိစ္စကျတော့ရော ဘယ်လို ရှင်းမလဲ၊ ငါးထောင်တန် ကတ်ဆို ထည့်ကို မထည့်ရဲဘူး၊ ထည့်ပြီး ခဏနေတာနဲ့ ဘယ် အငွေ့ပျံ သွားသလဲ အောက်မေ့ရတယ်၊ အင်တာနက် သုံးလည်း ဒီလိုပဲ၊ တစ်မိနစ် ၂ ကျပ်နဲ့ တစ်နာရီ ၁၂ဝ ကို ငါးရာလောက် မှားဖြတ်လို ဖြတ်နဲ့ကွ” လို့ ခင်ဗျား တို့ ထပ်ပြောတော့ မယ် မဟုတ်လား။ ဒါတော့ MPT က ချမှတ်ထားတဲ့ စစ်စတမ် အသစ်ကြောင့် ပါဗျာ။ ခင်ဗျားတို့ သူငယ်ချင်းတွေ မုန့်စုစား ရင် ပြောနေကျ စကားရှိတယ်လေ။ ဘာတဲ့ … အမေရိကန် စစ်စတမ်ဆိုလား။ ကိုယ်စားတာ ကိုယ်ရှင်းဆိုတဲ့ အဓိပ္ပာယ် မဟုတ်လား။ မောင်ဝါဝါတို့ MPT ကလည်း အဲဒီလို နိုင်ငံတကာ အဆင့်မီ စစ်စတမ်တစ်ခု တီထွင် ထားတာဗျို့။ အဲဒီ စစ်စတမ် နာမည်က ‘ကိုယ့်ဒေါသနဲ့ကိုယ်’ တဲ့။ ဟုတ်တယ်လေ … မှားအဖြတ် မခံချင်ရင် အစကတည်းက ဖုန်းမ ဆက်နဲ့၊ အင်တာနက် မသုံးနဲ့ပေါ့ဗျ။ ဒါဆို တစ်ပြား မှလည်း အဖြတ်မခံ ရတော့ဘူး၊ အေးရော။ အခုတော့ မနေနိုင် မထိုင်နိုင် လျှောက် လျှောက်သုံး လို့ ကိုယ့်ဒေါသနဲ့ ကိုယ်ဖြစ်တာ မောင်ဝါဝါ တို့နဲ့ ဘာဆိုင်လဲ။ စက်တွေ၊ ယန္တရားတွေနဲ့ လုပ်ရတာပဲဗျာ။ တစ်ခါ တလေတော့လည်း မှားမှာပေါ့ … ဟဲဟဲ။

”ဒီလောက်တောင် ပြောမရတဲ့ကောင်၊ ကဲ … မင်းတို့ ဖုန်း အင်တာနက် လိုင်းတွေက လိပ်နဲ့ ပက်ကျိ စပ်ကျထားသလိုလို နှေးတယ်ကွာ၊ သုံးစား မရဘူးကွာ၊ သူများတွေ ဆို Youtube တောင် ထိုင်ကြည့် လို့ရမယ် အာမခံ ထားတာ၊ ပြောစမ်း … ဘာ ဆင်ခြေပေးမလဲ” လို့ ခင်ဗျား တို့ အထွန့် တက်တော့မယ် မဟုတ်လား။ သိပါ တယ် … သိပါ တယ်။ နောက်ဆုံး မနိုင်ရင် ဒီဘူတာပဲ လာဆိုက်ပြီး ဒီအင်တာနက် ကိုပဲ မျက်စောင်းထိုးကြမယ်ဆိုတာ။ ဒါကျတော့ ဒီလို ရှိတယ်ဗျ။

လိုင်းက မကောင်းလို့ နှေးတာမဟုတ်ဘူး၊ မကောင်းအောင် တမင်နှေးထားတာ၊ ဒီလိုလေ … အစောကြီးကတည်း ကသာ အဲဒီလို ဗီဒီယို တွေ ထိုင်ကြည့်လို့ ရအောင်၊ Download တွေ ဆွဲလို့ရအောင် လုပ်ပေးထား လိုက်ရင် အကုန်လုံး ကွန်ပျူတာရှေ့က မထ၊ ဖုန်းနားက မခွာဖြစ်ကုန် မှာပေါ့။ ဘာ အလုပ်မှ မလုပ်ကြတော့ဘဲ အင်တာနက် ပဲ ထိုင်သုံးနေကြရင် တိုင်းပြည် တိုးတက်မယ့် အရေး ကိစ္စတွေ နောက်ကျကုန်မှာ ပေါ့။ လူကြီးတွေ အလုပ်ပျက် အကိုင်ပျက်နဲ့ နယ် လှည့်ပါးရိုက် တာတို့ ဘာ တို့ မလုပ်နိုင်ဘဲ ဖြစ်မှာ က အရေးမကြီးဘူး။ လူငယ်တွေပါ အင်တာနက် စွဲပြီး အလုပ် မလုပ်ကြတော့ရင် တိုင်းပြည် နစ်နာ မယ်မဟုတ်လား။ ဒါကြောင့်ပါ။ မလုပ် ပါဘူး၊ မရှုပ်ပါဘူး၊ ခင်ဗျားတို့ ထင်သလို မယုတ်မာပါဘူး ဗျာ။ ကဲ … ကျေနပ်ပြီလား။

အခုတော့ ခင်ဗျားတို့ ဘာမှ မပြောနိုင်တော့ ဘူး မဟုတ်လား။ မောင်ဝါဝါရဲ့ ကျိုးကြောင်း ခိုင်လုံတဲ့ ဖြေရှင်းချက်တွေ ကို သဘောကျ သွားပြီ မဟုတ်လား။ MPT နဲ့ပဲ ဆက်လက် လက်တွဲ ချီတက်ချင် စိတ်တွေ ပြန်ဖြစ်လာပြီ မဟုတ်လား။ ဒီလောက် ကောင်းတဲ့ အခွင့်အရေးတွေ၊ ဝန်ဆောင်မှုတွေ၊ ဖြေရှင်းချက်တွေ အကြောင်း မောင်ဝါဝါ အာပေါက်အောင် ပြောပြတာမှ လက်မခံချင်လည်း ကိုယ့်ထိုက် နဲ့ကိုယ့်ကံပေါ့ဗျာ။ ဘယ်တတ်နိုင်မလဲ။ မောင်ဝါဝါ ကတော့ MPT ကိုပဲ အားကိုးတယ်ဗျို့။ MPT ရဲ့ ဝန်ဆောင် မှု ကြောင့်သာ တန်ဖိုးနည်း ဖုန်းတွေ ကိုင်ရ၊ ကြံဖန် ဂုဏ်ယူရ၊ ကြွေးရှင်တွေ ရှောင်လို့ရ၊ တက်ကြွ လန်းဆန်းတဲ့ လူငယ်ဖြစ်ရတာ မဟုတ်လား။ ဒါကြောင့် ‘စိတ်ချ  ယုံကြည် ဆက်လက်၍သာ အားပေးပါမည် အမ်ပီတီ’ လို့ပဲ အားလုံးကြား အောင် ကြွေးကြော် လိုက်တော့မယ်ဗျို့။

သူရဿဝါ

ဦးပေါ်ဆန်း ရွာထိပ်ဇရပ်မှာ သောက်ရေအိုးစင် တည်နေသတဲ့။ဒီသတင်းစကားက ရွှေယင်းမာ ရွာသူရွာသားများအတွက် အထူး အဆန်း သတင်းတစ်ခုမဟုတ်ခဲ့ပါ။ အထူးအဆန်းဘယ်ဖြစ်ပါ့မလဲ။ ဦးပေါ်ဆန်းလုပ်ခဲ့သမျှသော ပရဟိတလုပ်ငန်းများနှင့်စာလျှင် သောက်ရေအိုးစင်တည်သည့် လုပ်ငန်းလောက်က အပယိက အသေး အမွှားလေး။ မှန်သည်။ ပရဟိတ လုပ်ငန်းများနှင့် ပတ် သက်လျှင် ဦးပေါ်ဆန်းက တစ်နယ် လုံးတွင် တစ်ယောက်သာ ရှိသည်ဟု ပင် ပြောရလောက်အောင် စွမ်း ဆောင် လုပ်ကိုင်နိုင်သူ တစ်ယောက် ဖြစ်လေသည်။ သူသည်ဘဝသက် တမ်းတစ်လျှောက်လုံးကို ပရဟိတ လုပ်ငန်းထဲတွင်သာ မြှုပ်နှံ ကုန်ဆုံး ခဲ့သူ။ သူ၏ ဇနီးဖြစ်သူမှာ ကိုယ့် ဝမ်းကိုယ်ကျောင်းပြီး သားသမီးသုံး ယောက်တာဝန်ကို တစ်ဦးတည်း ဒိုင်ခံရုန်းကန်ခဲ့ရလေသည်။

ဦးပေါ်ဆန်းတစ်ယောက် အများအကျိုးဆောင်လုပ်ငန်းများ တွင် အဘယ်မျှအထိလုပ်ကိုင် သနည်းဆိုသော် သူ၏ဇနီးဒေါ်တင်နီ သားသမီးသုံးယောက်မွေးဖွားခဲ့ရာ တွင် ဘယ်ကလေးကိုမွေးမွေး ဦးပေါ်ဆန်းအိမ်မှာမရှိခဲ့။ ရပ်ရေး ရွာရေးကိစ္စများနှင့် တစ်နေရာ မဟုတ် တစ်နေရာသို့ ရောက်နေ သည်ချည်းပင်။ သို့သော် ဒေါ်တင်နီ ၏ သဘော ထားကျတော့လည်း ဦးပေါ်ဆန်းလို မိသားစုတာဝန် မကျေသည့်သူမျိုးကို ယူခဲ့မိသည့် အတွက် ဘယ်သောအခါမှ နောင်တ မရခဲ့ပါ။ ရပ်ရွာက လေးစားချစ်ခင်၍ သူ၏ လင်သားကို မရှိမဖြစ် အားကိုးနေကြသည်ကို အမြဲတစေ ဂုဏ်ယူနေတတ်သူဖြစ်၏။ ထိုလို လင်သားမျိုးကို အိမ်ဦးခန်းမှာ တင်၍ ရှာဖွေကျွေးမွေးနေရသော ဇနီးသည် ဘဝကို ကျေနပ်အားရနေ တတ်သူဖြစ်၏။ ဦးပေါ်ဆန်းက လည်း မှတ်ကျောက်အတင်ခံရ လောက်အောင် ပရဟိတလုပ်ငန်း ကို ထူးထူးခြားခြားလုပ်ကိုင်ရန် ဝါသနာပါ သူ တစ်ဦးဖြစ်သည်။ သို့သော် အုံလိုက်သင်းလိုက်စုဖွဲ့ပြီး သြဇာပေး၊ ခေါင်းဆောင်လုပ်ရမှ လုပ်သူတစ်ဦးမဟုတ်ပါ။ တစ် ယောက်တည်းရှိနေလျှင်လည်း ဘယ်သူ့အကူ အညီ ကိုမှ မျှော်လင့် နေသူမဟုတ်။ အလကားနေရင်းပင် လမ်းပေါ်က ဗွက်များကို မြေဖို့ ခြင်း၊ ရွာအဝင် ချောင်းအကူးတံတားကို တူတစ်လက် လွှ တစ်ချောင်းနှင့် ပြုပြင်နေ တတ်ခြင်း၊ ရွာဦးစေတီ ကိုထုံးတစ်ပုံးနှင့် တစ်ဦးတည်း သင်္ကန်းကပ်နေတတ်ခြင်း စသည် ဖြင့် ရှာဖွေလုပ်ကိုင်နေတတ်သူ ဖြစ်၏။

ရွှေယင်းမာရွာတည်ရာ နယ် ပယ်တစ်ဝိုက်သည် မြို့ကြီးများနှင့် အလှမ်းကွာလွန်းလှသောကြောင့် ခေါင်သည်ဟုပြော၍ရသော နယ် စွန်နယ်ဖျားတစ်ခုဖြစ်၏။ ဒီေ တာ့ တောကြောင်များ၏ အန္တရာယ်များ လည်းရှိခဲ့လေသည်။ မည်သူ့ကိုမှ အားကိုးရာမရှိ နီးရာဓားကိုကြောက် ရမည့် ဘဝမှာ ဦးပေါ်ဆန်းက ခေါင်းငုံ့ပြီး ငြိမ်ခံမနေခဲ့ပါ။ လူ ငယ် များကို စည်းရုံးပြီး ဦးဆောင်ဦး ရွက်ပြုသည်။ အမာခံ ပြည်သူ့စစ် အဖွဲ့တည်ထောင်သည်။ တော ကြောင်များ၏ အနိုင်ကျင့်မှုကို ရဲရဲ ဝံ့ဝံ့အာခံတော် လှန် သည်။ ရွှေယင်း မာရွာကို အလွယ်တကူအနိုင်ကျင့် နှိပ်စက်၍ မရတော့သော အညို ရောင်လူသားများက ဦးပေါ်ဆန်းကို သူတို့၏ နံပါတ် ၁ တရားခံအဖြစ် သတ်မှတ် အငြိုး ထားကြလေတော့ သည်။ ဦးပေါ်ဆန်းက နောက်တွန့် မသွားပါ။ အခန့်မသင့်လျှင် တစ်စစီ ဖြစ်သွားနိုင်သော အခြေအနေကို သိသော်လည်း တစ်လှမ်းမှ နောက် မဆုတ်ခဲ့။ သည်တော့လည်း ရွှေ ယင်းမာတစ်ရွာလုံးက ဦးပေါ်ဆန်း ကို မရှိမဖြစ်ပုဂ္ဂိုလ်တစ်ယောက် ကဲ့သို့ အားကိုးကြသည်မှာ သိပ် တော့မဆန်းပါ။

သောက်ရေအိုးစင်ကိစ္စကို ပြန်ဆက်ရလျှင် ဦးပေါ်ဆန်းလို လူတစ်ယောက်က ရေချမ်းစင် တည်နေသောကိစ္စလောက်ကတော့ ဘယ်သူကမှ အထူးအဆန်းဖြစ်မနေ ကြပါ။ ဆန်းသည်ကတော့ တည်ပြီး သောရေချမ်းစင်တွင် ကမ္ဗည်းထိုး သောအခါတွင်မှဖြစ်၏။(ကွယ်လွန်သူဦးဝဏ္ဏအားရည် စူး၍ ဦးပေါ်ဆန်းနှင့် မိသားစုက လှူဒါန်းပါသည်။) တစ်ရွာလုံးအုတ်အော်သောင်း တင်း ဖြစ်သွားကြလေ၏။ နာမည် ကမ္ဗည်းကို အပြေးအလွှား လာ ဖတ်ကြပြီး ငိုသူက ငိုသည်။ တောက် ခေါက်သူက ခေါက်၏။လက်သီး

ဆုပ်ပြီး အံကြိတ်သူက ကြိတ်၏။ထွီခနဲတံတွေးထွေးသူ ထထွေး၏။ သေချာတာကတော့ကမ္ဗည်းပေါ်မှ နာမည်ကို တစ်ဦးတစ်ယောက် ကမှ ကျေနပ်နှစ်မြို့နိုင်ခြင်း မရှိခြင်း ပင် တည်း။ပေါ်ဆန်းရောဝဏ္ဏပါရွှေ ယင်းမာရွာသား ချက်မြှုပ်စစ်စစ် များ။ ကစားဖော်ကစားဖက်။ အရွယ်ရောက်လာသည်နှင့်အမျှ တဖြည်းဖြည်း ကွဲပြားခြားနား သွား သော သူငယ်ချင်းနှစ်ဦး။ သူတို့နှစ်ဦး ကို ခွဲခြားပေးလိုက်သည့်အရာက တော့ ပင်ကိုစိတ်ခံ၊ သန္ဓေဗီဇ၊ ဝါသနာတို့ပင်။ ပေါ်ဆန်းနှင့် ဝဏ္ဏ တို့နှစ်ဦးသည် အရာရာမှာ ဆန့်ကျင် ဘက်ဖြစ်၏။ ပေါ်ဆန်းက ကိုယ် ချင်းစာအကြင်နာတရားကြီးမား သည်။ ဝဏ္ဏကတစ်ကိုယ်ကောင်း သမား၊ ပေါ်ဆန်းက ရပ်ကျိုးရွာကျိုး အများနှင့် ဆိုင်သော လုပ်ငန်းများ တွင် အားကျိုးမာန်တက် ဝါသနာ ပါ၏။ ဝဏ္ဏက သူ့မိသားစုချမ်းသာ ရေးကလွဲပြီး ခေါင်းထဲမှာ ဘာမှမရှိ။ ပေါ်ဆန်းက လူတိုင်းကို သွေးသား ကဲ့သို့ သဘော ထား၏။ ဝဏ္ဏက ကိုယ်ကျိုးအတွက်ဆိုလျှင် တစ်မိဖွား ချင်းကိုပင် မညှာတတ်။ ပေါ်ဆန်းက မိမိ၏ ရပ်သူရွာသား အတွက်ဆိုလျှင် အသက်စွန့်ဖို့ အဆင်သင့်။ ဝဏ္ဏက ကိုယ်ကျိုး အတွက်ဆိုလျှင် ရပ်သူရွာ သားများကို ခုတုံးလုပ်၍ နှိပ်စက် သတ်ဖြတ်ဖို့ရန် ဝန်မလေးတတ်။ ဘယ်တော့မှ နောက်မတွန့်။

ပေါ်ဆန်းနှင့်ဝဏ္ဏတို့ မိမိတို့၏ သန္ဓေဗီဇအတိုင်း အစွန်းရောက် ကျင့်ကြံအားထုတ်ကြသောအခါ ထိပ်တိုက်ဆုံတွေ့စရာ အခြေအနေ တွေ မကြုံမဖြစ်ကြုံတွေ့ လာ ခဲ့ရပေ တော့သည်။ ပထမအကြီးမားဆုံး ထိပ်တိုက်တွေ့ဆုံမှုက နှလုံးသား ရေးရာကိစ္စဖြစ်၏။ ရွှေယင်းမာရွာ၏ ကွမ်းတောင်ကိုင်အလှပဂေးချော မေဆိုသည်မှာ ရပ် သူရွာ သားတို့၏ အချစ်တော်ကြီးဖြစ်သော ကာလ သားခေါင်းပေါ်ဆန်း၏ ချစ်သူပင်။ ချောမေကို တစ်ဖက်သတ် စွဲလမ်း နေသူကတော့ ရွာ၏အော့ကြော လန်မေတ္တာစိန် ဝဏ္ဏ။ ချောမေ တစ်ယောက် ပေါ်ဆန်းအပေါ်မှာ ဘယ်လောက်ပင် စွဲစွဲလမ်းလမ်းငြိ တွယ်နေကြောင်း သိပြီးဖြစ်သော် လည်း သူ၏ကြိုးစားမှုကို ဘယ်တုန်း ကမှ မလျှော့ခဲ့ပါ။ပေါ်ဆန်းနှင့် ချောမေတို့ မင်္ဂလာရက်သတ်မှတ်ပြီးကြပြီ။ ဝဏ္ဏ တစ်ယောက်မထူးဇာတ်ခင်းတော့ သည်။ ချောမေကို အင်အားသုံး၍ ကွမ်းတောင် ကိုင် အညွန့်လေးကို အနိုင်ကျင့်ဆိတ်ဖဲ့ပစ်လိုက်၏။ သူ့ဘက်ကပင်စ၍ ချောမေကို ချစ် လွန်း၍ မကြံအပ်မစည်ရာကို ကြံလိုက်မိကြောင်း ပေးချင်သည့် အပြစ်ကို ပေးပါ။ ခံယူ ရန် အသင့်ရှိ ကြောင်း၊ ချောမေကို တစ်သက်စာ အတွက် တာဝန်ယူနိုင်ပါကြောင်း ရပ်ရွာကို ကြေညာပြီး မိဘချင်း ထိပ် တိုက်တည်ပေး လိုက်တော့ ၏။ ချောေ မရောပေါ် ဆန်းပါ ဘာမှ မတတ်နိုင်ခဲ့ကြပါ။ လူကြီးမိဘချင်း စပ်ဟပ်ညှိနှိုင်းရာမှ ကွဲပြီးသား အရှက် ပြန်မဆက်နိုင်တော့ဟူသော အကြောင်းကိုပြ၍ လူကြီးများက ချောမေကို ဝဏ္ဏနှင့်ပင် နေရာချထား ပေးလိုက်ရလေတော့သည်။ ဤ သည်ကား ပေါ်ဆန်းနှင့် ဝဏ္ဏ တို့၏ ထိပ်တိုက်တွေ့ဆုံမှုတွင် ပေါ်ဆန်း ဘက်က ပေးဆပ်ခဲ့ရသော ဘဝနှင့် ချီသည့် အရှုံးကြီး တစ်ခုပင်ဖြစ် ၏။

ပေါ်ဆန်းတစ်ယောက် အသည်းကွဲဝေဒနာကို အလူးလူး အလှိမ့်လှိမ့်ခံစားပြီး နှစ်အနည်းငယ် ကြာသည်အထိ အသားမကျနိုင်ခဲ့ ပါ။ သို့သော်တစ်ပါးသူများကဲ့သို့ စိတ်လေ၊ ဘဝပျက်တော့ မခံခဲ့။ ညစ်နွမ်းနေသော စိတ်မှန်သမျှတို့ကို ရပ်ရေးရွာရေးတွင် အရစ်ကုန်မြှုပ်နှံ ပြီး နဂိုထက်ပိုလုပ်ပစ်လိုက်သည်။ ပရဟိတလုပ်ငန်းများဖြင့် အသည်း ကွဲဝေဒနာကို ကုစား၏။ ထိုကဲ့သို့ ရပ်ရွာကိစ္စနှင့် နယ်တကာလှည့် လုပ်ကိုင်ရင်းကပင် အခြားရွာသူ မတင်နီနှင့် ဖူးစာပါခဲ့လေသည်။

လူ့သဘာဝမို့ အိမ်ထောင် တစ်ခု ဖြစ်တည်ခဲ့သော်လည်း အိမ် ထောင့်တာဝန်များကို စိတ်မဝင်စား ခဲ့။ မိမိကိုယ်ကို ရပ်ရွာပိုင်အဖြစ် သဘောထားမြှုပ်နှံပစ်လိုက်ပြီး ကာမ ပိုင်ဖြစ်သွားသော ချစ်သူ ချောမေနှင့် သူ့အသည်းကို သွေး စိမ်းရှင်ရှင်ထွက်အောင် အနိုင်ယူ သွားခဲ့သော ဝဏ္ဏတုိ့ကိုလည်း အာရုံထဲမှ ထုတ်ပစ်လိုက်တော့ သည်။

သို့သော်…..

ပေါ်ဆန်းကို အာရုံထဲမှ ထုတ် မပစ်နိုင်သူနှစ်ဦးကတော့ ဝဏ္ဏနှင့် ချောမေတို့ ဖြစ်နေခဲ့၏။ ချောမေက ပေါ်ဆန်းကို လွမ်းဆွတ်တသခြင်း ရှိမရှိ ကျိန်းသေမသိရသော်လည်း မတရားသိမ်းပိုက်ထားသော ဝဏ္ဏ ကတော့ အချိန်ပြည့်ခံစားနေခဲ့ရ သည်။ ချောမေခပ်တွေတွေလေးဖြစ် သွားသည်နှင့် ပေါ်ဆန်းအကြောင်း တွေးနေသည်ဟု စွပ် စွဲ၍ ပြဿနာ တက်ကြတော့သည်။ ချောမေ၏ ရင်ထဲတွင် ပေါ်ဆန်းက အချိန်ပြည့် လွှမ်းမိုးနေရာယူထားသည်ဆိုသော အသိက ဝဏ္ဏကိုစက္ကန့်မလပ် နှိပ် စက်နေေ လတော့၏။ထိုကဲ့သို့ ခံစားနေရသော သဝန်တိုစိတ်၏ နှိပ်စက်ခြင်းကို ထွက်ပေါက်ရှာသောအားဖြင့် ချောမေကို မတရားစွပ်စွဲရန် လုပ်ခြင်း ဖြစ် သည်။ ချောေ မက အေး တိအေး စက်ဖြင့် မည်ကဲ့သို့မျှ မတုံ့ပြန်သော အခါ ပို၍ပင် ပေါက်ကွဲရတော့ သည်။ ချောမေက မတုန်မလှုပ်နှင့် တုံ့ပြန်သောအခါ ဝဏ္ဏ၏ဒေါသမြား က ပေါ်ဆန်း ဆီသို့ ဦး တည်သွား လေတော့သည်။ အခွင့်အရေးရတိုင်း တိုက်ရိုက်ပုတ်ခတ်ပြဿနာရှာတော့ ၏။

ထို့ကြောင့် ပေါ်ဆန်းနှင့်ဝဏ္ဏ တို့၏ ထိပ်တိုက်ရင်ဆိုင်တွေ့ဆုံမှု က ထိုအကြောင်းတရားပေါ်တွင် အခြေခံ၍ တစ်စထက်တစ်စ ကြီး ထွားလာခဲ့ရလေတော့ သည်။ခေတ် ကာလက ဘယ်သူ့ကို အဖေခေါ်ရမှန်းမသိသော အခြေ အနေ တစ်ကမ္ဘာလုံးကို လောင်မြိုက် သော ဒုတိယကမ္ဘာစစ် မီးက ဝေးလံ ခေါင်သီလှသော နယ်စွန် နယ်ဖျား မှ ရွှေယင်းမာရွာ ကလေးကို တိုက်ရိုက် မလောင်မြိုက်နိုင်သော်လည်း အပူ ဟပ်ခြင်းလောက်တော့ ခံစားကြရ သည်။ ခေတ်ပျက်ထဲတွင် သြဇာ တိက္ကမ တရှိန်ရှိန် တက် လာ သူက တော့ ဝဏ္ဏတစ်ဖြစ်လဲ ဦးဝဏ္ဏ။ လျှပ်ပြက်လိုက်သလို ဗိုလ်ထဖြစ် သော အဖွဲ့အစည်းများတော ကြောင်များ အားလုံးတို့သည် ဦးဝဏ္ဏနှင့်တစ် သား တည်း ဖြစ် သွား ကြ၏။

ဦးဝဏ္ဏခံယူချက်ကတော့ရှင်း ပါသည်။ လူ့ဘဝ၏တန်ဖိုးဟူသည် ရှင်သန်နေရသောအချိန်မှာရှိသည့် အဆင့်နှင့်အနေအထားဖြစ်သည် ဟူ၏။ သူနှင့်သူ့မိသားစု အ ဆင်ပြေ ရေးအတွက် မည်သူ့ကိုမဆို ချနင်း ရမည်ဟူသော သန္နိဋ္ဌာန်ကို စွဲစွဲမြဲမြဲ ဆုပ်ကိုင်ထားခဲ့သည်။ ရွာသူရွာသား များ၏ ချွေးကို ညှစ်ထုတ်ပြီး ခါတော်မီ ဗိုလ် များနှင့် မျှဝေစားသုံး ၏။ လတ်တလောပိုင်ဆိုင်ထားသော အာဏာသြဇာနှင့် မျက်နှာကြီးငယ် မရွေး နိုင်ထက်ကလူပြု၏။ ရွာသူ အပျိုစင် တစ်ဝက်ကျော်ကျော်တို့မှာ ဦးဝဏ္ဏ၏ ဖိနပ်အောက်တွင် မွမွ ကြေခဲ့ရလေသည်။ မည်သူ့ကိုမှ ခွန်းတုံ့ပြန်ခွင့်မပေး ခေါင်းမော့လာ သူတိုင်းကို ဇက်ကျိုးသွားအောင် ဖိနှိပ်နိုင်ဖို့အတွက် ဦးဝဏ္ဏမှာ အဓမ္မ အာဏာ အပြည့်အဝရှိလေ သည်။ ဦးဝဏ္ဏ၏နောက်မှာ ခေတ် ပျက်ဗိုလ်များက ဝန်းရံထားသည် ကိုး။

ထိုအဖွဲ့အစည်းများ အကျိုးကို ဦးဝဏ္ဏက သူတတ်နိုင်သည့် ဘက်မှ ပံ့ပိုးပေးသည်။ အဖွဲ့အစည်းများက ဦးဝဏ္ဏ၏ လူမဆန်မှုများကို တစ်ရစ် ပြီးတစ်ရစ် တိုးမြှင့်နိုင်ရန် ထောက် ပံ့ပေး၏။ သူတော်အချင်းချင်း သတင်းလွေ့လွေ့ပေါင်းဖက်မိကြ သည်မှာ ကိုင်းကျွန်းမှီ၊ ကျွန်းကိုင်း မှီပင်။ ဦးဝဏ္ဏ၏ မျက်စိစပါးမွေး အစူးခံရ သူ များက တောတွင်းစခန်း များတွင် ကူလီဖြစ်သွား၏။ တော တွင်းသခင်များ၏ ဖျော်ဖြေခံ သုံးတောင်ဝတ်များလိုလျှင် ဦးဝဏ္ဏ ဆီမှာ အပူကပ်သည်။ မခက်ခဲပါ။ ရွာ သူတော်တော်များများ ဦးဝဏ္ဏ၏ အခမဲ့ပို့ဆောင်မှုကြောင့် တောတွင်း စခန်းများသို့ရောက်သွားရလေ သည်။ အရှက်နှင့်အသက်လဲသွား ကြသူ မိန်းကလေးများ၊ ပင်ပန်း ဆင်းရဲမှုအောက်မှာ ဒဏ်ပိ၍ ဝဋ် ကျွတ်သွားသော အမျိုးသားများ အပုံလိုက်အထပ်လိုက်။ ဦးဝဏ္ဏ၏ ရန်ကိုကြောက်၍ ရှောင်ပြေးကြ သည့် မိသားစုတွေများလာ လိုက် သည်မှာ ရွာပျက်လုမခန်းပင် ဖြစ်ရ သည်။

ဒီလိုအခြေအနေမျိုးမှာ ပေါ် ဆန်းတစ်ဖြစ်လဲ ဦးပေါ်ဆန်း၏ ကံကြမ္မာက ဗေဒင်မေးရန်မလိုပါ။ တောတွင်းစခန်းသို့ ပေါ်တာအဖြစ် နှင့်စရောက်သောသူမှာ ဦးပေါ် ဆန်း ဖြစ်၏။ ဦးဝဏ္ဏ၏ အထူးတောင်းဆို မှုကြောင့် ပိုပိုသာသာလေး စေခိုင်း ကြသလို အပျင်းပြေနှိပ်စက်သော ကဏ္ဍတွေပင်ပါလိုက်သေးသည်။ မကြာမီပင် ဦးပေါ် ဆန်းရွာသို့ ပြန် ရောက်လာတော့သည်။ တောတွင်း သခင်များက စာနာမှုထား၍ ပြန်ပို့ လိုက်ခြင်းတော့ မဟုတ်။ အနှိပ် စက်လွန်၍ ခြေတစ်ဖက်သေသွား သောကြောင့် ခိုင်းမရတော့၍ ပြန်ပို့ လိုက်ခြင်းသာဖြစ်သည်။

ရွာသို့ပြန်ရောက်လာသော ဦးပေါ်ဆန်းမှာ ချိုင်းထောက်နှင့် သွားလာနေရသောဘဝသို့ ရောက် သွားသော်လည်း အငြိမ်မနေ။ ရပ်ရွာအရေးကိစ္စများကို ယခင်က ထက်ပင် ပိုလုပ်လာခဲ့သည်။ မျက်စိ သူငယ်နားသူငယ်ဖြင့် သွေးပျက် နေသောရွာသူရွာသားတို့ကို နဂို အတိုင်းဦးဆောင်ပြန်၏။ သူတစ်လူ ငါတစ်မင်းကြီးစိုးနေသော အဖွဲ့ အစည်း များ၏ အနိုင်ကျင့်မှုကို တွန်းလှန်ရင်း တိတ်တဆိတ်နည်း လမ်းရှာ ကြိုးပမ်းလေ၏။ အလင်း ရောင်ထဲမှ အကူအညီပေးနိုင်မည် ထင်ရသော အဖွဲ့အစည်းများထံသို့ ဆက်သွယ်သည်။

ဦးဝဏ္ဏကလည်း ဦးပေါ်ဆန်း ကို မျက်လုံးဒေါက်ထောက် ကြည့် ပြီး သူ၏တောကြောင်သခင်များထံ သို့ သတင်းပို့သည်။ တောကြောင် သခင်များ ဒေါသတကြီးရောက်လာ
သောအချိန်မှာ ဦးပေါ်ဆန်းကို မတွေ့ရတော့။ ကြိုတင်သတင်းရရှိ ပြီး အချိန်မီ ရှောင်ရှားနိုင်လိုက်လေ ၏။ ဦးပေါ်ဆန်းကို မမိသော်လည်း တောကြောင်သခင်များက အလွယ် တကူလက်လျှော့ပြန်သွားသည် မဟုတ်ပါ။ နင်မလုပ်ရင် နင့်ဘကြီး ဟူသော မတရားပုဒ်မဖြင့် ဦးပေါ် ဆန်း၏ ဆွေမျိုးသားရင်းများကို မည်းမည်းမြင်ရာ ဆွဲကိုက်လေတော့ သည်။ ဦးပေါ်ဆန်း၏မိဘနှစ်ပါးနှင့် ဦးလေး၊ ညီအစ်ကိုဝမ်းကွဲတစ်ကျိတ် နီးပါး အသက်ဆုံးရှုံးခဲ့ရလေ၏။ ဒေါ်တင်နီနှင့် သမီးသုံးယောက် သည်ပင်လျှင် ရပ်ရွာက ကောင်းမှု ကြောင့် အချိန်မီပုန်းအောင်နိုင် လိုက်သောကြောင့် သက်သာခဲ့ရ လေသည်။ ဆွေမျိုးသားရင်းတင် ခံရတာလားဆိုတော့ ဦးပေါ်ဆန်း ကို ထောက် ခံအားပေးခဲ့ကြသော ရွာသူ ရွာသားများလည်း မချောင်ပါ။

ရွာသူရွာသားအပေါင်း၏ အမုန်းထုထည်ပမာဏက တညီ တညာတည်း ဒီဂရီတက်ခဲ့ကြရ၏။ သို့သော် အခြေအနေနှင့် အချိန်အခါ ကြောင့် မျက်မွေးထော် မော်လို့ပင် မကြည့်ရဲခဲ့ကြပါ။ ဦးဝဏ္ဏ၏ကျေနပ် အားရစွာ တဟားဟားအော်ရယ်သံ ကြီးကို မနိုင်ရင်ကာ မျိုသိပ်ကြိတ် မှိတ်ခံနေခဲ့ကြရလေတော့၏။ရပ်ရွာပေါ်တွင် ဦးဝဏ္ဏ၏ ရက် စက်ယုတ်မာမှုက ဤမျှလောက် နှင့် ရပ်မသွားပါ။ မိမိတစ်ဦးတည်း အဆင်ပြေစွာ ရပ်တည်နိုင်ရေး အတွက် ပစ္စုပ္ပန်ဘဝအတွက်ရော၊ သံသရာအတွက်ပါ တုန် လှုပ် ဖွယ် ရာ ကောင်းလှသည့် အမှုကိစ္စကြီးကို ရဲရဲဝံ့ဝံ့ကျူးလွန်ခြင်းဖြင့် အဆိုးကမ်း ကုန်သွားရလေတော့သည်။ ထို အကြောင်းရင်းကတော့ ….ဦးဝဏ္ဏက သခင် တင်ထား သော လက်နက်ကိုင်အဖွဲ့အစည်း တစ်ခုသည် ရန်ပုံငွေလိုသည် ဟူ သော ခေါင်းစဉ်ဖြင့် ဦးဝဏ္ဏကို တာဝန်ကြီးတစ်ခုပေးလေသည်။

တရားတာတွေ မတရားတာတွေ မသိ။ သူတို့အဖွဲ့တွေ ဆက်လက် ရပ်တည်ရေးအတွက် ကမ္ဘာစစ် မီး အပူဟပ်နေသော ရွာသူရွာသား များကို အရေခွံခွာခြင်းပင်။ စားအိုး စားခွက်ကအစ လိုအပ်သမျှကို သိမ်းယူခဲ့လေ၏။ မွေးမြူထားသော တိရစ္ဆာန်များတစ်ကောင်ပြီးတစ် ကောင် ဝဋ်ကျွတ်သွားခဲ့ရ၏။ ဆောင်ရွက်ပေးသူက ဦးဝဏ္ဏ။ တစ္ဆေကြီးမွေးထားသကဲ့သို့ အာသာမပြေနိုင်သော အဖွဲ့အစည်း က ယုတ်မာပက်စက်မှုကမ်းကုန် သော တာဝန်တစ်ခုကို ဦးဝဏ္ဏအား ပေးလေသည်။ တာဝန် ကိုကြား ကြား ချင်းဦးဝဏ္ဏတစ်ယောက်တွန့်ခနဲပင် ဖြစ်သွားလေ၏။ ချက်ချင်းပင် လုပ် ပေးပါမည်ဟု ကတိပေးလိုက်လေ သည်။ ထိုတာဝန်ကား ရွာထိပ်ရှိ အထင်ကရ သမိုင်း ဝင် စေတီတော် ကြီးကို ဌာပနာတိုက် ဖောက်ခိုင်းခြင်း ပင်တည်း။

ဘာသာတရားမရှိသော လက် နက်ကိုင်ဒိဋ္ဌိများက စေခိုင်းသည်ကို မိရိုးဖလာဗုဒ္ဓဘာသာဝင်စစ်စစ် ဦးဝဏ္ဏကမိမိ၏ရပ်တည်မှု ချောင် လည်ရေးအတွက် လုပ်သည်တဲ့။ သူ တို့၏ အကြောင်းပြချက်ကတော့ တိုင်းပြည်ကြီးကို ကာကွယ်ရန် ဟူ သတည်း။ရွာသူရွာသားတို့၏ အသည်း နှလုံးတို့ သွေးစိမ်းရှင်ရှင် ထွက်သလို နာကျင်ခံ စားကြရ သည်။ သို့သော် ဘာတတ်နိုင်ကြပါမည်နည်း။သမိုင်းဝင်စေတီတော်ကြီးကို ထိပြီဆိုတော့ ပုန်းရှောင်နေသော ဦးပေါ်ဆန်း မနေသာတော့။ အသက်ကို မနှမြောဘဲ ရသေ လာက် တားဆီးရန် ထွက်လာခဲ့ရတော့ သည်။

”သေမယ်မှန်းသိလျက်နဲ့ ငါ့ဆီ ကို ရောက်အောင်လာတာ တော် တော်သတ္တိကောင်းပါလား ပေါ်ဆန်း”
”သေလည်းသေပေါ့ကွာ။ သားစဉ်မြေးဆက်လူကြားလို့မှ မကောင်းတဲ့ အမှုကြီးကို ရသည် ဖြစ်စေ၊ မရသည်ဖြစ်စေ တားမြစ်ရ မှာ ငါ့တာဝန်ပဲကွ။ မင်းဟာ ဗုဒ္ဓ

ဘာသာစစ်စစ်တစ်ဦးဖြစ်တဲ့ အတွက် သံသရာတွေ၊ ငရဲတွေ အကြောင်း ဟောပြောပြနေရမယ့်သူ မဟုတ်ပါဘူး။ မင်းလုပ်နေတဲ့ လုပ် ရပ်က ဘယ်လောက်ကြောက် စရာ ကောင်းတယ်ဆိုတာ မင်းသိပါတယ် ဝဏ္ဏ။ အဲဒါကြောင့် ရပ်တန်း ကရပ်ဖို့ သတိပေးချင်လို့ ငါ့ အသက် ကိုတောင် မနှမြောဘဲ ထွက်လာခဲ့ရ တာပါ။

”တော်စမ်းပါပေါ်ဆန်းရာ။ဘုန်းကြီးလိုလို၊ သူရဲကောင်းလိုလို လာလုပ်မနေစမ်းပါနဲ့။ ငါလည်း အကြောင်းမဲ့လုပ်တာမဟုတ်ပါဘူး။ ငါနဲ့ငါ့မိသားစုရပ်တည်ရေးအတွက် သူတို့ခိုင်းတာကို လုပ်ပေးနေရတာ။ မလုပ်ရင် ငါတို့ဘဝပျက်သွားမှာပေါ့ ကွ။

”မင်းဟာ ဗုဒ္ဓဘာသာဝင်စစ် စစ်တစ်ယောက်ဖြစ်တယ်ဆိုရင် သမိုင်းဝင်ဘုရားကြီးကို ထိရမယ့် အရေးထက် အသက်အသေခံရမယ့် လမ်းကို ရွေးမိမှာပါ”
”သံသရာကနောက်မှကွ။ လောလောဆယ် ကျိန်းသေဒုက္ခ ရောက်ကတော့ မခံနိုင်ဘူးပေါ် ဆန်း။ စေတီတော်မကလို့ ဆင်းတု တော်ကို ခေါင်းဖြတ်ခိုင်းရင်လည်း လုပ်ရမှာပဲ။ အဲဒီလိုအခြေအနေကို ကြည့်နေခဲ့လို့ ဝဏ္ဏဒီဘဝနဲ့ ဇိမ်ကျ ကျ နေနိုင်တာပေါ့ကွ။ သံသရာကို ကြောက်နေရင် မင်းလို ချိုင်း ထောက်တစ်ဖက်နဲ့ ခွေးပြေး ဝက် ပြေးပြေးနေရမှာပေါ့။ ဟင်း..ဟင်း …ဟင်း…”

ဦးဝဏ္ဏနှင့် ဦးပေါ်ဆန်းတို့၏ ညှိနှိုင်းဆွေးနွေးမှု မအောင်မြင်ပါ။ တရားလာချသော ဦးပေါ်ဆန်းကို ဝတ္တရားနှောင့်ယှက်မှုဖြင့် ဖမ်းဆီး ထားလိုက် ၏။ စေ တီေ တ်ာကြီး ကို ပေါ်ပေါ်ထင်ထင်ပင် နေ့ခင်း ကြောင်တောင် ဝင်းခတ်၍ တူးဖော် ဖြိုဖျက်လေတော့၏။ ရွာ၏ အားကိုး အားထားပြုရာ ဦးပေါ်ဆန်းကိုရော၊ အထွဋ် အမြတ် ထား ရာ စေ တီတော် ကြီးပါ ထိပြီဆိုတော့ ရွာသူရွာသား တို့ မခံစားနိုင်ကြတော့။ အသက် သေကြမည့် အရေးကိုပင် မမှုတော့ ဘဲ မိမိတို့တတ်နိုင်သမျှ အား အင် လေးေ တွနှင့် တုံ့ပြန် ဆန့်ကျင်ကြ လေတော့သည်။ ဦးဝဏ္ဏကလည်း မည်သူ့ကိုမျှ မညှာပါ။ ဆန့်ကျင်လာ သူ မှန်သမျှကို ရက်ရက်စက်စက် နှိပ်ကွပ်လေသည်။ တစ်ရွာ လုံးခံ လိုက်ကြ ရ သည် မှာ သွေးချောင်းစီး မတတ်ပင်။

ဦးဝဏ္ဏတို့အဖွဲ့ စေတီကြီးကို တူးဆွဖောက်ထွင်းသောလုပ်ငန်း ဌာပနာတိုက်ကို မရောက်မီမှာပင် ဘုရား၏ တန်ခိုးတော်ဟု ပြောရ မည်လားမသိ။ အချိန်ကာလ အလို က်ပြောင်းလဲလာသော တိုင်း ပြည်၏ အခြေအနေကြောင့် တော ကြောင်သခင်တို့ ခွေးပြေးပြေး ရသည့် အခြေအနေသို့ ရောက်ရှိလာ လာခဲ့လေတော့သည်။ အခြေ အနေ ဆိုးများကို ပြုပြင်ထိန်းသိမ်းမည့် အလင်းရောင်အုပ်စုများ ရေကာတာ ကျိုးသကဲ့သို့ ဖြန့်ကျက်ရောက်ရှိ လာသောကြောင့် ဖြစ်လေတော့ သည်။ ဦးဝဏ္ဏ ကိုးကွယ် ထားေ သာ သခင်မှန်သမျှ တို့ ညက်ညက်ကြေပြီး နေလာ နှင်းပျောက်သကဲ့သို့ ပျောက်ကွယ်ကုန်ကြ၏။ ဦးဝဏ္ဏ လက်ထဲမှ မျော့မျော့ သာကျန်တော့ သော ဦးပေါ် ဆန်းနှ င့် ပေါ က်ပြဲ ပျက်စီးနေသော သမိုင်းဝင်စေတီ တော်ကြီးကို ရွာသူရွာသားတို့ ပြန် လည်ရရှိလိုက်သည်။

အားကိုးရာမဲ့သွားသော ဦးဝဏ္ဏကို အသည်းကြားမှ တူးတူး ခါးခါးမုန်းနေသော ရွာသူရွာသား များလက်ထဲသို့ ထည့်လိုက်ပါက တစ်ယောက်တစ်ချက် လက်ညှိုးနှင့် ဝိုင်းတောက်ရုံနှင့်ပင် ကာလနာတိုက် သွားနိုင်သည်။ သူတို့၏ မှတ်သား ဥာဏ်ထဲမှာ နာလန်မထူအောင်နှိပ် စက်ခဲ့သော ဆွေမျိုးသားရင်းများ ဆုံးရှုံးခဲ့ရသော သာသနာကို မကြောက်မရွံ့ စော်ကားခဲ့သော ယုတ်မာပက်စက်မှုတွေက များလွန်း လှသဖြင့် ခွင့်လွှတ်စရာအကြောင်း  တရား ဘယ်နေရာကမှ ရှာမရနိုင် ခဲ့ကြပေ။ ဦးပေါ်ဆန်းက ရွာ သူရွာ သားများကို တရားဟောသည်။

”ကျွန်တော့်ကိုချစ်ပြီး ကျွန်တော့်စကားနားထောင်ကြလိမ့် မယ်ထင်လို့ ပြောချင်ပါတယ်။ လူ တစ်ယောက်ဟာ သေရဲဖို့ထက် နေရဲဖို့ပိုခက်ပါတယ်။ ဝဏ္ဏကို ခင်ဗျားတို့ သတ်လိုက်ကြမယ်ဆိုရင် သူ့ကို သက်သာအောင်လုပ်ပေးတဲ့ သူ့ဘက်သားဖြစ်သွားပါလိမ့်မယ်။ ခင်ဗျားတို့ပဲ သူ့နေရာကနေ နေ ကြည့်ကြပါ။ သူရက် စက် ယုတ် မာ နေခဲ့သမျှတွေဟာ ခုနစ်ရက်သား သမီး ဘယ်သူကမှ ခွင့်လွှတ်နိုင်စရာ မရှိတဲ့ လုပ်ရပ်မျိုးတွေပါ။ အဲဒီ ပြစ်မှုတွေအတွက် သူ့ကို သတ် လိုက်မယ် ဆိုရင် သေခြင်း တ ရားဆို တဲ့ ပြစ်ဒဏ်တစ်ခုတည်းနဲ့ ပြီးသွား ပါပြီ။ သူဘာမှသိမှာ မဟုတ်တော့ ပါဘူး။ လူ့လောကကြီးထဲမှာ ဆက် နေခွင့်ပေးလိုက်ရင်တော့ သူလုပ်ခဲ့ သမျှယုတ် မာ မှုတွေကြောင့် လူမှု ပတ်ဝန်းကျင်မှာ လူဖြစ်ပြီး လူ တောမတိုးတဲ့ ပြစ်ဒဏ်ကိုတစိမ့်စိမ့် ခံစားနေရတော့မယ်။ အသက်ရှိ နေသ၍ လိပ်ပြာမလုံခြင်း၊ ရှက်ရွံ့ ခြင်း လူမှု ပတ်ဝန်းကျင်ရဲ့ မတူ မတန်ဖယ်ကျဉ်ခြင်းတွေကို နေ့ရှိ သမျှ ခံစားနေရပါလိမ့်မယ်။ သည် တော့ ဝဏ္ဏလိုကောင်မျိုးကို သေပြီး ဘာမှမသိတော့တဲ့ အပြစ်ဟာ သူ လုပ်ခဲ့ တာတွေနဲ့စာရင် ပေါ့ပါးသလို ဖြစ်နေပါတယ်။ အဲဒီလောက်လေး နဲ့ ကျေနပ်မနေကြပါနဲ့။ အသက် မသေဘဲ တစိမ့်စိမ့် ရှက်ရွံ့နောင်တ တွေနဲ့ နပမ်းလုံးရင်း လူဖြစ်ပြီး လူတောမတိုးတဲ့ အပြစ်ဒဏ်ကို သူ့အသက်ရှည်သလောက် ခံစားပါ စေ။ သူ့ကို ဒီအတိုင်း လွှတ်ပေးထား လိုက်ပါလို့ အားလုံးကိုမေတ္တာရပ်ခံ ချင်ပါတယ်” ဦးပေါ် ဆန်းပြောသော အဓိပ္ပာယ်ကို လုံးစေ့ပတ်စေ့ နားလည်ကြသည်မဟုတ်သော် လည်း နားထောင်ကြပါသည်။

”ကျွန်တော်တို့မှာ ပေါ်ဆန်းကို အာရုံထဲကထုတ်ပြီး လုပ်စရာတွေ တစ်ပုံကြီးရှိနေပါတယ်။ ကျွန်တော့် တို့ ဘဝလေးတွေပြောင်ရောင်လာ အောင် ပြာပုံထဲက ရုန်းထကြဖို့ ကျွန်တော်နဲ့အတူ ခါးတောင်းကျိုက် ထားကြပါလို့ ပြောချင်ပါတယ်။ဦးပေါ်ဆန်းနှင့် ရွာသူရွာသား တို့ နေ့မအားညမအားပြန်လည် ထူထောင်ရေးလုပ်ငန်းများနှင့် နပမ်း လုံးကြရတော့သည်။ဦးဝဏ္ဏကွယ်လွန်သွားခဲ့လေ ပြီ။ ဦးပေါ်ဆန်းပြောသလိုပင် နေရဲဖို့ သတ္တိမရှိရှာတော့သော ကြောင့် ကိုယ့်ကိုယ်ကိုယ် သတ်သေ သွားခြင်းဖြစ်၏။ တစ်ရွာလုံးဝတ် ကောင်းစားလှများဝတ်၍ သမိုင်း ဝင်မြတ်စွာဘုရားပွဲကြီးကို ဆင်နွှဲနေ ချိန်တွင် အိမ်ထဲမှာ အထီးကျန်ခို အောင်းနေခဲ့ရ၏။ ငွေကြေး အကုန် အကျခံ၍ အလှူအတန်း လုပ်လျှင် ပင် လာစားမည့်သူမရှိ။ ပွဲလမ်း သဘင်မှ ဆိုင်းသံဗုံသံများကြားတိုင်း ရွာသူ ရွာသားတို့ ဝက်ဝက် ကွဲပျော်ရွှင် နေကြ သည် ကို မြင် တိုင်း မခံမရပ် နိုင်စွာ တစ်ဦးတည်းကျိတ်၍ ချုံးပွဲချ ငိုရသည်အထိ နောင်တတရားတို့ ကြိတ်ချေခြင်းကို နေ့ရှိသ၍ ခံစား ရလေသည်။

ကြာလာတော့ လူဖြစ်ပြီး လူမှု ပတ်ဝန်းကျင်မှ ဖယ်ကျဉ်ထားသော အပြစ်ဒဏ်ကို မခံစားနိုင်တော့ပါ သက်တမ်းမစေ့မီမှာပင် ကိုယ့်ကိုယ် ကိုယ် အဆုံးစီရင်၍ လူ့ဘ ဝကြီးကို အရှုံးပေးထွက်ခွာသွားလေတော့ သည်။ လူမှုပတ်ဝန်းကျင်တစ်ခုလုံး ကို ပက်ပက်စက်စက် ရုပ်ဆိုး အကျည်းတန်စေခဲ့သော ပခုံးနှစ်ဖက် ကြားမှ ခေါင်းပေါက်ေ သာကြောင့် သာ လူဟုခေါ်ရသော မကောင်း ဆိုးဝါးတစ်ဦး မြေသြဇာဖြစ်သွား ခဲ့ရပါလေပြီ။ရွာဦးကျောင်းဆရာတော်က ပင် လေးလေးစားစား ဆက်ဆံရ သော ဘပေါ်ဆန်းကို သောက်ရေ အိုးစင်မှာ ဦးဝဏ္ဏ၏အမည်ကို ကမ္ဗည်းထိုးသောကိစ္စနှင့်ပတ်သက် ၍ မည်သူကမှ မမေးမြန်းရဲကြပါ။ ရွာထဲမှာ နေရာတိုင်း ပွက် ပွက် လှုပ် နေသည်ကို ဘပေါ်ဆန်းသိသော် လည်း မဖြေရှင်း။ အပြောအဆို ခံရ သူများကတော့ ဘပေါ်ဆန်း၏ သမီးများပင်။ ကြာတော့ မခံနိုင် တာ့။ သမီး အကြီးဆုံးက ဘပေါ် ဆန်းကို တိုက်ရိုက်မေးမြန်းလေ တော့သည်။

”ရွာထဲမှာတော့ အုတ်အော် သောင်းတင်းဖြစ်နေပြီ အဖေ။ အဖေကတော့ ဘာရည်ရွယ်ချက်နဲ့ အဲ့ဒီလူကြီးနာမည်ကို ကမ္ဗည်းထိုး တယ်မသိဘူး။ အဖေ့ကို မပြောရဲ တိုင်း သမီးတို့ ညီအစ်မတွေကို ဝိုင်းပြောခံနေရတယ်။ ဘာဖြစ်လို့ အဲဒီလိုလုပ်ရတာလဲ အဖေ”

”သမီးကရော အဖေ ဘာ ကြောင့် အဲဒီလိုလုပ်တယ်လို့ မြင် လဲ။ သမီး သဘောထားလေး ပြော ကြည့်ပါဦး”
”သမီးထင်တာကတော့ အဖေ့ ကို လူတွေက သဘောထား ပြည့်ဝ သူကြီးဆိုပြီး အထင်ကြီးလာ အောင် လုပ်ပြတယ်လို့ ထင်တာပဲ”
သမီးကြီး၏ မကျေမနပ်လေသံ နှင့်မျက်နှာကို သဘောကျဟန်ဖြင့် ပြုံး၍ပြန်ကြည့်ရင်း ပြောလိုက် သည်။

”သမီးက အဖေ့ကို တော်တော် အထင်ကြီးတာပဲ”

ဘပေါ်ဆန်းထံမှ မထင်မှတ် သော စကားကိုကြားလိုက်ရသော ကြောင့် သမီးသုံးယောက်စလုံး အာမေဍိတ်သံတွေသံပြိုင်ထွက်သွား ကြသည်။

”သမီးတို့ရော၊ တစ်ရွာလုံးက ရော အဖေ့ကို ဒေါသဖြစ်နေကြ တာ။ အဖေ့ဘက်က နာလို့မဟုတ် လား။ ဒီလိုလူယုတ်မာမျိုးကို ဒီလောက်အထိခွင့်လွှတ်သဘော ထားကြီးပေးစရာမလိုဘူး။ စိတ်ရင်း ဘယ်လောက်ကောင်းကောင်း ဒီလောက်အထိတော့ သဘောထား မပြည့်ဝသင့်ဘူးဆိုပြီး မခံမရပ်နိုင် တွေ ဖြစ်နေကြ တာ မဟုတ် လား”သမီးသုံးယောက်လုံး တစ် ယောက်မျက်နှာတစ်ယောက် ကြည့် ပြီး နှုတ်ဆွံသွားကြရလေသည်။ ကွယ်ရာမှာ သူတို့ပြောခဲ့ကြသော စကားလုံးများနှင့် ဦးပေါ် ဆ န်းပြော ပြသော စကားလုံးများက တစ်ထပ် တည်းဖြစ်နေသည်မဟုတ်လား။

”အဲဒါ သမီးတို့က အဖေ့ကို အထင်ကြီးလို့ အဲဒီလိုမြင်တာ။ တို့အဖေဟာ အင်မတန်စိတ်ထား မြင့်မြတ်တယ်။ ဘဝတစ်ခုလုံး စိစိ ညက်ညက်ချေပစ်ခဲ့ရုံမက ဆွေမျိုး  သား ရင်းတွေရဲ့ အသက်ပေါင်းများ စွာကို ဖျက်ဆီးသွားခဲ့တဲ့သူ၊ ဒုက္ခိတ ဖြစ်အောင် လုပ်သွားတဲ့သူ၊ တစ်ရွာ လုံးကို အမှုန့်ဖြစ်အောင် ချနင်းသွား တဲ့သူကို ခွင့် လွှတ်ေ ပးနိုင်လောက် အောင် စိတ်ထားမြင့်မြတ်ပြီး သဘောထားပြည့်ဝလွန်းရမလားလို့ ကရုဏာဒေါသောတွေ ဖြစ်နေကြ တာ အဖေ့အဇ္ဈတ္တကို ဖြူစင်လွန်း တယ် ဆိုပြီး အ ထင်ကြီးကြလို့ပေါ့။ အဖေ့ရင်ထဲက ရည်ရွယ်ချက် အမှန် ကိုမှ သမီးတို့ရော၊ တစ်ရွာ လုံးရော မသိကြဘဲနဲ့။ အဲဒီ လူယုတ်မာ တိရစ္ဆာန် နာမည်ကို အဖေလှူ တဲ့ သောက်ေ ရအိုးစင်မှာ ကမ္ဗည်းထိုး လိုက်တာဟာ စိတ်ရင်း မကောင်းလို့ ပညာရှိယုတ်မာနည်းနဲ့ ယုတ်မာပစ် လိုက်တာပဲ သမီးတို့”

”ရှင်”

ဒုတိယအာမေဍိတ်သံပြိုင် တစ်ခုထပ်ပေါ်လာရပြန်သည်။ ရှင်း ပြမှပင် ပိုနားမလည်ဖြစ်ရသည် မဟုတ်လား။ ”ဟုတ်တယ်သမီးတို့၊ အဖေ့ မိသားစုနဲ့တကွ အဖေချစ်တဲ့တစ် ရွာလုံးရော၊ ဘာသာသာသနာကိုပါ နိုင်ထက်စီးနင်း နှိပ်စက်ကလူဂိတ် ကုန်အောင် ယုတ်မာခဲ့တဲ့ ဒီကောင့် ကို အဖေ့ရင်ထဲမှာ ဘယ်လိုမှမကျေ နပ်နိုင်ဘူးသမီး၊ ဘယ်လိုအပြစ်ဒဏ် မျိုးပေးလို့မှလည်း မကျေနပ်နိုင် ဘူး။ ခုလည်းအဖေက တစ်သက်လုံး တစိမ့်စိမ့်ခံစားနေရအောင် ယုတ်မာ တဲ့စိတ်နဲ့ စီစဉ်ထားတယ်။ ဒီကောင် က မခံဘူး။ ကိုယ့်ကိုယ်ကိုယ် အဆုံး စီရင်ပြီး ထွက်ပေါက်ရှာသွားတယ်။ ဒါလည်းအဖေက မကျေနပ်နိုင်သေး ဘူး။ဒါကြောင့် သေပြီးသားသူ့ကို ဘယ်လိုအပြစ် ဒဏ်မျိုး ထပ်ပေးရပါ့မလဲလို့ နေ့ရှိသရွေ့ စဉ်းစားအကြံ ထုတ်နေခဲ့တာ။ လူမဆန်အောင် ယုတ်မာပက်စက်မှုမှန်သမျှကို တစ်ဦးတည်းကန်ထရိုက်ဆွဲသလိုဆွဲ ပြီး ပက်စက်ခဲ့တဲ့ ဒီကောင်တင်မက ဒီကောင့်ရဲ့ သားစဉ်မြေးဆက် အထိ လူမှုပတ်ဝန်းကျင်က ခွင့်မလွှတ်နိုင် အောင် ဖြစ်စေချင်တယ်။

အဖေ့ နာမည်ကို ကမ္ဗည်းမထိုးလည်း အဖေ့ကို ချစ်တဲ့ရွာသူရွာသားတွေ က သူတို့ရဲ့ သားစဉ်မြေးဆက်အထိ မြိန်ရေယှက်ရေ လက်ဆင့်ကမ်းပြော ပြနေကြမှာပါ။ အဖေ့ နာမည်ကို အချိန်ကာလတိုက်စားပြီး မှေးမှိန် သွားမှာ မစိုးရိမ်ရပါဘူး။ ဘယ်လို လူမျိုးက မစ္ဆရိယစိတ်နဲ့ တားမြစ် ထားတားမြစ်ထား အဖေ့ရဲ့ နာမည် ကို ပျောက် ကွယ်မှေးမှိန်အောင် လုပ်မပစ်နိုင်ပါဘူး။အဲ…အဲဒီကောင်ရဲ့ နာမည် ကျတော့ ဘယ်သူကမှ အရေးအရာ လုပ်ပြီး ပါးစပ်သနခံပြောနေချင်မှာ မဟုတ်ဘူး။ ဒီတော့ မျိုး ဆက်တွေ ခြားလာရင် သူ့ရဲ့ယုတ်မာပက်စက် မှုတွေဟာ ဝါးတားတားဖြစ်ပြီး နောင်လာနောင်သားတွေရဲ့ အမုန်း တွေ လျော့ပါးသွားနိုင်တယ်လေ။ အဲဒါကို အဖေက မလို ချင်တာ ဘဲ။ဒီကမ္ဗည်းကို မြင်လိုက်ရင် အဖေ့နာမည်နဲ့ ယှဉ်ပြီး လူတိုင်းက သူ့ရဲ့ ယုတ်မာရက်စက်မှုတွေ လူ မဆန်မှုတွေကို သတိရလာမယ်။ သူ့ကို နာကြည်းတဲ့ အမုန်း တရားတွေ အချိန်ရဲ့ တိုက်စားမှုကြောင့် ဒီဂရီ လျော့သွားမယ့်အရေးကနေ ကာကွယ်နိုင်မယ်။ အဲဒီလိုသတိရ နေရင် သူတို့ရဲ့ သားစဉ်မြေး ဆက် တွေ ကို လက်ဆင့် ကမ်း အမုန်းတွေ ဆက်ပေးနိုင်ကြမယ်။ အဖေ့ရဲ့ အဖြူရောင်ကမ္ဗည်းနဲ့ ယှဉ်ရေးထား တဲ့အတွက် သူ့ရဲ့ အနက်ရောင် ကမ္ဗည်းက ပိုပေါ်လွင်လာမယ်။ သားစဉ်မြေးဆက် လက် ဆင့်ကမ်း အမုန်းတွေနဲ့ လူ့လောကက ရှောင် ရှားထွက်ပြေး သွားတဲ့ လူယုတ်မာ ကို တမလွန်အထိ နာလန်မထူအောင် နှိပ်ကွပ်ချင်လို့ ဒီကမ္ဗည်းကို ထိုးပေး ထားတာ သမီးတို့။ သူ့ကို ခွင့်လွှတ် ပေးတာ မဟုတ်ဘူး။ လက်စားချေ တာ။ သဘောထား ပြည့်ဝမြင့်မြတ် တာမဟုတ်ဘူး။ ပညာရှိ နည်းနဲ့ ယုတ်မာလိုက်တာ ကဲ…သမီးတို့ … ။ အဖေ့ကို စိတ်ထား မြင့်မြတ် သူကြီး၊ ခွင့်လွှတ်နိုင်သူကြီးလို့ ပြော နိုင်ကြသေးလား”

ဘပေါ်ဆန်းက စကားရှည်ကြီး ကို စိတ်အားထက်သန်စွာ လေသံ မာမာနှင့်ပြောပြီး စကားဆုံးသည်နှင့် သမီးများ၏ အဖြေကို မစောင့်တော့ ပါ။ ချိုင်းထောက်ကို ဆတ် ခနဲ ဆွဲပြီး ထထွက်သွားလေတော့သည်။ ဦးပေါ်ဆန်း၏ သမီးသုံးယောက် သာတစ်ယောက်မျက်နှာတစ် ယောက်ကြည့်၍ ခေါင်းတညိတ် ညိတ်လုပ်ပြီး အပြန်အလှန်ပြုံးပြ မိနေကြလေသည်။

သုံးဦးစလုံး၏ ရင်ထဲမှာလည်း အသံထွက်မတိုင်ပင်မိကြပါပဲနှင့် တူညီသော ဆုံးဖြတ်ချက် တစ်ခု ကိုချမိကြလေသည်။ ထိုဆုံးဖြတ်ချက် ကား….သူတို့ အဖေရှင်းပြသလို ရွာ သူရွာသားများကို ရှင်းပြပြီး အနက်ရောင်ကမ္ဗည်းများပဲ ထိုးပေး ကြရန်စည်းရုံးမည်ဟူ၍ပင်တည်း။

သက်ဦးမောင်

ကံ့ကော်တွေလည်း ဖူးလို့ နွေဦးမှာ လေရူးတွေ မြူးတဲ့အချိန်။ ပန်းတွေကလည်း သူ့အခါ သူ့ရာသီနဲ့ သူ ဖူးကြပွင့်ကြသေးဆိုတော့ ကိုထွန်းတစ်ယောက်ြ<ွကင်း ကျန်နေ သေးတဲ့ သဘာဝပတ်ဝန်းကျင်ရဲ့ အလှအပကို တစ်ခဏတာ ငေးမော ရင်း အလွမ်းစိတ်နဲ့ သူငယ်ပြန်ရ ကောင်းနိုးနိုး ဖြစ်သွားခဲ့ပါတယ်။ ဒါပေမဲ့ ဘယ်ရ လိမ့်မလဲ၊ မြန်နှုန်းမြင့် တဲ့ ခေတ်နဲ့အတူ ဖြတ်သန်းနေရ တော့ ကိုယ့်မှာ တယ်လီဖုန်းမြည်သံ တွေ နှောက်လာလို့ စောစောက လွမ်းဖို့ ဟန်ပြင်နေတာလေးဟာ ဘယ် ကိုရောက်သွားမှန်း မသိအောင် ဖြစ်သွားပါလေရော။ ဒီလိုပါပဲလေ၊ ဒီလိုပါပဲ။ ခေတ်နဲ့အတူ ဖြတ်သန်းပြီး စီးပွားရှာဖွေရင်း၊ ခေတ်ပေါ်အီလက် ထရောနစ်ပစ္စည်းတွေ ကို သုံးစွဲရင်း၊ လူမှုကိစ္စတွေထဲမှာ လှုပ်ရှားရင်း …ရင်း … ရင်းနဲ့ပဲ တစ်နှစ်ကူး လို့ တစ်နှစ်ကျူးပြန်ပါတော့မယ်။ အခုလို ရွက်ဟောင်းတွေြေ<ွကလို့ ရွက်သစ်တွေဝေ စအ ချိန် ရောက် တိုင်း စိတ်ထဲမှာ ကြည်နူးမိတာလား၊ လွမ်းမိတာလား မပြောတတ် ဘာကလိုတိုတို – ဘိုကလာတာတာ ကြီး ဖြစ်နေမိတာပါ။ ပြီးတော့ ခံစားမှုဆိုတာ ကလည်း သူ့နေရာနဲ့သူ ဟန်ချက်ညီညီရှိဖို့လည်း လိုပါတယ်။ ဆိုပါစို့ နွေဦး ပေါက်ရင် ဥသြငှက်ရဲ့ တေးသံကို နားဆင်ရတာမျိုး၊ သင်္ကြန်ရောက်ရင်လည်း ပိတောက် ပန်းတွေ ပွင့်တာမျိုးတွေပေါ့။

လွန်ခဲ့တဲ့ ၄နှစ်လောက်က မိုးရာသီအချိန်မှာ စင်ကာပူနိုင်ငံကို ရောက်သွားခဲ့ပါတယ်။ နည်းပညာ တွေနဲ့ ပြုပြင်ဖန်တီးထားတဲ့ ဥယျာဉ် ထဲ လှည့်လည်ကြည့်နေတုန်း သစ် ပင်အမြင့်ဆီ ဥသြငှက်ရဲ့ ဥသြ …ဥသြ… အသံကို ကြား လိုက်ရတော့ အံ့သြသွားပါတယ်။ ကျွန်တော်တို့ဆီမှာ နွေဦးရောက်ရင် ကြားရတတ်တဲ့ ဥသြငှက်ရဲ့ အသံကို နိုင်ငံခြားမှာ မိုးရာသီအချိန်ကြား လိုက်ရတော့ ရင်ထဲမှာ အလွမ်းစိတ် တွေမဝင်တဲ့အပြင် ဘယ့်နှာကြီးပါ လိမ့်လို့ တွေးလိုက်မိပါတယ်။ သင်္ကြန်လည်း ထိုနည်း လည်းကောင်း အတိုင်းပေါ့။ သင်္ကြန်ကျချိန် ပိတောက်ပန်းတွေ ဖူးပွင့်လာတာ မြင်ရရင် စိတ်ထဲမှာ နှစ်ကူးသင်္ကြန်နဲ့ ကြည်နူးစိတ်က ရင်ထဲကို ခိုဝင်လာ လေ့ရှိပါတယ်။ မနှစ်တုန်းက နေပူ ရှိန်က ပြင်းပြီး သင်္ကြန်မတိုင်မီကရော၊ သင်္ကြန်တွင်းမှာရော မိုးတစ်စက်မှ မရွာလို့ ပိတောက်တွေ မဖူးနိုင် မပွင့်နိုင်ကြတော့ သင်္ကြန်အရသာ ဟာ ခြောက်ကပ်ကပ်ကြီးနဲ့ ပြီးဆုံး သွားခဲ့ပါတယ်။ ဟော … သင်္ကြန် လည်းပြီးဆုံးလို့ နှစ်ဆန်း ၂ ရက်နေ့ ရောက်တော့မှ မိုးရွာချတော့ ပိတောက်တွေ ပင်လုံး ကျွတ် ပွင့်လိုက် ကြတာ၊ ဒါပေမဲ့ အချိန်နှောင်းမှ ပွင့်တဲ့ပိတောက်ပန်းတွေကို လူတွေ က စိတ်ဝင်စားမှု နည်းသွားခဲ့ကြပါပြီ။ တစ်ယောက်ဆိုတစ်ယောက်၊ ပိတောက်ဆို ပိတောက် ကလည်း နောက်ကျသွားခဲ့တာကိုးနော။

လူတိုင်းရဲ့ ရင်ထဲမှာ ဒေသရနံ့၊ ဇာတိရနံ့ အလွမ်းတွေ ရှိကြစမြဲပါ။ ကျွန်တော်တော့ နှစ်စဉ်နှစ်တိုင်း လိုလို နွေဦးပေါက်ချိန်ရောက်ရင် ဧရာဝတီမြစ်ကမ်းနားလမ်းကို အမြဲရောက်အောင် သွားတတ်ပါ တယ်။ အရင်တုန်းကတော့ ဂေါဝိန် ဆိပ်ကမ်းကနေပြီး တာရိုးဘောင် အတိုင်း စက်ဘီးနင်းရင်း ပတ်ဝန်း ကျင် ရှုခင်းတွေ ကြည့်ရှုငေးမောပြီး ရွှေကြက်ယက်ဘုရားရောက်တော့ ခဏနား၊ ဘုရင်းရင်ပြင်တော်ပေါ် ကနေပြီး ဧရာဝတီမြစ် တစ်ဖက် ကမ်းမှာရှိတဲ့ စစ်ကိုင်းတောင်ကို လွမ်းမောငေးရီ ကြည့်နေမိပါတယ်။ ဒီအချိန်မှာ ဆရာမြို့မငြိမ်းရဲ့ စစ်ကိုင်းတောင်သီချင်းက နှလုံးသား ထဲကို ရောက်လာခဲ့ပါတယ်။

ပုညရှင် စေတီအပါး၊ စစ်ကိုင်းတောင် အထက်နားဆီက
အရှေ့တစ်လွှား ရှုလိုက်ရင်လေ၊ ဧရာဝတီ၊ ဒုဋ္ဌာဝတီ
နတ်ပန်းချီ၊ ဆေးစုံတွေကွန့် ရော့လေသလား
ဝဲလက်ယာ အတွန့်တွန့်နဲ့၊ အလွန့်အလွန် သာယာပါပေသည်။
တစ်နှစ်ကူးလို့၊ တစ်နှစ်ကျူးပြန်တော့
အသစ်ဖူး ဖြစ်ရပြန်ချေ၊ တော တောင်ရေမြေ၊
ကုန်းနေရေနေ၊ သက်ရှိသက်မဲ့ သတ္တဝါတွေ
လောကဓာတ်ကြီးတစ်ခုလုံး၊ သစ်မို့လို့၊ ဒီနှစ်တွင်လည်း
ချစ်ချစ်ခင်ခင်၊ ပျော်ပျော် ရွှင်ရွှင်နေ

ဆရာငြိမ်းက စစ်ကိုင်းတောင် ပေါ်ပုညရှင်စေတီကနေပြီး သဘာဝ ရှုခင်းမြင်ကွင်းတွေကို ရေးဖွဲ့သွား တာ ဖြစ်ပါတယ်။ ဒါပေမဲ့ ကျွန်တော် ကတော့ ဧရာဝတီမြစ်ရဲ့ အရှေ့ဘက် ကမ်းမှာရှိတဲ့ ရွှေကြက်ယက်ဘုရား ပေါ်ကနေ မျက်နှာချင်းဆိုင်မှာရှိတဲ့ စစ်ကိုင်းတောင်ကိုပဲ ငေးမောရင်း သီချင်းလေး ညည်းနေမိပါတယ်။ သမိုင်းပြောင် မညိုး၊ စစ်ကိုင်း တောင်တော်ရိုးမှာလေ။

မြူခိုးယှက်ဆိုင်း၊ အုံ့မှိုင်း ပြာရီဝေ၊ မှုန်မှုန်ရီဝေ
စေတီပုထိုးဘုရား၊ မိုးပြာမြင့် သီခေါင်ဗွေ၊
တောင်တွေ စိမ့်စမ်း၊ ချောင် တွေ သိန်းသန်း၊
ခေမာသောင်ကမ်း၊ တက်လှမ်း အောင်မြင်မြေ၊
မေဓာဝီကလေး၊ တောမှီထုံးတဲ့၊ ယောဂီသုံးရှာပေ၊

ဟုတ်ပါတယ် နွေဦးရာသီ ညနေခင်းဆိုရင် မြူခိုးတွေ ယှက် ဆိုင်းပြီး အုံ့မှိုင်းပြာရီဝေနေတဲ့ စစ်ကိုင်းတောင်ရှုမြင်ရစမြဲပါ။ စစ်ကိုင်းတောင်ကြီးကို မြစ်မင်း ဧရာဝတီက ပတ် ခါခွေဝိုက် စီးဆင်း နေလျက်ရှိပါတယ်။ စစ်ကိုင်း မန္တလေးဘက်ကို လှမ်းမျှော်ကြည့် လိုက်ရင်လည်း တာရိုးပေါ်မှာ အုပ် ဆိုင်းနေတဲ့ သစ်ပင်ကြီးတွေ၊ လက်ပံ ပွင့်ချိန်ရော က်ရင် တစ်ပင်လုံး ရဲပ တောင်းထနေတဲ့ လက်ပံပင်တန်း တွေ၊ တာရိုးနဲ့ဧရာဝတီမြစ်အကြား မြေနုကျွန်းပေါ်မှာ ရှိနေတဲ့ စိုက် ခင်းတွေ။ တစ်နှစ်တစ်ကြိမ် တွေ့ရ စမြဲဖြစ်တဲ့ သဘာဝရှုခင်းတွေဟာ ဘယ်တော့မှ မရိုးနိုင်ဘဲ ရှိနေပါ တယ်။ လွန်ခဲ့တဲ့ ဆယ့်လေးငါးနှစ် လောက်က ဧရာဝတီမြစ်ဘေးရှိ တာရိုးကို ကမ်းနားလမ်း အဖြစ် ဖောက် လိုက်ေ တာ့ သွားရလာရတာ လွယ်ကူသွားခဲ့ပါတယ်။ အရင်တုန်း က စက်ဘီးလေးနဲ့၊ အခုတော့ ဆိုင် ကယ်နဲ့။ ဒါမှမဟုတ် မော်တော်ကားနဲ့ ပေါ့။ ကမ်းနား လမ်းဘေး အသွား အ လာရှင်းတဲ့ တစ်နေရာမှာ မော်တော်ကားကိုရပ်ပြီး ဆင်ခြေ လျှောမှာ ခြေဆင်းထိုင်ရင်း ညနေ စောင်း ဧရာဝတီမြစ်နဲ့ စစ်ကိုင်း တောင်ရှုခင်းကို ခံစားငေးမောနေမိ ပါတယ်။ ဒါပေမဲ့ ဒီနှစ်တော့လေ၊ ဒီနှစ်တော့ …။ ဧရာဝတီမြစ်နဲ့ စစ်ကိုင်းတောင်မြင်ကွင်းဟာ ကျွန်တော့်ကို ကြည်နူးမှု တစ်ဝက် တစ်ပျက်ခန့်သာ ရရှိခဲ့ပါတော့တယ်။ ဒီနှစ် ရာသီဥ တုဖောက်ပြန်လို့ မိုး မကုန်ခင်ကတည်းက ထိုးထွက်လာ တဲ့ သောင်ပြင်ကြီးဟာ သဘာဝ ရှုခင်းရဲ့အလှကို နှောင့်ယှက်ဖျက်ဆီး နေတာကလား။ ဧရာဝတီမြစ် ခမျာ မြ စ်ကြောင်းတစ်လျှောက် နေရာ အနှံ့ရှိနေကြတဲ့ သောင်တွေကြားက နေ ကွေ့ဝိုက် စီးဆင်းနေရှာပါတယ်။ ပြီးတော့ ဧရာဝတီမြစ်ကမ်းဘေးက ရှမ်းလေး ကျွန်းရွာ အနီးမှာ ဟိုတယ် ဇုန်ကြီး ဆောက်မယ်ဆိုလား၊ အဲဒီ အသံက သဘာဝပတ်ဝန်းကျင်ကို ခံစားချင်တဲ့ ကျွန်တော့်ကို အသက်ရှု ကျပ်သွားစေခဲ့ပါတယ်။ ရွှေဥာဏ် တော်စူးရောက်ပြီး ဘာဖြစ်လို့ ဒီစီမံကိန်းကြီး ရေးဆွဲချင်ကြရတာ လဲ။ ရာသီဥတုဖောက်ပြန်မှုကြောင့် ဧရာဝတီမြစ်ခမျာ နာမကျန်းဖြစ်နေ တာ ကြာပါပြီ။ ဧရာဝတီမြစ် ကျန်း မာရေးကို ကုသပေးဖို့ စိတ်မကူးဘဲ နစ်သထက်နစ်၊ မွန်းသထက်မွန်း အောင် လုပ်ကြတော့မှာလားလို့ တွေးရင်း စိတ်မောသွားမိပါတယ်။ အဲဒီ စီမံကိန်းဆိုတဲ့အသံကြောင့် ရှမ်းလေး ကျွန်းရွာနားရှိ မြေဈေးနှုန်း ကလည်း ကြောက်ခမန်းလိလိ ခုန် တက်သွားပါတယ်။ တစ်ခါတုန်းက လေးငါး ခြောက်သိန်းတောင်မရှိတဲ့ မြေတွေဟာ အခုတော့ တစ်ဧက သိန်းငါးရာတဲ့။ တချို့နေရာတွေ တော့ သိန်းတစ်ထောင်ထိ ပေါက် ဈေးရှိသတဲ့။ ဒီလိုသာဆိုရင် နောက် ဆယ့်လေးငါးနှစ်အကြာမှာ ဘယ်လို ရှိမလဲ။ မတွေးရဲလော က်အောင် ဖြစ်သွားခဲ့ရပါပြီ။

”ဖေဖေ ဒီနှစ်သင်္ကြန် တောင် ကြီးကို သွားမလား” တဲ့။ ရန်ကုန်မှာ နေတဲ့ သမီးကြီးက တယ်လီဖုန်းနဲ့ လှမ်းမေးလိုက်တော့ ချစ်ချစ်က ကျွန်တော့်ကို စူးစမ်းလိုတဲ့ သဘောနဲ့ ကြည့်လိုက်ပါတယ်။ ကျွန်တော်သိပါ တယ်။ ချစ်ချစ်ခမျာ တောင်ကြီးကို တစ်ခေါက်မျှ မရောက်ဘူးလို့ သွား ချင်နေရှာတာပါ။ ဒါပေမဲ့ ကျွန်တော် ကလည်း သင်္ကြန်ဆိုရင် မန္တလေးက နေ တစ်ဖဝါးမှ မခွာချင်။ ကျွန်တော့် စိတ်ကို နားလည်ထားတာမို့ တော့် သဘောပဲလို့ ဆိုလိုက်ပါတယ်။ ဘယ်တတ်နိုင်မလဲလေ။ ကျွန်တော် ကတော့ သင်္ကြန်ဆိုရင် မန္တလေးမှာပဲ ရှိစမြဲပေါ့။

အမှန်တော့ သင်္ကြန်ဆိုတာ လူငယ်တွေရဲ့ ခံစားပျော်ရွှင်မှုပါ။ ဘိုးတော်အရွယ်ရောက်နေတဲ့ ကျွန်တော်တို့နဲ့ ဘာမှ မဆိုင်တော့ ပါဘူး။ဒါပေမဲ့ မန္တလေးအငွေ့ အသက်၊ ရနံ့တွေနဲ့ နွေးထွေးကြီးပြင်း လာတဲ့ ခံစားမှုကို ဘယ်လိုပြောပြ ရမလဲ၊ မန္တလေးသင်္ကြန်မှာ လူငယ် တွေ ပျော်ရွှင်ကြတာကို နံဘေးက ကြည့်ရတာနဲ့တင် ကြည်နူးရင်း ကျေ နပ်ပီတိဖြစ်ရတာကိုက အရသာ တစ်ခုလို ဖြစ်နေပါတယ်။ ဒီလိုနဲ့ ကိုယ့်ဒေသ ကိုယ့်လောကဝန်းကျင် ကို ချစ်ခင်မြတ်နိုးခြင်း၊ အဲဒီက တစ်ဆင့် ကိုယ့်တိုင်းပြည်ကို ချစ် မြတ်နိုးလာရခြင်းဖြစ်ပါတယ်။

ပြောရင် ပိုလွန်းတယ်လို့တောင် တွေးကြမလား မပြောတတ်၊ နိုင်ငံ ခြားသွားတာထက် ကိုယ့်ပြည်တွင်း မှာ နေရာအနှံ့ ခရီးသွားလာရတာ ကိုပဲ နှစ်သက်မိပါတယ်။ ကိုယ့်နို င်ငံ မှာရှိတဲ့ တိုင်းနှင့်ပြည်နယ်တွေ၊ တောင်တန်းဒေသတွေ၊ ကမ်းရိုးတန်း နေရာတွေ တကယ်သွားမယ်ဆိုရင် သွားစရာ အများကြီးပါ။ နေရာအနှံ့ ခရီးသွားလိုက်မှ ကိုယ့်နို င်ငံ အကြောင်း ပိုပြီး သိလာရပါတယ်။ ၂ဝဝ၈ ခုနှစ်က ချင်းပြည်နယ် ကန်ပက်လက်နဲ့ မင်းတပ်မြို့ကို စာပေဟောပြောပွဲ သွားခဲ့ပါတယ်။ ပြန်လာတော့ အဲဒီအတွေ့ အကြုံတွေ ကို ရတီမဂ္ဂဇင်းမှာပဲ လစဉ်အခန်း ဆက်ခရီးသွားဆောင်းပါး ရေးခဲ့ပါ တယ်။ ပြီးတော့ လွင်ပြင်တောင်စဉ် တောင်တန်းများနှင့် ရွက်ြေ<ွကတော သွားတောလား စာအုပ်ကို ထုတ်ဝေ ခဲ့ပါတယ်။

စာဖတ်ပရိသတ်ရဲ့ တုံ့ပြန်မှု က အားရစရာကောင်းလိုက်တာ၊ တချို့က ကျွန်တော့်ဆီကို တစ်ကူး တစ်ကန့် တယ်လီဖုန်းဆက်ပြီး ပြော ကြတယ်။ကျွန်တော့်စာအုပ်ထဲက ခရီး လမ်းအတိုင်း ကန်ပက်လက်နဲ့ မင်း တပ်မြို့ကို သွားခဲ့ကြသတဲ့။ နတ်မ တောင်ပေါ်ကိုလည်း တက်ခဲ့ကြ သတဲ့။ကျွန်တော် စာဖတ်ပရိသတ်ဆီ က ဝမ်းသာ အား ရ ပြောကြတာတွေ ကို နားထောင်ရင်း ကျွန်တော်လည်း ကြည်နူးသွားခဲ့ရပါတယ်။ အခုတော့ နတ်မတောင်ဟာ သဘာဝပတ်ဝန်း ကျင်ကို ရှုမြင်ခံစား ချင်ကြ တဲ့ နိုင် ငံ ခြား သားတွေအတွက် စွဲမက်စရာ နေရာတစ်ခုဖြစ်သွားခဲ့ပါပြီ။ လာကြ တဲ့ ခရီးသည်တွေများလွန်းလို့ ဟိုတယ်တွေက အခန်းတွေတောင် လုံလောက်အောင် မပေးနိုင်ကြတော့ ဘူးလို့ သိရပါတယ်။ နိုင်ငံခြားသား တွေက လေယာဉ်တွေ အဆင့်ဆင့်ပြီး ကျွန်တော်တို့ဆီကို ဘာကြောင့် လာ ခဲ့ရသလဲ။ အဖြေက ရှင်းရှင်းလေးပါ။ မူလပကတိ အတိုင်း ရှိတဲ့ တောတွေ၊ တောင်တွေရဲ့ ရှုခင်းနဲ့ သဘာဝ ရနံ့တွေကို ခံစားချင်လို့ လာကြတာ ဖြစ်ပါတယ်။ ဖွံ့ဖြိုးတိုးတက်တဲ့ သူတို့ဆီမှာ သဘာဝမြင်ကွင်းတွေ ကြည့်ဖို့၊ မြင် ဖို့ဆိုတာ အင်မတန်မှ ခဲယဉ်းသွားပြီလေ၊ ဒီတော့ ကျွန်တော်တို့က စိမ်းလန်းတဲ့ တောင်တန်းတွေ၊ အဖိုးတန်ကျွန်း သစ်တွေရှိတဲ့ သစ်ပင် သစ်တော တွေ ကို ပြနိုင်ရင် ကြီးကြီးမားမား အားထုတ်စရာမလိုဘဲ နိုင်ငံခြား ဝင်ငွေတွေ ရနေမှာပါ။ ဆိုလိုချင် တာက ကျွန်တော်တို့နိုင်ငံမှာ အစဉ် အဆက်တည်ရှိခဲ့တဲ့ သဘာဝ ပတ်ဝန်း ကျင်ရှု ခင်းတွေဟာ နိုင်ငံ တွင်းမှာ နေထိုင်ခဲ့ကြတဲ့ ကျွန်တော် တို့ အားလုံးအတွက် ဘဝနေထိုင်မှုကို ပံ့ပိုးကူညီနေသလို နိုင်ငံခြားဝင်ငွေရ အောင်လည်း ဖန်တီးပေးနေ တာ ဖြစ် ပါတယ်။ ဟိုတုန်းကဆိုရင် ဟင်းသီးဟင်းရွက်ဆိုတာပေါမှပေါ၊ ကျေးရွာတွေမှာ ထမင်းပွဲအတွက် ဟင်းတစ်နပ်စာဆိုတာ ဘာမှ မခဲ ယဉ်းဘူး။ ရွာအပြင်ထွက် လိုက်တာနဲ့ ဟင်းချက်စရာ သီးနှံတွေ အဆင်သင့် ရှိနေပါတယ်။ ပြီးတော့ သားငါး တွေကလည်း ဖောချင်းသောချင်း ရှိပါဘိသနဲ့။

ကျွန်တော်တို့ ငယ်ငယ်တုန်းက ရွာတွေမှာ အလှူပေးရင် ချမ်းသာ သူတွေကတော့ ဝက်သားချက်ပြီး စပယ်ရှယ် ကျွေးကြတာပါ။ဆင်းရဲသားအလှူကတော့ အဲဒီလောက် မတတ်နိုင်လို့ ပုစွန် ခြောက်ချက် (ဒါမှမဟုတ်) ဒုံးခြောက်ချက်နဲ့ မှန်ရောင်ဟင်းချို၊ ပဲတီချဉ်သုပ်နဲ့ပဲ ဧည့်ခံကျွေးမွေးရ တာဖြစ်ပါတယ်။ ကဲ … စဉ်းစား ကြည့်၊ ကျွန်တော်တို့ဆီမှာ စားစရာ အသီးအနှံတွေ၊ သားငါးတွေ ဘယ် လောက်များ ဗုံးပေါလအောပေါများ လိုက်သလဲ။ အခုတော့ အခြေအနေ တွေ ပြောင်းလဲသွားပါပြီ။ မြန်မာ့ ပင်လယ်ပြင်မှာ ငါးပိဖြစ်အောင် ထုတ်လုပ်တဲ့ ကုန်ကြမ်းပစ္စည်း ‘ဂွေး’ တွေ ရှားစပြုလာပြီတဲ့။ ဒီလိုဆိုရင် နောင်တစ်ချိန်သော ကာလမှာ မြန်မာ့အာဟာရ မရှိမဖြစ်တဲ့ ငါးပိ တွေ ရှားပါးစားသောက်ကုန် ဖြစ် တော့မှာလားလို့ တွေးစရာ ဖြစ်လာ ပါတယ်။ ပြီးတော့ ငါးပိဝယ်ရတာ လည်း စိတ်က မဖြောင့်၊ ငါးပိထဲမှာ ဓာတ်မြေသြ ဇာေ တွေ ရာနှောပါနေ တယ်ဆိုတဲ့ သတင်းကြောင့် မျက်ခုံး လှုပ်သွားခဲ့ရပြန်ပါရော။ မြန်မာ့ ပါးစပ်ကို ငါးပိကလွဲလို့ တခြား ဘယ်လိုအစားအစာမှ အစားထိုးလို့ မရပါဘူး။

”မင်းတို့ အင်္ဂလိပ်မုန့်တွေက မစွံပါဘူးကွာ၊ အရသာက ပေါ့ရွှတ်ရွှတ်နဲ့”

တစ်ခါတုန်းက ရန်ကုန်က ပြန် လာတော့ အဖေ့အတွက် ဂျေဒိုးနပ် မုန့်တွေ ဝယ်လာခဲ့ပါတယ်။ အဖေ က တစ်ခုပဲစားပြီး မုန့်လက်ကောက် ကို ထန်းလျက်ရည် ဆမ်း စားရတာက အားရတယ်ကွလို့လည်း ပြောလိုက် ပြန်ပါတယ်။ အဲဒီတုန်းက အဖေ့ကို ကြည့်ရင်း ကျွန်တော် ပြုံးနေမိပါ တယ်။ ဒါပေမဲ့ အသက်အရွယ်လေး ရလာတော့မှ ငါလည်း အဖေ့လို ဖြစ်လာပြီကောရယ်လို့ တွေးလိုက် တာပေါ့နော။ အခုအချိန်မှာ ပါးစပ် တော် အာခံတွင်းက မြန်မာ့ရိုးရာ မုန့်ပဲသရေစာကိုပဲ တမ်းတနေမိပါ တယ်။ စာပေဟောပြောပွဲတွေ ထွက်လို့ အညာကျေးလက်ဒေသ တွေရောက်ပြီး ကြုံကြိုက်ရင် ကတိုး ဝါ၊ မုန့်ပေါက်၊ မုန့်သြဇာစတဲ့ မုန့် တွေကို လက်ဆောင်တောင်းပြီး ယူ လာခဲ့လေ့ရှိပါတယ်။ အိမ်ပြန် ရောက်တဲ့အခါ အိမ်နီးနားချင်းတွေနဲ့ ဆွေမျိုးတွေလည်း ဝေငှပေးရသေး တာပေါ့။ အဲဒီအချိန်မှာ ကျွန်တော့် ကိုယ်ကျွန်တော် ရွာဘုရား ပွဲ အပြန် မုန့်လက်ဆောင်တွေ ဝေငှပေးရ သလို ကြည်နူးခံစားနေမိပါတယ်။

တစ်လောက ရန်ကုန်မှာနေတဲ့ တူမတစ်ယောက် မန္တလေးကို အလုပ်ကိစ္စနဲ့ ရောက်လာပါတယ်။ လေယာဉ်ပျံနဲ့ မနက်ရောက်လာ၊ အလုပ်လုပ်စရာရှိတာတွေ လုပ်၊ ညနေကျတော့ ပြန်မယ့်တူမကို ကြည့်ရင်း စိတ်မသက်မသာ ဖြစ်နေ မိပါတယ်။ သူက မန္တလေးနန်းကြီး သုပ်ကိုစားချင်လို့တဲ့။ ဒါနဲ့ မန္တလေး မှာရှိတဲ့ နာမည်ကြီး မုန့်တီဆိုင် တစ်ဆိုင်ကို ပို့ပေးလိုက်ရပါတယ်။ သူလည်း မန္တလေးသူပါပဲ။ ရန်ကုန် မှာ မန္တလေးမုန့်တွေရှိပေမဲ့ မန္တလေး မှာ စားရတာလောက် အရသာ မကောင်းဘူးလို့ ပြောပါတယ်။ ရုတ်တရက် ကြည့်လိုက်ရင် ဒေသစွဲ ကြီးတာကလားလို့ ထင်မှတ် စရာပါ။ အဲသလို အထင်ခံရလည်း မတတ်နိုင် ဘူးတော်ရေလို့ ပြောရတော့မှာ ဖြစ်ပါတယ်။ ငယ် ငယ် တုန်းက နေထိုင်ပျော်ရွှင်ခဲ့တဲ့ လူမှုဘဝ ဝန်းကျင်နဲ့ ရနံ့တွေ၊ အရောင်တွေက နှလုံးသားမှာ စွဲမြဲနေတာကြောင့် ဖြစ်ပါတယ်။ ကျွန်တော်တော့ ကတိုက် ကရိုက် ပြန်သွားတဲ့ တူမကို မန္တလေးကြိတ်မုန့်လေး မကျွေးလိုက် ရလို့ စိတ်မကောင်းဖြစ်သွားမိပါ တယ်။ တကယ်တော့ မန္တလေးကြိတ် မုန့်ဆိုတာ ကျွန်တော်တို့ မန္တလေးသူ၊ မန္တလေး သားတွေကြိုက်တဲ့ မုန့်ပဲ သရေစာတစ်မျိုး ဖြစ်ပါတယ်။ ခက် တာက သူ့ကို စားချင်တိုင်း စားဖို့က လည်း မလွယ်လှ။

မြို့ထဲလှည့်ပြီး ရောင်းတဲ့ ခေါင်းရွက်ဈေးသည်မို့ လမ်းကြုံမှ ဝယ်စားလို့ ရတာပါ။ (ရတီမဂ္ဂဇင်းက အယ်ဒီတာမမတို့ကိုလည်း မန္တလေး ကြိတ်မုန့်လေးတွေကို ကျွေးချင် လိုက်တာ)။ သင်္ကြန်ပြီးလို့ ရာသီဥတု ပူပြင်းလာတဲ့အချိန်မှာ ဘယ်မှ မထွက်ဘဲ အိမ်ရှေ့ရောက်လာတဲ့ ခေါင်းရွက်ဈေးသည်တွေဆီက မုန့် လုပ်ဆောင်းတို့၊ ကြိတ်မုန့်တို့၊ မုန့် ဦးနှောက်တို့ကို ဝယ်စားလေ့ရှိပါ တယ်။ ကျွန်တော့်လိုပဲ မော်လမြိုင် မှာပဲဖြစ်ဖြစ်၊ ပဲခူးမှာပဲဖြစ်ဖြစ်၊ တောင်ကြီးမှာပဲဖြစ်ဖြစ်၊ ပုသိမ်မှာ ပဲဖြစ်ဖြစ် နေကြ တဲ့ သူတွေ အားလုံး ကိုယ့်ဒေသထွက် အစားအစာလေး တွေကို မက်မက်မောမော ရှိကြမှာ ဧကန်မလွဲ ဖြစ်ပါတယ်။ ဒါဟာ နေခဲ့ရသမျှ လူ့ဘဝမှာရခဲ့ တဲ့ နှစ် သက်ကြ ည်နူးခြင်းဖြစ် ပါတယ်။

ကျွန်တော်တို့ မြန်မာလူမျိုး တွေဟာ လောဘသက္ကာရ နည်းပါး ပါတယ်။ ဇာတိရနံ့တွေ ဝန်းဖွဲ့ ထားတဲ့ ကျွန်တော်တို့တစ်တွေဟာ ကိုယ့်ဒေသလေးမှာ နေကြပြီး ဒီလူ့ အဖွဲ့အစည်းနဲ့အတူ တစ်ဘဝတာကို အေးအေးချမ်းချမ်းနဲ့ ဖြတ်သန်းချင် ကြတာပါ။ ဒါပေမဲ့ ပြောင်းလဲတဲ့ ခေတ်က ကျွန်တော်တို့ရဲ့ ဘဝနေ ဟန်တွေကို ယိုင်နဲ့ လာစေပါတယ်။ တကယ်တော့ လူတွေရဲ့နှလုံးသား ထဲမှာ တစ်ဦးကိုတစ်ဦး အပြန် အလှန်နားလည်ယုံကြည်ပြီး နွေးနွေး ထွေးထွေး ချစ်ချစ်ခင်ခင်နဲ့ ရှေ့ခရီး ကို သွား ချင်ကြတာကလား။ ဒါပေမဲ့ လက်ငင်းရင်ဆိုင် နေကြရတာတွေ က အပူအမောတွေချည်း ဖြစ်ပါ တယ်။ ပွင့်ပွင့်လင်းလင်းပြောရရင် အခုချိန်မှာ အဓိက အရေးကြီး ဆုံး ဖြစ်တဲ့ နိုင်ငံနဲ့ပြည်သူတွေရဲ့ ကောင်းမွန်တဲ့အနာဂတ်ကို ဖန်တီးဖို့ အတွက် အခြေခံဥပဒေ ပြင်ဆင် ရေးကို ဘယ်လိုဆောင်ရွက်ကြမလဲ၊ အပြန်အ လှန် ငြင်းကြ၊ ခုန်ကြ လို့ လည်း မပြီးနိုင်။

နိုင်ငံရဲ့ ကောင်းရာကောင်းကျိုး အတွက် အားလုံးသဘောတူညီတဲ့ ဆုံးဖြတ်ချက်ချမှတ်ပြီး အကောင် အထည်မဖော်နိုင်ရင် တိုင်းပြည်က ဆင်းရဲတွင်းထဲ နစ်သထက် နစ် တော့မှာဖြစ်ပါတယ်။ အခုပဲ ကြည့် ပါ။ သဘာဝပတ်ဝန်းကျင် ပျက်စီး ယိုယွင်းမှုက တစ်နှစ်ထက် တစ်နှစ် ပိုမိုကြီးမားလာပါပြီ။ ဒီအတိုင်း ဆက်ကြမယ်ဆိုရင်ဖြင့် တစ် ချိန်မှာ ကျွန်တော်တို့ နိုင်ငံဟာ တောတွေ တောင်တွေပျောက်ကွယ်ပြီး လွင်တီး ခေါင်ကြီး ဖြစ်သွားတော့မှာလား။ ကိုယ်ပိုင်တဲ့မြေကို ဈေးကောင်း ရတာနဲ့ ရောင်းချပြီး ဟိုရွှေ့ဒီရွှေ့ ရွှေ့ပြောင်းနေထိုင်ကြရင်း နောက် ဆုံးတော့ နေစရာပါပျောက်သွား တော့မှာလား။ ပညာအရင်းအမြစ်က မြ<ွကယ်ဝတော့ အလုပ်ကြမ်းသမား တွေအဖြစ် သူများနိုင်ငံမှာ သွား အလုပ်လုပ်ရ၊ ကိုယ့်နိုင်ငံမှာ လာ ရောက်ရင်း ရင်းနှီးမြှုပ်နှံကြတဲ့ ကုမ္ပဏီတွေဆီမှာ အလုပ်ကြမ်း လုပ်ကြရင်း ဘဝအသက်ကို ဆက် ကြ ရတော့ မှာလား။

အပူအမောတွေကို စီကာ စဉ်ကာ တွေးရင်း သက်ပြင်းမှုတ်ထုတ် လိုက်မိပါတယ်။ မျက်နှာချင်းဆိုင် မှာရှိနေတဲ့ စစ်ကိုင်းတောင်ကြီးကို ကြည့်နေမိပေမယ့် ရင်ထဲမှာ အပူ အမောတွေနဲ့ လုံးထွေးနေတော့ အဲဒီက စိမ်းလန်းတဲ့ တောရိပ် တောင်ရိပ်တွေက ကျွန်တော်ရင်ထဲ ကို အနည်းအကျဉ်းမျှသာ တိုးဝင် လာနိုင်ပါတော့တယ်။ ဘယ် လိုပဲ ဖြ စ်ဖြစ်ပေါ့။

မကြာခင်မှာ တစ်နှစ်ကူးလို့ တစ်နှစ်ကူးပြန်ပါတော့မယ်။ လာ မယ့် နှစ်သစ်မှာ ကျွန်တော်တို့အား လုံး ငြိမ်းငြိမ်းချမ်းချမ်း ပျော်ပျော်ရွှင် ရွှင် ရှိနေချင်ပါတယ်။ ရတီမဂ္ဂဇင်းရဲ့ စာဖတ်ပရိသတ်တွေအားလုံး နှစ်သစ်မှာ နှလုံးစိတ်ဝမ်းချမ်းမြေ့ကြ ပါစေလို့ ဆုတောင်းလိုက်ရပါတယ်။ ဆရာမြို့မငြိမ်းကတော့ တစ်နှစ်ကူးလို့၊ တစ်နှစ်ကျူးပြန် တော့၊ အသစ်ဖူးဖြစ်ရပြန်ချေ၊ တော တောင်ရေမြေ၊ ကုန်းနေရေနေ၊ သက်ရှိသက်မဲ့ သတ္တဝါတွေ၊ လောကဓာတ်ကြီး တစ်ခုလုံးသစ် လို့မို့၊ ဒီနှစ်တွင်လည်း ချစ်ချစ်ခင်ခင်၊ ရွှင်ရွှင်ပျော်ပျော်နေ…တဲ့။ မှန်ပါ တယ်။ ကျွန်တော်တို့အားလုံး ဘေး ရန်ခပ်သိမ်း၊ ရောဂါခပ်သိမ်း၊ ဒုက္ခ ခပ်သိမ်း ကင်းငြိမ်းပြီး၊ မေတ္တာရနံ့ တွေ ဝန်းယှက်တဲ့ လူ့အဖွဲ့ အစည်းမှာ ချစ်ချစ်ခင်ခင်နဲ့ ပျော်ပျော်ရွှင်ရွှင် နေထိုင်ကြရင်း တစ်နှစ်တာခရီးကို ဖြတ်သန်းနိုင်ကြရင်ဖြင့် အကောင်း ဆုံးပေါ့လေ။ အကောင်းဆုံးပေါ့။

ကိုထွန်း-လမ်း(၈ဝ)

မိတ်ကပ်အရည်ပျော်ခြင်း ရပ်ပစ်ဖို့ နည်းလမ်း များ

နွေရာသီ ဆိုတာ လှပတဲ့ ပန်းတွေ၊ တောက်ပ တဲ့ ဝတ်စုံလေးတွေ ၊ သာယာတဲ့ ရှုခင်းနဲ့ စုံလင်တဲ့ ပွဲတွေရှိတဲ့ သိပ်ကို ပျော်စရာပေါ့။ ဒါပေမဲ့ မိတ်ကပ်တွေ အရည်ပျော် တာ၊ ချွေးနဲ့အတူ လိုင်နာ တွေ မျက်လုံးက ပျော်ကျတာ၊ နှုတ်ခမ်းနီ က စေးကပ် လာတာတွေ ကတော့ ပျော်စရာတွေထဲ မပါဘူးပေါ့။ ဒီလမှာတော့ ဒီလိုလှတဲ့နွေ ရဲ့ နွေမင်းသမီး လှလှလေး ဖြစ်အောင် အဲဒီပြဿနာ တွေကို ဘယ်လို ရှင်းမလဲ ဆိုတာ ပြောပြမယ်နော်။ တကယ်တော့ ရာသီဥတု စိုထိုင်းတာ ပဲဖြစ်ဖြစ် ပူတာဖြစ်ဖြစ် စိန်ခေါ်မှုတွေ ပါပဲ။ ဒါတွေကို ရင်ဆိုင်ဖို့ ကတော့ အပြောင်း အလဲလေးတွေ နည်းနည်း လုပ်လိုက်ရင် ဖြစ်ပါတယ်။

SPF – Moisturizer ကို သုံးပါ

အဲဒါတွေက အဆီမပါတဲ့ အစိုဓာတ်ထိန်း Moisturizer ကိုတော့ SPF ပါဝင်တာ ရွေးချယ် ပါ။ ဒီရာသီမှာ အဆီ ပိုပြန်တဲ့ အဆီမပါတဲ့ SPF ပါ Moisturizer နဲ့ Lotion များကိုသုံးပါ။

ပေါင်ဒါကို အခြေခံတဲ့ အလှကုန်များကို သုံးပါ။

အရေပြားပေါ်က အဆီပြန်တာတွေ နဲ့ လေထဲက အပူဓာတ် အစိုဓာတ်တွေ ဓာတ်ပြုတာ ကို ခုခံဖို့ကတော့ ပေါင်ဒါက အကောင်းဆုံး ပါပဲ။ ဒါ့ကြောင့် Oil Free ပေါင်ဒါကိတ် နဲ့ တို့ဖတ်လေး ကို ဆောင်ထားဖို့ လိုသလို ပေါင်ဒါကို အခြေခံထား တဲ့ foundations,  eye shadows နဲ့ blusher တွေကိုသုံးပါ။

ပျားဖယောင်းကထုတ်တဲ့ နှုတ်ခမ်းနီကိုသုံး

ကြာရှည်ခံတဲ့ နှုတ်ခမ်းနီကို ဆိုးချင် ရင်တော့ ပျားဖယောင်းကို အခြေခံ ထုတ်ထားတဲ့ နှုတ်ခမ်းနီ ကိုသုံးခြင်းက အရည်ပျော် ပျံ့လွင့်ခြင်းက ကင်းဝေး စေပါတယ်။

သင့်ရဲ့ မျက်တောင်ကော့ဆေးကို သေချာရွေးချယ် ပါ

ချွေးတွေ စို့လာတာနဲ့ မျက်ဝန်းအိမ် တစ်ဝိုက် မှာ မျက်တောင် ကော့ဆေးတွေ ပြန့်လာရင် ကြည့်ရ ဆိုးပါတယ်။ ဒါကိုဖြေရှင်းဖို့ က အရည် အသွေးကောင်းပြီး ရေစိုခံတဲ့ မျက်တောင်ကော့ဆေး ကို သုံးလိုက်ရုံပါပဲ။ ဒါပေမဲ့ ကြာရှည် ခံအောင် လုပ်ထားတဲ့ မျက်တောင် ဆိုးဆေးတွေ က မျက်လုံး ကို ယားယံစေတတ် တဲ့ ပြဿနာ ရှိ တတ်တော့ စိတ်ချ လို့ရအောင် မိမိဆိုးတဲ့ မျက်တောင်ကော့ ဆေးအရောင် အပေါ်ကနေ မျက်တောင်ကော့ ဆေးရိုးရိုး အကြည်ကို ထပ်အုပ်ပြီး ဆိုးလိုက်ပါ။

မျက်လုံးလေးတွေတောက်ပနေပါစေ

ဒီရာသီက သင့်မျက်လုံးလေး ကို လင်းလက် နေအောင် လုပ်သင့်တဲ့ အချိန်ကောင်းပဲ။ ကြေးညို ရောင်ကနေ ရွှေရောင်သန်းတဲ့ ပန်းနုရောင် လက် လက်လေးတွေ အထိ နွေနဲ့ လိုက်ဖက်ပါတယ်။ မျက်လုံးရှဲဒိုး ကတော့ ခရင်မ် အမျိုးအစားကနေ ပေါင်ဒါရှဲဒိုး အထိ ကြာရှည်ခံတဲ့ ကြိုက်တဲ့အမျိုး အစားကို ရွေးသုံးနိုင်ပါတယ်။ ဥပမာ Shiseido Makeup Shimmering Cream Eye Color နံပါတ် WT 901 လိုမျိုး သင့်မျက်လုံးတွေကို တောက်ပစေတဲ့ အရောင်မျိုးနဲ့ ခရင်မ်ပေါ့။

နွေမိတ်ကပ်ကို ဘယ်လိုလိမ်းမလဲ

အဆင့် ၁ – နူးညံ့တဲ့ မျက်နှာသစ်ဆေးကို သုံးပါ။ အခြောက်ခံပြီး နွေနေကို ကာကွယ်ဖို့ SPF 15 လောက် အနည်းဆုံးပါတဲ့ Facial Moisturizer  ကို သုံးပါ။

အဆင့် ၂ – မျက်နှာကို moisturizer လူးပြီးတဲ့အခါ မိတ်ကပ် မလူးခင် Primer ကို သုံးရမှာပါ။  သူက အိမ်သုတ်ဆေးတွေ ရဲ့ primer လိုပဲ အပေါ်မှာ ထပ်လူးမယ့် အရာတွေ ကို ချောမွေ့ သွားစေတဲ့ အောက်ခံ အမျိုးအစားပါ။  ဒါ့ကြောင့် နွေဟာ တစ်နေကုန် ကြည့်ကောင်း အောင် မိတ်ကပ် လူးဖို့ အောက်ခံ အဖြစ် Primer သုံးဖို့ တကယ့် အချိန်ကောင်းပါပဲ။ Primer  ကို ပြန်ဖျက်ချိန် မှာတော့ Make up remover လိုမယ်နော်။

အဆင့် ၃ – မိတ်ကပ်ကို ခပ်ပါးပါးလိမ်းပါ။ ပေါ့ပေါ့ပါးပါးလေးတွေ ဝတ်ရတဲ့ရာသီမို့ မိတ်ကပ် ကိုလည်း ခပ်ပါးပါးလေးပေါ့။ အောက်ခံ အစိုဓာတ် ခရင်မ်နဲ့ လိုက်ဖက်တဲ့ မိတ်ကပ်ကို လိမ်းပါ။ ဒီရာသီအရာ SPF သင့်တင့်စွာ ကာကွယ်နိုင်နှုန်း ပါဝင်တဲ့ မိတ်ကပ်တော့ ဖြစ်သင့်ပါတယ်။

အဆင့် ၄ – ပေါင်ဒါရိုက်ပါ။  သင့်မျက်လုံး လေးတွေကို ပိုတောက်ပ၊ သွားလေးတွေ ကို ပိုဖြူစင်၊ မြင်လိုက်တာနဲ့ ပေါ်လွင်နေအောင် မိတ်ကပ် လူးပြီးတာနဲ့ Powder Bronzer တစ်မျိုး ကို လိမ်းပါ။ သဘာဝဆန်စွာ လှနေဖို့တော့ အထူးသဖြင့် ပေါင်ဒါ သေချာရိုက်ရမှာက နေနဲ့ ပိုထိနိုင်တဲ့ မျက်နှာရဲ့ မို့မောက်တဲ့ အစိတ် အပိုင်း တွေဖြစ် တဲ့ နဖူး၊ ပါး ၊ နှာခေါင်းနဲ့ မေးတွေကို ပေါ့။

ပြီးရင် ကွန်ဆီလာ သုံးတတ်ရင် မျက်လုံး အောက်နားနဲ့ Blemish ကွန်ဆီလာကို ဒီအဆင့် မှာသုံးပါ။ မသုံးရင်တော့ နောက်တစ်ဆင့်ကို ဆက်ပြင်ပေါ့။

အဆင့် ၅ -Bronzer  ဒါမှမဟုတ် Blush   ကို သုံးရမယ့်အဆင့်ကို ရောက်ပါပြီ။ ပါးအို့လေး တွေ ပါးရိုးလေးတွေ ကိုတော့ ပါးနီလေးတွေ သင့်ရုံခြယ်ပါ။ နှာတံ၊ မေးစေ့နဲ့ လိုအပ် တဲ့နေရာ လေးတွေ ကိုတော့ လိုအပ်တဲ့ အရောင်လေးတွေ တင်ပါ။ များသောအားဖြင့် နှာတံ သိပ်မပေါ်တဲ့ သူတွေအတွက် အညိုရောင်ဖျော့လေး ကို မသိ မသာ နှာတံပေါ် လူးပေးပြီး မေးစေ့ နဲ့နဖူး၊ မျက်ခုံးရဲ့ ညာဘက်ခြမ်း တွေကိုတော့ အဖြူရောင် တောက်တောက် ခပ်ပါးပါး ခြယ်ပြီး လင်းအောင် ပြင်လေ့ရှိပါတယ်။

အဆင့် ၆  – မျက်တောင်လေးတွေ ကိုတော့ ရေစိုခံတဲ့ မျက်တောင်ကော့ ဆေးလေး သင့်ရုံသုံး ပါ။ တစ်ခါ တလေတော့ အနက်ရောင်ထက် အညိုရောင် ဖျော့ဖျော့လေး က မျက်တောင်များကို ထူထဲဟန် ရှိစေပြီး ထင်ရှား သိသာစေပါတယ်။ လိုင်နာ မသုံးလည်း ရပါတယ်။

အဆင့်၇ -SPF အကာအကွယ် ပါတဲ့ နှုတ်ခမ်းဆိုးဆေး/lip glossကိုသုံးပါ။ အဲဒီ အပေါ်မှာမှ အရောင်နုနု ဒါမှမဟုတ် ပန်းနုရောင် ဒါမှမဟုတ် မက်မွန်ရောင် နှုတ်ခမ်း နီလေး ဆိုးပါ။ အရောင်နဲ့ ပတ်သက်လို့ မစိုးရိမ်ပါနဲ့။ သဘာဝ ဆန်တဲ့ အရောင်ဖြစ်ပြီး တောက်ပနေရင် ရပါပြီ။

ဒါဆိုရင်တော့ ပုံမှန် Summer Make up လိမ်းခြယ်ခြင်း ပြီးပြီပေါ့။

နောက်ပြီး ကြာရှည်လှနေအောင် ဆောင်ထားရမှာ လေးတွေက…

အဆီစုပ်တဲ့စက္ကူလေးတွေ

အလှကုန်ရောင်းတဲ့ ဆိုင်တွေမှာ အဆီစုပ်တဲ့ စက္ကူ ပါကင်လေးတွေ ဝယ်ထားပါ။ သွားလေရာ ဆောင်ထားပြီး ပူအိုက် စိုစွတ်တဲ့ ရာသီမှာ မျက်နှာ က အဆီပြန်လာရင် မျက်နှာမှာ အသာလေး ကပ်ဖိပေးပြီး အဆီ ပိုတွေကို ဖယ်ရှားပစ်ပါ။ ဒီလို လုပ်ခြင်းအားဖြင့် မိတ်ကပ် ကြာရှည်ခံပြီး သင့် အသွင်အပြင်ကို လန်းဆန်းစေပါတယ်။

တို့ဖတ်နဲ့ ပေါင်ဒါကိတ်

တို့ဖတ်လေးနဲ့ပြန်တို့ပြီး မျက်နှာကို သပေးမှ လှမြဲလှနေမှာ ဆိုတော့ ပေါင်ဒါကိတ် ဘူးလေးနဲ့ တို့ဖတ်လေးကို သွားလေရာ မပါမဖြစ် သယ်သွား နော်။

ဘီးနဲ့ Hair Accessories
လှပတဲ့ ခေါင်းစည်းလေးတွေ၊ Headband တွေကို သုံးဖို့ အချိန်ကောင်းပါပဲ။ ပူအိုက်တဲ့ ရာသီဥတုကို အံတုဖို့ လူငယ်ဆန်တဲ့ ဆံထုံးအလွယ် ထုံးနည်းတွေ ကို လေ့လာ ပြီး ဆံထုံးလေးတွေထုံး၊ ခေါင်းစည်းကြိုး လှလှလေးတွေ သုံးပါ။ နောက်ပြီး ဆံပင်ကို ကြက်တောင်စည်း ခပ်ဖျော့ဖျော့လေး စည်းတာ၊ ကျစ်ဆံမြီး လျော့လျော့လေးတွေ ကျစ်တာ တို့ကလည်း သင့်ဆံပင်က မျက်နှာကို အနှောင့်အယှက် မဖြစ်အောင်နဲ့ ပိုကြည့်ကောင်း အောင် ထိန်းပေးမှာပါ။ တောက်ပတဲ့ ကလစ်တွေ ကို သုံးဖို့ အချိန် လည်း ဖြစ်ပါတယ်။ ဒါကြောင့် သင့်အိတ်ထဲမှာ ဘီးနဲ့ ခေါင်းစည်းလေးတွေ၊ ကလစ်လှလှလေးတွေ ထည့်ထားဖို့ ၊ သင့်မှန်တင်ခုံ မှာ ရှိနေဖို့ မမေ့သင့်တဲ့ အချိန်ပေါ့။

မာဦး

Model : Yi Yi Pwint Phyu
Make up : December Hnin
Designer : Shartra
Photo : Ko Linn (Studio -K)
Arranged : Thida Soe

မော်ဒယ် – နန်းဆုရတီစိုး
မိတ်ကပ် – ဝေဝေ (MRTV4)
ဒီဇိုင်းနာ – မဌေးဌေးတင် (Shi Mi Zu)
ပိုးထည် – အင်ကြင်းခိုင်
ဓာတ်ပုံ – ကိုနိုင် (ပေါ်ပြူလာ)
စီစဉ်သူ – သီတာစိုး

ဒါရိုက်တာ ညိုမင်းလွင်၏ ‘မီးခွက်ဈေး’

(၁)
မြန်မာ ဗီဒီယိုကား များသည် အရေ အတွက် များသော်လည်း အရည်အချင်း ကမူ ညံ့မြဲ ညံ့လျက် ရှိနေပါသေးသည်။ အကြောင်းရင်းမှာ မြန်မာ့ ရုပ်ရှင် အနုပညာသည် များ ညံ့နေ၍ မဟုတ်။ နည်းပညာအရ ခေတ်နောက်ကျ နေခြင်း ပါသလို ထုတ်လုပ် သူများ၏ အဆုံးအဖြတ် အပေါ် အနုပညာရှင်များ ရပ်တည်နေ ရသောကြောင့် လည်း ဖြစ်သည်။ အဆိုးဆုံး မှာ မင်းသား ဗဟိုပြု ဈေးကွက်ကြီး ခိုင်မြဲနေခြင်း ပင်ဖြစ်ပါသည်။

ဤသို့သော အခြေအနေတွင် ဒါရိုက်တာ ညိုမင်းလွင်၏ ‘မီးခွက်ဈေး’ ကို ကြည့်ရပါသည်။ ဇာတ်လမ်း ဒေါင်းဒင်္ဂါး၊ ဇာတ်ညွှန်း ဝင်းမြင့်ဦးဖြစ် ပြီး သရုပ်ဆောင် အဖြစ် ညိုမင်းလွင် ကိုယ်တိုင် ပါဝင်သရုပ်ဆောင်ထားသည်။

‘မီးခွက်ဈေး’ သည် မြန်မာ့ လူ့အဖွဲ့အစည်းထဲ တွင် အမှန်တကယ် ရှိနေသော သရုပ်မှန် ဗီဒီယို ဇာတ်ကား တစ်ကား ဖြစ်သည့် အပြင် ခေတ်ကို ရောင်ပြန် ဟပ်စေနိုင်သော ဇာတ်ကား တစ်ကား လည်းဖြစ်သည်။ ဆင်းရဲသား မိသားစုတစ်စု၏ ဘဝ ဖြတ်သန်းမှုကို ရိုက်ကူး ထားသည်။ ထိုသို့ ရိုက်ကူးရာတွင် ညိုမင်းလွင် သည် လူ့လောကထဲ မှ လူများနှင့် အနီးစပ်ဆုံး တူညီနေအောင် သူ့သရုပ်ဆောင် များကို ညွှန်ကြား ပြသနိုင်ပါသည်။ ‘မီးခွက်ဈေး’ သည် သူတကာ ဗီဒီယို ကားများကဲ့ သို့ ဇာတ်လမ်း အသားပေး ဇာတ်ကားမဟုတ်။ ထို့ကြောင့်လည်း ဇာတ်လမ်း အလှည့်မပါ။ ဇာတ်လမ်း ဟူ၍ပင် ပြောပလောက်အောင် ဘာမှ မရှိ။ မုဆိုးမ မိခင်ကြီးနှင့် သားသမီး သုံးယောက်ရှိ သည်။ သား အကြီးက သုခ၊ သားအငယ်က ချမ်းသာ၊ သမီးငယ်က ရွှေစင်။ သုခ (ညိုမင်းလွင်) ၌ ချစ်သူ ရှိသည်။ သူ့နာမည်က ခင်ဦး။ သုခနှင့် ခင်ဦး တို့လက်ထပ်နိုင်ရန် သုခက အလုပ်လုပ်ရင်း စုဘူးထဲသို့ ထည့်ကာ ငွေစုသည်။ စုဘူး ပြည့်လျှင် လက်ထပ်ကြမည်။ မပြည့်မီ ညီဖြစ်သူ ချမ်းသာက သူ့ချစ် သူ နွေးနွေး ကို ခိုးပြေးသည်။ နွေးနွေးမိဘ များက သဘောမတူ။ သုခတို့အိမ်သို့ လာပြီး မှိုချိုး၊ မျှစ်ချိုးပြော၍ သုခနှင့် ပဋိပက္ခ ဖြစ်သည်။ ညီမ ဖြစ်သူ ရွှေစင်က ကိုရီးယား ဇာတ်လမ်းတွဲ ကို အလွန် ကြိုက်သဖြင့် သူငယ်ချင်း အိမ်တွင် သွား ကြည့်ပြီး မိုးချုပ်မှ ပြန်လာသည် ကို သုခက မကြိုက်။ သို့နှင့်ပင် ညီမ အတွက် TV ဝယ်ပေး ရန် ဆုံးဖြတ်ပြီး စုဘူးတစ်ခု ပြုလုပ်ပြန်သည်။ ထိုအချိန်တွင် ချမ်းသာတို့ အဆင် မပြေသဖြင့် အိမ်သို့ပြန်ခေါ် လာပြီး သူ လက်ထပ်ရန် စုထား သော စုဘူးကို ပေးလိုက် သည်။ ဒါကို သုခက ခင်ဦးကို ပြောပြသည်။ ခင်ဦးက ခွင့်လွှတ်သည်။ ဇာတ်၏ နိဂုံးပိုင်း တွင် ထုံးစံအတိုင်း ဗီလိန်ပါလာ သည်။ ဗီလိန်မှာ ကိုရီးယားပြန် ဟု သူ့ကိုယ် သူ ပြောပြီး ကိုရီးယားကို သွားချင်နေသော မိန်းကလေး များကို ဖျက်ဆီးနေသော မင်းဇံဖြစ်သည်။ စာရေးဆရာသည် ကိုရီးယား ယဉ်ကျေးမှု များ ရုပ်ရှင်မှ တစ်ဆင့် မြန် မာနိုင်ငံ ထဲသို့ စိမ့်ဝင် ပျံ့နှံ့နေသည်ကို မလိုလား။ သို့နှင့်ပင် ကိုရီးယား ဇာတ်လမ်းတွဲ များကို ကြည့်ပြီး ကိုရီးယားကို သွား ချင်နေသော ရွှေစင်နှင့် မင်းဇံ တို့ကို ချစ်သူ အဖြစ် ဖန်တီးလိုက်သည်။ အချစ်နယ်လွန်ကြသည်။ ကိုယ်ဝန် ရလာသောအခါ သုခ၏ မိခင်ကြီးက သမီးကို လက်ထပ်ပေးပါရန် တောင်းပန် တိုးလျှိုး ပြောသည်ကို လက် မခံ။ အရှက်ကွဲမည် စိုးသဖြင့် ကိုယ်ဝန် ဖျက်ချရာမှ သွေးလွန်ပြီး ရွှေစင် ဆုံးသည်။ သုခသည် မခံနိုင်ဘဲ မင်းဇံကို သတ်ပြီး ထောင်ထဲ သို့ဝင်သည်။ သုခသည် ခင်ဦးမွေးနေ့ တွင် နားကပ်တစ်ရန် လက်ဆောင်ပေးသည်။ ခင်ဦး နားဖောက်ရာတွင် HIV ပိုးကူးပြီး AIDS ဖြစ်နေ သည်။ ခင်ဦးက မင်းဇံကို လက်စားချေ လိုသဖြင့် မင်းဇံဆီ သို့သွားပြီး ကိုရီးယား သွားချင်သည်ဟု ပြောသည်။ မင်းဇံက တောင်းဆိုသဖြင့် မင်းဇံနှင့် ညအိပ်ပြီး မင်းဇံကို လက်စားချေသည်။ ခင်ဦး သည် သူ့တွင် HIV ပိုးရှိနေကြောင်း သုခအား အသိမပေးခဲ့။ မင်းဇံကို လက်စားချေသည်ကို လည်း သုခကို မပြောခဲ့ပါ။ ညိုမင်းလွင် အချုပ်ခန်း ရောက်တော့မှ ခင်ဦးက ဖွင့်ပြောသည်။

(၂)
ညိုမင်းလွင်ကို ချီးကျူး လိုသည်မှာ ‘မီးခွက် ဈေး’ တွင် လောက်လောက် လားလား အားကိုးရ သော၊ ဈေးကွက်ဝင်သော သရုပ်ဆောင် တစ်ဦးမှ မပါ။ မင်းသား ဗဟိုပြု ဈေးကွက်ကြီးကို သူကိုယ် တိုင် သရုပ်ဆောင် သစ်များဖြင့် သရုပ်ဆောင်ပြီး ရိုက်ကူး ရဲခြင်းပင် ဖြစ်ပါသည်။ Location က လည်း နည်းသည်။ စရိတ်သက်သာ သည်။ သို့ပါလျက်နှင့် ‘မီးခွက်ဈေး’ သည် ရုပ်ရှင်နှင့် မတူ ဘဲ တကယ့် ဘဝထဲတွင် တကယ့်လူများ လှုပ်ရှား နေသည်နှင့် တူနေပါသည်။

တစ်လတွင် ဇာတ်ကား သုံးဆယ်ခန့် ကြည့် နေရသော ကျွန်တော်သည် ဒါရိုက်တာ ညိုမင်းလွင်၏ ကားကို မကြာခဏ ကြည့်ရပါသည်။ သူသည် ဆန်းသစ်သော အတွေး အမြင် ရှိသည်။ ပေါ့ပေါ့ပါးပါး ဇာတ်လမ်းများကို ရိုက်ကူးတတ် သည်။ သူ့ဇာတ်ကား များ ကောင်းပါ၏။ သို့သော် ကျွန်တော့်ကိုမူ ရေးချင်လောက်အောင် ဆွဲဆောင်မှု မရှိ ခဲ့ပါ။ ယခု ‘မီးခွက်ဈေး’ ကမူ ညိုမင်းလွင်၏ တစ်မူ ထူးခြားသော လက်ရာဖြစ် သည်။

(၃)
ညီနှင့် ညီမကို သိပ်ချစ်သော အစ်ကိုကြီး၊ မိခင်ကိုချစ်သော သားကြီး၊ ထိုသားကြီးသုခ သည် အသောက်အစား၊ လောင်းကစား ကင်းရှင်း ပြီး ကြွက်သားကို အားကိုးပြု ကာ သမ္မာ အာဇီဝဖြင့် အလုပ်လုပ်ပြီး သူ့မိသားစု ပြဿနာကို ရအောင် ရှင်းသည်။ သုခကို စံပြုရမည့် လူငယ်တစ်ဦး အဖြစ် ညိုမင်းလွင်က ရိုက်ပြသည်။

သုခ၏ ဘဝဖြတ်သန်းမှုကို ရိုက်ပြရာတွင် စရိုက်ပေါ်လွင်အောင် ရိုက်ပြနိုင် ပါသည်။ ချမ်းသာ အရက်မူးလာသော အခန်း၊ ရွှေစင် မိုးချုပ်နေသဖြင့် သွားကြိုသည့် အခန်း၊ စုဘူးပေး သည့်အခန်း၊ သူငယ်ချင်း များနှင့် ရင်ဖွင့်ပြောပြ သည့် အခန်း တို့သည် သုခ၏စရိုက်၊ အစ်ကိုကြီး ၏ မေတ္တာ တို့ကို ပုံဖော်နိုင်ပါသည်။ သို့ရာတွင် ပြောစရာ တစ်ခု ရှိသည်မှာ ‘မီးခွက်ဈေး’ သည် တချို့နေရာတွင် အရုပ်ဖြင့် ပြရမည့် ပြကွက်များ ကို ရိုက်မပြနိုင်ဘဲ စကားပြော များဖြင့် ပရိသတ် ကို အသိပေးပြော ကြား သဖြင့် ပြဇာတ် အနည်း ငယ် ဆန်နေပါသည်။ ထို့အပြင် သုခ၏ လုပ်ငန်းခွင်ကိုလည်း ပီပီပြင်ပြင် ရိုက်မပြနိုင်ခဲ့ ပါ။

မီးခွက်ဈေးတွင် လှပသော ပြကွက် ကလေး များမှာ ဆင်းရဲခြင်းကြောင့် ဖြစ်လာသော ပဋိပက္ခ များကို သုခဖြေရှင်းသွား ပုံပြကွက်လေးများ ဖြစ် သည်။

ဆင်းရဲနွမ်းပါးမှု လျှော့ချရေး ဟူသော ခေါင်းစဉ်ဖြင့် တောင်ပြော၊ မြောက်ပြော ပြောနေ သောအချိန်တွင် ညိုမင်းလွင်၏ ‘မီးခွက်ဈေး’ သည် ပြည်သူတို့၏ ဘဝမှန် ကို မြေလှန်ပြလိုက်ပါ ၏။ မီးခွက်ဈေး ဘယ်မှာ ရှိပါသနည်း။ မြန်မာပြည် အနှံ့တွင် ရှိနေပါသည်။ ဘဝမှန်ကို ထိမ်ချန်သော အကျင့်များ အခုအထိ မပျောက်သေးပါ။ ထို အခါ အနုပညာ သမားများတွင် တာဝန် ရှိလာပါသည်။ ထိုတာဝန်ကို ဒေါင်းဒင်္ဂါးနှင့် ညိုမင်းလွင်က ကျေပွန်စွာ ထမ်းဆောင်လိုက်ပါ၏။

ဇာတ်ကား တစ်ကားလုံး ခြုံ၍ ပြောရပါလျှင် သရုပ်ဆောင်သစ် များဖြင့် ရိုက်ပြထားသော်လည်း သရုပ်ဆောင်များ ကောင်းကြပါသည်။ အထူးသဖြင့် ညိုမင်းလွင်သည် သုခ ဖြစ်နေပါသည်။ စဉ်ဆက် ညီညွတ်မှု၊ တည်းဖြတ်မှု တို့လည်း ကောင်းပါ၏။ ယနေ့ ထွက်ရှိနေသော ဗီဒီယို ဇာတ်ကား များထဲတွင် ပြည်သူ တို့၏ ဘဝမှန်ကို ရိုက်ကူးပြသ ထားသော ဇာတ်ကား တစ်ကား ဖြစ်ပါသဖြင့် လက်ခုပ်တီး ကြိုဆိုလိုက်ရပါသည်။

မောင်အိမ်စံ

ရှန်တာမှာ သူ့အတန်းထဲ ဆက်ပြီး နေနိုင်စွမ်း မရှိတော့ဘဲ ဖြစ်နေသည်။ ထိုမိန်းကလေးက ရွှံ့ပုံစံငယ် အရုပ်လေးတွေ လုပ်ပြီး သွားပြီ။ ဂီတ လေ့ကျင့်ခန်း နံပါတ် အပိုင်း အစလေး တွေ လုပ်ပြီးသွားပြီ။ လက်ရှိ အချိန်မှာ အရောင် ရှိသည့် စက္ကူကို သူညှပ်နေလျက် ရှိသည်။ ထိုစက္ကူ ညှပ်နေရသည့် အလုပ်ကို ကျောင်းဆင်း ခေါင်းလောင်းလို သူ့ဆရာမ က ”ကဲ မင်းတို့ အားလုံး အိမ်ပြန်နိုင်ပြီ” သို့မဟုတ် ”ကတ် ကြေးတွေ သိမ်းပြီး မင်းတို့ အက္ခရာ စာလုံးတွေ လက်စသတ် လိုက်ကြ တော့” ဟု မပြောသေး မချင်း လုပ် နေရဖို့ ရှိနေသည်။ ရှန်တာမှာ အချိန် သိချင်စိတ် မထိန်းနိုင်အောင် ဖြစ်နေ၏။ သူ့ဘေးမှာ ထိုင်နေသည့် သူ့သူငယ်ချင်း ကို သူ မေးကြည့် လိုက်သည်။

”ခု ငါးနာရီထိုးလားဟ”

”ဖြစ်နိုင်တယ်”

”ဒါမှမဟုတ် ခြောက်နာရီများ လား”

”ဒီလိုတော့ ငါ မထင်ဘူးဟဲ့။ ဘာဖြစ်လို့တုံးဆိုတော့ ခြောက်နာရီ မှာ ညရောက်လာပြီလေ”

”ငါးနာရီလို့ နင်ထင်သလား”
”ဟုတ်တယ်”
”ဟာ … ငါသွားမှဖြစ်မယ်။ ခုဆို ငါ့ အဖေ အိမ်ပြန်ရောက်နေ လိမ့်မယ်။ အဖေက ငါ့ကို ငါးနာရီ မှာ အသင့်ဖြစ်နေဖို့ မှာထားခဲ့တာ။ အဖေက ဒီညနေ ငါ့ကို ရုပ်ရှင် လိုက်ပို့ မှာ။ ငါ အိမ်ပြန်ရမယ်”

ရှန်တာက သူ့ကတ်ကြေးကို ပစ်ချထားပြီး ဆရာမဆီ ပြေးသွား လိုက်သည်။
”ဆရာမ ကျွန်မ အိမ်ပြန်မှ ဖြစ်တော့မယ်”
”ဘာဖြစ်လို့လဲ ရှန်တာ”
”ဘာဖြစ်လို့လဲဆိုတော့ ခု ငါးနာရီဖြစ်နေလို့ပါ”
”ငါးနာရီပါလို့ မင်းကို ဘယ်သူ ပြောလဲ”
”ကာမလာ”
”ခု ငါးနာရီ မဟုတ်ပါဘူးဟဲ့။ ဟိုမှာ နာရီကြီး။ မင်း မမြင်ဘူးလား။ ဘယ်နှနာရီလဲ။ ဆရာမကို ပြောပြ စမ်း။ တစ်နေ့ကပဲ နာရီ ကြည့်တာ သင်ပေးခဲ့သေးတယ်”
ရှန်တာက ခန်းမထဲမှ နာရီကြီး ကို မတ်တတ်ရပ်ပြီး စူးစိုက်ကြည့် လိုက်သည်။ နာရီကြီးပေါ် မှ ဂဏန်း စဉ်တွေကို ခက်ခဲ ပင်ပန်းစွာ ရေတွက်ပြီးနောက် ခပ်တည် တည် ပြန်ပြော လိုက်သည်။
”ကိုးနာရီ …”
ဆရာမက တခြား မိန်းကလေး တွေကိုခေါ်ပြီး မေးလိုက်ပြန်သည်။
”ဆရာမကို ဟိုနာရီကြီးက ပြနေတဲ့ အချိန် ဘယ်သူပြောနိုင် မလဲ”
များစွာသော မိန်းကလေးတွေ မှာလည်း ရှန်တာနှင့် အတူတူဖြစ်ကြ ပြီး ကိုးနာရီ ဟုပင် ပြန်ဖြေကြသဖြင့် ဆရာမ က ထပ်ရှင်းပြရ၏။
”မင်းတို့က လက်တံရှည် ကိုပဲ ကြည့်နေကြတာကိုး။ လက်တံတိုကို ကြည့်ပါဦး။ ဘယ်မှာရှိနေသလဲလို့”
”နှစ်နာရီနဲ့ တစ်ဝက်ပါ”
”ဒါဆို ဘယ်နှနာရီလဲ”
”နှစ်နာရီ နဲ့ တစ်ဝက်ပါပဲရှင်”
”ဒါ နှစ်နာရီလေးဆယ့်ငါး မိနစ်။ နားလည် ကြပြီလား။ ကဲ မင်းတို့ အားလုံး ကိုယ့်ခုံမှာ ကိုယ် ပြန်ထိုင်နိုင်ပြီ”
နောက်ထပ် ဆယ်မိနစ်ကြာ သွားသည့် အခါ ရှန်တာက ဆရာမ ဆီ ပြန်လာပြီး မေးလိုက်ပြန်သည်။
”ငါးနာရီ ထိုးပြီလား ဆရာမ။ ကျွန်မက ငါးနာရီမှာ အသင့်ပြင် ထားဖို့ ရှိနေလို့ပါ။ မဟုတ်ရင်တော့ ကျွန်မ အဖေက ကျွန်မကို အရမ်း စိတ်ဆိုး သွားလိမ့်မယ်။ အဖေက ကျွန်မကို အိမ်စောစောပြန်လာဖို့ မှာထားပါတယ်ရှင့်”
”ဘယ်အချိန်တဲ့လဲ”
”ခုပါပဲ”
ဆရာမက သူ့ကို ပြန်ဖို့ ခွင့်ပြု လိုက်ရသည်။ ခွင့်ပြုချက် ရသည်နှင့် သူ့စာအုပ်တွေ ကောက်သိမ်းပြီး၊ ပျော်မြူးစွာ အော်ဟစ်ရင်း၊ စာသင် ခန်းထဲ ကနေ သူတစ်ချိုး တည်းပြေး ထွက် သွားတော့သည်။ အိမ်သို့ အပြေးအလွှား ပြန်လာပြီးသည့် အခါ၊ သူ့စာအုပ်တွေ ကြမ်းပြင်ပေါ် ပစ်ချ ရင်း၊ သူ့အမေကို အော်ခေါ်လိုက် သည်။

”အမေရေ…၊ အမေရေ …”

သူ့အမေ ကလည်း သူ့သူငယ် ချင်းတွေနှင့် စကား စမြည်ပြောဖို့ ရောက်နေသည့် ကပ်လျက် အိမ်က နေ ပြေးပြီး ပြန်ရောက်လာသည်။

”ဟဲ့ နင်ဘာဖြစ်လို့ ဒီလောက် အစောကြီး ပြန်လာရတာလဲ”

”အဖေ အိမ်ပြန်ရောက်ပြီ လား”

ရှန်တာက မေးလိုက်သည်။ ရှန်တာမှာ ကော်ဖီဖြစ်စေ၊ နေ့လယ် စာဖြစ်စေ စားသောက် မနေတော့ဘဲ ပထမဆုံး အဖြစ် အဝတ်အစား လဲ ထားဖို့ကိုသာ ဇွတ် အတင်းပြော လိုက်သည်။ သူ့အမေက ညနေခင်း အချိန်မျိုးမှာ သူ့ကို စကတ်ရှည်ရှည် နှင့် ကုတ်အင်္ကျီ ထူထူဝတ်စေချင်နေ သော်လည်း သူက သေတ္တာကြီးထဲ မှ အပါးလှပ်ဆုံး ဂါဝန်နှင့် ဘောင်း ဘီတို တို့ကို ထုတ်ယူဝတ်ဆင်လိုက် ၏။ ထို့နောက် ခဲတံလေးတွေ၊ ဖဲ ကြိုးစလေးတွေ၊ မြေဖြူ ခဲလေးတွေ ထည့်ထားသည့် ကတ်ထူ စက္ကူဘူး လေးထဲမှ ဖဲကြိုး လှလှလေးတစ်စ၊ သူ ဆွဲထုတ်လိုက်သည်။ အမေနှင့် သမီးကြားမှာ အဝတ်အစားနှင့် ပတ် သက်ပြီး အပြင်းအထန်အငြင်းအ ခုန်ဖြစ်လိုက်သေး သည်။ နောက်ဆုံး တော့လည်း အမေဖြစ်သူ ကပင် အလျှော့ပေး လိုက်ရသည်။ ရှန်တာ က သူ အကြိုက်ဆုံးဖြစ်သည့် ပန်းနု ရောင် ဂါဝန်လေးကို ဝတ်ဆင်လိုက် သည်။ ဆံပင်ကို ကျစ်ဆံမြီး ကျစ်ပြီး၊ ထိုကျစ်ဆံမြီးပေါ်မှာ အစိမ်းရောင် ဖဲကြိုးစလေး တလူလူဖြစ်အောင် အလှဆင် လိုက်ပြန်သည်။ ထို့ပြင် သူ့မျက်နှာကို ပေါင်ဒါ ရိုက်ပြီး သူ့ နဖူးပေါ် မှာ ဟင်္သာပဒါး အမှတ်အရာ လေးတစ်ခု ခတ်နှိပ်လိုက်သည်။

”ခုဆို အဖေက ကျွန်မကို ဘယ်လောက် တော်တဲ့သမီးလေးပါ လိမ့်လို့ပြောတော့မယ်။ ကျွန်မက အသင့်ပြင် ထားပြီးသားဖြစ်နေလို့ လေ။ အမေရော လိုက်ခဲ့မှာမို့လား။ ဟုတ်လား အမေ။
”ဒီနေ့တော့ မဖြစ်ဘူး”
ရှန်တာက ဝင်းတံခါးပေါက် ငယ်လေးမှာ ရပ်ပြီး လမ်းကိုမျှော် ကြည့်နေသဖြင့် သူ့အမေက လှမ်း  ပြောလိုက်သည်။
”နင့်အဖေက ငါးနာရီ ထိုးပြီး မှ သာပြန်လာမှာ။ နေပူကြီးထဲရပ်မနေ နဲ့။ ခုမှ လေးနာရီပဲရှိသေးတယ်”

နေလုံးကြီးက၊ မျက်နှာချင်းဆိုင် အိမ် အတန်းရှိ အိမ်တစ် အိမ်နောက် ကွယ်သို့ ငုပ်လျှိုးနေလေပြီ။ လော လောဆယ်မှာပင် မှောင်လာတော့ မည်ကို ရှန်တာ သိလိုက်၏။ သူ့အမေ ဆီ သူပြန်ပြေးလာပြီး ပြောလိုက်ပြန် သည်။
”အမေ..၊ အဖေက ဘာဖြစ် လို့ ခုထိအောင်ပြန်မလာသေးတာ လဲ”
”ငါ ဘယ်လိုလုပ် သိနိုင်မှာလဲ။ ရုံးမှာပဲ အချိန်တွေ ကြာနေတာ ဖြစ် ချင်ဖြစ်နိုင်တာပေါ့”
ရှန်တာမှာ မျက်နှာရှုံ့မဲ့သွား သည်။
”ရုံးက ဒီလူတွေကို ကျွန်မ မကြိုက်ဘူး။ သူတို့က လူဆိုးတွေ ပဲ”
ခြံဝင်းပေါက်ဆီ ပြန်သွားပြီး မတ်တတ် ရပ်လျက်ဖြင့် အပြင်ကို သူ လှမ်းမျှော် ကြည့်နေလိုက်ပြန် သည်။ သူ့အမေ ကလည်း အထဲက နေ သူ့ကို လှမ်းအော်လိုက်သည်။

”အထဲဝင်စမ်း ရှန်တာ။  မှောင်လာပြီ။ အဲဒီမှာ ရပ်မနေနဲ့”
ရှန်တာ ကတော့ အထဲမဝင်။ ပြင်းပြင်းထန်ထန် စိတ်ကူးတစ်ခုက သူ့ခေါင်းထဲ ဝင်လာသည်။ သူ့ အဖေ ရုံးကို သူလိုက်သွားပြီး သူ့အဖေကို သူ ဘာကြောင့် အော်ခေါ် လို့မရနိုင် မှာတဲ့လဲ။ ဘာကြောင့် ရုပ်ရှင်သွား မကြည့်နိုင် ရမှာတဲ့လဲ။ သူ့အဖေရုံး  ဘယ်မှာ ရှိပါလိမ့်ဆိုတာ သူသိချင် နေသည်။ သို့သော်၊ သူမသိ။ လမ်း အဆုံးကနေ သူ့ အဖေ နေ့တိုင်း ချိုး ကွေ့ပြန်လာတာ သူမြင်ဖူးသည်။ ထိုနေရာသို့ သွားမည်ဆိုလျှင် သူ့ အဖေရုံးသို့ အလို အလျောက်သွား ပြီးသား ဖြစ်ကောင်း ဖြစ်နိုင်သည်။ သူ့အမေ တစ်နေ ရာရာမှာ ရှိနေ မလား၊ သူတစ်ချက် ငဲ့ကြည့်လိုက် သည်။ ပြီးမှ လမ်းပေါ်သို့ သူထွက် သွားလိုက်၏။

အချိန်က နေဝင်ရီ တရော အချိန်ဖြစ်သည်။ အရာအားလုံးက အလွန် ကြီးမားနေသည့် ပုံမျိုးတွေဖြစ် နေသည်။ အိမ်တွေ၏ နံရံတွေက၊ အလွန်မြင့်သည်ဟု ထင်ချင် စရာရှိ နေသည်။ စက်ဘီးတွေနှင့် မြင်း လှည်းတွေကလည်း သူ့ကိုတည့်တည့် ကြီး ဝင်တိုက်ပစ်တော့မှာ လိုမျိုးတွေ ဖြစ်နေကြ၏။ မကြာလိုက်မီ လမ်းမီး တွေ မှိတ်တုတ် မှိတ်တုတ် လင်းလာသည်။ လမ်းသွား လမ်းလာတွေက အရိပ်တွေနှင့် တူနေကြသည်။ လမ်း ချိုးနှစ်ခုကို ချိုးကွေ့ လာပြီးသည့် နောက် ရှန်တာမှာ သူ့ကိုယ်သူ ဘယ်နေ ရာ ရောက်နေမှန်း မသိ တော့။ လမ်းဘေးအစပ် မှာ သူထိုင် ချလိုက်ပြီး သူ့ လက်သည်းလေးတွေ သူ ကိုက်နေလိုက်သည်။ သူ့အိမ်သူ ဘယ်လို ပြန်ရောက်နိုင်ပါ့မလဲ သူသိချင်နေသည်။ ထိုအချိန်မှာ သူတို့ အိမ်နီးချင်း အိမ်မှ အစေခံ အလုပ်သမားကြီး ဖြတ်လျှောက် သွားတာ တွေ့လိုက် ရသဖြင့် သူထရပ်လိုက် ပြီး ထိုအစေခံ အလုပ် သမားကြီး ရှေ့ မှာ သွားရပ်လိုက်သည်။

”ဟဲ့ နင့်တစ်ယောက်တည်း ဒီမှာ ဘာလာလုပ်နေတာလဲ”

”ကျွန်မ မသိဘူး။ ဒီကို လာခဲ့ တာပဲ။ ကျွန်မကို အိမ်ပြန်ပို့ပေးပါ လား”

ထို့နောက် ထိုအစေခံ အလုပ် သမားကြီး ဦးဆောင်ခေါ် သွားရာ နောက်က လိုက်သွားရင်း မကြာမီ သူ့အိမ်သူ ပြန်ရောက်သွားလေ သည်။

ထိုနေ့ မနက်ခင်းတုန်းက ရှန်တာ၏ အဖေ ဗင်ကတ်ရာယို သူ့ရုံးကို သွားဖို့ ပြင်နေစဉ်မှာ ရုပ်ရှင် ဇာတ်ကား လက်ကမ်း ကြော်ငြာတွေ ကို မြင်းလှည်း တစ်စီးဖြင့် လမ်းပေါ် လျှောက်ဝေငှ သွားခဲ့သည်။ ရှန်တာ ကလည်း လမ်းပေါ် ပြေးထွက်သွား ပြီး ကြော်ငြာ စာရွက် တစ်ရွက် ကောက်ယူခဲ့သည်။ ကြော်ငြာစာ  ရွက်ကိုင်ပြီး သူ့အဖေ ကို လည်း မေး လိုက်သည်။

”အဖေ ဒီနေ့ကျွန်မကို ရုပ်ရှင် လိုက်ပြမလား”

ထိုအမေးကြောင့် ဗင်ကတ်ရာ ယို စိတ်ညစ်သွားသည်။ သူ့သမီး လေးမှာ စိတ်ချမ်းချမ်း သာသာနှင့် အပျော်အပါး ရိုးရိုးလေးမျှ မရှိသည့် ဘဝဖြင့် ကြီးပြင်း လာခဲ့ရသည်။ သူ့ သမီးလေးသူ ရုပ်ရှင်နှစ်ကြိမ်လောက် ကောင်းကောင်း မပြနိုင်ခဲ့။ သူ့မှာ သူ့ကလေး အတွက် အချိန်မပေးနိုင် ခဲ့။ သူ့သမီးလေး အရွယ်၊ တခြား အိမ်တွေမှ ကလေးများ မှာ သူတို့ အလိုရှိသမျှ ကစားစရာတွေ ရှိကြ သည်။ အဝတ်အစားတွေ ရှိကြသည်။ အပျော်ခရီး ထွက်နိုင်ကြသည်။ သူ့ သမီးလေး မှာတော့ အရိုင်း အ စိုင်း လေး တစ်ယောက် နီးပါးမျှ တူအောင် တစ်ယောက်တည်း ကြီးပြင်းလာ ခဲ့ရရှာသည်။ သူ့ရုံးသူလည်း ဒေါသ အပြင်းအထန် ဖြစ်သွားမိသည်။ သူတို့က သူ့ကို တစ်လ ရူပီးလေးဆယ် ဖြင့် အပြီးအပိုင် ဝယ်ယူထားကြပုံ ရှိနေသည်။

သူ့ဇနီးနှင့် သမီးအပေါ် လျစ်လျူရှု ထားခဲ့မိသည့် အတွက် သူ့ ကိုယ်သူ အပြစ်တင်နေမိသည်။ သူ့ဇနီးမှာ ပင်လျှင် ကိုယ်ပိုင် မိတ်ဆွေ အသိုင်းအဝိုင်းတွေ ဘာတွေ စသဖြင့် ရှိသေးသည်။ သူ့ဇနီးက တကယ် တမ်း အရွယ်ရောက်နေသည့် လူကြီး အရွယ် ဖြစ်နေပြီ။ ကလေး အရွယ်ရှိ သေးသည့် သမီးလေးကျတော့ရော ..။ သမီးလေး ဘဝ ရပ်တည်မှုက ဘယ်လောက်များ ခြောက်ကပ် ငြီးငွေ့စရာ ကောင်းလိုက်ပါလိမ့်။ သူတို့က သူ့ကို ည ခုနစ်နာရီ၊ ရှစ်နာရီ ထိအောင် ရုံးမှာ နေ့တိုင်း နေခိုင်း ထား ကြ သည်။ သူအိမ်ပြန် တော့ သမီးလေးက အိပ်ပျော်နေပြီ။ တနင်္ဂနွေနေ့တွေ မှာပင်လျှင် သူတို့ က သူ့ကို ရုံးမှာ ရှိနေစေချင်ကြသည်။ သူ့မှာ ကိုယ်ပိုင် ပုဂ္ဂိုလ်ရေး ဘဝ တစ်ခု မရှိဘူးဟု သူတို့ ဘာကြောင့်များ ထင်နေကြ ရတာလဲ။ သမီးလေးကို ပန်းခြံ ဖြစ်ဖြစ် ရုပ်ရှင်ဖြစ်ဖြစ် လိုက်ပို့ ဖို့ သူတို့က သူ့ကို အချိန်ကောင်း ကောင်း မပေးခဲ့ကြ။ သူ က ဆော့ ကစားတာ ခံနေရဖို့ မဟုတ်ကြောင်း သူတို့ကို ပြပစ်တော့မည်။ ဟုတ်ပြီ။ လိုအပ်လျှင် သူ့မန်နေဂျာ နှင့် ရန်ဖြစ် ဖို့ပင် သူ ပြင်ထားလိုက်သည်။

သူ စိတ်ပိုင်းဖြတ်လိုက်ပြီး သူ့ သမီးလေးကို ပြောခဲ့သည်။

”ဒီညနေ သမီးကို အဖေ ရုပ်ရှင် လိုက်ပြမယ်။ ငါးနာရီမှာ အသင့် ဖြစ်နေပစေ”

”တကယ်လား…။ အမေ ရေ…”

ရှန်တာက ပြန်ပြောရင်း သူ့ အမေကိုပါ လှမ်းခေါ်လိုက်သည်။  သူ့အမေကလည်း မီးဖိုချောင်ထဲက နေ ထွက်လာ၏။

”အဖေက ကျွန်မကို ဒီညနေ ရုပ်ရှင်လိုက်ပြတော့မှာ”

ရှန်တာ၏အမေက အယုံ အကြည် ကင်းမဲ့စွာ ပြုံးလိုက်သည်။

”ကလေးကို တကယ်မဟုတ်တဲ့ ကတိတွေ မပေးစမ်းပါနဲ့ရှင်”

ဗင်ကတ်ရာယိုက ရှန်တာ၏ အမေကို စူးစူးဝါးဝါး ပြန်ကြည့်လိုက် သည်။
”ပေါက်ကရတွေ လာမပြော နဲ့။ မင်းက မင်းတစ်ယောက်တည်း ပဲ ကတိတည်တဲ့ လူရှိတယ် ထင်နေ တယ်ပေါ့လေ”
ထို့နောက် ရှန်တာကို ထပ် ပြောလိုက်ပြန်သည်။
”ကဲ..သမီး။ ငါးနာရီမှာ အသင့်ဖြစ်နေပါစေ။ အဖေပြန်လာ ပြီး သမီးကို ရုပ်ရှင် သေချာပေါက် လိုက်ပြမယ်။ အသင့်ဖြစ်မနေဘူး ဆိုရင်တော့ သမီးကို အဖေ အရမ်း စိတ်ဆိုး မှာနော်”

ဗင်ကတ်ရာယိုက သူ့ရုံးကို သန္နိဋ္ဌာန် အပြည့်ဖြင့် ထွက်လာခဲ့ သည်။ သူ၏ ပုံမှန် လုပ်နေကျ အလုပ်ကိုလုပ်ပြီး ငါးနာရီမှာ ပြန် ထွက်လာခဲ့မည်။ သူတို့က သူတို့၏ နည်း ပရိယာယ်ဟောင်း ကြီးတွေ တစ်ခုခု သုံးဖို့ လုပ်လာခဲ့လျှင် သူက သူ့ အထက်အရာရှိကို ”ဒီမှာ ကျွန်တော့် နှုတ်ထွက်စာပဲ။ ကျွန်တော့် သမီးလေးရဲ့ ပျော်ရွှင်မှုက ဟောဒီ ခင်ဗျား တို့ရဲ့ စက်ဆုပ်စရာ ကောင်းတဲ့ စာရွက် စာတမ်းတွေထက် ပို အရေးကြီးတယ်ဗျ” ဟု ပြောပစ် လိုက်မည်။

ရုံးမှာတော့၊ သူ့စားပွဲပေါ်ကို ထုံးစံအတိုင်း စာရွက်တွေ တစ်သီ တစ်တန်းကြီး ရောက်လာကြပြီး ပြန်ထွက်သွား လျက်ရှိနေသည်။ သူ က စေ့စေ့စပ်စပ် ကြည့်ရှု စစ်ဆေး ပြီး လက်မှတ် ထိုးသည်။ စာကြမ်းရေး သည်။ သူ့မှာ အမှားအပြင် ခံရသည်။ သတိပေးတာ ခံရသည်။ စော်ကား တာခံရသည်။ နေ့ခင်းကော်ဖီ သောက်ချိန် အတွင်း ငါးမိနစ်မျှ သာ သူ့အတွက် အနား ရချိန်တစ်ချိန် ရှိ သည်။

ရုံးထဲက နာရီကြီးမှ ငါးနာရီထိုး သံ ကြားလိုက်ရသနှင့် တခြားစာရေး တွေ အိမ်ပြန်ကုန်ကြပြီ။ သူလည်း မန်နေဂျာဆီ သွားပြီး ပြောကြည့် လိုက်သည်။

”ကျွန်တော် ပြန်နိုင်ပြီလား ခင်ဗျာ”

မန်နေဂျာက စာရွက်တစ်ရွက် ဖတ်ရှုစစ်ဆေးနေရာမှ မော့ကြည့် လိုက်သည်။
”ခင်ဗျားကတော့…”
ငွေသွင်းငွေထုတ်နှင့် ငွေစာရင်း ဌာနခွဲအနေနှင့် ငါးနာရီ မှာ ပိတ်နိုင်ဖို့ ဆိုတာ စဉ်းစားဝံ့စရာ မရှိ။
”ခင်ဗျားက ပြန်လို့ ဘယ်လို ဖြစ်နိုင်ပ့ါမလဲဗျာ”
”ကျွန်တော့်မှာ ကိုယ်ရေးကိုယ် တာ အရေးတကြီး လုပ်စရာ အလုပ် လေးတွေ ရှိနေလို့ပါ”
မနက်တုန်းက ကြံစည် စိတ်ကူး ထားသည့် ပြောပစ်ရမည့် ”ဒီမှာ၊ ကျွန်တော့် နှုတ်ထွက်စာပဲ” ဆိုသည့် စကားကို ချုပ်တည်း မျိုသိပ်ထား လျက် ထိုသို့သာ သူပြောလိုက်ရ သည်။ သူ့သမီး ရှန်တာလေးက အဝတ် အစားတွေ လဲထားပြီး စိတ် အား ထက်သန်မှုဖြင့် တုန်တုန်ရီရီ ဖြစ်နေရင်း တံခါးဝမှာ ရပ်နေမည့် ပုံကို သူ့အတွေး ထဲမြင်ယောင်နေ မိ လေ၏။

”ရုံး အလုပ်ထက် ပိုအရေး တကြီးဖြစ်စရာ ဘာတစ်ခုမှ မရှိနိုင် ပါဘူးဗျာ။ ခင်ဗျားခုံ ခင်ဗျား ပြန်သွား စမ်းပါ။ ကျွန်တော် နာရီဘယ် လောက် များများ အလုပ်လုပ်တယ် ဆိုတာ ခင်ဗျား သိတယ်မို့လား”

မန်နေဂျာက သူ့ကို မေးခွန်း ထုတ်လိုက်သည်။ ထိုမန်နေဂျာက ရုံးဖွင့်ချိန် မတိုင်မီ ရုံးကို သုံးနာရီ စောရောက်နေပြီး ရုံးဆင်းချိန် နောက်ပိုင်း မှာလည်း သုံးနာရီ နီးပါး ဆက်လက်နေ တတ်သူဖြစ်သည်။ တနင်္ဂနွေနေ့တွေ မှာပင်လျှင် ထိုအတိုင်း လုပ်လေ့ ရှိသည်။ စာရေး တွေ အချင်းချင်း ကြားမှာလည်း ထိုမန်နေဂျာ ကို ထင်မြင် ချက်ပေး ကြ သည်။

”သူ့မိန်းမက သူ့ကို အိမ်မှာ မြင်နေရတဲ့ အခါတိုင်း ထရိုက်နေ တာကြောင့် ပဲဖြစ်ရမယ်။ ဒါ သူရုံးကို အရမ်းနှစ်သက်နေ ပုံရနေတာ ဘာကြောင့်လဲ ဆိုတဲ့အချက်ပဲကွ”

မန်နေဂျာက သူ့ကို မေးလိုက် ပြန်သည်။

”တစ်ဆယ်နဲ့ရှစ် ကွာနေတဲ့ အကြောင်းရင်း ခင်ဗျား လိုက်ရှာ သေးလား”

”ပြေစာနှစ်ရာ စစ်ဆေးဖို့လိုပါ လိမ့်မယ်။ ကျွန်တော် တို့ ဒါကို မနက်ကျမှပဲ လုပ်သင့်တယ် ထင်ပါ တယ်”

”မရဘူး။ မရဘူး။ ဒီလိုလုပ်လို့ မရဘူး။ ဒါကိုခင်ဗျား ချက်ချင်းပြင် ရမယ်”

”ဟုတ်ကဲ့ပါခင်ဗျာ”

ဗင်ကတ်ရာယိုမှာ မပွင့်တပွင့် လေးပြန်ပြောပြီး သူ့ထိုင်ခုံမှာ သူ ကုပ်ကုပ်လေး ပြန်ထိုင်လိုက်ရ သည်။

ရုံးထဲက နာရီကြီးကလည်း အချိန်ငါးနာရီခွဲ ရှိနေကြောင်း ပြနေ ပြီ။ ထိုအတိုင်း ဆိုလျှင် ပြေစာတွေကို ဒုက္ခ ပင်ပန်းကြီးစွာ ရှာဖွေရသည့် အလုပ်က နှစ်နာရီ ကြာဦးမည့် သဘော ဖြစ်နေ၏။ ကျန်ရုံး ဝန်ထမ်း အားလုံးလည်း မရှိကြတော့။ သူ့ဌာနခွဲ တွင် သူနှင့်အခြား စာရေး တစ်ယောက်သာ အလုပ်လုပ်နေကြ ရသည်။ မန်နေဂျာ ကတော့ မလွဲ မသွေပင် ရှိနေသေးသည်။ ဗင်ကတ်ရာယို ဒေါသ အကြီး အကျယ် ဖြစ်နေမိသည်။ သူ့စိတ်သူ ဆုံးဖြတ်ပစ် လိုက်သည်။ သူက သူ့ကိုယ်သူ ရူပီး လေးဆယ်ဖြင့် အပြီး အပြတ် ရောင်းထားသည့် ကျေးကျွန် တစ်ယောက် မဟုတ်။ ထိုငွေမျိုးကို သူလွယ်လွယ်လေး ရှာနိုင်သည်။ မရှာနိုင်ဘူး ဆိုလျှင် ရော..။ ငတ်သေပစ် လိုက်တာမှ ပိုပြီး ဂုဏ် သိက္ခာရှိ လိမ့်ဦးမည်။

သူ စာရွက်တစ်ရွက်ဆွဲယူပြီး ရေးချလိုက်သည်။

”ဒီစာနဲ့အတူ ကျွန်တော့်ရဲ့ နှုတ်ထွက်စာကို ပါရေးလိုက်တာပဲ။ ခင်ဗျားတို့လို လူတွေက ကျွန်တော့်ရဲ့ စိတ်နဲ့ ကိုယ်ခန္ဓာကို ရူပီးလေးဆယ် နဲ့ ဝယ်ထားတယ်လို့ ထင်နေ ကြရင် ခင်ဗျား တို့မှားနေပြီ။ ကျွန်တော်နဲ့ ကျွန်တော့် မိသားစု အတွက်ကတော့ ဒီမဖြစ်စလောက် ရူပီးလေးဆယ် လေးပေးပြီး ခင်ဗျားတို့ ကျွန်တော့်ကို နှစ်တွေ နဲ့ချီပြီး ကျွန်ဖြစ်အောင် လုပ်ကြတာ ခံနေရတာ ထက် ငတ် သေလိုက်တာကမှ ပိုကောင်းမယ် ကျွန်တော် ထင်တယ်။ ခင်ဗျားတို့မှာ ကျွန်တော့်ကို နှစ်တိုးလစာ ထပ် တိုးပေးချင် တဲ့ ဆန္ဒသဘောထား နည်းနည်းမှ မရှိဘူးလို့ ကျွန်တော် မှတ်တာပဲ။ ခင်ဗျားတို့ဟာ ခင်ဗျား တို့အကျိုး ခင်ဗျားတို့ပဲ ခဏခဏ အလေးပေး ထားကြတယ်။ ခင်ဗျား တို့က ကျွန်တော် တို့ကို ဘာကြောင့် များ တစ်ခါ တစ်ရံလေးလောက်မှ ထည့် မစဉ်းစားကြတာလဲ ဆိုတာ ကျွန်တော် မသိဘူး။ ဘာပဲဖြစ်ဖြစ်ပါ။ ခုတော့ ဒါကို ကျွန်တော် စိတ် မဝင် စားတော့ဘူး။ ခုကစလို့ ဒါဟာ ကျွန်တော့်ရဲ့ နှုတ်ထွက်စာပဲ။ ကျွန်တော် နဲ့ ကျွန်တော့် မိသားစုသာ ငတ်ပြီး သေကြေ ပျက်စီး သွားခဲ့ရင် ကျွန်တော် တို့ရဲ့ ဝိညာဉ်တွေ က ခင်ဗျား တို့တွေ အားလုံးဆီ လာပြီး တစ်ဘဝလုံး ခြောက်လှန့်နေပါစေ …”

သူ ထိုသို့ ရေးထားသည့်စာ ရွက်ကို ခေါက်လိုက်ပြီး စာအိတ် တစ်အိတ်ထဲ ထည့်လိုက်သည်။ ထို့နောက် စာအိတ်ကို ကော်ဖြင့်ပိတ် ပြီး စာအိတ်ပေါ်မှာ မန်နေဂျာ ဆီ လိပ်စာ တပ်လိုက်သည်။ တစ်ဆက် တည်းပင် သူ့စားပွဲကနေ ထလာပြီး မန်နေဂျာရှေ့မှာ သွားရပ်လိုက်၏။  မန်နေဂျာ မှာလည်း ထိုစာကို အမှုမဲ့ အမှတ်မဲ့စွာ လှမ်းယူ လိုက်ပြီး သူ့ စားပွဲပေါ်တင်ထားလိုက်သည်။

”ဗင်ကတ်ရာယို..”
မန်နေဂျာက သူ့ကိုပြောလိုက် သည်။
”ဒီ သတင်း ကြားလိုက်ရရင် ခင်ဗျားတော့ ပျော်သွားမှာ ပဲဆိုတာ ကျွန်တော် အတတ်ပြောရဲ ပါတယ်။ ကျွန်တော်တို့ အရာရှိကြီးက ဒီနေ့ပဲ နှစ်တိုး လစာငွေ တိုးပေးဖို့ ကိစ္စ တိုင်ပင် ဆွေးနွေးခဲ့တယ်ဗျ။ အဲဒါ ကျွန်တော်က ခင်ဗျားကို တစ်လ ငါးရူပီး နှစ်တိုးလစာ ခံစား ခွင့်ပြုဖို့ ထောက်ခံ အကြံပြုခဲ့တယ်။ ခုတော့ အမိန့်စာ မထွက်သေးဘူး။ ဒါကြောင့် ဒါကို လောလောဆယ် ခင်ဗျားစိတ် ထဲမှာပဲ ထားလိုက်ပါဦး”

ဗင်ကတ်ရာယိုကလည်း မန်နေဂျာ၏ စားပွဲပေါ်ရောက်နေ သည့် သူ့စာအိတ်ကို ဆတ်ခနဲဆွဲယူ ပြီး သူ့အိတ်ကပ်ထဲ ကပျာ ကယာပြန် ထည့်ထားလိုက်ရသည်။

”အဲဒါ…ဘာစာလဲဗျ”

”ဟို..၊ ရှောင်တခင်ခွင့်လေး တင်ဖို့ခင်ဗျာ။ ဒါပေမဲ့ ကျွန်တော် စဉ်းစားမိတာ..”

”ခင်ဗျား အနည်းဆုံး သီတင်းနှစ်ပတ် ထိအောင် ဘာခွင့်မှ မရနိုင်ဘူးနော်”

”ဟုတ်ကဲ့ပါခင်ဗျာ။ ဒါကို ကျွန်တော် နားလည်ပါတယ်။ ဒါ ကြောင့်လည်း ကျွန်တော့်ရဲ့ ခွင့်တင် လွှာကို ပြန်ရုပ်သိမ်း လိုက်တာပါ ခင်ဗျာ”

”သိပ်ကောင်းတယ် ခင်ဗျား အဲဒီ အမှား လိုက်ရှာပြီးသွားပြီ လား”

”ကျွန်တော် ပြေစာတွေ စေ့စေ့ စပ်စပ်ကြည့်ပြီး စစ်ဆေးနေပါ တယ်ခင်ဗျာ။ တစ်နာရီ အတွင်းမှာ ကျွန်တော် ဒါကို ရှာတွေ့ပါလိမ့် မယ်”

သို့နှင့် ဗင်ကတ်ရာယို သူ့အိမ် သူ ပြန်ရောက်တော့ ညကိုးနာရီ ထိုးသွားပြီဖြစ်၏။ ရှန်တာလေးမှာ အိပ်ပျော်နေလေပြီ။ ရှန်တာ၏ အမေက ပြောလိုက်သည်။

”သူက ရှင် အချိန် မရွေးပြန် ရောက်လာနိုင်ပြီး သူ့ကို အပြင်ခေါ် သွားမှာပဲ ဆိုတဲ့ အတွေး နဲ့ သူ့ဂါဝန် တောင် လဲချင်သေးတာ မဟုတ်ဘူး။ ဘာအစာမှ လည်း ကောင်းကောင်း မစားဘူး။ အင်္ကျီ ကြေသွားမှာ စိုးလို့ လည်း လှဲအိပ်ချင်တာ မဟုတ်ပါဘူး ရှင်”

ပန်းနုရောင် ဂါဝန်လေးနှင့် ဆံပင်တွေဖြီး သင်ထားလျက် မျက်နှာ ပေါင်ဒါ လူးထားလျက် အဝတ်အစားလဲ ထားပြီး အပြင်ထွက် ဖို့ အသင့်ပြင် ထားရင်း အိပ်ပျော်နေ သည့် သူ့ သမီးလေးကို မြင်လိုက်ရ သည့်အခါ ဗင်ကတ်ရာယို မှာ သနား ကရုဏာ သက်သွားလေ၏။

”ဘာကြောင့် ငါသူ့ကို ညပွဲ လိုက်မပြနိုင်ရမှာလဲကွာ..”

သမီးလေးကို သူအသာအယာ လှုပ်ပြီး ခေါ်လိုက်သည်။

”ရှန်တာ…၊ ရှန်တာ…”

ရှန်တာက သူခြေထောက်တွေ ကန်လိုက်ပြီး ထအော်ငို လိုက်သည်။ အနှောင့်အယှက် ခံလိုက်ရသဖြင့် စိတ်တိုသွားခြင်းဖြစ်သည်။

”သူ့ကို သွားမနှိုးပါနဲ့”

ရှန်တာ၏ အမေက တိုးတိုး လေးပြောပြီး အိပ်ပျော်အောင် ရှန် တာ၏ ကျောကို ပုတ်ပေးလိုက်၏။

ဗင်ကတ်ရာယိုမှာ သူ့သမီးလေး ကို ခဏလောက်စောင့်ကြည့်လိုက် သည်။

”ဒါက သမီးလေးကို အပြင် ခေါ်သွားဖို့ ဘယ်လိုမှ မဖြစ်နိုင် တော့ဘဲ ရှိလာတော့မှာလား ဆိုတာ ငါ မသိဘူး။ မင်းကြည့်ပါဦးကွာ။ သူတို့က ငါ့ကို နှစ်တိုးလစာ တိုးပေး နေ ကြတယ်လေ”
ဗင်ကတ်ရာယို ဆွဲဆွဲငင်ငင် အသံဖြင့် ပြောပြလိုက်မိလေသည်။

သင်းမြတ်ကို

အိန္ဒိယစာရေးဆရာ
R.K.NARAYAN ၏ FORTY-FIVE A MONTH

Model                   : Si Thu Win, Thun Thit Sar Zaw

Dress                     : GiordanoGirl

Make-up               : Htet (Pop Soul)

Man Make-up     : Paing Paing

Photo                     : Ko Naing (Popular)

Arranged by       : Nay Yi Yi Lin

Model : Min Min
Make Up : Paing Paing
Dress : Wizard (Taw Win Center)
Photo : Ko Naing (Popular)
Arranged : Nay Yi Yi Lin

အမျိုးသမီးတွေ ဟာ သူတို့ရဲ့ လက်သည်းလေး တွေ ခြောက်သွေ့ ပျက်စီးပြီး အက်ကွဲ လာခြင်း၊ ကျိုးပျက် သွားခြင်းတွေကို အလို မရှိကြပါဘူး။ လက်သည်းတွေ ကျိုး ပျက် ပဲ့ထွက် လာခြင်းက သူတို့ရဲ့ Image ကို ထိခိုက် တာကြောင့် ဖြစ်ပါတယ်။ လက်သည်းတွေဟာ တစ်ခါ တစ်ရံမှာ အကြောင်း အချက် မျိုးစုံကြောင့် အားနည်း ပြီး ခြောက်သွေ့ ကျိုးပျက် တတ်သလို မျိုးရိုး စဉ်ဆက် ကြောင့်လည်း ဖြစ်တတ်တယ် ဆိုတာကို သတိပြု ရပါမယ်။ ဒါပေမဲ့လည်း ကောင်းမွန်အောင် ထိန်းသိမ်း ပြုစု ဖို့ ကတော့ မိမိ ရဲ့ တာဝန်ပဲ ဖြစ်ပါ တယ်။ ဒါကြောင့် လက်သည်းလေး တွေ ခြောက်သွေ့ ပျက်စီးမှု ဒဏ် မှ တားဆီး ကာကွယ် ပေးပြီး သန်စွမ်း ကြံ့ခိုင်ပြီး တောက်ပနေတဲ့ လက်သည်းလေး တွေကို ပိုင်ဆိုင်နိုင်မယ့် နည်း လမ်းလေးတွေ ကို ရှာဖွေကြည့် ရအောင်ပါ။

သံလွင်ဆီ သုတ်လိမ်းပါ

လက်သည်းသား ပါးလွှာတဲ့သူတွေဟာ ခဏ လေးနဲ့ ကျိုးပဲ့ လွယ်တတ်ပါတယ်။ သင့်လက်သည်း သားလေးတွေဟာ ပါးလွှာတယ် ဆိုရင်တော့ လက်သည်းလေးတွေ ကြံ့ခိုင် သန်စွမ်းလာဖို့ အတွက် သန့်စင်တဲ့ သံလွင်ဆီကို တစ်လ တစ်ကြိမ် ၁ဝ မိနစ် ၁၅ မိနစ်ခန့် သုတ်လိမ်း စိုစွတ်ပေးပါ။ ဒီထက်ပိုပြီး လိုအပ်တယ် ဆိုရင်တော့ တစ်ပတ် နှစ်ကြိမ်ခန့် ပြုလုပ်ပေးနိုင်ပါတယ်။ ဒါဟာ ငွေကုန်ကြေးကျ လည်း သက်သာပြီး အိမ်မှာတင် ပြုလုပ်နိုင်မယ့် အလှအပ ဆိုင်ရာ ကုထုံးမျိုးပဲ ဖြစ်ပါတယ်။ ဒီကုထုံး ဟာ အားနည်း ပျက်စီး လွယ်တဲ့ လက်သည်းလေး တွေကို အခိုင်အမာ ကူညီပေးနိုင်တဲ့ ကုထုံးမျိုးပဲဖြစ်ပါတယ်။

အသားမာလိမ်းခရင်မ်ကို အသုံးပြုပါ

လက်သည်းခွံရဲ့ ဘေးပတ်လည် ဝန်းကျင်မှာ အသား မာခွံလေးတွေ ရှိနေတယ် ဆိုရင်တော့ အာဟာရ ဖြည့်တင်း ပေးနိုင်မယ့် အသားမာလိမ်း ခရင်မ်ကို အသုံးပြုပေးဖို့ လိုအပ်ပါတယ်။ ဗီတာမင် E ပါဝင်တဲ့ အသားမာ လိမ်းခရင်မ်က ခြောက်သွေ့မှု၊ လက်သည်းလေးတွေ ကြွပ်ဆတ်၊ ကျိုးပဲ့လွယ်မှုတို့ မဖြစ်ရအောင် အာဟာရ ဖြည့်တင်း ကူညီပေးပါတယ်။ ညအိပ်ရာ မဝင်ခင် မှာ ဒီခရင်မ်ကို လက်သည်းခွံ နဲ့ သူ့ဘေးပတ်လည် ဝန်းကျင်ကို လိမ်းကျံပြီး ပွတ်သပ်နှိပ်နယ်ပေးပါ။

နေ့စဉ်လုပ်ငန်းဆောင်တာများအတွက် လက်အိတ် သုံးပါ

သင်ဟာ နေ့စဉ် လုပ်ငန်းဆောင်တာ များကို လုပ်ဆောင်နေတဲ့ အချိန်မှာ လက်အိတ် စွပ်ထားပါ လို့ အကြံပြုပါရစေ။ အိုးခွက် ပန်းကန်များ ဆေးကြောချိန်၊ အိမ် သန့်ရှင်းရေး ပြုလုပ်ချိန် နဲ့ ပန်းခြံများကို ပြုပြင်မှု ပြုလုပ်ချိန်တွေမှာ လက်အိတ် ကို အသုံးပြုပေးရမှာ ဖြစ်ပါတယ်။ အစွန်း ချွတ်ဆေးတွေနဲ့ အိမ်သုံး သန့်စင်ဆေးတွေ ဟာ သင့် လက်ချောင်းနဲ့ လက်သည်းခွံလေးတွေ ကို ခြောက်သွေ့ ကြမ်းတမ်း ပျက်စီးစေနိုင်ပါတယ်။ ပန်းခြံတွေ ကို ပြုပြင်တဲ့ အခါမှာ မြေဆီလွှာတွေ နဲ့ ထိတွေ့ခြင်းက လက်သည်းခွံ တွေ ပျက်စီးမှု ပြဿနာတွေကို ဖြစ်ပေါ်စေပါတယ်။ ဒါကြောင့် မိမိအိမ်ရဲ့ လုပ်ငန်း ဆောင်တာတွေကို လုပ်ဆောင် နေတဲ့အချိန်တွေ မှာ လက်အိတ်စွပ် ထားခြင်း က အကောင်းမွန် ဆုံး ကာကွယ် ထိန်းသိမ်းမှုပဲ ဖြစ်ပါ တယ်။

Biotin ဓာတ်ပါတဲ့ အစားအစာများကို စားသုံးပါ

သင့်လက်သည်းတွေမှာ အားနည်းပျက်စီးမှု တွေ ရှိနေတယ် ဆိုတာက သင့်ရဲ့ ကျန်းမာရေး ကို လည်း ပြသနေရာ ရောက်ပါတယ်။ သင့်ရဲ့ စားသောက်မှု ပုံစံမှာ Biotin ဓာတ်ကြွယ်ဝတဲ့ အစားအစာတွေ ကို စားသုံးပေးဖို့ လိုအပ်တယ်။ Biotin ဓာတ်ကြွယ်ဝတဲ့ အစားအစာတွေက အသည်း၊ ဥ၊ အစေ့အဆန်များ၊ ပန်းဂေါ်ဖီ ၊ ထောပတ်သီး စတဲ့ အစားအစာတွေပဲ ဖြစ်ပါတယ်။ Biotin ပါဝင်တဲ့ အစားအစာတွေက သင့်ရဲ့ ခန္ဓာကိုယ် ကျန်းမာရေးကို အကျိုး ဖြစ်ထွန်းစေမှာ ဖြစ်သလို သင့်လက်သည်းတွေကို လည်း ခွန်အား ဖြစ်စေ ပြီး ထူထဲသန်မာစေပါတယ်။

နေ့စဉ်အာဟာရဓာတ် စုံလင်အောင် ဖြည့်ဆည်း ပါ

အာဟာရ ဓာတ်ဟာ သင့်ခန္ဓာကိုယ် တစ်ခုလုံး အတွက် မရှိမဖြစ် လိုအပ်သလို သင့်ရဲ့ လက်သည်း တွေအတွက်လည်း အံ့သြဖွယ်ရာ ပြောင်းလဲ ကောင်းမွန်စေနိုင် ပါတယ်။ ဗီတာမင် A ၊ ဗီတာမင် C နဲ့ Calcium တို့ဟာ သင့်လက်သည်းတွေ ခြောက်သွေ့ခြင်း၊ ကြွပ်ဆတ် ကျိုးပဲ့ခြင်းတို့မှ ကင်းဝေးစေနိုင် ပါတယ်။ ဒါကြောင့် multivitamin နဲ့ Calcium ဓာတ်တွေကို သင့် ခန္ဓာကိုယ် အတွက် နေ့စဉ် သေချာစွာ ဖြည့်စွက်ပေးဖို့ လိုအပ်ပါတယ်။ ဒါ့ပြင် Protein နဲ့ Calcium ဓာတ် တို့ကြွယ်ဝ စွာ ပါဝင်တဲ့ အစားအစာတွေ ကိုလည်း သေချာစွာ စားသုံးပေးဖို့ လိုအပ်ပါတယ်။

လက်သည်းဖျက်ဆေးကို မကြာခဏ အသုံးမပြု ပါနှင့်

လက်သည်းဖျက်ဆေး ကို တစ်လလျှင် တစ်ကြိမ်၊ နှစ်ကြိမ်ခန့်ထက် ပိုပြီးတော့ အသုံးမပြု ပါနဲ့လို့ အကြံပြုပါရစေ။ လက်သည်း ဖျက်ဆေးမှာ အက်စီတုန်း ဓာတ်ငွေ့ ပါဝင် တာကြောင့် လက်သည်းတွေကို ခြောက်သွေ့ ပျက်စီးစေပါ တယ်။

လက်သည်းလေးတွေကို နှိပ်နယ်ပေးပါ

သင့်ရဲ့ လက်သည်းလေးတွေကို ပွတ်သပ် နှိပ်နယ်ပေးခြင်းက လက်သည်းခွံ ဧရိယာတစ်ဝိုက် ရှိ သွေးလည်ပတ် စီးဆင်းမှုကို လှုံ့ဆော်ပေးပါ တယ်။ ဒါ့ပြင် လက်သည်း ခွံလေးတွေ ကျန်းမာ သန်စွမ်းစွာ ရှည်လျား လာစေဖို့အတွက် ကူညီမှု ပေးပါတယ်။ နှိပ်နယ်တဲ့ အခါမှာ အစိုဓာတ်ဖြည့် တင်းပေးတဲ့ Lotion ကို လိမ်းကျံပြီး နှိပ်နယ်ပေး ပါ။ ဒါဟာ အသားမာတွေ ကိုလည်း သက်သာ ပျောက်ကင်းစေပါတယ်။ ရေချိုးပြီး ချိန်တိုင်းမှာ ပြုလုပ်ပေးပါလို့ အကြံပြုပါရစေ။

ရေများများသောက်ပါ

ရေသောက်ခြင်းဟာ အလုံးစုံသော ကျန်းမာရေး ကောင်းမွန်မှုကို ရရှိတယ် ဆိုတာကို အားလုံးပဲ သိထားပြီး သားဖြစ်ပါတယ်။ ဖြည့်စွက် ပြောပြချင်တာ တစ်ခုကတော့ အလုံးစုံသော ကျန်းမာရေး ကောင်းမွန်မှု ဆိုရာမှာ သင့်လက် သည်းလေးတွေလည်း ပါဝင်နေတယ် ဆိုတာကို မမေ့ပါနဲ့။ ရေသောက်ခြင်းက ခန္ဓာကိုယ်ရဲ့ ရေဓာတ် ပမာဏ ကို ဖြည့်တင်းပေးတာ မို့ လက်သည်းတွေ ခြောက်သွေ့ ပျက်စီးမှု မရှိအောင် ကူညီပေးပါတယ်။ လက်သည်း အပြင် သင့်ဆံပင် နဲ့ အရေပြား အတွက် လည်း ကောင်းမွန် တဲ့ အကျိုး ကျေးဇူးကို ပေးစွမ်းနိုင် ပါသေးတယ်။

သင့်လက်သည်းကို ကြမ်းတမ်းစွာ အသုံးမပြု ပါနဲ့

သင့်ရဲ့ လက်သည်းလေး တွေကို ထိခိုက် ပဲ့ထွက် သွားလောက်တဲ့ အထိ ကြမ်းတမ်းစွာ အသုံးမပြုပါနဲ့လို့ အကြံပေး ပါရစေ။ အအေးဘူး တွေကို လက်သည်းခွံနဲ့ ဖွင့်ဖောက် တာ၊ ဖုန်း ခလုတ်တွေကို ကြမ်းကြမ်း တမ်းတမ်း နှိပ်တာတွေ ဟာ လက်သည်းလေးတွေ ကို ထိခိုက် ပျက်စီးစေ ပါတယ်။ ဒါကြောင့် နေရာတိုင်း လက်ချောင်း လေးတွေကို အသုံး မပြုဘဲ လက်ချောင်း များ နေရာမှာ ကိရိယာ တစ်ခုခုကို အစားထိုး သုံးစွဲပါလို့ ဆိုပါရစေ။

အေမီချို

(၆)

ခြူးခြူးမွေးနေ့ပွဲတုန်းက မွေးနေ့ကိတ်မုန့် တစ်ဖဲ့ပြုတ်ကျတဲ့ အမှုက ခေါင်းပဲအခေါက်ခံရလေ မလား၊ ဇက်ပိုးနှိမ်ပြီး ကျောကုန်းပဲ အထု ခံရလေမလားတွေးမိတော့ ကျီးမနိုး စိတ်ထဲမလန်းဘူး။ အပြစ် လုပ်မိပြီကိုး။ ဒါပေသိ သည်အဖြစ်က ရယ်စရာဖြစ်ခဲ့ရသယ်။ ပွဲပြီးတော့ မာမီက ဒါကိုပြောပြောပြီး ရယ်လိုက် သာ။ ကျီးမနိုးကလည်း သူ့ အသံ စာစာကလေးနဲ့ရယ်သာပဲ။ သည်လိုဆိုတော့ ကျီးမနိုးအဖို့ရာ လမင်းကြီးခမျာ လငပုတ်ဖမ်းရာက ဝင်းဝင်းစက်စက်ကြီး လွတ်လာသလို ပေါ့သွားခဲ့ရသယ်။

ချမ်းသာတဲ့ လူတွေဟာ အသိရခက်ပါ့ကော။ မဟုတ်သာကို ပုံကြီးချဲ့လားချဲ့ကြရဲ့။ ဟုတ်သာကို မဟုတ်သလို နေလား နေကြရဲ့။ ကျီးမနိုး နားမလည်နိုင် ဘူး။ ခြူးခြူး နဲ့တွေ့တော့ မေးကြည့် သယ်။

”ခြူးခြူးတို့သီချင်းဆိုသာ နား ထောင်လို့ကောင်းသယ်…ညည်း အိမ်မှာဆိုသာ ငါဖြင့်မကြားဖူး ပေါင်”
”အဲသာ မွေးနေ့မှာ ဆိုရ သာ…ဟက်ပီးဘာ့သ်ဒေးတူးယူ ဆိုသာလေ”
”အဲသာ ဘာပြောသာတုံး”
”မွေးနေ့သီချင်းပေါ့…ပျော်ရွှင်စရာကောင်းတဲ့ မွေးနေ့လို့ ပြောသာ”
”မွေးနေ့မဟုတ်လည်း ခြူးခြူး ဘဝက ပျော်စရာကောင်းပြီးသား ပါအေ”
”မဟုတ်ဘူး…ခြူးခြူးမပျော် ဘူး။ ကျီးမနိုးကော ပျော်သလား”
”အလကားနေရင်းတော့ ဟီလာထမနေဘူးပေါ့အေ…ပျော်တဲ့အခါပျော်ပေါ့ မပျော်တဲ့အခါ မပျော်ပေါ့”
”ဘာပြောသာလဲ ဟီလာ ထသယ်ဆိုသာ”
”မပြောတတ်ပေါင်အေ…အမေတို့သုံးသာကြားဖူးသာပါ…ဣနြေ္ဒမရှိ သိက္ခာမရှိ တဟားဟား လုပ်နေသာကို ပြောသာထင်ပါရဲ့”
”ခြူးခြူးက ဟီလာထချင် သာ”
”မဟုတ်သာအေ”

ခြူးခြူးရဲ့ မွေးနေ့ပွဲကြီးပြီးတော့ တိုက်ကြီးက ပိုပြီးခြောက်သွားသလို ပဲ။ အမေကပြောဖူးသယ်။ လောက မှာ ကျတ်ဆိုတဲ့ သရဲတွေရှိသတဲ့။ သည်ကျတ်တွေက လူယောင်ဖန်
ဆင်းပြီး ကျတ်ကုန်းခေါ်တဲ့ကျတ် တွေချည်းနေတဲ့ရွာမှာနေကြသတဲ့။ အမေပြောသာတော့ လူတွေလိုပဲ ရွာကြီးဖွဲ့ပြီးနေကြသာတဲ့။ ညဖက် ရောက်ရင် ကျတ်ကုန်းကြီးမှာ မီးတွေထိန်နေအောင်ထွန်းကြပြီး ပွဲလမ်းသဘင်တွေနဲ့ ကကြခုန်ကြ၊ စားကြသောက်ကြ၊ ပျော်ကြပါးကြ သတဲ့။ မနက်ရောင်နီလာရင်တော့ ကျတ်ကုန်းလည်း မရှိတော့ဘူး။ တစ်ညလုံး ပျော်ပါးကြတဲ့ ကျတ်တွေ လည်း မရှိကြတော့ဘူးတဲ့။ ဟုတ်လေ သလား မဟုတ်လေသလားတော့ မပြောတတ်ပါဘူး။ အမေ ပြောသာ ကြားဖူးသာ။

သည်တိုက်ကြီးလည်း မထူးဘူး။ ကျတ်ကုန်းလိုပဲ။ တစ်ခါ တစ်ခါ မီးရောင်တထိန်ထိန်နဲ့။ ဧည့်သည်တွေက ကားရောင်စုံတွေနဲ့ လာပြီးစားကြသောက်ကြနဲ့။ တစ်ခါ တစ်ေ လတော့ တိုက်ကြီးက ခြောက် သွေ့သွားလိုက်သာ ရွာကသဲချောင်း လိုပဲ။ခြူးခြူးအတန်းရလာတော့ အိမ်မှာ ဆရာဆရာမတွေ ရောက် လာကြပြီ။ နေ့ဘက် မှာကျောင်း သွား၊ ညနေဘက်ကျတော့ ဆရာမတွေ သူ့အချိန်နဲ့သူ လာကြသာပဲ။

အင်္ဂလိပ်စာဆရာမနဲ့ သင်္ချာဆရာမ တဲ့။ အင်္ဂလိပ်ဆရာမနဲ့ခြူးခြူးနဲ့တွေ့ ရင် အင်္ဂလိပ်လိုပြောကြရသယ်။ ဗမာစကားပြောရင် လက်ဝါးကို ပေတံနဲ့ တစ်ချက်ရိုက်သတဲ့။ အလိုတော်။ ဖြစ်ရလေ…။ ဗမာပဲ ဟာ ဗမာစကားပြောလို့ အရိုက်ခံရ သတဲ့လား။ ကျီးမနိုးနားမလည်နိုင် ဘူး။ တစ်ခါတစ်ခါ ခြူးခြူးက ပြော တတ်သယ်။ သူက သင်္ချာညံ့ သယ်တဲ့။ သူတို့သင်္ချာဆိုသာကို ကျီးမနိုး နားမလည်ပေသိ သူသိသာတော့ ပြောပြမိသယ်။

”စပစေ့ (စပါးစေ့) နှစ်ရာကို တစ်လက်ဆွန်း…နှစ်လက်ဆွန်း ရှိတော့ တစ်ဆုပ်…နှစ်ဆုပ်ကို တစ်လက်ဖက် …နှစ်လက်ဖက် တစ်လက်ခုပ်…နှစ်လက်ခုပ် ကျတော့ တစ်စလယ်ခေါ်သယ်…နှစ်စလယ် တစ်ခွက်…နှစ်ခွက် တစ်ပြည်…နှစ်ပြည်ကျတော့ တစ်စရွတ်…နှစ်စရွတ် တစ်စိတ်…နှစ်စိတ် တစ်ခွဲ”
”ကျီးမနိုး ဘာတွေပြောနေ သာလဲ…ခြူးခြူးတို့ အဲဒါတွေ မသင်ရဘူး”
”ညည်းတို့ကျောင်းမှာ မသင် ဘူးပေါ့…တို့ရွာက ဘုန်းကြီး ကျောင်းများတော့ သင်ရသယ် …ဆယ်ဆံခြည် တစ်နှမ်း …ခြောက်နှမ်း တစ်မုယော…လေးမုယော တစ်လက် သစ်. .. ရှစ်လက်သစ်ကျတော့ တစ်မိုက်…သုံးမိုက်တော့ တစ်တောင်”
”တစ်တောင်က ဘာလဲ”
”လူ့တစ်တောင်ဆစ်နဲ့ တစ်တောင် ရှိသာလေ…သည် မယ်ကြည့်…သည်စားပွဲကို တိုင်း ပြမယ်”

ခြူးခြူးက သူတတ်ထားတဲ့ သင်္ချာနဲ့ ကျီးမနိုးပြောပြတဲ့သင်္ချာ မတူတာကိုသတိထားမိပုံပေါ်ပါရဲ့။ သူ့ဆရာမလာရင် သင်ခိုင်းမယ်တဲ့။ သည်တော့ ကျီးမနိုးက ပိတ်ရပြန် ရော။ မလုပ်ပါနဲ့အေ…ညည်း အမေကြားရင် မိုးမီးလောင်လိမ့် မယ်လို့ တားရသာပါ။ ပြောသာ ပြောရသာ။ ခြူးခြူးရဲ့မျက်လုံးတွေက သူ့ကို အထင်တကြီး ကြည့်နေသာ ကို မြင် ရတော့ ကျေနပ်မိသယ်။သူသိချင်သာလည်းမေးမိပါရဲ့။

”ညည်းတို့ အင်္ဂလိပ် စကား ကျတော့ ကျီးမနိုးကိုဘယ်လိုခေါ် သလဲ”
”စလိပင်းခရိုး”
”ဘာရယ်…စပလင်ခါးရိုး”

ခြူးခြူးက ရယ်လိုက်သာလေ။ သည်လိုရယ်ကာမောကာရှိသာကိုပဲ ကျီးမနိုးဝမ်းသာနေမိသယ်။ ခြူးခြူး က ရယ်ခဲသယ်၊ ပျော်ခဲသယ်ဆိုသာ သူသိသာကြာပြီ ပဲ။ ခြူးခြူး ပျော် ပါစေလေ။

”ကျီးမနိုးရယ် … ဘယ်က လာ စပလင်ခါးရိုးရမှာလဲ…စလိပင်းခရိုးဆိုသာ အိပ်နေတဲ့ ကျီးကန်းလို့ပြောသာပါ…စလိပင်းဆိုသာ အိပ်နေသာ ခရိုးက ကျီးကန်း”
”ငါက အိပ်နေတဲ့ ကျီးကန်းမှ မဟုတ်သာအေ…ကျီးမနိုးပါ”
”အိပ်နေသာ မနိုးသာ အတူတူ ပေါ့ကျီးမနိုးရဲ့”
”မတူဘူးအေ့ … ဘယ်လို မတူသာလဲတော့ ငါလည်း မပြော တတ်ဘူး…လက်စသတ်တော့ ညည်းတို့အင်္ဂလိပ်စကားက တည့် တည့်ပြောလို့မရပဲကိုး။ ကိုင်းအေ ဒေါ်ကြီး လှဆိုရင်ကော”

”အန်တီ ဗျူတီ”
”ဒါဖြင့်ရင် ဦးသန်းမောင်”
”ဒရိုင်ဘာ”
”ဟုတ်ကဲ့လားအေ”

တစ်ခါတစ်ရံ ရှားရှားပါးပါး တွေ့ဖြစ်တဲ့အခါ ပြောဖြစ်ကြတဲ့ စကားတွေပါ။ များသောအားဖြင့် ခြုးခြူးနဲ့ ဟိုတုန်းကလို စကား မပြောဖြစ်တော့ဘူး။ ဆယ်နှစ်သမီး ဟိုဘက် ကလို ကျီးမနိုးတို့နေတဲ့ တန်းလျားကိုကူးလာပြီး အိပ်ရာတွေ ပေါ် မလှိမ့်တော့ပါဘူး။ တစ်ယောက်တည်း ငေါင်ငေါင်ကြီး နေရသာကို ပိုသဘောကျပုံရပါရဲ့။ တိုက်ရှေ့က ဒန်းပေါ်မှာ တစ်ယောက်တည်းထိုင်ပြီး စီးနေရင် ထမင်းမှန်းဟင်းမှန်း မသိတော့ သလိုပဲ။ မအေက ခြူးခြူးထမင်းစား ပြီးပြီလားမေးလို့ မစားရသေး ဘူး ပြော လိုက် ရင် ပြဿနာက ကျီးမနိုး ဆီ လာတော့မှာလေ။ သည်တော့ စီးနေတဲ့ ဒန်းကိုဆွဲထားပြီး ထမင်း စားတော့ ပြောရသယ်။သည်အခါမျိုးမှာ ခြူးခြူးက အိပ်မောကျနေ တဲ့လူ ကို ရေအေး အေးနဲ့ လောင်းလိုက်သလို လန့်သွား တတ်လေရဲ့။ တစ်ခါတစ်ခါ ထူးဆန်း တဲ့စကားမျိုး ပြောတတ်သာလည်း ရှိသယ်။

”ကျီးမနိုးကိုမေးမလို့…သည်ကမ္ဘာကြီးထဲမှာ ခြူးခြူးလို လူတစ်ယောက် သပ်သပ်ရှိသေး သလား”
”ဘယ်လို…ညည်းလိုလူ တစ်ယောက် ဘယ့်နှယ့်လုပ်သပ်သပ်ရှိမှာတုံး…မဟုတ်သာ”

”ရှိသယ်…ကျီးမနိုးလည်း နှစ်ယောက်ရှိသယ်…မာမီလည်း နှစ်ယောက်ရှိသယ်…လူတွေမှာ နှစ်ယောက် နှစ်ယာက်ရှိသယ်…ဆိုးတဲ့လူနဲ့ ကောင်းတဲ့လူ…

ကျီးမနိုးဆိုပါတော့ကောင်းတဲ့ ကျီးမနိုးတစ်ယောက်ရှိသယ်…ဆိုးတဲ ကျီးမနိုးတစ်ယောက်လည်း ရှိသယ်”
”ငါကကော ဘာကျီးမနိုးလဲ”
”ကောင်းတဲ့ကျီးမနိုး”
”တော်ပါသေးရဲ့အေ”
တစ်ခါတစ်ခါတော့ သူကိုယ် တိုင် အင်္ဂလိပ်စာအုပ်တစ်အုပ်ကို ယူလာတတ်သယ်။ တစ်ခါယူလာ တာက ပုံပြင်စာအုပ်တဲ့။ ရှင်ဒွဲလား တဲ့။ ခြူးခြူးလိုတော့ မခေါ်တတ် ပါဘူး။ ရှင်ဒွဲလားလို့ကြားသားပဲ။ ရှင်ဒွဲလားက အိမ်ရှိသမျှအလုပ်တွေ သိမ်းကျုံးလုပ်ရပေသိ ဘယ်တော့မှ မျက်နှာကောင်းမရတဲ့ အကြောင်း၊ အဲသည်အိမ်က မိန်းမကြီးက အလွန် ရက်စက်တဲ့အကြောင်း၊ သည်မိန်းမ ကြီးမှာ သမီးနှစ်ယောက်ရှိတော့ သူတို့လည်း မအေလိုပဲရက်စက်ပြီးစိတ်နှလုံးပုပ်တဲ့အကြောင်းတွေ ပြောပြတတ်သယ်။ အင်္ဂလိပ်လို ဖတ်ပြလိုက်၊ ဗမာလို ပြောပြလိုက် ဆိုတော့ နားထောင်လို့ ကောင်း လိုက်သာ။ ရှင်ဒွဲလားက အင်မတန် ချောတဲ့ မိန်းမချောဆိုသာလည်း ပါရဲ့။ တစ်ခါမှာတော့ ဘုရင့် သားတော်က ကြင်ရာတော်ရှာရာမှာ တစ်တိုင်းပြည်လုံးက မိန်းကလေး အရွယ် ရောက်ကြသူတွေ နန်းရင်ပြင်ကပွဲသဘင်ကို လာကြရ မယ်ဆိုတော့ ရှင်ဒွဲလားကလည်း မိန်းကလေးဆိုတော့ သွားချင်သတဲ့။ ရှင်ဒွဲလားသွားနိုင်အောင် ငှက် ကလေးတွေက အင်္ကျီချုပ်ပေးကြ သယ်။ြ<ွကက်ကလေးတွေက မြင်းတွေအဖြစ် လှည်းဆွဲပေးကြ သယ်။ ဖရုံသီးက လှည်းဖြစ်သွား သယ်ဆိုတော့ ကျီးမနိုးတောင် အံ့သြသွားမိသယ်။

”ညည်းက ရှင်ဒွဲလားဖြစ်ချင် သာပေါ့”
”စင်ဒရဲလားပါ ကျီးမနိုးရယ်…ရှင်ဒွဲလားမဟုတ်ပါဘူး…ခြူးခြူးက စင်ဒရဲလားမဖြစ်ချင် ဘူး…ခြူးခြူးက မြင်းဖြစ်အောင် ဖန်ဆင်းတဲ့…အဲ …ဟုတ်တယ် တီချာက ဖန်ဆင်း တယ် လို့ ပြော တယ်…ခြူးခြူးက မြင်းဖြစ် အောင် ဖန်ဆင်းနိုင်တဲ့ြ<ွကက်ကလေး ဖြစ်ချင်တာ ကျီးမနိုးရဲ့…ြ<ွကက် ကလေးတွေကို မြင်းဖြစ်အောင် ဖန်ဆင်းနိုင် ရင် မြင်းတွေ လိုလျှောက် ပြေးနိုင်သယ်လေ”

”မဟုတ်သာအေ…မြင်းဖြစ် ချင်ရသယ်လို့…ညည်းက ဘယ် ကိုများ ပြေးချင်သာတုံး”
”အဝေးကြီးကို…သည်ကို ပြန်မလာနိုင်တဲ့ အဝေးကြီးကို”

သည်စကားကြားတော့ ကျီးမနိုးတောင် လန့်သွားမိသယ်။ ခြူးခြူးကစကားကို ဘယ်ရောက်လို့ ဘယ်ပေါက်မှန်းမသိအောင် ပြော တတ်သာလည်း သိပါရဲ့။ ထူးထူး ဆန်း ဆန်းပြောနေကျဆိုသာလည်း သိပါရဲ့။ ဒါပေသိ သည်တစ်ခါပြောပုံ က ဘယ့်နှယ့်ကြီးမှန်းမသိလို့ လန့်သွားသာပါ။ ပုံပြင်လာပြော တုန်းက ရှင်ဒွဲလားလို မင်းသမီးချော ကလေးဖြစ်ချင်လို့ ထင်မိသာလေ။

ပြီးတော့မှ မြင်းဖြစ်အောင် ဖန်ဆင်းလို့ရရင် အဝေးကြီးကို လျှောက်ပြေးချင်သာတဲ့။ ကျီးမနိုး အဖို့ရာ ရွှေယုန်နဲ့ရွှေကျား သက်ကယ်ရိတ် သွားသယ်ဆိုသာ လောက် ကြားဖူး သာဆိုတော့ သူတို့ အင်္ဂလိပ်ပုံပြင်နဲ့သူတို့ အဲသလို တွေးသာ ကလေးသဘာဝ ထင်ပါရဲ့ လို့ပဲ အောက်မေ့မိသယ်။တစ်ခါသား နွေပေါက်ကာနီး တိုက်ကြီးထဲက သ တင်းထွက်လာ ခဲ့သယ်။ တပေါင်းလထဲရောက်ရင် ရှင်တစ်ရာ အလှူကြီးပေးတော့မယ် ဆိုတဲ့သတင်းပါ။ ရွာက ဦးအောင် မြတ်ကိုခေါ်ပြီး စီစဉ်ဖို့ပြော သာကို တစ် ဆင့်ကြားရသာပါ။ ကျီးမနိုးတို့ ရွာမှာ မဏ္ဍပ်ကြီးထိုးပြီးလှူမယ်၊ ပခုက္ကူက ဇာတ်ပွဲထည့်မယ်၊ ဆင်းရဲ နွမ်းပါးတဲ့ကလေးတစ်ရာကို စာရင်း ကောက်ပြီး ရွာမှာပဲလှူမယ်။

မာမီတို့မိသားစုက အလှူဝင် ရက် မတိုင်ခင်တစ်ရက်ကြိုရောက်၊ အလှူဝင်နဲ့ အလှူကြီးရက်နှစ်ရက် ရွာမှာနေမယ်။ နောက်တစ်နေ့ ပြန်မယ်ဆိုသာတွေ ကြားရတော့ ကျီး မနိုးပျော်လိုက်သာ။ ရွာက မောင်လေးနှစ်ယောက် အပါအဝင် ဆင်းရဲတဲ့ကလေးတွေလည်း ရှင်ပြု ပြီးသားဖြစ်၊ ပွဲလည်းကြည့်၊ အဖေ တို့အမေတို့နဲ့ လည်း လေးငါး ရက် နေရမှာမဟုတ်လား။ သည့်ထက် ဝမ်းသာသာက ခြူးခြူးကို ရွာ ရောက်စေချင်တဲ့ဆန္ဒ ပြည့်ရတော့ မယ်ပေါ့လေ။ ရွာရေကန်ထဲက ကြာပန်းတွေ၊ ကျွဲတွေ နွားေ တွ၊ မောင်းစင်နဲ့တင်းကုပ်တွေ၊ ရွာ ညောင်ပင်ကြီးတွေနဲ့ ထန်းတောကြီး တွေ၊ ရွာဘုန်းကြီးကျောင်းနဲ့ နတ်လမ်းရှည်၊ ရွာ့ရက်ကန်းစင်တွေ နဲ့အခင်းတကာထဲ အလုပ် ဆင်း နေကြတဲ့ တောသူတောင်သားတွေ ကို ပြချင်လှပြီ။ ကံကောင်းရင် ရွာငှက်တွေကိုတွေ့ရကောင်းပါရဲ့။ ရွာက ဂျစ်တူး လို့ခေါ်ကြ တဲ့ထော်လာဂျီကား လည်း ကောင်းေ ကာင်းပါ သေးရဲ့။ ပုစဉ်းနဲ့ ပိုးစုန်းကြူးတွေလည်းပြချင်ပါရဲ့။ကျီးမနိုး ပြောပြောပြနေတဲ့ ရွာအကြောင်းတွေထဲက ကျီးမနိုးရဲ့ ဇာတ်ကော င်တွေကို ခြူးခြူးမြင် ဖူး အောင် လက်ေ တွ့ပြလိုက်ချင်စမ်း ပါရဲ့။

”အနားရွာသုံးရွာဖြစ်တဲ့ ကိုင်းပင် ကုန်းမန်ကျည်းနဲ့ ငါတို့ ကျွဲခလောက်သုံးရွာက ကလေးတွေ တော့ ရှင်သာမဏေဖြစ်ကြရပြီပေါ့ ကျီးမနိုးရယ် …သူတို့က ငါ့ လက် ထဲ ငွေထုပ်ကြီး ပေးလိုက်မှာ ဆိုတော့ ရွာသုံးရွာကလူကြီးတွေနဲ့ အစည်းအဝေးတော့ လုပ်ရမှာပေါ့ ဟာ …ရွာတွေကလည်း ဝိုင်းရမှာ ပေါ့။ အလှူကတော့ ကျွဲခလောက် ဘုန်းကြီးကျောင်းဝင်းထဲလုပ်မှာပါ။နင့်မောင်လေးတွေ ဘယ်သူတဲ့…တိုးကြီးနဲ့တိုးလေး…သား နှစ်ယောက် သင်္ကန်းစည်းထားသာ တွေ့ရင် နင့် အဖေ ရောဂါ တစ် ဝက် ပျောက်ကရောပေါ့”

”အလှူမှာ ဘာတွေကျွေးမှာတုံး ဦးလေးအောင်မြတ်…”
”ငါတော့ ငရွှေ(ငါးရွှေ)ခြောက် ချိုချိုအိုးကြီးချက်ရယ်၊ ပဲနှပ်ရယ်၊ ငရုတ်သီးချက်ရယ်၊ ပဲတီချဉ်သုတ် ရယ်၊ မှန်ရောင်ဟင်းချိုရယ်ပေါ့အေ။ သုံးရွာမီးခိုးတိတ်ဆိုတော့ ကုန်တော့ ကုန်မှာပေါ့”
”ဖိတ်စာရိုက်ရင် ကျုပ်နာမည် ထည့်ဦး”
”အေးပေါ့ဟာ…နင့်ကို မိဦးဖဦး အမှုးထားထဲထည့်ရုံပေ့ါ”

ဦးလေးအောင်မြတ် ပြောသွား သာကိုယ်က ကျီးမနိုးမျက်စေ့ထဲမြင် ယောင်ထင်ယောင်ရှိသား။ သုံးရွာ စလုံးက အလှူပွဲလာကြသူတွေ အုန်းအုန်း ထနေမှာကို လည်း မြင် ယောင်ကြားယောင်ပါရဲ့။ သူဌေးမ အလှူဆိုတော့ အရှဘယ် (အလျှံပယ်) ကိုး။အလှူထမင်း၊ အလှူဟင်းတွေ ဘယ်လောက်များ ဗိုက်ပတ်လည် ကျအောင် စားလိုက်ကြမ လဲဆိုသာ။ စဉ်းစားကြည့်တော့ ကျီးမနိုးမျက်နှာ နဲ့ ဖြစ်ရတဲ့အလှူလို့လည်း ပြောနိုင် ပါရဲ့။ ကျီးမနိုး အလုပ်လုပ်နေတဲ့ မြို့ကသူဌေးလင်မယား လာလှူသာ လေ ဆိုတဲ့စကားကလည်းရွာတွေမှာ ပျံ့ချေသေးရဲ့။ ကျီးမနိုးက ဒါကိုပိုပြီး ဝမ်းသာသယ်။ အလှူကဘယ်ဆီမှန်း မသိသေးဘူး။ ကျီးမနိုးကိုယ်တိုင် အိပ်မပျော်တဲ့ညတွေက များလှပြီ။ တစ်ခါတစ်ခါတွေးရင်းက အသံ ထွက်ပြီးတော့တောင် ရယ်မိသယ်။ ဝမ်းသာလွန်းလို့။အဖေရေ၊ အမေရေ၊ ပိတ်စွယ် တို့၊ တိုးကြီး တိုးလေးတို့ရေ…ကျုပ်လာပြီ။ မမလာပြီလို့တောင် ပြောမိတဲ့အထိပဲ။ ကျုပ်တို့ရွာမှာ အလှူကြီးပေးမှာတဲ့။ ကျုပ်က ရွာ ပြန်ရဦးမှာတဲ့။ အလှူမှာ ကျုပ်မောင် လေးနှစ်ယောက်ပါကြသတဲ့ ဆိုသာ မျိုး ပြောချင် လှပေသိ ဒေါ်ကြီးလှနဲ့ ကားမောင်းတဲ့ ဦးလေးကြီးတွေက လွဲလို့ ပြောစရာလူကလည်း များများ ရှိသာမှုတ်ဘူးရယ်။

ကျီးမနိုးအဖို့ရာ အလှူသံတွေ ကြားနေရတဲ့အထိ စိတ်ကရောက်နှင့် ရပြီ။ ရွာကဒိုးပတ်ဝိုင်း၊ ကိုင်းပင်က ဒိုးပတ်ဝိုင်း၊ ကုန်းမန်ကျည်းက ဒိုးပတ်ဝိုင်း သုံးဝိုင်းလောက်နဲ့တင် ပွဲဆူကရောပေါ့။ ကျွဲခလောက်က ဒိုးပတ်ဝိုင်းကကော ရှိမှရှိသေးရဲ့ လား။ရှိရင်တော့ ဦးလေးသာငွေဆို မယ့် ဒိုးပတ်သီချင်း ကျီးမနိုးရလှပေါ့။ ရွာမှာ အလှူရှိပြီဆိုရင် ဦးလေး သာ ငွေက ဒါပဲဆိုနေကျကိုး။ ”ချိန်တော်ပြီ ပေါ်လာယောင် နိုး တိတ်တခိုးမျှော်xxxငွေအရုဏ် ကျင်းပါလို့ ကြက်မင်းရယ်ဆော်xxxလင်းလုပေါ့နော် xxxရွှေကြက် ဖောင်းပျံ အို…တောင်ပံ ရိုက်စေ တော့ xxx မငိုက်တမ်းသာပ ရွှေပွဲပျော်ရယ်xxxအလိုကွယ်… လင်းကာမှ ပြန်ခဲ့တော့နော်”

”ငှက်ပျောတဲ့ဖီးဆိုင် စားတော် အုန်းငယ်နှင့် xxx သုံးပါတော့ တူပျော်ပျော် xxx မယ်ဒေဝီ ခုနစ်ဖော်တို့ ကျုပ်တို့ရွာ စားတော် ကျင်းသယ်xxxလေးထောင့် နတ်မင်း”
”မောင့်ဗုံသံ အဆာကောင်းလို့ မောင်းသံလိုဟီxxxချစ်ကြိုးသီတဲ့ ပင်ကိုယ်လှရယ် xxxချစ်ကြိုးသီတဲ့ ပင်ကိုယ်လှရယ် xxx အလိုဗျာ… မင်ြး<ွကခဲ့အုံး ဟုံး ဟုံး”

တကယ်ပွဲရက်ကြီး နီးလာတော့ မှ မာမီက အိမ်ကအခိုင်းအစေတွေ အားလုံးအတွက် ပုဆိုးထမိန်ကအစ တစ်ဦး နှစ်စုံကျစီ ဝယ်ပေးလေရဲ့။ ပိုက်ဆံကလည်း သပ် သပ် ပေးသေး သာလေ။ ကျီးမနိုးကတော့ ရွာက ပါလာတဲ့အင်္ကျီတွေက စုတ်တန်သာ စုတ်၊ သေးတန်သာသေးကုန်ပြီ ဆိုတော့ မာမီဆင်ထားတဲ့အဝတ် တွေကကိုယ် မနည်းဘူးရယ်။ အသစ် တွေထပ်ရသာရောဆို တော့ ရွာပြန်လှပြီ။ သည်လိုနဲ့ ရွာပြန်ကြရ ပြီ။ ကားနှစ်စီးမှာ သူဌေးလင်မယားနဲ့ ခြူးခြူးတို့ကတစ်စီး။ ကျန်တဲ့လူတွေ ကတစ်စီး။ ကျီးမနိုးအဖို့ရာ သူဌေး ကား စီးခွင့်ရသာ သည်တစ်ခါဆို တော့ ကိုယ့်ကိုယ်ကိုယ် လေထဲ လွင့်နေသယ် အောက်မေ့မိသယ်။ ကားက အေးလို့ မွှေးလို့။ ဇိမ်ကျ ချက်တော့။ သူဌေးတွေ ဒါကြောင့် ကားကြိုက်ကြသာကိုး။

အလှူက ထင်ထားသာထက် စည်ပါရဲ့။ မလောက်မငမဖြစ်ရ အောင် ကျွေးမွေးတဲ့ ထမရေ (ထမင်းရည်) ချောင်းစီးအလှူပွဲကြီး။ ရွာကဇာတ် နှစ်ညကြည့်ရသာ မဝနိုင်ပါဘူး ဆိုလို့ မာမီသူဌေးမက တစ်ညတောင် ထပ်တိုးပေးသေး သာ။ ကျန်သာထား။ ခြူးခြူး ပျော်သာမြင်ရတော့ ကျီးမနိုးဝမ်းသာ သယ်။ နေကတော့ တပေါင်းနွေဆို တော့ ပူလှပါရဲ့။ အမြဲတမ်း အအေး ဓာတ်နဲ့နေရသူကလေးအဖို့ရာ ကောက်ညှင်းဆိုင်း မီးကင်သလို ရှိရရှာသယ်။ မျက်နှာကလေးဆိုသာ ရဲလို့။ နွားတင်းကုပ်၊ လှည်းကြမ်း၊ ဘုန်းကြီးကျောင်းအောက်က ရှေးလှေကြီး၊ ဘုန်းကြီးစီးတဲ့ လှည်း ယာဉ်၊ ပဲမှော်တိုက်၊ စပါးကျီ၊ နွားစာ စဉ်းဓါးစက်၊ ဆိတ်အုပ်၊သိုးအုပ်၊။ ကျီးမနိုးက စိတ်ထဲပေါ်သမျှ လိုက်ပြ သယ်။ ခြူးခြူးက အံ့သြလွန်းလို့လေ။ ညဘက် လှည်းထောက်ခွထားတဲ့ လှည်းပေါ်မှာ ကလေေးတွ အိမ် လည်လွန်ရာက အပြားလိုက်အိပ် ကြသယ်ဆိုသာကို ပြောပြတော့ မယုံချင်သလိုလိုနဲ့။ အရီးခွေးရဲ့ မုန့်ပေါင်းပူပူနဲ့ ဒေါ်လေးသောင်း အကြော်ရွရွ စားကြတော့လည်း မဝဘူးတဲ့။ သိပ်လည်း မကျွေးဝံ့ဘူး။ ကျီးမနိုးတို့ တောစာတွေက ကျီးမနိုး တို့ ဗိုက်နဲ့တော့ တည့်ပါရဲ့။ ခြူးခြူး ကျတော့ စားချင်သလောက် မကျွေး ရဲဘူး။ မကျွေးချင်လေ ခြူးခြူးက စားချင်လေ။

ခြူးခြူးကို ရွာ့နောက်ကချောင်း ကလေးဆီ ခေါ်သွားတော့လည်း ပျော်နေလိုက်သာ။ ချောင်းခြောက် ရှည်ကြီးတလျောက် ရောက် သလောက် လျှောက်ကြလို့ မိုးကြီး ချုပ်ကာမှ မနည်းပြန်ခေါ်လာရ သယ်။ ခြူးခြူးကပြောသေးသာ။

”ကျီးမနိုး…ခြူးခြူးတော့ လေ ဟောသည်ချောင်းကလေးနား မှာ အိမ်ကလေးတစ်လုံး ဆောက်ပြီး အမြဲနေချင်သယ်၊ ဘယ်ကိုမှလည်း မသွားချင်ပါဘူး…ခြူးခြူး တစ်ယောက် တည်းပဲ နေချင်သာ လေ”
”ညည်းနေနိုင်ပေမယ့် ညည်း အမေတို့က နေနိုင်ဦးမှကိုး”
”မဟုတ်ဘူး…မာမီတို့ မပါဘူး…သူတို့နဲ့ဝေးတဲ့ နေရာမှ နေချင်သာ”

အလှူပွဲလှည့်တော့လည်း ငေး လို့။ ဒိုးပတ်ဝိုင်းတွေကိုမြင်တော့ လည်းပြုံးလို့။ ဦးရွှေရိုးနဲ့ ဒေါ်မိုး အကများ မျက်တောင်တစ်ချက် မခတ်ဘူး။ ရှင်လောင်းတစ်ရာ ဆံချ တော့ လည်းငုတ်တုတ်။ သင်္ကန်း ကိုယ်စီနဲ့ ကိုရင်တွေ ကျောင်းကြီးပေါ် က ဆင်းလာကြတော့လည်း လက်အုပ်ကလေး ချီလိုက်လို့။ ကျီးမနိုးက ကိုရင်တွေ အများကြီး ကြားက တိုးကြီးနဲ့တိုးလေးကိုရင် နှစ်ပါးကို ရှာပြီးခေါ်လာတော့လည်း သူ့ပိုက်ဆံအိတ်ကလေးထဲက ပိုက်ဆံတွေထုတ်ပေးလား ပေးနေ လေရဲ့။

”သူတို့ကို ဘယ်လိုခေါ်သယ် ကျီးမနိုး”
”ကိုရင်”
”ကိုရင်တွေ အများကြီးပဲ…အားလုံး ဘယ်နှယောက်လဲ”
”ဘယ်နှယောက်လဲ မဟုတ်ဘူး …ဘယ်နှပါးလဲ မေးရသယ်…အပါးတစ်ရာ”
”ခြူးခြူးလည်း ကိုရင်ဝတ်ချင် သယ်”
”ယောက်ျားလေးမှ ကိုရင် ဝတ်ရသာလေ ခြူးခြူးရဲ့…မိန်းကလေးတွေကျတော့ သီလရှင် ဝတ်ရသာရယ်”
”ခြူးခြူး သီလရှင်ဝတ်ချင် သယ်”
”တစ်နေ့တော့ ကျီးမနိုးနဲ့ ခြူးခြူး သီလရှင်ဝတ်ကြသာ ပေါ့အေ”
”ဘယ်တော့လဲ”
”တစ်နေ့ပေါ့”

ခြူးခြူးစိတ်ချမ်းသာအောင် ပြောရသာပေသိ အဲသည်တစ်နေ့ ဆိုသာ ဖြစ်လာဖို့ခဲယဉ်းသားပဲ။ သီလရှင်ဝတ်ရသာ မခက်ဘူး။ ခြူးခြူးမိဘများက ခွင့်ပြုဖို့က ခက်သာ။ ကျီးမနိုး က ကျုပ်နဲ့ခြူးခြူး သီလရှင်ဝတ်ချင်လို့ရယ်လို့ ပြောဖို့ ဆိုသာဖြစ်မှ မဖြစ်နိုင်သာ။ ခြူးခြူးက သူ့အမေကို ပြောရင်တော့လည်း တစ်မျိုးပေါ့။ အလှူမဏ္ဍပ်မှာ ကျီးမနိုးနဲ့ ရွာကသူ ငယ်ချင်းတွေ အလှူထမင်းလက်ဆုံ စားကြတော့ လူတွေစားနေကြသာကိုကြည့်ပြီး ခြူးခြူးက ရင်ပြည့်နေပုံရရဲ့။ ဒါလည်း တစ်မျိုးကောင်းသာပါပဲ။

သံပန်းကန်ပြားထဲက ထမင်းကြမ်း ကြမ်းကို ငါးခြောက်အနှစ်ရည်ဆမ်း၊ ငါးခြောက်တစ်တုံးပါအောင်နှိုက်၊ ငရုတ်သီးချက်နှိုင်းချင်းနဲ့ လူးရေ ဖတ်ရေစားဖို့ဆိုသာ ခြူးခြူးအဖို့ရာ မလွယ်ပါဘူး။ ခြူးခြူးမိဘတွေနဲ့ ရွာက လူကြီးတစ်ချို့က ဇရပ်ပေါ်မှာ သင်ဖျူးတွေခင်းပြီး ထိုင်နေတာကို ဘေးက ရွာသူကလေးတွေတစ်ချို့က ယပ်တောင်တစ်ချောင်းစီနဲ့ ယပ်ခတ် ပေးနေရလေရဲ့။ မာမီဆိုရင် ပူလို့ ထင်ပါရဲ့။ မျက်နှာကြီးကို ရဲတွတ်လို့။ နဂိုက အသားကဖြူဖြူဆိုတော့ ထုံးပေါ် ရှားနှစ်ရေရဲရဲ လောင်းချ ထားသလိုပဲ။

မာမီတို့ရွာရောက်စက ကျီးမနိုးတို့ ထန်းလက်မိုးအိမ်ကလေး ကို တစ်ခေါက်လာတဲ့ပြီး အမေ့ကို ပိုက်ဆံတွေ ပေးသာတော့ရှိပါရဲ့။ ရေတစ်ပေါက် မသောက်သာထား။ အမေဧည့်ခံတဲ့ မုန့်ပေါက်ကို မစား သာထား။ တဲထဲတောင် ခေါင်းငုံ့ မဝင်ဘူး။ ရွာသူရွာသားတွေက ခြံဝိုင်းအပြင်က လေးဖက်လေးတန် ဝိုင်းကြည့်နေကြသာဆိုတော့ ကျီးမနိုးက ရှက်သလိုလိုဖြစ်လာလို့ အရဲစွန့်ပြီး ပြောလိုက်သယ်။

”မာမီတို့ အိမ်ထဲဝင်ပါဦး…မုန့်စားပါဦး”
”မဝင်တော့ပါဘူး ကျီးမနိုးရယ် …မာမီ ခေါင်းကိုက်ချင်သလိုလို ဖြစ်နေလို့နော်”
အမေက သူဌေးမ ခေါင်းကိုက် သယ်ဆိုတော့ ဝင်ပြောရှာပါရဲ့။

”ကျုပ်တို့မှာ ဆရာဖူးဆေး ရှိပါသယ်…လက်ဖဝါးထဲ ပွတ်ရှူ ရင် ခေါင်းကိုက်သာ ရှင်းရှင်းပျောက် သယ်…ပိတ်စွယ် ဆေးပုလင်းရှာ စမ်း”
”နေပါစေ…ကျွန်မ ဆေးနံ့ မခံနိုင်လို့ပါ။ ကိုင်း …သွားတော့ မယ်နော်…ကျီးမနိုးတို့ရွာက နေပူလိုက်တာ… မလွှဲသာလို့ လိုက်လာရတာ…မာမီဖြင့် ဘယ်လိုနေရမှန်းမသိဘူး။
ကျီးမနိုး အလှူပြီးရင် ရွာမှာ တစ်ရက် နှစ်ရက်နေခဲ့…ကိုအောင်မြတ်က မာမီတို့ဆီ ပြန်ပို့ပေးလိမ့်မယ် ကြား လား”

ကျီးမနိုးက ဟုတ်ကဲ့လို့ မဖြေပါ ဘူး။ ခေါင်းငုံ့ထားလိုက် သာမျိုးနဲ့ ခံတန်တန်လုပ်နေလိုက်သယ်။ ကျီးမနိုးရှက်စိတ်နဲ့ပဲ အမေ့ကို ပြုံးပြ မိသယ်။ ရှက်သာက တစ်ခြား မဟုတ် ဘူး။ သူဌေးမက ဆင်းရဲတဲ့ အိမ်ကလေးထဲ မဝင်ချင်သာ မထူး ဆန်းပါဘူး။ဒါပေသိ ရွာသုံးရွာစလုံးက ကလေးတွေတောင် ငွေကုန်ခံပြီး လှူတဲ့ အလှူ့အစ်မက ကျီးမနိုးတို့ အိမ်ထဲမဝင်ဘူးတဲ့၊ ဇရပ်ပေါ်မှာ ယပ်တောင် တစ်ချောင်းစီနဲ့ ယပ်ခတ်ပေးနေရသတဲ့၊ သူတို့အိမ် မှာ အလုပ်သွားလုပ်တဲ့ ကျီးမနိုးကို ပစားမပေးဘူး၊ မခင်ဘူးဆိုသာတွေ ရွာကပြောကြတော့မှာလေ။ နှစ်နဲ့ ချီပြီး သူတို့အိမ်မှာ ခိုင်းစေနေတဲ့ ကျီးမနိုးဆိုတဲ့ ရွာသူမိန်းကလေးကို လိုသလောက်ပဲဆက်ဆံတဲ့ သဘော က သူ့မေတ္တာ ကိုယ့်မေတ္တာ သံယောဇဉ်မပါတဲ့သဘောလို့ ကျီးမနိုးခံစားမိသယ်။ ပြောသာ ပြောရသာပါ။ကျီးမနိုးလို အိမ့်အခိုင်းအစေ မပြောနဲ့ သမီးရင်းတောင် မလိုရင် လှည့်မကြည့်သူဆိုတော့ ရှိပါစေ ပေါ့လေ။ သည်လိုတွေးမိတော့လည်း ဖြေသာသား။

”သမီး သူဌေးမတို့ အိမ်မှာ နေရသာ ညည်း စိတ်ချမ်းသာရဲ့ လား၊ ညည်းအလှူ့အစ်မက ရှင်လှည့်တော့လည်း လင်မယား နှစ်ယောက်စလုံး နေပူသာနဲ့ပဲ ပရိက္ခရာ မလွယ်ကြဘူး မရွက်ကြ ဘူး။ ရေစက်ချတော့လည်း မပါကြ ဘူး။ အလှူပြီးလို့ ဆန်ပန်းပေါက် ပေါက်ကြဲတော့လည်း ငွေဖလားထဲ လက်နှိုက်ပြီး တစ်ဆုပ်တစ်ကြဲ မရှိကြ ဘူး။ အလာကြီးလာပြီးမှ အလှူ့ဝေယျာဝစ္စထဲ မပါသာတော့ စိတ်ကြီးလွန်းပါသအေ”

အမေက သည်လိုစိတ်နှလုံးနဲ့လင်မယားကြားနေရသာ စိတ်ချမ်း သာရဲ့လားလို့မေးပြီ။ ကျီးမနိုး မဖြေတတ်ဘူး။အမေပြောသလို ရွာကလည်း ပြောကြမှာပဲ။ အဖေကတော့ ဘာမှ မပြောရှာပါဘူး။ ဦးအောင်မြတ်ပြော သလို ရောဂါတစ်ဝက် ပျောက်နေပုံ ရပါရဲ့။ ကိုရင်နှစ်ပါးအဖို့ရာရယ်လို့ လေးခွနှစ်လက်လုပ်ပေးနေလို့ အမေ က ငေါက် ယူရ သာကြည့် တော့။ ရွာမှာနေခွင့်ရတဲ့ နှစ်ရက် သုံးရက်ကတော့ ကျီးမနိုး ကျွဲခလောက်က သူ့ဘဝဟောင်း ပြန်ရောက်ရတဲ့ရက်တွေပေါ့။ညဘက် သူငယ်ချင်းရွယ်တူ တွေစုပြီး မြို့ကြောင်းရပ်ကြောင်း ပြောရသာကို သူတို့မှာ အံ့တွေသြလို့။ ကျီးမနိုးက ဒါတွေကို ဂုဏ်လုပ်ပြီး ပြောချင်စိတ် မရှိသာလည်းအမှန်ပဲ။ အမေက ကိုရင်နှစ်ပါးကို ကျောင်း မှာပဲ ပျော်သလောက်ထားတော့ မယ်တဲ့။

ကျီးမနိုးသိသားပဲ။ ကိုရင်ဘဝနဲ့ ဘုန်းကြီးကျောင်းမှာ နေနိုင် သလောက်နေကြတော့လို့ ပြောသာ မှုတ်လား။ ပိတ်စွယ်ကတော့ အရွယ် ကလေးရလာလို့ အခင်းတကာထဲ ဝင်မယ်ဆိုရင် ပိုက်ဆံရနိုင်ပါပြီ ဆိုသာလည်းပါရဲ့။ အမေ သူဌေးမ ဆီက ပိုက်ဆံယူလိုက်သာ တွေ့ပေသိ ကျီးမနိုးအမေ့ကို မေးမနေတော့ပါဘူး။ ကျီးမနိုး ကိုယ်တိုင်လည်းမြို့မှာ နေနိုင် သလောက် နေရဖို့ရှိသာပဲဟာ။နှစ်ရက်ကလွန်တော့ ဦးအောင် မြတ်ကလာခေါ်ပြီ။ ဥစ္စာစောင့်များ သိုက်နန်းကိုပြန်ဖို့ သိုက်စောင့် ဘိုးဘိုးက အသံနက်ကြီးနဲ့ ခေါ်လိုက်သလိုပဲ။ အထုပ်ပြင်တော့ အဖေငိုသယ်။ အမေငိုသယ်။ ပိတ်စွယ်ကလည်း ငိုသယ်။ ကိုရင် နှစ်ပါးကတောင် အိမ်ြ<ွကလာကြရင်း ဆုံလို့ ငိုလိုက်ကြသာ။ ကျီးမနိုးက တော့ မိဘတွေရှေ့မှာ မငိုမိအောင် နေသယ်။ လွယ်တော့ မလွယ်ပါ ဘူး။

မငိုမိအောင်နေရသာကြာ တော့ ရင်တွေတောင် အောင့်ပါရဲ့။ မြို့ကားလမ်းကို လှည်းနဲ့ လိုက်ရ သယ်။ ပြီးမှ မြို့ကားစီးရမယ်။အမေက တစ်ခါက ပြော သလို ပြော သာပါ ပဲ။ ပျော်အောင်နေပေါ့ အေတဲ့။ လှည်းထွက်တော့ ကျီးမနိုး အမေတို့ကို လှည့်မကြည့်ဖြစ်ဘူး။ လှည်းလမ်းတစ်နေရာကဆီးပြီး သူငယ်ချင်းတွေက နွေမှာ ရှားရှား ပါးပါး ပွင့်တဲ့ စပယ်ကုံးကလေး တွေ မြို့ပြန်လက်ဆောင်ရယ်လို့ လာပေး ကြသယ်။ စပယ်ပွင့်ကလေးတွေကိုနမ်းလိုက်တော့ကြိုင်လို့။

စပယ်နံ့ မဟုတ်ပါဘူး။ ရွာနံ့ပါ။
ကျွဲခလောက်ရွာနံ့ပါ။ သည် တော့မှ ကျီမနိုးငိုမိလေရဲ့။ ဦးအောင်မြတ်က ကလေးမ နင်ငိုနေ သလားတဲ့။ ကျီးမနိုးက ‘အင်း’တစ်လုံးတည်းပဲ ဖြေလိုက်သယ်။ ဦးအောင်မြတ်က ဆက်ပြောနေလေ ရဲ့။

”အေးပေါ့ဟာ…မိဘ မောင်နှမတွေနဲ့ခွဲရသာဆိုတော့ နင်စိတ်မကောင်းဖြစ်မှာပေါ့…နင်က အများကြီး တော်ပါသေးသယ် ငါ့တူမရယ်…နင်နဲ့ဘဝတူ သူငယ်ချင်း မိန်း ကလေးတွေများ ရွာမှာ အင်မတန် ပင်ပန်းကြ သယ်… ထမင်းတစ်လုပ်စားရဖို့ ကျောကို တစ်နေကုန် နေလှန်းထား ကြရသယ်…အရွယ်မတိုင်ခင် အိုစနာကျကြရ သယ်… နင်က သူဌေးအိမ်မှာ ငြိမ်းပါသယ်ဟာ”

”ကျော နေမပူသာနဲ့ပဲ ငြိမ်းရ ရောလား ဦးလေးအောင်မြတ်ရယ်’ လို့ ပြောမယ်ပြင်ပြီးမှ စကားလုံးတွေ မျိုချလိုက်ရသယ်။
လမ်းတစ်နေရာမှာတော့ ဦးအောင်မြတ်က စကားတစ်ခွန်း ပြောသယ်။
”သူဌေးမလင်မယားက အခု နေတဲ့ တိုက်ကြီးကိုထားခဲ့ပြီး တောင်ကြီးမှာသွားနေကြဖို့ စဉ်းစား နေတဲ့အကြောင်း ပြောသွားသယ် …ခြူးခြူးပညာရေး ထင်ပါရဲ့…နင်

လိုက်ရမယ်ဆိုရင် လိုက်သာ သွားဟ …ဒါမှမဟုတ်လို့ အခုနေ တဲ့ မြို့ထဲကပဲ ခြုးခြူးကို ကျောင်း အိပ်ကျောင်းစားပို့မလား တစ်ခုခု တော့ဖြစ်မှာပဲ”
သည်စကားမှန်ခဲ့ရင် ခြူးခြူးနဲ့ တော့ ဝေးရချေသေးပေါ့။ ခြူးခြူးမှ မရှိရင် မာမီတို့တိုက်ကြီးမှာ ဒေါင်း တစ်ငေးစာတောင် ကျီးမနိုးမနေချင် ဘူး။
”ဘယ်တော့တဲ့လဲ ဦးလေး”
”သည်နှစ်တော့ မဟုတ် လောက် သေးဘူးနဲ့တူပါရဲ့ …ရှေ့နှစ်ဖြစ်ချင်ဖြစ်ဖို့ပဲ”
မြင်းတစ်ကောင်လို ဝေးဝေး ပြေးချင်နေတဲ့ ခြူးခြူးကတော့ သည်စကားကြားရင် ဝမ်းသာနေ လိမ့်မယ်ထင်ပါရဲ့။
ခြူးခြူးရေ…ညည်းပြောတဲ့ရှင်ဒွဲလားပုံပြင်ထဲကလို ညည်းကြ<ွကက်ဘဝက မြင်းဘဝပြောင်း၊ ကျီးမနိုးက ဖရုံသီးစင်စစ်က မြင်း တပ်လှည်းဘဝ ပြောင်းရုံပေါ့။

(ဆက်လက်ဖော်ပြပါမည်)
ခင်ခင်ထူး

ကမ္ဘာကြီး ပူနွေးလာနေကြောင်း ပြညွှန်သည့် ဖြစ်ရပ်များအနက် တစ်ခုမှာ ကမ္ဘာ့တောင်နှင့် မြောက်ဝင်ရိုးစွန်းများရှိ ရေခဲပြင်များ လျော့နည်း ကျုံ့ဝင်လာနေမှုဖြစ် သည်။ ဆောင်းအခါ ဆီးနှင်း ကျ၍ ရေခဲပြင်များ ကျယ်ပြန့်လာလိုက်၊ နွေအခါ အရည်ပျော်သေးငယ်သွားလိုက်၊ တစ်ဖန်နောက် ဆောင်းတွင်း၌ ရေခဲပြန်ဖြစ်လိုက်နှင့် ဝင်ရိုး စွန်း များရှိ ရေခဲပြင်များ၏ ပျမ်းမျှအကျယ်အဝန်းသည် နှစ်ပေါင်းထောင်သောင်း ချီ၍မပြောင်းမလဲတည် နေခဲ့သော်လည်း ယခုအခါ ပူနွေးလာနေသော ရာသီဥတုကြောင့် ဝင်ရိုးစွန်းရေခဲပြင်များသည်  တစ်နှစ်ထက်တစ်နှစ် ပို၍ပို၍ သေးငယ်လာလျက်ရှိသည်။

မြောက်ဝင်ရိုးစွန်းရေခဲပြင်ကြီးသည် အောက်ခံရေပြင်ပေါ်၌ ခဲမာ၍ပေါလောပေါ်နေ ခြင်းဖြစ်ပြီး တောင်ဝင်ရိုးစွန်းရေခဲပြင်သည်မူ ကုန်းမြေပေါ်တွင် တည်ရှိနေခြင်းဖြစ် သည်။ အောက်ခံမတူ၍ အရည်ပျော်ချိန်၊ အရည်ပျော်နှုန်း မတူသော်လည်း ရေခဲပြင်နှစ်ခုစလုံး တစ်နှစ် ထက်တစ်နှစ် သေးငယ်လာနေသည့်အချက်တွင်မူ တူညီနေသည်။ ဥရောပအာကာသအေဂျင်စီမှ လွှတ်တင် ထားသော ခရိုင်ယိုဆတ်ဂြိုဟ်တု၏ တိုင်းတာ ချက်များအရ တောင်ဝင်ရိုးစွန်း အန္တာတိတ်ရေခဲ ပြင်၏ အနောက်ပိုင်းသည် ၁ နှစ်လျှင် ၃၆ ကုဗမိုင်နှုန်းဖြင့် လျော့နည်းလာနေသည်။ လျော့နည်းမှုအများစုသည် ယင်းအရပ်ရှိ ပင်လယ်ထဲသို့ ထိုးထွက်နေသော ရေခဲမြစ်များ အရည်ပျော် မှုကြောင့်ဖြစ် ရာ အဆိုပါအကြောင်း အရင်းတစ်ခုတည်းအတွက်ကြောင့် ပင်လယ် ရေပြင်သည် ၁ နှစ်လျှင် ဝ ဒသမ ၃ မီလီမီတာနှုန်း မြင့်တက် လာလျက် ရှိသည်။ အဆိုပါ အရ ည်ပျော် ရေခဲများ၏ပမာဏသည် နှစ်မိုင်ခွဲမျှမြင့်သော တောင်တစ်လုံး၏ ထုထည်မျှရှိပြီး အလေးချိန်အား ဖြင့်ပြောလျှင် တန်ချိန်ဘီလျံပေါင်း ရာနှင့်ချီ၍ လေးလံ သည်။ရေခဲ တွင် ပင်လယ်ထဲရှိ ရေခဲနှင့် မြေပေါ် ရေခဲဟူ၍ နှစ်မျိုးရှိရာ ပင်လယ်ရေခဲ ပမာဏ သည် အနည်းငယ်များလာသော်လည်း ကုန်းရေခဲ ပမာဏသည် သိသာစွာ လျော့ ကျ လာနေသည်။ ခြုံ၍ပြောလျှင် အန္တာတိတ်ဒေသရေခဲပြင် သေးငယ်လာနေသည့်အချက်မှာ ထင်ရှားလှသည်။

အန္တာတိတ်ရေခဲပြင်နည်းတူ မြောက်ဝင်ရိုး စွန်းဝန်းကျင်ရှိ အာတိတ်ရေခဲပြင်သည်လည်း ကျုံ့ဝင်လာနေသည်မှာ မကြာမီ အာတိတ်ဒေသ ၏ နွေရာသီ တွင် ရေခဲလုံး ဝပျောက်ကွယ်တော့ မည်လောဟု စိုးရိမ်သူများပင်ရှိနေသည်။ ကွန်ပျူတာမိုဒယ်အများအပြားက အာတိတ် ရေခဲပြင်သည် ယခုရာစုနှစ်မ ကုန်မီ နွေ အခါတွင် ပျောက် သွားနိုင်သည်ဟု ခန့်မှန်းနေကြသော်လည်း အချိန်အတိအကျကိုမူ ပြောဆိုနိုင်ခြင်း မရှိကြ သေးချေ။ ၂ဝ၁၆ ခုနှစ် နွေတွင် အာတိတ်ဒေ သ၌ ရေခဲမြင်ရတော့မည် မဟုတ် ဟု ခန့်မှန်းချက်များ ပင်ရှိနေသည်။

ထိုမျှ နီးကပ်သော အချိန်အတွင်း ရေခဲပြင် ပျောက်ကွယ်မည်ဟု ဆိုထားသော ယင်းခန့်မှန်း  ချက်များသည် ထပ်ဆင့်သက်ရောက်မှုများကို   ထည့်တွက်ထားခြင်းကြောင့်ဖြစ် သည်။ ဤနေရာ ၌ ထပ်ဆင့်သက်ရောက်မှုဆိုသည်မှာ ပူနွေးလာ သော ကမ္ဘာ့ရာသီဥတုသည် ရေထုကိုလည်း ပူနွေးစေရာ နဂိုက ရေထဲတွင် ပျော်ဝင်နေသော ကာဗွန် ဒိုင်အောက်ဆိုဒ်တို့သည် နွေးသောရေ ထဲတွင် ပျော်ဝင်နိုင်မှု နည်းသဖြင့် လေထဲဝင် ရောက်လာပြီး ကမ္ဘာ့ရာသီဥတုကို ထပ်ဆင့်ပူစေ သောဖြစ်ရပ်ကို ခေါ်သည်။

ရေခဲပြင်များ ကျုံ့ဝင်နေခြင်းသည် ကမ္ဘာ ကြီး ပူနွေးလာမှုကို ပြသသည့်လက္ခဏာတစ်ခု ဖြစ်သည့်အပြင် ပင်လယ်ရေပြင် မြင့် တက်လာ နေကြောင်း ညွှန်း ဆိုနေသောဖြစ် ရပ်တစ်ခုလည်း ဖြစ်သည်။ ပင်လယ်ရေပြင်မြင့်တက်လာနေခြင်း ကြောင့် ကမ်းရိုးတန်းဒေသများ၏ ကုန်းမြေများ ရေအောက်ရောက် မည်၊ မြေပေါ်ရေ ကန်နှင့် မြေအော က်ရေချိုကြောများထဲသို့ ရေငန်ဝင်ကာ သောက်သုံးရေအခက်တွေ့စေမည်။ ရေလွှမ်းမိုးမှု အန္တရာယ် ပိုကြီးလာမည်။ မုန်တိုင်းတိုက်သော အခါ လှိုင်းလုံးကြီးများ၏ ရိုက် ခတ်ဖျက်ဆီးမှုဒဏ် ကို ပို၍ခံရမည်။ထို့ပြင် ရေပြင်မြင့်တက်လာခြင်းသည် ရေပြင်ဧရိယာ ပို၍ကျယ်လာခြင်းပင်ဖြစ်ရာ ပို၍ ကျယ်သောရေပြင်သည် နေရောင်ကိုပို၍ စုပ်ယူ သဖြင့် ရေပြင်ပူနွေးခြင်းကို ထပ်ဆင့်ဖန်တီးပြန် သည်။

ရေခဲပြင်များ အရည်ပျော်၍ပင်လယ်ထဲသို့ စီးဝင်လာသည်တို့မှာ ရေချိုများဖြစ်သည်။ ရေငန်ထဲသို့ ရေချိုရောနှောသောအခါ သမုဒ္ဒရာ ရေစီးကြောင်းများ၏ သိပ်သည်းခြင်း၊ အပူချိန်နှင့် စီးဆင်းသည့်ပုံစံပြောင်းလဲသည်။ ကမ်းရိုးတန်း ဒေသများ၏ ရာသီဥတုသည် ယင်းတို့အနီး ဖြတ်သန်းသော သမုဒ္ဒရာရေစီးကြောင်း၏ အပူချိန်နှင့် စီးဆင်းသည့် ပုံစံပေါ်တွင်လည်း မူတည်သဖြင့် ကမ်းရိုးတန်းဒေသများသည် ပုံမှန်မဟုတ်သော ရာသီဥတုဖောက်ပြန်မှုများနှင့် ကြုံရဖွယ်ရှိနေသည်။ ယခင်နှစ်က အမေရိကန် နိုင်ငံ အလက်စကာပြည်နယ်နှင့် အတ္တလန်တိတ် သမုဒ္ဒရာအပေါ်ပိုင်းရှိ ဂရင်းလန်းကျွန်းတို့တွင် ကြုံခဲ့ရသော အပူလှိုင်းတို့မှာ သမုဒ္ဒရာရေစီး ကြောင်းများ အပူချိန်ပြောင်း လဲခြင်း ၏ အကျိုးဆက်ဟု ယူဆကြသည်။

ရာသီဥတုအခြေအနေသည် ပစ္စုပ္ပန်တွင်    မျက်ဝါးထင်ထင်ပြောင်းလဲနေသကဲ့သို့ အနာဂတ်တွင်လည်း ပြောင်းလဲလာမည်သာ ဖြစ်သည်။ အပြောင်းအလဲ ဆိုရာ တွင်ေ ကာင်း သော ဘက်သို့ ပြောင်းခြင်း၊ ဆိုးသောဘက်သို့ ပြောင်းခြင်းဟူ၍ ရှိသော်လည်း လက်ရှိကမ္ဘာ့ ရာသီဥတုသည်မူ အဆိုးဘက်သို့သာ ပြောင်းလဲ မည့်သဘော ရှိ သည်။ လူ၊ သစ်ပင်စသော သက်ရှိ တို့သည် ပြောင်းလဲလာသော သဘာဝပတ်ဝန်းကျင် နှင့် အလိုက်သင့်ဖြစ်အောင် မိမိတို့၏ အနေ အထိုင်နှင့် ခံနိုင်စွမ်းတို့ ကို ပြောင်း လဲနိုင်စွမ်းရှိကြ သည်။ ဥပမာ အလွန်အေးသာအရပ်မှ လူတစ်ဦး သည် အပူပိုင်းဒေသသို့ ပြောင်းရွှေ့နေထိုင်လျှင် ကနဦးတွင် မနေတတ်မထိုင်တတ် ခံစားရသော် လည်း ကြာလာသည်နှင့်အမျှ ပူသောရာသီဥတုနှင့် နေသားကျလာခြင်းမျိုး ဖြစ်သည်။

သို့သော် ကမ္ဘာကြီး ကြုံတွေ့နေရသော ရာသီဥတုပြောင်းလဲခြင်းသည် မြန်ဆန်လှသဖြင့် ယင်းဖြစ်စဉ်၏ အကျိုးဆက်များနှင့် လိုက်လျော ညီထွေစွာ နေသား တကျ ဖြစ်နိုင် ရန် မလွယ်လှပေ။ ဖြစ်မြဲထက် ပူလွန်းအေးလွန်းသော ရာသီဥတု၊ မုန်တိုင်းတိုက်လွန်း မိုးများလွန်း၍ ပေါ်ပေါက် သော ဧရာမရေကြီးမှု အန္တရာယ်၊ အပူလွန် ၍ လောင် ကျွမ်းသော တောမီးများစသည်တို့ကို ခါးစည်း၍ ခံကြရသည့် အဖြစ်များကို ယခုကတည်းက ကြားနေရပြီဖြစ်သလို လက်ရှိ ဖြစ်ရပ်တို့ထက် ပိုမိုပြင်း ထန်သော ဘေး ဒုက္ခများသည် လူသားတို့ အားစောင့်ကြိုလျက်ရှိသည်။

ကျော်ဦး

(၁)
စင်စစ်တော့ ‘သော်ကရိပ်မြုံ’ ဆိုသော ဟောဒီ အိမ်ဂေဟာကြီး မှာ ဒေါ်ထွေးသည် အဓိက ဇာတ်ကောင် တစ်ကောင် မဟုတ်။ တစ်နည်းအား ဖြင့် ပြောလောက်အောင် အရေးပါ အရာရောက်သူ တစ်ဦးမဟုတ်။ သို့သော် အိမ်ကြီးရှင် တို့၏ သံယော ဇဉ်အရ တွက်ကြ စတမ်း ဆိုလျှင် တော့ သော်ကရိပ်မြုံ မှ မိသားစုဝင် အားလုံး အတွက် အဓိက အရေးပါ အရာ ရောက်သော တာဝန်ကြီး တစ်ခု ကို အာဏာကုန် လွှဲပြောင်း အပ်နှင်းခြင်း ခံထားရသူ ဟုသာသာ ထိုးထိုးကလေး ဘ ဝင်မြင့်ကောင်း မြင့်နိုင်လောက် ၏။ အဘယ့်ကြောင့် ဆိုသော် ဒေါ်ထွေး သည် ဤရိပ်မြုံ ၏ မီးဖိုချောင် အခေါင်အချုပ် စား တော်ကဲ ‘အိုးသူကြီး’ တာဝန်ကို ယူ ထားရ သူ ဖြစ်ပေသောကြောင့် တည်း။

ဒေါ်ထွေး၏ တာဝန်က သော်က ရိပ်မြုံမှ အိမ်သူ အိမ်သားများ အတွက် စားသောက်ဖွယ် ဟူသမျှ ဒိုင်ခံ စီစဉ် ချက်ပြုတ် ပြင်ဆင်ပေးရ သော တာဝန် ဖြစ်တော့ ၏။ သော်က ရိပ်မြုံ၏ ထာဝရ စားဖိုမှူးကြီး အဖြစ်  နှစ်ပေါင်း များစွာ ကျင်လည် လာခဲ့ သူဖြစ်၍ ဤအိမ်ကြီး ၏ မိသားစုဝင် တစ်ယောက် ပမာသည် မိသားစု နှင့် ပတ် သက် ၍ အပ်ကျ တာက အစ သိခွင့် ရခဲ့သူဟု ဆိုနိုင်၏။ ထို့ထက် မက သည်မိသားစုဝင် အားလုံး စ- ဆုံး ကုန်စင် မသိကြသော အချို့သော အကြောင်းအရာတွေ ကို ပင် သိသေး သည်ဟု ပြောလို့ရနိုင်ချေ သေး၏။

သည်တော့ ”ခင်ရာဆွေမျိုး မြိန်ရာဟင်းကောင်း”ဟူသော ဆိုရိုး စကားအတိုင်း သည် မိသားစု နှင့် ပတ်သက် လာလျှင် ဒေါ်ထွေးသည် လည်း ထပ်တူ ထပ်မျှ တစ်ပြေးညီ တစ်သားတည်းသော ခံစားချက်ရှိခဲ့ ရတာပဲ ဖြစ်၏။ ဆိုကြပါစို့ သည် မိသားစု၏ ဝမ်းသာစရာ ကိစ္စမျိုး ပေါ်ပေါက် လာလျှင် ဒေါ်ထွေးလည်း ဝမ်းသာ ရသလို ဝမ်းနည်း စရာဖြစ် ရပ်မျိုး ကြုံဆုံ လာခဲ့ရပြီဆိုလျှင် ဒေါ်ထွေးလည်း ဝမ်းနည်း ကြေကွဲရ တာမျိုးပေါ့။

တကယ်တော့ ဒါမျိုးက အဆန်း တကြယ်ဟု မဆိုနိုင်။ မြန်မာ မိသားစု မှန်လျှင် သံယောဇဉ် တွယ် တတ်ကြသည်က လူမျိုးရဲ့ ပင်ကို ဓလေ့ တစ်ခုလိုပင် ဖြစ်နေကြတာပဲ မဟုတ်လား။ အနေကြာလျှင် ကြာသလောက် ကျွမ်းဝင်မှု ပိုကာ ကူညီ ရိုင်းပင်း တတ်မှု၊ မျှဝေ ခံစားတတ်မှု ကိုယ်စီ ရှိကြစမြဲ။ သွေးသား တော်စပ်သည့် ဆွေမျိုးရင်းချာ မဟုတ်သည့် တိုင်နှစ်ပေါင်း များစွာ အတူ တစ် ရပ်တည်းနေ တစ်ရေတည်း သောက်ခဲ့ကြသူတွေ ထဲက တစ်စုံ တစ်ယောက် ကွယ်လွန် သွားလျှင်ပင် မျက်ရည် ကလေး စမ်းစမ်းနှင့် အသုဘသတင်း မေးလာ တတ်ကြသည့် လူမျိုးတွေ ပဲ။

သို့ပေမဲ့ သည်တစ်ကြိမ်မှာ ကိုယ့် ကိုယ်ကိုယ်ပင် ဒေါ်ထွေး အံ့အားသင့်နေ မိရသည်မှာ အတော် ထူးဆန်းသော အတွေ့အကြုံ ဟုပင် ပြောရမလို ဖြစ်နေလေသည်။ အဘယ့်ကြောင့် ဆိုသော် ဤ မိသားစုဝင်ထဲမှ အိမ်ကြီးရှင် အခေါင် အချုပ် မဟေသီကြီးဟု ဆိုရမည်ဖြစ်သော ‘ဒေါ်ခင်မမ’၏ နာရေး ကိစ္စကြီးက မျက်စိအောက် မှာ ဘွားဘွားကြီး ပေါ်ပေါက်လာခဲ့ တာဖြစ်ပါလျက် နှင့် ထိုကိစ္စ အတွက် ဒေါ်ထွေးမှာ မည်သို့မျှ မခံစား မကြေ ကွဲမိရလေသော ကြောင့်ပင်။ အိမ်ရှေ့ခန်းမှာ အလှဆုံးပြင် ဆင် ထားသော ဒေါ်ခင်မမ၏ အလောင်း ကို လှမ်းလှမ်းကြည့်မိလေ တိုင်းပင် ဒေါ်ထွေးမှာ ကိုယ့်လိပ်ပြာ ကိုယ် မလုံဖြစ်နေမိ ရ၏။ ကိုယ်ကမှ ဝမ်းမနည်း မိပေတာကိုး။ အကယ်၍ ဒေါ်ခင်မမ၏ ဝိညာဉ်သည်သာ ဤအိမ်ရိပ် အတွင်း တစ်နေရာရာ မှာ ဝဲပျံ ခိုအောင်းနေဆဲ ဖြစ်မည်ဆို ပါက မည်သို့မျှ ထူးခြား တုန်လှုပ်မှု မရှိ ခဲ့လေသော ဒေါ်ထွေး ၏ ခံစား ချက်ကို သိနေမှာ အမှန်ပဲ ဟုအောက် မေ့မိလေတော့လည်း သွားလေသူ အပေါ် မျက်နှာပူ ရမလိုလို၊ အားနာ ရမလိုလို။

ကိစ္စတော့ မရှိပါ။ ယခုပြောခဲ့ သလို ဒေါ်ခင်မမက ဒေါ်ထွေး၏ တုံဏှိ ဘာဝေခံစားမှု အတွက် အပြစ် တင်လာခဲ့မည် ဆိုဦးတော့။ ဒေါ်ထွေး အနေဖြင့်…

”ဘယ်လိုမှ မအောက်မေ့ပါနဲ့ မမရယ်၊ မမအတွက် ကျန်တဲ့ အိမ်သူအိမ်သားတွေ နဲ့ ထပ်တူဝမ်းနည်း ချင်ပေမဲ့ ဒေါ်ထွေး ရင်ထဲကကို ဘယ်လိုမှ လှုပ်ရှား မလာခဲ့တာ ကို တော့ ဒေါ်ထွေးလည်း မတတ်နိုင်ဘူး ကွဲ့၊ ရောက်ရာ ဘဝကသာ ခွင့်လွှတ် ပါလေတော့” ဟုတောင်းပန်ရန် အသင့် ရှိနေတာ သေချာသော ကြောင့် ဖြစ်လေသည်။

(၂)
”စိုင်ကော်၍ ချုံပေါ်ရောက် သည်” ဆိုသော ကြားဖူး နားဝ စကားပုံသည် ဒေါ်ထွေးတို့ တစ်အိမ်သားလုံးက ”မမ”ဟုခေါ် ဆိုကြရသည့် ”ဒေါ်ခင်မမ” ဆိုသည့် အမျိုးသမီး တစ်ယောက်၏ ဖြစ်စဉ် များနှင့် ညှိနှိုင်းကြည့် လိုက်တော့မှ အဓိပ္ပာယ် ရှင်းရှင်းကြီးပေါ်လာလေ သည်ဟု ဒေါ်ထွေး ကောက်ချက်ချ ချင်မိရတော့၏။ သော်က ရိပ်မြုံ၏ စည်းစိမ် ဥစ္စာ ဟူသမျှကို အမွေဆက် ခံပိုင်ဆိုင်မည့် တစ်ဦးတည်းသော သားဖြစ်သူ ကိုဘသော်နှင့် ဖူးစာ ဖက်ခဲ့တာကိုက ဒေါ်ခင်မမ ဆိုသော မထင်မရှားသာမန် အည တရ မိန်းမ သားတစ်ဦး အတွက် ဘဝတစ်ခုလုံး ပြောင်းလဲ မြင့်တက် သွားစေမည့် ကြီးစွာသော အချိုး အကွေ့ကြီး တစ်ခုဟု မှတ်ချက် ချရမှာပဲ ဖြစ်သည်။

သော်က ရိပ်မြုံကြီးမှာ ‘အရှင် သခင်မ’ ဖြစ်လာဖို့ ကံကြမ္မာဖန်လာ ပုံက ဒေါ်ခင်မမနှင့် ကိုဘသော် လက်ထပ်ခဲ့ ကြပြီး ၂ နှစ် အတွင်းမှာ ပင်ကို ဘသော်၏ မိဘနှစ်ပါး က ရှေ့ဆင့်နောက်ဆင့် ဆိုသလို ကွယ် လွန်သွားခဲ့ကြ၏။ သည်တော့ သော်ကရိပ်မြုံ ၏ အကြီးအမှူးက ကိုဘသော် ဖြစ်လာသည်။ ရေမြင့် တော့ ကြာတင့်စမြဲ မဟုတ် လား။ လင်တော်မောင် က နန်းသိမ်းပွဲခံပြီ ဆိုမှတော့ ဒေါ်ခင်မမ ဆိုတာက ပြိုင်ဘက် မရှိ မိဖုရားခေါင်ကြီး ဖြစ် လာတော့သည်မှာ အထူး အဆန်း ဟုပင် မဆိုနိုင်။

သို့သော် သည်ရိပ်မြုံထဲသို့ ဒေါ်ခင်မမ ရောက်လာပြီးမှ အထူး အဆန်း ဖြစ်ရပ်တွေ ပေါ်ပေါက်လာ ခဲ့တာကတော့ သေချာလေသည်။ ဒါကို ကိုဘသော် ၏ မိဘများ လက်ထပ် ကတည်းက အိမ်မှာ စားဖိုမှူး တာဝန်ကို တစ်လျှောက် လုံးက ဒိုင်ခံ ထမ်းဆောင်လာခဲ့ သော ဒေါ်ထွေးက အသိဆုံး ပင်ဖြစ်သည်။ တစ်အိမ်လုံး တွင် ဒေါ်ခင်မမ ၏ အာဏာစက် ဖြန့်ကျက်လွှမ်းမိုး လာလိုက်သည်မှာ ကိုဘသော် ဘက်က ဆွေမျိုးသားချင်း ဟူသမျှ သော်ကရိပ်မြုံကြီး သို့ အဝင် အထွက် အဆက် အဆံ ကြဲသွားကြ။ နောက် ဆုံးတော့ စဲသွားကြသည် ကပင် သက်သေဖြစ်တော့သည်။ တရားကျ ဖို့ လည်းကောင်း၊ မခံချင်စရာလည်း ကောင်းတာ မှန်သော်လည်း ကိုဘသော်ဘက် က ဆွေမျိုးသား ချင်းတွေရဲ့ အသံတွေက ရှင်းရှင်း ကလေးပါပဲ။

”မထွေးရယ်၊ ညည်းက မောင်ဘသော် ကလေးဘဝတည်း က ဒီအိမ်မှာ တစ်သက်လုံး မီးဖို ချောင်တာဝန်ခံ လုပ်လာတဲ့ ဆွေမျိုး တစ်ပိုင်းလို လူပဲ၊ အစ်ကိုကြီးတို့ အစ်မတို့ ရှိခဲ့တုန်းကသာ ဝင်ထွက် သွားလာ လို့ကောင်းခဲ့ပေမဲ့ သူတို့ မရှိတော့တဲ့ နောက်ပိုင်း ကျတော့ အခြေအနေက မဟုတ်တော့ ဘူးဟဲ့၊ ငါ့တူတော်မောင် ဘသော် ကိုယ်တိုင် က မယား တစ်မျက်နှာ ကလွဲရင် ဘယ်မျက်နှာမှ မကြည့်တော့တဲ့ ဥစ္စာ၊ မောင်ဘသော်ရဲ့ မိန်းမ ခင်မမနဲ့ တို့နဲ့တော့ မဖြစ်ဘူးကွဲ့၊ တို့တစ်တွေ ဆွေမျိုးတွေ လာကြ ရင်ပဲ ချေးဖို့ ငှားဖို့ လာတော့သလိုလို သံသယ မျက်လုံးတွေ နဲ့ဆီးကြည့် တော့တာ မောက်မာ ရိုင်းပျလိုက် ပုံကလည်း လင်ဘက်က ဦးကြီး ဒေါ်ကြီး အစ်မ နှမဆွေမျိုး အားလုံးကို မတူမတန်သလို ဆက်ဆံတာလေ၊ မောင်ဘသော် ရဲ့ စည်းစိမ်ပုံပေါ် ရောက်သွားတော့ သူလာခဲ့တဲ့ ဘဝ ကို မေ့သွားပြီး ‘ဆီးသီးသည် မဗျိုင်း’ ဇာတ်ထုတ် ကိုသာ သွားသွား သတိရ မိတော့တယ်။ မိန်းမ တစ်ယောက် ရောက်လာတာ နဲ့ပဲ အဲဒီအိမ်က သူ့ ယောက်ျားနဲ့ ဆွေမျိုးသားချင်းတွေ ဟူ သမျှ ဆွေခန်း မျိုးခန်းပြတ်ကုန် ကြရတယ် ဆိုတာ တစ်နည်းအား ဖြင့်တော့ အဲဒီမိန်းမ ဘယ်လောက် အဆိပ်ပြင်းတယ်။ ဘယ်လို အဆင့် အတန်း နိမ့်ကျတယ် ဆိုတာ ထင်ရှား အောင် ဖော်ပြနေသလိုပဲ၊ တွေး ကြည့်တတ်ရင် တော်တော် ရှက် စရာကြီးကွဲ့၊ တို့ကတော့ တော်ပါပြီ။ မထွေးရယ်၊ ကိုယ့်ခြေထောက်ပေါ် ကိုယ်ရပ်နေနိုင် ကြတဲ့ သူတွေပဲ၊ မောင်ဘသော်ရဲ့ အထောက်အပံ့ ခံတွေမှ မဟုတ်တာ၊ ဆွေဟဲ့ မျိုးဟဲ့ ရယ်လို့ လာကြဝင်ကြ ထွက်ကြပေမဲ့ စိတ်ဆင်းရဲ ရမှာချင်း အတူတူတော့ ဘယ်သူ လာ ချင်တော့မလဲ၊ ညည်းလည်း နေတတ်အောင်နေ၊ စားတတ်အောင် စားပေတော့”

ကိုဘသော်၏ အဒေါ်အရင်း ဖြစ်သူကပေး ခဲ့သော မှတ်ချက်ဖြစ် ၏။ ထိုမှတ်ချက်က တစ်ဖက် သတ်ကျကျ အလွန်အကျူး ပေးလိုက် သော မှတ်ချက်ဟု မဆိုသာပေ။ အဘယ်ကြောင့် ဆိုသော အိမ်ကြီးရှင် ဒေါ်ခင်မမ၏ တစ်ဖက်စောင်းနင်း ကျသော လူမှု ဆက်ဆံရေးက တစ် ယောက်စကား တစ်ယောက် နား ဆိုသလို ကိုဘသော် ၏ ဆွေမျိုးသားချင်းတွေ အလယ်မှာ ပျံ့နှံ့နေတာလည်း အမှန်ပဲ မဟုတ်လား။ နောက်ဆုံးတော့ သော်ကရိပ်မြုံသို့ ဝင်ထွက် သွားလာသူတွေ ဆို၍ ဒေါ်ခင်မမ ဘက် ဆွေ မျိုး သား ချင်း တွေပဲ ကျန်နေတော့ တာကို ကြည့် လျှင်ပင် သိသာနေပြီဖြစ်တော့၏။

ဒေါ်ခင်မမက ဆင်းရဲသော ဘဝ ကလာသူပီပီ အောက်သက်ကျေ လှသည်။ စည်းစိမ် ဥစ္စာကို အငမ်းမရ တွယ်တာ မက်မောသည်။ အိမ်သူ ကျင့်ဝတ် ၅ ပါးတွင် တစ်ပါး အပါ အဝင် ဖြစ်သော ‘လျှော်အောင်ဖြန့်ချိ’ ဆိုသော ကျင့်ဝတ်မှာ ဒေါ်ခင်မမ ၏ အဘိဓမ္မာ တွင် လုံးဝမပါဝင်။ တခြားသူတွေကို မကြည်ဖြူနိုင်တာ တော့ ထားလိုက် ပါဦးတော့။ အံ့သြ စရာကောင်းတာက သူမ၏ မိရင်း ဖရင်းတွေ အပေါ်မှာပင်ပေးကမ်း စွန့်ကြဲ ထောက်ပံ့လိုသော သဒ္ဓါ တရား မရှိတာကတော့ အနီးကပ် အတူနေ အတွင်း သိတွေသာ မဟုတ် လျှင် ပြောလို့မှ ယုံနိုင်စရာ မရှိခြင်း ဖြစ်သည်။ ဤမျှတွန့်တို စေးနှဲသူကို ဒေါ်ထွေး တစ်သက်တာတွင် လုံးဝ မတွေ့ဖူးခဲ့ဟု သြချ ရမ လို ဖြစ်နေ ရတော့သည်။

ဒေါ်ခင်မမ၏ မိဘတွေခမျာ ဆင်းရဲ ရှာကြပါသည်။ သူ၏ မွေးချင်း ညီအစ်ကို မောင်နှမတွေ ကလည်း ထိုနည်းတူပင်။ သည်တော့ အရေးဟဲ့ဟု ကြုံလာ လျှင် လောလော ဆယ် မှာ ရွှေဘုံစံနေရသော၊ သောင်သာသော ဒေါ်ခင်မမ ထံသို့ သာ အကူအညီ အလို့ငှာ လာကြ သည်။ ကိုဘသော်က မယားကိုဖူး ဖူးမှုတ် ထားသူဖြစ်သည်။ အစစ အရာရာ အားလုံး မယား၏ အလိုကျ ဖြစ်စေသည်။ ဖြူသည် မည်းသည် ဆိုတာမျိုး ဘာမှဝင်ရောက် စွက်ဖက် ဝေဖန်တတ်သူ မဟုတ်။ မီးခံသေတ္တာ သော့နှင့် ဘဏ်ငွေ စာရင်း စာအုပ်ကို ဒေါ်ခင်မမ လက်ထဲလွှဲပေး ထားတာ ပဲကြည့်တော့..။ သို့သော် ဒေါ်ခင်မမက ထောင့်စေ့ပါသည်။ မည်သည့် မွေးချင်းပေါက်ဖော် ကိုမှ ပေးကမ်းစွန့် ကြဲတတ်သူ မဟုတ်။ သူမ ပေးကမ်း စွန့်ကြဲသူ ဆို၍ သူမ၏ အရွယ်လွန် မိအိုဖအိုနှစ်ပါးသာရှိ၏။

အသက် ၇ဝ ကျော် ၈ဝ တွင်း ရောက် မိဘနှစ်ပါးမှာ အလုပ်အကိုင် ဆို၍ ဘာမျှ မည်မည်ရရ မလုပ် ကိုင်နိုင်ရှာကြတော့။ သည်အထဲ ဖခင်အိုကြီး က လေဖြတ်ပြီး အိပ်ရာ ထဲ လဲနေသည်ဟု ဆို၏။ သည်တော့ ဒေါ်ခင်မမ၏ အမေအိုကြီး သည် သာ သုံးလေးရက် တစ်ကြိမ်ခန့် သော်ကရိပ်မြုံသို့ ပုံမှန်လာ၍ ဒေါ်ခင်မမ၏ အထောက်အပံ့ ကို ယူရ၏။ အဘိုးကြီး အဘွားကြီးလင် ကိုယ်မယားနှစ်ဦးတည်း ဆိုတော့ ဆန်ကလေး တစ်ပြည်စနှစ်ပြည်စ ဆီကလေး အစိတ်သား မျှနှင့် သုံး ထောင်ကျပ်ထက် ဘယ်တော့ မှ မကျော်လွန်သော ထောက်ပံ့ငွေ ကလေးလောက် ပေးလိုက်လျှင် သုံး လေးငါးရက် စာမျှတော့ ဖူလုံသွား ကြပုံရသည်။ လေးငါးရက် ကြာ အထိ မပေါ်လာ ပဲနေကြပြန်၏။

တစ်ဖန် သုံးစရာ စားစရာပြတ် သွားခါမှ တစ်ခေါက် ပေါ်လာတတ် ပြန်၏။ ဤနေရာတွင် ဒေါ်ခင်မမ ၏ အမိန့်တော်ကို နာခံ၍ လက်ထိ ကွက်ကျ ထုတ်ပေးနေ ရသူ ဒေါ်ထွေး က ကြားလူထဲတွင် အသိ ဆုံးလူဖြစ် လာရတော့သည်။

”ဟင်း…လာပဲ လာနိုင်လွန်း တယ်၊ ဒေါ်ထွေးရေ၊ ဆန်နှစ်ပြည့် ရယ်၊ ဆီ အစိတ်သားရယ် ထည့်ပေး လိုက်ရော့…ဒါက တိုလီမိုလီ သုံးဖို့ ငွေသုံးထောင်၊ ပြီးတော့ စူပါကော် ဖီမစ်ထုပ် ၅ ထုပ်နဲ့ သကြား အစိတ် သားတစ်ထုပ်၊ နို့ဆီ တစ်ဘူးထည့် ပေးလိုက်”

သည်လို အခါတိုင်း ဒေါ်ခင်မမ ၏ ညွှန်ကြားချက် အတိုင်း ဒေါ်ထွေး ကပဲ ကျွတ်ကျွတ်အိတ်ကြီး တစ်လုံး နှင့် ထည့်ထုပ်ပိုးကာ ဒေါ်ခင်မမ၏ မိခင်ကြီး လက်အရောက် ထွက်ပေး ရလေ့ရှိသည်။ ချွေးတွေ သံတွေနှင့် မောပန်းနွမ်းနယ်နေ ရှာသော မိခင် အိုကြီးကမူ ဒေါ်ထွေးက ကျွတ်ကျွတ် အိတ်ထုပ်ကြီး ထွက်လာ ပေးသည် နှင့် အမော ပင်မဖြေနိုင်ရှာ။ တုန်ချိ သော လက်များနှင့်လှမ်းယူ ကာ…

”ပြန်ဦးမှ ဖြစ်မယ် မထွေးရယ် အိမ်မှာက လူမမာကြီးကို ပစ်ထား ခဲ့ရတာ၊ ကျုပ်သမီးကြီး နေကောင်း တယ်မဟုတ်လား၊ အင်း ..ဒေါ်ကြီး တို့လည်း သမီးကြီး က ထောက်ပံ့နေ လို့သာ အသက် ဆက်နေရတာ၊ ကျေးဇူးရှင် ထမင်းရှင် သမီးကြီး ဘုန်းကြီးပါစေ၊ အသက်ရှည်ပါစေ၊ စည်းစိမ် ဥစ္စာတွေ ဒီရေလို တိုးတက် ပါစေ”

ဒေါ်ထွေး သိသလောက်က တော့ မိခင်အိုကြီးသည် သမီးဖြစ် သူ ဒေါ်ခင်မမ၏ ပေးကမ်းမှုကို လက်ခံ ရယူရလေတိုင်း ဘယ်တော့မှ ဒီအတိုင်း လှည့်ပြန်သွားလေ့ မရှိ။ တိုက် အပေါ်ထပ်မှ ဆင်းလာ၍ပင် တွေ့ဖော် မရသော သမီးကြီးကို နှုတ်မှ တဖွဖွ ဆုတောင်းမေတ္တာတွေ ပို့ကာ အထုပ်ကလေး ခေါင်းပေါ်ရွက် ပြီး တလှုပ် လှုပ်ပြန် သွားစမြဲသာ ဖြစ်၏။ တစ်ခါ တလေတော့လည်း ”အမောကလေး ဖြေပါဦး ဒေါ်ကြီး ရယ်၊ နေက ပူပါဘိသနဲ့၊ ခဏအမော ဖြေပြီးမှ ပြန်ပါ” ဟုဒေါ်ထွေး က ကရုဏာ သက် စွာ တားမိတတ်သေး ၏။ သည်တော့လည်း အဘွားအို ခမျာ ချွေးကလေး သုတ်ကာ ခေတ္တထိုင် အမောဖြေရှာ၏။ ထိုအချိန် အတွင်း မှာလည်း အငြိမ်နေ သည် တော့ မဟုတ်။ ဒေါ်ခင်မမ ပေးကမ်း လိုက်သည့် ကျွတ်ကျွတ်အိတ် အထုပ် ကိုကြည့်ကာ ပီတိ တဝေဝေနှင့် ပြော နေတတ်ပြန်သေး၏။

”ကြည့်ပါဦး မထွေးရယ်၊ သမီးကြီးက သဒ္ဓါတရားဘယ် လောက်ကောင်းလဲ၊ ဟိုဘဝတုန်း ကလည်း ဒီလို သဒ္ဓါတရား ကောင်းခဲ့ လို့ ခုဘဝမှာ သူချမ်းသာ တာနေမှာ နော်၊ ဘဝ အဆက်ဆက် ကောင်းစား ဦးမယ့် သမီးကြီးပါပဲတော်”

”ခက်လိုက်တာနော်၊ ဟိုကဖြင့် အောက်မှာ အဒေါ်ကြီး ရောက်နေ တယ်သွားပြောမိ လို့ လာပြန်ပြီလား၊ သူတို့ကလဲ ရှုပ်ပဲ ရှုပ်ရန်ကော၊ ကဲ၊ သွားသွား ထုံးစံ အတိုင်းပဲ သွားပေး ပြီး ပြန်လွှတ်လိုက် လို့ ပြောလိုက် တာကိုခမျာမှာ မသိရှာဘူး၊ အေး လေ မိဘဆိုင် တာကတော့ ကိုယ့် သားသမီး ကိုယ်အမြဲတမ်း အကောင်း ပဲ မြင်တတ် တာကိုး” ဟု ဒေါ်ထွေးမှာ သက်ပြင်းပူကြီး ချလိုက်ရတာကို အဘွားအို မသိပါ၊ သူ့ထုံးစံ အတိုင်း ပြန်ခါနီးတော့ တိုက် ရှေ့သို့ လူ့လုံး ပင် ထွက်ရပ်မပြ လာသော သမီး ကြီး ဒေါ်ခင်မမကို မေတ္တာပို့သွားလေ သေး၏။

”သူတော်ကောင်းမကြီး သက် တော်ရာကျော်ရှည်ပါစေတော်” တဲ့လေ။
အင်း..ဆုတောင်းတိုင်းပြည့် ရရင်တော့လည်း အကောင်းသား ပေါ့ ဒေါ်ကြီးရယ်။ အခုတော့ဖြင့်။
(၃)
အခုတော့ဖြင့် ဇာတ်လမ်းက ဘယ်သူမှ မျှော်လင့်မထားခဲ့မိသော တစ်ဆစ်ချိုးကြီး ချိုးသွားခဲ့ခြင်း ဖြစ်ပါသည်။ တရားကျစရာ ကောင်း လှသလို အံ့အား သင့်စရာ လည်း ကောင်းလှသော တစ်ဆစ်ချိုးက ဒေါ်ခင်မမ တစ်ယောက် ရုတ်တရက် ဦးနှောက်သွေးကြော ပြတ်ကာ သေ ဆုံးသွားခဲ့ ရခြင်းဖြစ်သည်။ ဆရာဝန် ၏ အပြောက ရှင်းပါ သည်။ ဒေါ်ခင်မမ၌ သွေးတိုး ရောဂါရှိ သတဲ့။ အစားအသောက် ကလေး တစ်ချက် မှားလိုက်တာနှင့် ရုတ်ခြည်း သွေးတွေခုန် တိုးလာကာ အသက်ပါ သွားခြင်းဖြစ် သည် တဲ့။ ဘယ်သူမှ ဘာမျှ မတတ်နိုင်လောက်အောင်ပဲ ဖြစ်ပုံက မြန်ဆန် လှလေသည်။

အဲဒီမှာ ဒေါ်ထွေး စိတ်အထိ ခိုက်ကြီး ထိခိုက်မိရတာက ဒေါ်ခင်မမ အတွက် မဟုတ်။ ဒေါ်ခင်မမ ၏ အမေ ကျန်ရစ်ခဲ့သူ မိခင်ကြီးအ တွက်သာ ဖြစ်ရတော့သည်။ မိခင် အိုကြီး ခမျာ သမီး၏ အလောင်းစင် နံဘေးမှာ ထိုင်၍ သမီးအလောင်းကို ကြည့်ကာ ဖြေသာစရာ မရအောင် တတွတ်တွတ် ပြော၍ငို၏။ ကြားရသည့် စကားသံတွေ က ကြေကွဲစရာ ကောင်းလှသည်။

”အမလေး၊ သူတော်ကောင်း မကြီးရဲ့၊ သဒ္ဓါတရား ကြီးလှတဲ့ သမီးကြီးရဲ့ တကယ်ဆို သမီးက သေချိန် မတန်သေးပါဘူးကွယ်၊ နေမယ်ဆို ရွှေဘုံ စံပြီး အများကြီး နေရ ဦးမှာပါ၊ သေချင်းသေရင် အမေ တို့လို ခေါင်းဖြူ စွယ်ကျိုးကြီး တွေက သေဖို့ ကောင်းတာပါ၊ သမီးအစား အမေ တို့သာ သေပေး လိုက်ချင်ပါရဲ့ သမီးရဲ့ ဟင် ခုတော့ ခေါင်းဖြူ စွယ် ကျိုးမိအိုဖအိုကြီးတွေ ကိုယ်စား ညည်းက ရှေ့ကသေပြပြီး အမေတို့ ကို တရားပြ သွားတာလား သမီးရဲ့ အမေ့ကို ပြောပါဦးကွဲ့”

မျက်ရည်တွေတွေ ကျနေသော မိခင်အိုကြီးကို ကြည့်ကာ ဒေါ်ထွေး လည်း မျက်ရည်တွေ ဝိုင်းနေရာမှ ဆတ်ခနဲ တစ်ကိုယ်လုံး တုန်သွားရ သည်။ ဒေါ်ထွေး နားအစုံထဲ တွင် ”ခုတော့ ခေါင်းဖြူ စွယ်ကျိုး မိအိုဖအို ကြီးတွေ ကိုယ်စားညည်းက ရှေ့က သေပြပြီး အမေ တို့ကို တရားပြသွား တာလား သမီးရဲ့” ဟူသော စကားသံ ကပဲ့တင် ထပ် သွားသောကြောင့် ဖြစ်သည်။ ”ဆက်ထိုင်နေ လို့တော့ မဖြစ် ချေတော့ဘူး”ဟု ဆုံးဖြတ်ကာ ဒေါ်ထွေးနောက်ဖေး မီးဖိုဆောင် ဘက်သို့ ခပ်သုတ်သုတ် လေးထပြေး ခဲ့ ရတော့သည်။ ဟုတ်တယ်လေ။ ဒါဟာ တိုက်ဆိုင်မှုမှ မဟုတ်တာ။ ဒေါ်ခင်မမက အဟုတ် တကယ်ပဲ ကိုယ်စား ဝင်ရောက်လာခြင်းဟု ဆိုနိုင်သည့် ဖြစ်စဉ် တစ်ခု။ အဲဒါ ကို ဒေါ်ထွေး အသိဆုံး မဟုတ်လား။

ဒေါ်ထွေး၏ ခေါင်းထဲတွင် ပြီးခဲ့သည့်နေ့ကမှ ပူပူနွေးနွေး ကြုံခဲ့ ရသော ဖြစ်စဉ်ကလေးက ပြန်ပေါ်လာခဲ့၏။ သည်တုန်းက ထုံးစံ အတိုင်း မိခင်အိုကြီး ရောက် လာတော့ ဒေါ်ထွေးက ပေးနေကျ အတိုင်း ကြွပ်ကြွပ်အိတ်ကြီးနှင့် ထွက်ပေး ၏။ အချိန်က ညနေ ၃ နာရီ ခန့်ရှိ နေပြီ။ အဒေါ်ကြီး က တောင်းပန် သလို လေ သံနှင့်ပြော ၏။

”မထွေးရယ်၊ ဘယ်လိုမှ မအောက်မေ့ပါနဲ့၊ ဒီနေ့တော့ အိမ် မှာ လက်ကျန် မရှိတော့လို့ ဘာမှ မချက်ခဲ့ရဘူး၊ အဘိုးကြီးလည်း မနက်က ဆန်ပြုတ် ကလေးပဲ နည်း နည်း သောက် ရရှာတော့ ဆာမှာပဲ၊ အိမ်ပြန်ရောက်တာ နဲ့ ချက်ချင်း ကျွေးချင် လိုက်တာ၊ ထမင်းကလေး ဟင်းကလေး တစ်ယောက်စာ လောက် ထုပ်ပေးလိုက် ပါ ဦးနော်၊ အဒေါ့်ဖို့  မဟုတ်ပါဘူးကွယ်၊ အိပ်ရာထဲက အဘိုးကြီး အတွက်မို့ ပြောတာပါ”

သြော် ဒီအချိန်အထိ နေ့လယ် စာ မစားရသေးရှာတာကိုး ဟုဒေါ် ထွေး ရင်ဆို့သွားသည်။

”ရတယ်ဒေါ်ကြီး၊ ထုပ်ပေး လိုက်မှာပေါ့၊ ဒီမှာ ထမင်းဟင်း အမြဲ ပိုပါတယ်၊ နှစ်ယောက်လုံး အတွက် ထုပ်ပေးလိုက်မယ်၊ ခဏလေး စောင့် နော်”

ဒေါ်ထွေး မီးဖိုချောင်ထဲ ပြန်ဝင် ကာ ထမင်းထုပ်သည်။ ကိုယ်က စားဖိုမှူး ဆိုတော့ ဘယ်ဟင်းလျာ ချက်ထားတယ် ဆိုတာ ကိုယ်အသိ ဆုံးလေ။ အိပ်ရာထဲ လဲနေရတဲ့ လူမမာကြီး ဆိုတော့ အားရှိအောင် ကောင်းကောင်းမွန်မွန် ကလေးဝဝ လင်လင်စားပါစေ ဆိုပြီး ထုပ်ပေး လိုက်မည်ဟု စိတ်ကူးနေ ဆဲမှာပင် မီးဖိုခန်းထဲသို့ လှမ်းဝင် လာတာက ဒေါ်ခင်မမ။ သူမက ဒေါ်ထွေးနှင့် အဒေါ်ကြီးတို့ ပြောသံ ဆိုသံတွေကို ကြားပြီးသား ဖြစ်ပုံရ၏။ ဒေါ်ထွေးကို တစ်ခွန်း တည်းအမိန့်ပေး၏။

”ဒေါ်ထွေး၊ မနက်က ကျန်တဲ့ ထမင်းတွေ အကုန် ထုပ်ပေးလိုက်၊ ညကျမှ အိမ်အတွက် ထမင်း အပူထပ် ချက်၊ ထမင်း ထုပ်ပြီးရင် အပေါ်က ငါးပိရည် ဆမ်းပေးလိုက်၊ ကန်စွန်းရွက် နဲ့ သီးစုံ ချဉ်ရည်ဟင်းက သပ်သပ်တစ်အိတ်ထည့်၊ ဒါဆိုရင် သူတို့ စားလို့ ဖြစ်တယ်၊ သပ်သပ်ကြော်ချက် ထားတဲ့ ပုစွန်တုပ်နဲ့ တညင်း သီးဟင်း တွေ ကတော့ ထည့်ပေးစရာမလိုဘူး။ အဲဒါတွေက ကိုဘသော်နဲ့ ကျွန်မ တို့အတွက် ပြင်ဆင်ထားတဲ့ဟင်း တွေ”

”သြော် ကိုယ့် အဖေအမေစား မှာပဲကွယ်” ဟုဒေါ်ထွေး အထွန့် မတက်ရဲပါ၊ ‘ထည့်ပေးလိုက်မဟဲ့’ ဟု အဖုံးလှပ် လိုက်မိသော ပုစွန်တုပ် အိုးခင်းကို အဖုံးပြန်အုပ် လိုက်ရပါ သည်။ နီရဲ မွှေးပျံ့နေသော ခရမ်းချဉ်သီးနှင့် အနှစ်ကျအောင် နှပ်ထားသည့် ပုစွန်တုပ်ကွေးကြီး များကို တော့ အဖေအမေ့ ကိုယ်စားကိုယ်တိုင်ပဲ စားတော့မည် ဆို ပါတော့လေ။ ငါးပိရည် ဆမ်းထားသော ထမင်းထုပ် ၂ ထုပ်နှင့် သီးစုံချဉ်ရည် ဟင်းထုပ် ကိုသာ ဒေါ်ထွေး ထွက်ပေးလိုက်ရပါ တော့သည်။ ဘာမှ မသိရှာသော မိခင် အိုကြီးကတော့ ထမင်းဟင်း ထုပ်များကို လှမ်းယူကာ ဝမ်းသာ အားရပြောလေသေး၏။

”ရပါပြီ မထွေးရယ်၊ အိမ်ပြန် ရောက်ရောက်ချင်း ကျွေးစရာပါရင် တော်ပါပြီ၊ သြော် သမီးကြီးက သူ့ အဖေကြီး သီးစုံချဉ်ရည် ကြိုက်တတ် တာကို သိတယ်၊ ကြည့်စမ်း ပါဦး၊

ငါးရံ့ခေါင်းတွေနိုင်းချင်း နဲ့ပါလား၊ သူ့အဖေ ကစားပြီးရင် သူ့သမီးကို ပြုံးပြုံးကြီး သာဓုခေါ်နေ ဦးမှာပါ တော်၊ သာဓု…သာဓု…သာဓု”

ဒေါ်ထွေး ကတော့ တစ် ယောက် တစ်ကွေးနှုန်း ထည့်ပေး လိုက်ဖို့ ဟန်ပြင်လိုက်ခဲ့ ပြီးကာမှ ဒေါ်ခင်မမ၏ တားဆီးမှုကြောင့် အိုးခင်းအဖုံး ပြန်ဖုံး လိုက်ရသည့် နီရဲမွှေးပျံ့ အိစက်နေသော ပုစွန် တုပ်ကွေးကြီးတွေကို မြင်ယောင်နေ မိသဖြင့် ဘာစကားမှ ပြန်မပြော ဖြစ်လိုက်ခဲ့တော့။ အဲဒါက မနေ့တုန်း က အဖြစ်လေ။
ဟော။ သည်ကနေ့ကျ… လုပ်ကြပါဦး။ အူထဲက တရွရွဖြစ်နေ သည့် ဒေါ်ထွေးရဲ့ ဒုက္ခကို ဘယ်မှာ သွားဖော်ထုတ် ဖွင့်ချရပါ့မလဲ။

”ခုတော့ ခေါင်းဖြူ စွယ်ကျိုးမိအိုဖအို ကြီးတွေ ကိုယ်စား ညည်းကရှေ့က သေပြပြီး တရားပြ သွားတာလား သမီးရဲ့” ဆိုသော အဘွားအို၏ မချိတင်ကဲ တမ်းတပြောဆို ငိုကြွေး သံကို ”အမှန်ပဲ အဒေါ်ရေ” ဟု ဘယ်သူကို ဖွင့်ပြောဟစ်ကြွေး ရမှာ ပါလိမ့်။ အခက်ကြီးပဲ ခက်ကြပြီတော် တို့ရေ…ဟု သက်ပြင်း ကြီးချလိုက် စဉ်မှာပင် မနေ့ည တုန်း ကမှ ပြော သွားသော ဆရာဝန်ကြီး ၏ မှတ်ချက် ပေးသံက နားထဲမှာ ပဲ့တင်ထပ်လာ ပြန်သေးတော့သည် မှာ ဒုက္ခ တစ်ပါး ဖြစ်ချေတော့သည်။ ဆရာဝန်ကြီးက ဤသို့ မှတ်ချက်ချ သွားပါလေ သည်။

”ခက်တာပဲဗျာ၊ ဒေါ်ခင်မမ က ကိုယ့်မှာ သွေးတိုး ရှိနေတာကို မေ့ပြီး စားကောင်းကောင်း နဲ့ လွှတ်စား ပစ်လိုက်လို့ ခုလို ရုတ်တရက် သွေးဆောင့် တိုးပြီး ဦးနှောက် သွေးကြော ပြတ်သွားတာဗျ၊ သူက ပုစွန်တုပ် သုံးကောင်ကြီး များနဲ့ တညင်းသီး အုန်းနို့ဆမ်းတွေ ကိုမှ အားပါးတရ စားလိုက်တယ် ဆိုလေတော့…”

နန္ဒာစိုး(ဆင်ဖြူကျွန်း)

ဘယ်သူမဆို ပင်ပန်းတဲ့ အလုပ် တစ်ခုကို မရပ်မနား ဆက်တိုက် လုပ် လိုက်တဲ့ အခါမျိုးမှာ မောပန်းတဲ့ ဒဏ်ကို ခံစား ရနိုင်ပါတယ်။ တုပ် ကွေးရောဂါ ဖျားနာပြီးတဲ့ အခါ မျိုးမှာ လည်း ၂ ပတ် ၃ ပတ်ကြာ အောင် မောပန်းနွမ်းနယ် နေတတ်ပါ တယ်။ ဒီလိုမျိုး မောပန်းတာကို မော တော့မော တာပေါ့ ဒါပေမဲ့ မမော ဘူးလို့ ဟန်ဆောင်ဖုံး ကွယ်ထား နိုင်သလို၊ မောတာလည်း နားမလည်၊ ပမ်းတာလည်း နားမလည်၊ ဟောဒီ သီရိဂေဟာ ဝယ် ဆိုတာမျိုးနဲ့၊ ဒါမှ မဟုတ်၊ မောတယ် ပန်းတယ်၊ သဘောမှာ မ ထား နဲ့ကွယ်၊ မုန့်ကို ရောင်းကာမောင့် ကိုကျွေးပါ့မယ် ဆိုတဲ့ သီချင်းမျိုးတွေ နဲ့ မောပန်း တာကို ကြံ့ကြံ့ခိုင် ရင်ဆိုင်နိုင်တဲ့ သူတွေလည်း ရှိတတ်ပါတယ်။ တချို့ အမောတွေ ကျတော့ နေ့စဉ် ဆောင်ရွက်နေကြ နိစ္စဓူဝ အလုပ်ကို မလုပ်ကိုင်နိုင် လောက်အောင် ကို မောပန်းနေ တတ်ပါတယ်။ ရက်ရှည် ကြာအောင် အမြဲ တမ်း မော ပန်းတာ ဟာ အန္တရာယ် ရှိတဲ့ ရောဂါ တစ်ခုခု ရဲ့ လက္ခဏာ လည်း ဖြစ်နိုင်ခြေရှိ ပါတယ်။ ဒါတွေကို သိရှိဖို့ ဒေါက် တာ မိုက်ကယ်ပီးတားစ် တီထွင်ထား တဲ့ အိမ်တွင်း ကျန်းမာရေး လမ်း ညွှန် ဖလိုးချပ် ထဲက မောသလား မေပျို ဆိုတဲ့ မေးခွန်းလေးနဲ့ စတင် မေးမြန်းကြည့် လိုက်ကြ ရအောင် လား။

ဒေါက်တာမြင့်ဦး(ဂျီပီ)

“လင်းမီးထက်  ( သို့ ) မီးလျှံဒိုင်နိုဆောကြီး”

‘ လင်းမီးထက်’ သူဟာ ၉ဝပြည့်လွန် နှစ်တွေတုန်း က ‘နာရီဆိုး များအောက်’ ဆိုပြီး အခွေ ထွက်ဖူးတယ် တိတ်ခွေကို စဖွင့်ပြီး ၃ပုဒ်လောက် နားထောင်မိတာ နဲ့ ခင်ဗျား နားထဲ သံရည်ကျို စက်ရုံက အသံတွေ မီးဟုန်တွေလို ပူထူပြီး ကြက်သီးမွှေးညှင်းတွေ ထောင်လာလိမ့်မယ်

Oh ဘုရားသခင် ဘယ့်နှယ့် ဂီတမျိုးပါလိမ့် အဲဒီခေတ်က ဒီလို တစ်ခွေလုံး Heavy အဖြစ်ဆုံးနဲ့ Metal ဆန်တာမျိုးမရှိဘူး လုံးဝ မရှိဘူး ( ချမ့်ခိုင် နဲ့ နိုင်းအာရာ တို့လည်း Metal ဆန်ဆန်တွေ ထွက်ခဲ့ဖူးပေမယ့် သူ့လောက် Vocal မပီပြင်ဘူး၊  ဒါက ကျနော့် အမြင်သက်သက်ပါ)

တကယ်ပါ ခင်ဗျား တို့ကို နားထောင် စေချင်တယ် နားထောင် ပြီးသွားရင် ခင်ဗျား အခု ဒီမှာ Hi-Pitch တွေ ဖြဲနိုင်ဆုံး အအော်နိုင်ဆုံး လို့ ထင်ထားတဲ့ အဆိုတော် ဟာ ဒုတိယနေရာ ကို တန်း ရောက်သွား လိမ့်မယ် (ဒီစကားက ဂီတဂုရု များကို မဆိုလိုပါဘူး သီချင်း Crazy  ခံစားနှစ်သက် သူများအတွက်သာ) Metal Guitarist ဆရာ ညီညီထွေး ကလည်း ပြောပါတယ်

“ငါ ပိုက်ဆံရှိရင် ဒီဘဲကြီးကို အခွေထုတ်ပေးချင်တာကွ” ဒါဆို ခင်ဗျား သူ့အရည်အချင်းကို ခန့်မှန်းလို့ ရပါတယ်။ မီးလျှံဒိုင်နိုဆောကြီး ‘လင်းမီးထက်’

ဒါဆို ခင်ဗျား သူ့အရည်အချင်းကို ခန့်မှန်းလို့ ရပါတယ်။

သူ့ခွေထဲက Original Band တွေလည်း ကြည့်လိုက်ဦး
Motor Headç  Alcatrazzç Anthrax
Judas Priestç  Massç Cinderella  . . .

တကယ်ပါ လက်ကုန်တယ်။

၁၉၉ဝ ပြည့်လွန်နှစ်တွေမှာ မန္တလေး အောင် ပင်လယ်ကန်ဘက် ဆံပင် ရှည်ကြီးနဲ့ ပြိုင်ဘီး လေးစီးပြီး ညနေတိုင်း လွင့်လာတဲ့ လူကို ခင်ဗျား မြင်ဖူးရင် သေချာတယ်။ အဲဒါ လင်းမီးထက်ပဲ။ အဲဒီမှာ ညနေတိုင်းသူ ဘာလုပ်မယ်ထင်လဲ။ လေကောင်းလေသန့် ရတဲ့ အောင်ပင်လယ်ကန် နံဘေး ကို အဆို သွားကျင့်တာ။ မင်းတုန်းမင်း ခေတ် ဆိုရင် တော့ ဒီလူ မင်းပြ စ်မင်းဒဏ် သင့်မှာ သေချာပါ တယ်။ ဘာလို့ဆို ညနေတိုင်း အောင်ပင်လယ်မှာ လေကြီး မိုးကြီး တိုက်သလို၊ လက်နက် မိုင်းဗုံးတွေ ဖောက်ခွဲ စမ်းသပ် သလို သူ့အသံတွေ နဲ့ မြို့ကြီးကို တဝုန်းဝုန်း မြည်ဟည်းနေစေလို့ပါ။

ဘယ်လောက် အထိ အသံ အဆိုရင်ကို လေ့ ကျင့်ခဲ့သလဲ ဆိုရင် လည်ချောင်း ကွဲရှ သွားပြီး တံတွေးထွေးတိုင်း သွေးစတွေ ထွက်လာတဲ့ အထိ! သူက အဆိုသမားတွေ ကို နည်းကောင်းလေး ပေးခဲ့ပါသေးတယ်။ ရွှေမန်း ဦးတင်မောင်နည်း မြန်မာ့ ရှေးထုံးနည်း စစ်စစ်ပါ။ အဲဒီလို အဆိုကျင့် ရင်း မတော်တဆ လည်ချောင်း ကွဲသွားခဲ့ရင် ‘ထမင်းရည်’ သောက်ဖို့ပါ။ ထမင်းရည်ဟာ လည်ချောင်း ဆဲလ်တွေကို ပြန်လည် အားဖြည့်ရင်း ကောင်းမွန် လာစေတယ်လို့ သူယုံကြည်တဲ့ အကြောင်း မကြာ ခဏ ပြောဖူး တယ်။ ဒီနည်းဟာ ခင်ဗျားအိမ် က မားသားကြီး လေဒီကြီးတွေကို အနည်းငယ် ခေါင်းစားစေနိုင်ပေမဲ့ Ok မှာပါ။

သူ့ရဲ့ Music အပေါ် ရူးသွပ်မှုတွေဟာ ကြောက်စရာ ကောင်းလှတယ်။ မန္တလေး ရုပ်သေး ရုပ်ပွဲတွေမှာ ဂစ်တာ လိုက်တီးဖူးတယ်။ ဒါ ဘယ် လိုမှ မလွယ်တဲ့ အလုပ်ပါ။ ရုပ်သေးရုပ် ရဲ့ လှုပ်ရှား မှုဟန်တိုင်းကို ဂစ်တာနဲ့ လိုက် သရုပ်ဖော်ပေးဖို့ ဆိုတာ…။ အဆောင်တွေ ရှေ့မှာလည်း နှစ်ပေါက်အောင် ဟယ်ရီလင်း သီချင်းတွေ ဂစ်တာ တီးပြီး အော်ဆိုတာ များတော့ တစ်ရက်မှာ သူတို့ ဘော်ဒါတွေ အဆောင် ကနေ ဂစ်တာတီးပြီး အပြန် ဆံပင် အရှည်နဲ့ ဘဲကြီး တစ်ပွေဟာ သူတို့နောက် ကို ဆိုင်ကယ်နဲ့ လိုက် လာသတဲ့ . . .နောက်နေ့ မနက် မှာ အဲဒီလူကြီးဟာ သူ့အိမ်ကို ပေါက်ချလာပြီး

”ညီလေး ငါ မင်းအသံကို ကြိုက်တယ်။ မင်းကို အခွေ ထုတ်ပေးမယ်။ မင်း အထုပ်အပိုးတွေ ပြင်ပြီး ရန်ကုန်လိုက်ခဲ့” အဲဒီလို ပြောသတဲ့။ အဲဒီလူဟာ အဆိုတော် ‘ဟယ်ရီလင်း’ ပါပဲ။ အဲဒီလို ဒဏ္ဍာရီက လည်း ဆန်လိုက်သေးတဲ့ ကျွန်တော် တို့ရဲ့ လင်းမီးထက်ပါ။

ရန်ကုန် Oasis Studio မှာ တစ်ခွေလုံး ၁၂ပုဒ်ကို ၂ရက် တည်းနဲ့ အပြီးဆိုခဲ့ သွင်းယူခဲ့လို့ အားလုံး မျက်လုံး မျက်ဆန်ပြူးပြီး အံ့ဖွယ်သရဲ ဖြစ်ခဲ့ ရပါသေးတယ်။ သူဟာ ဂီတ အပေါ် လေးနက် ပီပြင်စွာ ရူးသွပ်သလို လက်တွေ့ ကျကျလည်း ကျင့်ကြံ ပြောဆိုတတ်တဲ့ သူပါ။ အနုပညာနဲ့ ပတ်သက်လို့ တခြား ဖောင်ဒေးရှင်းတွေ ရှိပေမဲ့ Music Department တွေလည်း ဒီနိုင်ငံမှာ ရှိစေချင်တာ ဖြစ်ထွန်းစေ ချင်တာ သူ့စေတနာပါ။ အဆို တော်တဲ့ သူတွေ၊ အတီးသမား အသစ်တွေကို ပရိသတ်နဲ့ ထိတွေ့ပေးမယ့်၊ အခွေ ထုတ်ပေးမယ့် ပရိုဂျူဆာကြီးတွေပေါ့။ အခုတော့ ကမ္ဘာ့ အဆင့်အတန်း မီတဲ့ အဆို သမားတွေ၊ အတီးသမားတွေ၊ Band တွေ ရှိရက်နဲ့ Underground ပဲ ဖြစ်နေရတဲ့ လူငယ်တွေကို မြေပေါ် ကိုရောက်ဖို့ ဆွဲတင်ပေး ကြဖို့ Underground Band တွေ ရှေ့မရောက် ရခြင်းဟာ ပရို ဂျူဆာ တွေကြောင့် မို့ဆိုပြီး ရဲရင့် ပြတ်သားစွာ အကြံပေး စကားတွေ ဆိုတတ်တဲ့ သူ။

အခုအချိန်ထိ သူဟာ Music ရေစီးကို မျက်ခြည်ပြတ် မခံသလို သူကိုယ်တိုင်လည်း Vocal ကို ပါဝါ ကျမသွားအောင်၊ သက်လုံကောင်း အောင် လေ့ကျင့် သီဆိုရင်း၊ သီချင်းတွေ ရေးရင်း သူ Home Studio ထဲမှာ သီချင်းတွေကို နေ့စဉ် Creation လုပ်နေတဲ့ ဂီတသမား တစ်ယောက် ဖြစ်တယ်။ မတ်လ ၃ ရက်နေ့ က ကျင်းပပြုလုပ် ခဲ့တဲ့ Mandalay Guitar Workshop မှာ ဆရာ ညီညီ ထွေးနဲ့ အပေးအယူ မျှတစွာ ချိတ်ဆက်ရင်း စဖြဲ တဲ့ သီချင်း ကလည်း ကြည့်ဦး . . .

Yngwie Malmsteen ရဲ့ Rising Force ..။ သီချင်း Ending ရောက်ခါနီးမှာ Vocal ကို Pitch အနိမ့်အမြင့်တွေ လူးလွန့် တုန်ခါရင်း ကစား သွားလိုက်တာများ မိုးပေါ်က ကျီးကန်းတွေ လင်းနို့တွေတောင် ပြုတ်ကျတယ်။ ဆရာ ညီညီထွေး လက်တွေကလည်း သီချင်း Tempo အလိုက် ယိမ်းနွဲ့ပြေးလွှားနေ လိုက်တာ မီး ထတောက် မလား အောက်မေ့ရ။ နောက်ထပ် Speed တွေ Thrash ဆက်ဆို ဆက်တီးကြတော့ ကျွန်တော်တို့ လည်း ပေါက်မြောက် သွားပြီး သူတို့စည်းချက် နရီ အတိုင်း ဦးခေါင်းကြီးကို နတ်ဝင်သည်တွေလို ခါယမ်းနေ လိုက်တာ ပွဲပြီးချိန်ထိ မမောတမ်းပဲ ဗျာ။

သူ့ရဲ့ ရှေ့ဆက်မယ့် ဂီတ ခရီးလမ်းကြောင်းကို မေးမြန်း တီးခေါက်ကြည့် မိတဲ့အခါမှာတော့ . . သိပ်ကို ခမ်းနား ဆန်းသစ်တဲ့ Speed Metal တေး အယ်လ်ဘမ် တစ်ချပ် ဆရာ ညီညီထွေး နဲ့အတူ ဖန်တီးပြီးပြီ ဖြစ်တဲ့ အကြောင်း၊ ဒီနှစ်ထဲ အတွင်း ပရိသတ် လက်ထဲ အရောက် နှင်းအပ် ပေးဆပ်နိုင် ဖို့ ကြိုးစားနေတယ် ဆိုတဲ့ အကြောင်း၊ တေးအယ်လ် ဘမ် Title က”နတ်ဝင်သည် စကြဝဠာစီး ကြောင်း”

Woo! အရှိန်ပြင်းပြင်း  နတ်မြင်းပျံရိုင်းကြီး စီးနေရသလို ခံစားမှု အသစ်တွေ သူ ခင်ဗျားတို့ကို ပေးဆပ်မှာ အသေအချာ။
Okay!  ဒါ ကျွန်တော်သိထားတဲ့၊ လေးစား တဲ့၊ သိပ်ပြင်းထန်တဲ့ မီးလျှံဒိုင်နိုဆောကြီး…
လင်းမီးထက်  . .။

ဂျွန်

အခန်းရဲ့နံရံတွေဟာ ပိုပြီးထူထဲလာကာ ပိတ်လှောင်မွန်းကျပ်လို့  အသိစိတ်တွေ ဖောက်ပြန်သလို ဖြစ်ခဲ့တာက စရမှာပဲ။ ဒီနေ့မှ ရန်ကုန်ရာသီဥတုဟာ တစ်ခုခု ကို ဆွေးေ ဆွးမြည့်မြည့်ဖြစ်စေအောင် အသည်းအသန် ဖိတ်ခေါ်နေသယောင်ယောင်။ တစ်ယောက်တည်း ခေါက်တုံ့ခေါက်ပြန် လမ်းလျှောက်သံဟာ ပိုပို ကျယ်လောင် လာခဲ့သလိုပဲ။ စီးကရက်ကို မီးညှိဖို့ ကြိုးစားပြီးမှ သေချာမဖွာရှိုက်တတ်သေးတာကို လက်ခံနားလည်လိုက် ပြီ။ စကားသံတချို့ မပီဝိုးတဝါး ပြန်ကြားယောင်လာတယ်။ ကိုယ် ဘယ်အရာ ကိုမှ မလှုပ်ရှားရဲတော့ ပြန်ဘူး။ မနေ့ကအထိ ဆက်တွယ် ထားဆဲဖြစ်တဲ့ အတိတ်တွေဟာ နှစ်ခြိုက်လွန်းသော နှင်းဆီပန်းရနံ့ လိုပဲ မွှေးအီစွာ၊ စူးရှကြမ်းတမ်းစွာ အတား အဆီးမရှိ ပြန်လည်ဝင်ရောက်ခဲ့တာ..။ ညို… အခါခါ တိုးဖွဖွရွတ်ဆို ဖူးတဲ့ စကားလုံးပါ။

ညိုဆိုတာ ကိုယ့်ကိုတစ်သံသရာလုံး လောင်မြိုက်စေရအောင် အမျိုးမျိုးသော ဝေဒနာတွေနဲ့ မိတ်ဆက်ပေးခဲ့တာပဲ။ ဟိုးမှာတွေ့ နေရတဲ့ လမ်းကလေးမှာလည်း ညို့ ခြေ ရာတွေရှိတယ်။ နေ့စဉ်သောက်နေရတဲ့ ပဋိဇီဝဆေးတွေမှာလည်း ညိုပါတယ်။ ညှပ်ပစ်လိုက်မယ်လို့ ခဏခဏစိတ်ကူးမိတဲ့ဆံစတွေရဲ့ ရေသောက်မြစ်ကလည်း ညိုပဲဖြစ် တယ်။ မလှပတဲ့မျက်ဝန်းတွေနဲ့ ညှိုးရော်ရီဆွေးနေတဲ့ ဂုဏ်သိက္ခာ အားလုံးကလည်း ညိုပဲဖြစ်နေပြန်တယ်။

အဲ့ဒါတွေထက်ပိုစွာ ကိုယ်မသိ နားမလည်ခဲ့တဲ့ လူတွေအကြောင်း၊ သံယောဇဉ်အကြောင်း၊ အသက်ရှူရပ်တည်ဖို့အတွက် တိုက်ပွဲဝင်နေ့ရက်တွေအကြောင်း .. အစစ အရာရာမဟုတ်တောင် စုံလင်စွာ ခံစားမှုနဲ့ဦးနှောက်ကို တစ်ချိန်တည်းမှာ အနားမရစေဘဲ ဆုံးဖြတ်သုံးသပ်စေတဲ့ ပြိုင်ပွဲတစ်ခုလည်း ဖြစ်တယ်။ ကိုယ်ဆိုတာ ညို့အတွက် လွတ်လပ်ပွင့်လင်းစွာ အနာဂတ် သေနေတဲ့ ရာသီစက်ဝန်းတစ်ခု လား။ အဲ့ဒီထက်ပိုစွာ နေရောင်လာ ရင် ကွယ်ပျောက်ပေးရမယ့် နှင်းငွေ့ မှုန်မှုန်လေးလား။ ဒီလိုပဲ ထင်မိ တယ်။ ဟိုးတောင်တန်းတွေပေါ်က မှိုင်းညို့နေတဲ့ တိမ်တိုက်တစ်အုပ် သဖွယ် ကိုယ့်ရဲ့ဝေဝါးဝါးအနာဂတ် ဟာလည်း ညို့အတွက် စိတ်ပျက်ညည်းညူဖွယ်ရာ အသံ တိတ် ကြေကွဲမှု ဖြစ်တယ်။ အလွယ်တကူ ရေးခြစ်နိုင်ဖို့အတွက် အဆင်သင့် စောင့်စားနေဆဲ ပေါ့ပါးတဲ့စက္ကူ ဝါနွမ်းအလွတ်လေးလည်း ဖြစ် ကောင်းဖြစ်မယ်။

ကိုယ်တို့နှစ်ယောက် အကြောင်းကို ပြောပြပါလို့ တစ်စုံ တစ်ယောက်ကများ မေးလာခဲ့ရင် ညို ဘယ်လိုဖြေမှာပါလိမ့်။ တစ်ချိန် ကတော့ သိပ်သိချင်ခဲ့ မိတာ…။ နှစ် ဦးနှစ် ဖက်စလုံး မနစ်နာစေမယ့် စကားလုံးလှလှတချို့ ရွေးသုံးပြီး သံတူကြောင်းကွဲ စကားတစ်ခွန်းကိုပဲ ညို အကြိမ်ကြိမ်ရှင်းပြမှာပါ။ ဟုတ် တယ်မလား …။ ကိုယ် တို့ နှစ်ယောက်မှာ Anniversary မရှိဘူး။ ကိုယ်တို့တွေဟာ ဘာမှမဆိုင်ကြသလိုပဲ တစ်ဦးတည်းတစ်ယောက် တည်း နာမည်တစ်ခုတည်းကိုသာ သီးသန့်ရေး ထိုးခွင့်ရှိတဲ့ ကမ္ပည်း စာသားပါ။ ဒါကို လူတိုင်း နားမလည် နိုင်ဘူး။ လူတွေကို အထင်မသေးနဲ့ ညိုရဲ့  …။ သူတို့တွေကိုယ်စီတိုင်း မှာလည်း ကိုယ်ပိုင်အသိÓဏ်နဲ့။ ဟက်ခနဲတစ်ချက် ရယ်ပစ်ချင်တယ်။ ဒီအတွေးနဲ့တင် ကိုယ်ဟာ စတင်ရှုံးနိမ့်ပြီဆိုတာလည်း သိလိုက်တာ။ ရှုံးပေါ့… အရှုံးက အရေးမကြီးပါ ဘူး။ ကိုယ့်လိပ်ပြာဟာ ဘယ်လို လှပစွာ ဝင့် ထည်နိုင်မလဲသာ ကြိုးစားခဲ့သူမို့ သိမ်ငယ်ရှက်ရွံ့ရတဲ့ ခံစားမှုဟာ အရှုံးမဟုတ်ဘူး။ ဒါကို ညို မြဲမြဲမှတ်ထားပေးစမ်းပါ။

သံယောဇဉ်အကြောင်း အနာတရမဟုတ်တဲ့ သင်ခန်းစာမှာ တဖွဲ့တနွဲ့မဟုတ်ရင်တောင်မှ ကိုယ် နဲ့ညိုရဲ့ ဆက်တွယ်မှုဟာ နိယာမ အသစ်တစ်ခုလို့ ယုံကြည်ရလိမ့်မယ်။ ဒါပေမဲ့ကွယ်… အသစ်အသစ် တွေ ချည်နှောင်တတ်တဲ့ ညို့ရဲ့ သဘာဝစိတ်ကို ကိုယ်တဖြည်းဖြည်း သိလာတဲ့အခါ သံသယဆိုတာ တမှုန်တမွှားကနေစလို့ ကြီးထွား ချင်လာခဲ့မိတယ်။ အဟောင်းတွေ အပေါ်မှာ ရိုးအီလာတတ်တဲ့ လူ့သဘာဝကို ကိုယ်အပြစ်မပြော လိုပေမဲ့ ခံစားလွယ်တတ်သူ၊ စိတ် အားပျော့ရှသူလို့ ညို့ကို ကိုယ် စွဲချက် တင်တယ်။ ဒါအမှန်ပဲ ညို မငြင်းနိုင်လောက်ပါဘူးလေ။

ကိုယ်ကတော့ တစ်ယောက် တည်းကိုပဲ သတိရတတ်ခဲ့တာ…။ ညိုကတော့ ကိုယ့်ရှေ့မှာ ရပ်နေရင်း ကနေ တခြားတစ်ယောက်ရဲ့ အကြိုက်နဲ့ သဘောတရားတွေကို တိရကြောင်း တခုတ်တရ လွမ်း မောတတ်သေးတာမျိုး ။ ရှေ့မှာတင် မြင်လိုက်ရတဲ့ မျက်ဝန်းနှစ်စုံထဲက သီးသန့်ဆန်တဲ့ အရောင်တွေ အကြောင်းကို ကိုယ် ညတိုင်း အိပ် မက်ပြန်ပြန်မက်တယ်။ တကယ် ဆို အဲ့ဒီနေ့က ကိုယ့်မျက်လုံးတွေ ကန်းနေခဲ့ဖို့ ကောင်းတာ။

နှုတ်ခမ်းကို ဖိကိုက်လိုက်ရင် ညိုမြင်မှာစိုးလို့ အံသွားတွေနဲ့ ပါးစောင်နှစ်ဖက်ကို ဖိကြိတ်ထားရင်း က အသက်မှန်မှန်ရှူဖို့ ခက်ခဲခဲ့တဲ့ အချိန်တွေကို ကိုယ် မေ့လို့မရ ဘူး။ ကျေးကျွန်လို ဦးညွတ်ခြင်းက လူ့တန်ဖိုးကို အလိုလိုလျော့ကျစေ တတ်မှန်း ကိုယ် ဘာကြောင့် မတွေး တတ်ခဲ့မိတာပါလိမ့်။ ပျော်လားဟင် … အဲ့လို မေးလိုက် ချင် တာ။ကွက်လပ်တွေ သိပ်များလွန်း တဲ့ ကိုယ့်အတွက် ညို့အပေါ် မှီတည်မှုဟာ အစွန်းရောက်ခဲ့ပါ သလား… ခဏခဏ ပြန်ဆန်းစစ် မိတယ်။ ကိုယ်က မကောင်းဘူး …။ ဟုတ်တယ်။ ညို ပြောခဲ့သလို သတ်မှတ်ခဲ့သလို သိမ်ဖျင်းစုတ်ချာ လွန်းခဲ့ပါတယ်။ တစ်ချိန်မှာ အမှိုက် တစ်စသာသာဖြစ်သွားမယ့် သမုဒယ တွေပဲ စုစည်းသိမ်းထုပ်လို့ တ ကုပ် ကုပ် အလုပ်ရှုပ်နေခဲ့တာ။ အရူးအမူး ဆိုတာ ဒါမျိုးကိုပြောတာဖြစ်မယ်။ ကိုယ်ဟာ အရူးတစ်ပိုင်းနဲ့မူးဝေခဲ့တဲ့ နေ့တွေ ခပ်များများပေါ့…။ ဒီလိုဆိုပြန်တော့ ကိုယ့် မှာ ပျော်ရွှင်မှုတွေ မရခဲ့ဘူးလားလို့ မေးစရာဖြစ်မယ်။

မီးရထားသံလမ်းဘေးမှာ အတူတူထိုင်ရင်းက စကားလုံးတွေ ဖြန့်ကြဲခဲ့ဖူးတဲ့အချိန်တွေ မှတ်မိ နေဦးမှာပါ။ တစ်ယောက်တည်း ပါပဲဆိုပြီး ထည့်တွက်စရာမဟုတ် သော ကိုယ် ပါဝင်ခဲ့ဖူးတဲ့ ညနေခင်း တွေကိုလည်း မြင်ယောင်ရင်းပေါ့ ။  အမျက်တော်မရှစေဖို့ မိုက်ရူးရဲဆန် တဲ့အတွေးတွေကို သတ္တိဆိုတဲ့ အခွံနဲ့ ဖုံးအုပ်ပြီး စွန့်စားခန်းတွေ လည်း ဖြတ်ကျော်ခဲ့ဖူးတာမို့ ကိုယ့်ကိုယ် ကိုယ်တောင် တယ်ဟုတ်ပါလားလို့ တိတ်တိတ်လေး ချီးကျူးမိသေးတာ။

ဘာပဲဖြစ်ဖြစ်ပေါ့လေ… ဒါဟာ ကိုယ့်ရဲ့တစ်ဖက်သတ်အတွေး တွေပဲလို့ နားလည်ကောင်းမှာပါ။ အကန့်အကန့်တွေ ခွဲသိမ်းထား နိုင်စွမ်းရှိတဲ့ ညို့အတွက်တော့ ကိုယ်ဆို တာ ဘယ်လိုနေရာ ဘယ်လို အချိန်မျိုးမှာမှ အတွေးထဲဝင်ရောက် နိုင် စွမ်းရှိမလဲလို့ တစ်ခါတုန်းက တော့ ပြင်းပြစွာ ဖွင့်မေးချင်လောက် အောင် သိချင်ခဲ့တယ်။ အခုတော့ … ကိုယ်နားလည်သွားပြီလို့ပဲ ပြောရမလား။ မသိဘူး တစ်ခါတလေ ကိုယ်က အဲ့လို မသိချင်တာတွေကို တမင်တကာပဲ မသိချင်ယောင် ဆောင် တတ် တာမျိုးလေ။ ကိုယ့်ဆုံးဖြတ်ချက်တွေ၊ အသိÓဏ်ရင့်သန်မှုတွေ၊ ဗီဇနဲ့ ဝါသနာရဲ့အရေးပါမှုတွေ၊ ကိုယ်ရည် ကိုယ်သွေးနဲ့ ဆိုင်တဲ့ အမူအကျင့်တွေ အို… အစစအရာရာမဟုတ် တောင် တော်တော်များများ ညို့ရဲ့ သတ်မှတ်ချက်နဲ့ အကြည့်တစ်ချက် အောက်မှာပဲ တုန်လှုပ်စွာထိန်းချုပ်ရခြင်းနှင့်အတူ ပေါက်ကွဲလွင့်စဉ် သွားတဲ့ အရိုင်းဥာဏ်တွေပါရှိလာခဲ့တာ။ ကိုယ်က ညို့လောက်အရာရာမှာ ဟန်ဆောင်ကောင်းသူ မဟုတ်တာကလည်း ညံ့ဖျင်းမှုတစ်ခုပါပဲ။

ဝန်ခံပါတယ်…။ ဒီရှင်သန်မှု မှာ ကိုယ်ဟာ ရဲဝံ့စွာနဲ့ ယုံကြည်မက် တွယ်နေမိတာဟာ သူရူး တစ်ယောက်ပမာ ဖြစ်လာမှန်း သိပ်မကြာခင်ကမှ သိလာခဲ့တာပါ။ တစ်ယောက် ကို တစ်ယောက်က လိုအပ်တာတွေ ဖွင့်ဟတဲ့အခါ ဖြည့် ဆည်းပေးနိုင်စွမ်းရှိတဲ့ အရာတွေ ပေးလိုက်နိုင်တဲ့အခါ ကျေနပ်တဲ့စိတ် နဲ့ ကြည်နူးမိပါရဲ့။ အကျင့်စွဲနေပြီး သားဖြစ် သလို ညို့အတွက် ကိုယ် သာရှိနေချင်တတ်တဲ့ အတ္တဟာ တစ်ခါတစ်ရံမှာ လောင်ကျွမ်းစေဖို့ ဖြစ်လာတယ်။ တောင်းဆိုမှုမှာ ယုံကြည်မှုဆိုတာပါတယ်လို့ ကိုယ် ကတော့ ခံယူထားတယ်လေ။ ဟုတ် တယ်မလား။ စဉ်းစားကြည့်ပါဦး …ကိုယ်တို့တွေ တစ်ယောက် အကြောင်းတစ်ယောက် အပြန် အလှန် နားထောင်ပေးနိုင်ဖို့ ဘာတွေ လိုအပ်တယ် ထင်သလဲ။ ကိုယ်ဘာတွေ ပြောချင်လဲ .. ဘာကို မျှော်လင့်မိတာလဲ … ဘာကိုတန်ဖိုးထားမိတာလဲ …။ ညိုမသိတာလား… သိဖို့မကြိုးစားတာလား … သိဖို့ မ လိုတော့ တာလား။ ခေါင်းတွေ ချာချာလည်အောင် မှောင်ကျသွားပြန်ပါတယ်။

ညို့ရဲ့ ယုံကြည်မှုဟာ အရွေ့ တစ်ခုရဲ့ပြောင်းလဲခြင်းမှာ ထင်သာ မြင်သာဖြစ်ခဲ့ပြီပဲ။ တစ်ချိန်ချိန်မှာ လွန်ဆွဲမှုတွေနဲ့ ပင်ပန်းမယ့် ညို့ကို မကြည့်ရက်ဘူး။ အခုအချိန်ထိ ကိုယ့် ကို စိတ်လှုပ်ရှားပျော်မြူးစေခဲ့ သူ၊ စိတ်ပင်ပန်းမွန်းကျပ်စေခဲ့သူ၊ နားအလည်ဆုံးနဲ့ အသိတတ်ဆုံးသူ ကတော့ ညို ပဲရှိနေခဲ့တယ်။ ညိုပဲ ရှိတယ်လို့ ကိုယ်ကိုယ် တိုင်က လည်း စွဲလမ်းခဲ့မိတယ်။ ကိုယ့်မှာ ညိုနဲ့တွဲ ပြီး နှိုင်းယှဉ်ရမယ့်သူ မရှိ။

တစ်ချိန်တုန်းကတော့ ကိုယ့်ဆီ က ခွဲခွာပြန်သွားတဲ့အခါ ဝမ်းနည်း တတ်တဲ့ ညို။ အခု ကိုယ်ပြန်ကြား ယောင်မိတာက ဝမ်းနည်းခြင်းမှတ် တိုင်အသစ်ပေါ့။ တမင်တကာပဲ လုပ်ကြံဖန်တီးသလားလို့ ထင်ရ လောက်အောင် ကိုယ့်ရှေ့မှာမှ သတိရခြင်းတွေကို ညည်းညူ သည်းလှုပ်ပြတတ်သေးတယ်။ စိတ်မကြည်လင်စေတဲ့ စကားအဖု အ ထစ်လေးများ လက်ခံရရှိတဲ့အခါ မှာ ပေါက်ကွဲစရာက ကိုယ်ပဲဖြစ်နေခဲ့ တယ်။ အထိတ်တလန့်နဲ့ မာကျော ခက်ထန်ခြင်းတွေကို ကိုယ်မလိုချင် ဘဲ ရရှိခဲ့ဖူးတယ်။ ဒါဟာ ကိုယ့် အတွက် ဆုလာဘ်။ ဟုတ်တယ်  ကိုယ်နဲ့ ထိုက်တန်တာကိုပဲ ကိုယ်ပိုင် ဆိုင် သိမ်းဆည်းရမှာပေါ့လေ။ ပခုံး ပေါ် တင်ထားတဲ့လက်ကို အရှိန်ပြင်း ပြင်းနဲ့ ရိုက်ထုတ် လိုက်တာတွေ၊ မောပန်းနွမ်းလျနေတဲ့ ကိုယ့်ကို တမင်တကာပဲ အဝေးကပြုံးပြတတ် တာတွေ၊ သိုဝှက်မှုတွေနဲ့ ဂါထာရွတ် အသက်သွင်းထားတဲ့ အရုပ်တစ်ရုပ် သာသာ သဘောထားပြီး လူရာဝင် အနုပညာတစ်ခုလို လူတကာ နားမလည်နိုင်တဲ့ အထူးအဆန်း ပုံပြင်တစ်ပုဒ်အဖြစ် သတ်မှတ်ခဲ့တယ်။

ဟိုး အဝေးကြီးကနေ မနား တမ်းခရီးနှင်လာခဲ့ချိန်မှာ တာဝန်နဲ့ ဝတ္တရားကို အကြောင်းပြချက်အဖြစ် သုံးပြီး ကိုယ့်ကို တစ်စက်ကလေးမှ စိတ်မပူတတ်စွာနဲ့  အရာအားလုံး ရဲ့ နောက်မှာ သတ်မှတ်ထားသူ …။ အဆင်ပြေတဲ့ ကားနဲ့ အိမ်ပြန်ဖို့ အတွက် ပတ်ဝန်းကျင်အသစ်မှာ ကိုယ့်ကို တစ်ယောက်တည်း  အလျင်အမြန် ခွဲခွာထားခဲ့နိုင်ရက်သူ …။ ချိန်ခွင်လျှာ အလေးသာမှုဟာ တစ်ဖက်က စောင့်ဆိုင်းနေရမယ့်  သူကို အားနာလွန်းတတ်ခဲ့ပြီပဲ။ အခြေအနေနဲ့ အချိန်အခါက ညို့ကို တမင်တကာပဲ ကိုယ့်ဆီကနေ ဆွဲထုတ်သွားခဲ့တာလား။ အို… ဒါဟာ ပြန်တွေးစရာကောင်းတဲ့ အလွမ်းမဟုတ်ဘူး။

အရှိတရားနဲ့ ပကတိအဖြစ်မှန် ကို လက်ခံနိုင်ဖို့ ကိုယ် ကြိုးစားခဲ့ပါ တယ်။ ညိုကလည်း ရိုးသား ပွင့်လင်းစွာနဲ့ အချိန်မလပ် သတိပေး နေခဲ့တာကိုး။ ကိုယ်တို့တွေဟာ ခံစား ချက်နဲ့ပတ်သက်ရင် သိပ်ကို ထိရှလွယ်သလို … တစ်ခါတလေ ကျတော့လည်း ဖွင့်ဟရမှာ တကယ် ပဲ ရှက်ရွံ့နေခဲ့တယ်။ ဟုတ်လား …။ သူတကာတွေလိုပဲ မထူးဆန်း တဲ့ သမားရိုးကျကိုပဲ ကိုယ်ဟာ တောင့်တမိတော့တယ်။ ညို့ဆီက စတင်ဆက်သွယ်လာမယ့် ဖုန်း ကောလ်တစ်ခုကို ကိုယ်ဟာ ငံ့လင့် နေခဲ့ဖူးတယ်။ ကိုယ်က ဆက်သွယ်ဖို့ ကိုလည်း ရက်ရာဇာတွေ ရွေးနေမိ တတ်သေးတယ်။ ဒါဟာ ရယ်စရာကောင်းတယ် …။ ဟုတ်တယ်လို့ ဖြေပေးပါ …။

အပြန်အလှန် သက်ရောက်မှု လို့ပဲ ပြောရမလား။ ကိုယ်ဟာ သတိရခြင်းတွေ အကြောင်းကို ထုံအီသွားမှာစိုးလို့ အရင်လိုပြောပြဖို့ မကြိုးစားတော့ဘူး။ မနက်မိုးလင်း တိုင်း မပျက်မကွက် နှုတ်မဆက်ချင် တော့ဘူး။ ဒါပေမဲ့ ညအိပ်ရာဝင် တိုင်းတော့ မေတ္တာပို့ မပျက်ခဲ့ပါဘူး လေ။ ကတိမဟုတ်သော်ငြား ကိုယ် ပြောခဲ့တဲ့ စကားတစ်ခွန်းအပေါ် ထားတဲ့ လေးနက်တွယ်တာမှုအရ  ညို့အတွက် ရှိနေပေးခဲ့ပါတယ်။ အတတ်နိုင်ဆုံးနဲ့ သက်သောင့် သက်သာအဖြစ်ဆုံး အချိန်အတိုင်း အတာတစ်ခုထိ ကိုယ်ရှိနေမှာပါ။ ဘယ်မေ့နိုင်ပါ့မလဲ …။

ညို့ဆီ လွင့်စဉ်လာမယ့် အန္တရာယ်ဟာ ကျောက်တုံးထုထည် ကြီးကြီးတစ်ခု ဆိုပါစို့ ။ အရှိန်နည်း သွားအောင်ဖြစ်စေ၊ သိပ်သည်းဆနှင့် အပိုင်းအစ ပါးလျ သွားအောင် ဖြ စ်စေ အခိုက်အတန့်ဆီးတား ကွယ်ကာပေးနိုင်မယ့် ကိုယ်က ကြားခံအကူကြိယာ တစ်ခုသာ လောက်ပါပဲ။ ဒီကျောက်တုံးကို ဖျက်ဆီးခဲ့နိုင်မှာလည်း မဟုတ်တာ သေ ချာေ သ်ာငြား ညို့ဆီ ရောက်လာ တဲ့ အရှိန်နဲ့ ပြင်းအားကို အနည်းငယ် သက်သာစေပေးနိုင်မည်ဆိုလျှင်ပဲ ကျေနပ်ပါသည်ပေါ့ …။ ဒီလောက်ပါပဲ… ဒီ့ထက်လည်း ပိုမ စွမ်းေ ဆာင်နိုင်ခဲ့ပါဘူး။ကိုယ်က ပျော်ရွှင်မှုတွေလည်း မဖန်တီးပေးနိုင်ပါလား။ ကိုယ့်ကြောင့်လည်း  ညို ပျော်ရွှင်ခဲ့မယ်လို့ တစ်ခါမှ တွေး ကြည့်လို့ မရခဲ့ ပါလား။ ကိုယ့်မှာ ပျော် ရွှင်မှုတွေ မွေးထုတ်နိုင်တဲ့  ဗီဇအရင်းခံလည်း တကယ် မရှိတာအမှန်ပါပဲလား။

သိစိတ်နဲ့ မသိစိတ်ရဲ့ လွန်ဆွဲမှု ကနေ ညိုဟာ မသိမသာနဲ့  ကိုယ့်ကို အဝေးကို တွန်းပို့နေခဲ့တယ်ဆိုတာ ကိုယ့်ကိုယ်ကိုယ် သတိထားမိရဲ့ လား။ တစ်ယောက်ကို နာကျင် မှာ စိုးရိမ်သလို တစ်ယောက်ကို လက် လွှတ်မခံနိုင်တဲ့ လူ့အတ္တဟာ ခါးသီး လွန်းတဲ့ အဖြစ်မှန်ပါပဲ။ တစ်ကြိမ် တစ်ခါကနေ .. အရေအတွက်တွေ များလာတော့ ကိုယ်ဟာ အရေခွံထူ တဲ့ကြားကပဲ အသည်းနာ မျက် အောင့်ခဲ့ရတယ်။ သွားတော့မှာ လား။ ထိတ်လန့် စွာ နှလုံးခုန်သံတွေ ပေါက်ထွက်မတတ် ချောက်ချား ရူးသွပ်ခဲ့ရချိန်တွေ သိပ်ကြောက် တယ်။ ဒါပေမဲ့ မထားခဲ့ပါနဲ့လို့ ကိုယ် ဘယ်တော့မှ တောင်းဆိုမှာ မဟုတ်ဘူး။ ဘယ်လိုပဲတားတား ထွက်သွားမယ့်သူဟာ သွားမှာပဲ။

အတူတူလျှောက်ခဲ့ဖူးတဲ့ လမ်း တွေကို ကိုယ်တန်ဖိုးထားပါတယ် ညို ..။ ညို ပါဝင်ခဲ့တဲ့  ကိုယ့် နေ့စွဲ တွေဟာ အဓိပ္ပာယ်ရှိခဲ့ပါတယ်။ ကိုယ် ဘယ်တော့မှလည်း နောင်တ ရမှာမဟုတ်ဘူး။ ကိုယ် မဖြည့်ဆည်း နိုင်တဲ့အရာတွေကို ဖြည့်ဆည်းပေး နိုင်မယ့်သူဆိုရင် ချစ်ခြင်းမေတ္တာ အစ လူ့လောကမှာ လိုအပ်တဲ့အရာ၊ ရှိသင့်ရှိထိုက်တာ မှန် သမျှပေါ့လေ။ ညို့အတွက် ဖြည့်ဆည်းပေးနိုင်မယ့် သူဖြစ်မယ်လို့ ယုံကြည်စိတ်ချတဲ့ တစ်နေ့ ကိုယ့်ကိုယ်ကိုယ် အရောင် ပြောင်းလို့ စွန့် ခွာဖို့ ပြင်ဆင်ပြီးသား ပဲ။

”နင့်ရဲ့အနောက်မှာ ငါ ရှိနေမှာပါ” တကယ်ပဲ ကိုယ်ဟာ ညို့အနောက်မှာပဲ ရှင်သန်ခွင့်ရခဲ့သူ။

ဟင့်အင်း … ဒါ သိပ်ကို တန်ဖိုးကြီးတာပါ။ နောက်ကျော ဆိုတာ လုံခြုံမှုနဲ့ ယုံကြည်စိတ်ချမှု တွေအားလုံးကို အရာရာစတေးပြီး ပေးအပ်ထားရတာမလား။ ညို ဘာဖြစ်ချင် လဲ လို့ ကိုယ်မေးစရာ မလိုပါဘူး။ ဆံခြည်တစ်မျှင်စာ လောက်ပဲ ကွာဟချက်ရှိတဲ့ အကြင်နာတရားတွေနဲ့ အဘက် ဘက်က သင့်တော်ပြည့်စုံလွန်းမှုကို လူဟာ လူ့အတ္တ သဘာ ဝအရသာယာတွယ်ငြိမှု။ ကိုယ် အပြစ် မဆိုချင်ပါဘူး။

ဘယ်လောက်ပဲ ကြီးကျယ် မြင့်မြတ်တဲ့ ခမ်းခမ်းနားနား သမုဒယဆိုပေမဲ့  တိတ်တိတ်ပုန်းဟာ တိတ်တိတ်ပုန်းပါပဲ။ လက်သန်းချင်း ချိတ်ဆက်ထားရုံနဲ့ ကိုယ်က ဘာများ အရေးဆိုခွင့်ရှိပါသလဲ။ ကျေးဇူးပြုပြီး နာကျင်စရာတွေမဖြစ်စေဘဲ သွေး အေးအေးနဲ့ တည်ငြိမ်သွားဖို့ကိုတော့ မဖြစ်နိုင်မှန်းသိသိကြီးနဲ့ ကိုယ် ရူးသွပ်စွာ တောင့်တမိတယ်။ ကိုယ် တို့တစ်တွေက တစ်သက်လုံးအတွက် တစ်ယောက်ကို တစ်ယောက် ကွယ် ပျောက်သွားဖို့ မလွယ်ကူဘူး။ ဟုတ် တယ်…လို့ ကိုယ့်ကို နှစ်သိမ့်ပါ။

ပြုတ်ကျမယ်မှန်း သိလျက်သား ဇောက်ထိုးမိုးမျှော် တွဲလောင်းဖြစ် နေတဲ့ ခဏ၊ ရင်တလှပ်လှပ်နဲ့ အဲ့ဒီ အချိန်ရဲ့ ရူးသွပ်မှုဟာ သေပွဲမဝင်ခင် ကိုယ့်ဒဏ်ရာကိုယ် အရသာရှိရှိ စားသုံးရတဲ့ ဘဝပါပဲ။ ဖိနပ်ကြိုးအစုံ ကို သေသေချာချာ ဒူးထောက်ငုံ့ချည် ပေးပြီးတဲ့အခါ ”သွားတော့” လို့ ခပ်ဆတ်ဆတ် အမိန့်ပေးရဦးမှာ လား။ ဖြစ်ပြီးသားကိစ္စတွေကို ဘာမှ မဟုတ်ဘူးလို့ သဘောထားလိုက်ပါ။ ကိုယ်တို့နှစ်ယောက်ကြားမှာ ဘာသာပြန်ရခက်တဲ့ အသံဝှက်ကြိုး တွေရှိတယ်လို့ တွေးမိခဲ့ရင် ဝိုင်ခွက် ကို ထပ်ခါထပ်ခါ ဆင့်သောက်ပြီး ဟားတိုက်ရယ်မောပစ်လိုက်မှာ။

တစ်ယောက်ရဲ့ ပျော်ရွှင်ခြင်းကို တစ်ယောက်ရဲ့ ရင်ဘတ်ထဲမှာ ဝှက် မြှုပ်ထားခဲ့ပြီးပြီပဲ..။ ညို့အနာဂတ် တွေကို အကျဉ်းချချုပ်နှောင်ထားဖို့ ဆိုတာ မဖြစ်သင့်ပါဘူး။ အရင် ဆုံး ကျောခိုင်းလှည့်သွားရင် ရှုံးမှာတဲ့ လား…။ ကိုယ် မမေးမိခဲ့တာတွေ အတွက်များ နာကြည်းနေလေ မလားဟင်..။အခုအချိန်ဆို.. လူတချို့ က ကိုယ့်ကို မြန်မြန်သေဖို့ ကျိန် ဆိုနေလောက်ရောပေါ့။ဘယ်လို ဝဋ်ကြွေးမျိုးလဲလို့ နှုတ်ခမ်းတွေ တရွရွလှုပ်ခတ်ပြီးမှ မျိုချမော့ သောက်ပစ်လိုက်တဲ့ အနာဂတ်စိတ် ကူးတွေရယ်..မျက်ဝန်းမှာရော၊ ရင် ဘတ်မှာရော လွတ်ကျကျန်ခဲ့ တတ်တဲ့ ညို့ဘာသာစကား အထွေ ထွေရယ်။ တစ်စုံတစ်ရာသိနေရက်နဲ့ ချောက်ကမ်းပါးစွန်းမှာ လေပြင်းတွေ ရိုက်ခတ် ဒဏ်ကို တောင့် မတ် အား တင်း ထားတုန်း..။တစ်ယောက်ကို တစ်ယောက် စာနာငဲ့ညှာခြင်းအား ဖြင့် တစ်ယောက်ကိုတစ်ယောက် ဟန်ဆောင်ဖုံးကွယ်ခြင်းဖြင့် သက် တမ်းရင့် ခေတ် လွန်ေ တးများကို ဆိုညည်းနေကြတာများ ကိုယ်က အဟုတ်ကြီး မှတ်ထင်မိနေတာပါပဲ။တော်ပါပြီကွယ်… နှင်းခါးဒဏ် ကြောက်မှတော့ အဲ့ဒီ မီးလင်း ဖို လေးနားက တစ်ဖဝါး မခွာဘဲနေပါ။

ကြယ် (star) နဲ့တူတဲ့ ကွေဆာ (quasar) တွေက တကယ်တမ်း ကြယ်မှမဟုတ်တာ။ ကြယ်ရဲ့လင်းပွင့် တောက်ပမှုအစစ်လို အမြင်အရ အသိအမှတ်ပြုနိုင်ကောင်းပေမဲ့ ‘ကြယ်’ နဲ့တူတဲ့ အရာအဖြစ်ပဲ တည်ရှိနေရတာပါ။ ကိုယ်က ဘာမှ မဟုတ်ခဲ့တာ၊ ကိုယ်ဟာ ဘာမှဖြစ် လာမှာမဟုတ်တဲ့လူဆိုတာ ကိုယ့် ကိုယ်ကိုယ် သိပြီး နားလည် လက် ခံဖို့ ကြိုးစားခဲ့ရတဲ့ အချိန်တွေကို နှမြော လိုက်တာ။

တစ်ချိန်ချိန်မှာ ညို့နဲ့ အတူတူ လမ်းလျှောက်မယ့်သူတစ်ယောက် မလွဲမသွေ ရှိကောင်းရှိလာလိမ့်မယ်။ အဲ့ဒီနေ့ကို ကိုယ် ဘယ်လိုရင်ဆိုင် ကျော်ဖြတ်မလဲဆိုတာ ကြိုတင် မတွေးရဲသေးတာအမှန်ပဲ။ သောက် လက်စကော်ဖီခွက်၊ ငိုညည်းသံတချို့ စာမျက်နှာ ဖွင့်မှောက်လျက်သား စာအုပ်၊ ထိုးလက်စ Cross Stich  လေးရယ်၊ ဓာတ်ပုံတချို့  ထဲက ညို့ အပြုံးအချို့ရယ်၊ အံဝှက်ထဲက အလင်းတန်း ယဲ့ဖြာဖြာလေးရယ် ..။ နံရံပါးပါးလေးရဲ့ တစ်ဖက် တစ်ချက်စီမှာ ဆုတောင်းမှားခဲ့တာ လား ..။ ဖြေပါဦးကွယ် ..။ အခန်းထောင့်တစ်ခုမှာ မှီထိုင် ချလို့ ဘယ်အရာကိုပဲကြည့်ကြည့် မမြင်ရတော့တဲ့ အမြင်အာရုံပိတ် မှောင်မှုဟာ နတ်ဖွက်ထားတဲ့ နေဝင်ချိန် အလွမ်းတွေပဲလား။ ဒိုင်ယာ ရီပေါ်က ဘယ်ဘက်လက်ခုံ ပေါ်ကို မျက်ရည်တစ်စက် တောက်ခနဲ ကျသွားတဲ့အသိ။ အခန်းနံရံကို တစ်ခုခုနဲ့ ပစ်ပေါက်မိ လိုက်တယ်ထင်ပါရဲ့။ အသက်ရှူတွေ ကျပ်လာ လို့  ပြတင်းပေါက်နားသွား ရပ်လိုက်ပြန်တော့လည်း အပြင် လောကတစ်ခုလုံးက ညိုနဲ့  ကိုယ့်ရဲ့ အတိတ်ကို အာရုံလွှဲစေနိုင်လောက် တဲ့ ခံစားချက်မျိုးမပေးနိုင်ပြန်ဘူး။ ဟိုးကောင်းကင်က ရွေ့လျားသွားနေ တဲ့ တိမ်တွေကို ကိုယ့်ဦးခေါင်းထက် ဆီ အနီးကပ်ဆုံးရောက်လာဖို့ ဖိတ် ခေါ်ချင်မိတယ်။

ကျန်တဲ့အရာအားလုံးကတော့  ..အိပ်မက်လေးသာ ဖြစ်လိုက်ပါ တော့ကွယ်။ အစတုန်းကတော့ နှစ်ဦး သဘောတူပဲ အဲဒီစည်းဝိုင်းလေးထဲ ဝင်ခဲ့တယ်။ တဖြည်းဖြည်းနဲ့ ပ ညတ် တွေများတဲ့ လောကကြီးမှာ ကိုယ် ပိုင်အသိနဲ့ ခံစားမှုတွေကို နောက်ချန်ပြီး စည်းလေးတစ်ခု ခြားလိုက်တယ်။

သူ တစ်ခြမ်းကိုယ် တစ်ခြမ်းဒါပေမဲ့ နှစ်ယောက်ပေါင်းမှ အဲဒီကွက်လပ်လေးက ပြည့်စုံမှာမျိုး .. ။

အိပ်မက်ကိုး

ကိုယ်တိုင်ရေးစာမူဖြစ်ပါသည်။

Model               : Chit Snow Oo

Location         : Gurdians Studio HD

Photo               : Ko Naing (Popular)

Arranged by : Thida Soe

Model                 : Mi Sandi

Make-up            : Hello

Location            : Juize Muzic Center

Photo                  : Ko Naing (Popular)

Arranged by    : Nay Yi Yi Lin