![]( "lunmgmg")
”ပူး … ပေါ်”
အမြင့်သံမှ အနိမ့်သံသို့ တဖြည်းဖြည်း တိုး၍ သွားသော မော်တော်ဟွန်းသံ ရှည်ရှည်ကို ကြား လိုက်တာနဲ့ သွားကြပြီ ဟု စိတ်ထဲမှာ ဖွဖွလေး ရေရွတ် လိုက်တယ်။ မျက်ခွံ များကို မှိတ်လိုက်တော့ မျက်ရည် နှစ်စက်က ပေါက်ခနဲ လွင့်ကျသွား တယ်။
ကျွန်တော်တို့ ဗုဒ္ဓအရှင်မြတ် ကတော့ သူ့သြဝါဒရဲ့ အခြေခံ သဘော တရားမှာ သူ့ရဲ့သား ရဟန်း တွေကို ခရီး နဲ့ပတ်သက်ပြီး ဒီလို မိန့်ကြားခဲ့တယ်။
”ရဟန်းတို့ လူများစွာ တို့၏ အကျိုးရှိမှုနဲ့ စိတ်ချမ်းသာမှု အတွက် ခရီး လှည့်လည်ကြ ကုန်လော့” တဲ့။
ခရီးဆိုတာမျိုးက တစ်ရပ် တစ်ကျေးကို ရည်ရွယ်ချက် တစ်ခုခု နဲ့ သွားတာမျိုးကို ဆိုလိုတာ။
ကျွန်တော့်ဘဝမှာ ခရီးထွက်လို့ ပျော်ရွှင်ခြင်း၊ ဝမ်းနည်းခြင်း စတဲ့ ခံစားမှုမျိုးကို ဘယ် အရွယ်မှာများ စတင် ခံစားဖူးပါလိမ့်။ အသက် တစ်ဆယ့်သုံးနှစ် ၈ တန်းကျောင်း သား အရွယ်လို့ ထင်ပါတယ်။
ဗေဒင် လက္ခဏာ ကြည့်တာ ဝါသနာပါ လွန်းသော ကျွန်တော့် မေမေကြောင့် ဧရာရွှေလီ မြစ်ဆုံ ကမ်းနံဘေးက ရွာလေး တစ်ရွာမှာ မွေးဖွားခဲ့တဲ့ ကျွန်တော် ဟာ မြန် မာ နိုင်ငံရဲ့ ဒုတိယ မြို့ကြီးဖြစ်တဲ့မန္တလေး ရွှေမြို့တော်မှာ ပညာရည်နို့ သောက် စို့ဖို့ အကြောင်းဖန်လာတယ်။
”လူထွက်ကိန်းရှိနေတယ်။ တောင်စူးစူးကိုသွားမှ သင့်တော် မယ်”
မွေးကင်းစ ကတည်းက ထစ်ခနဲဆို အအေးပတ်လိုက် ဖျား လိုက်ရှိတတ်တဲ့ ကျွန်တော့်ကြောင့် ဗေဒင်ပြေးပြေး ကြည့်ရာက ဘာပဲ လုပ်လုပ် ဗေဒင် ကြည့်ပြီးမှ လုပ် တတ်တဲ့ အကျင့် ကျွန်တော့်မေမေကို ရသွားစေတယ် ထင်ပါရဲ့။ အဲဒီနှစ် ကျွန်တော် ခုနစ်တန်းနှစ်က စာမေးပွဲကြီး စစ်အပြီးမှာ ပြင်းပြင်း ထန်ထန် ဖျားလိုက်ရာ ထုံးစံ အတိုင်း ဗေဒင်ပြေး ကြည့်တော့ ဗေဒင်ဆရာ ရဲ့ ‘လူထွက်ကိန်း ရှိသည်’ လို့ ဟော လိုက်ရာမှ မန္တလေးမြို့ကို ကျွန်တော် ရောက်ရှိ လာရခြင်း ဖြစ်ပါတယ်။
တချို့ အိမ်နီးချင်းတွေ ပြောကြ တာကတော့ ကျွန်တော့်ကိုမွေးခါစ က ဆန်ကောဝိုင်း ထဲမှာ ချက်ကနေ သွေးတွေ ထွက်နေတာများ အပြည့် ပဲတဲ့။ အချိန်မီတယ် ဆို ရုံလေး သိလိုက်ကြတာတဲ့။ ဒါကြောင့်မို့ သွေးအားတွေ နည်းသွားပြီး မကြာ ခဏ အအေးပတ်တယ်ဆိုပဲ။
မန္တလေးမှာ ကျောင်းနေစဉ် ပထမနှစ် (ရှစ်တန်းနှစ်) ကတော့ သူများအိမ်မှာ နေပါတယ်။ ကျွန်တော့် ဖေဖေ သစ်စက်မှ ပျဉ် ဝယ်သော ပျဉ်ကုန်သည် တစ် ယောက် အိမ် မှာ နေရတယ်။ အဖော်အဖြစ် ဆယ်တန်း သုံးကြိမ် ကျ ကျွန်တော့် အစ်မကြီးက လိုက်ပါ ခဲ့ပြီး သူမကို အလှပြင် သင်တန်း တက်စေခဲ့တယ်။
အဲဒီခေတ်က ပျဉ် တစ်တန် (တန်ဖိုး) နှစ်သောင်းကို အကြွေးနဲ့ ပေးပြီး မန္တလေးရောက်တော့ လေးသောင်းကျော် ရောင်းရတာ တောင် စားစရိတ် လခနဲ့ ရေဖိုး၊ မီးဖိုး တွက်ပြီး အခပေးနေ ရတော့ ကျွန်တော့်ကို ခပ်တည်တည်နေဖြစ် စေခဲ့တယ်။ အဲဒီအိမ်မှာ ကျွန်တော် နဲ့ သက်တူ ရွယ်တူ ကောင်လေး တစ်ယောက် ရှိရာ ကျွန်တော်နဲ့ ဘယ်တော့ မှမတည့်။ တစ်လကို အနည်းဆုံး နှစ်ကြိမ်လောက်တော့ ရန်ဖြစ် တတ်တယ်။ နောက်နှစ်ကျ တော့ အဲဒီ ရပ်ကွက်မှာ ပဲ အိမ်ဝိုင်း လေး ဝယ်ဖြစ်လိုက်ပါတယ်။
မှတ်မှတ်ရရ အဲဒီနှစ်က ၈၈ ခုနှစ်။ အရေးအခင်းဖြစ်သည့်နှစ်။ ကျွန်တော် ရှစ်တန်းနှစ်ပေါ့။
ကျောင်းတက်တာ ၆ လ လောက် ကြာတော့ ကျွန်တော့် အစ်မ ကြီးရဲ့ အလှပြင် သင်တန်း ပြီးသွား ခဲ့ တယ်။ အစ်မကြီးက ရွာမှာ ဆိုင်ဖွင့် တော့ အဒေါ် အပျိုကြီးက လူ စား ထိုး ရောက်လာတယ်။ သိပ်မကြာပါဘူး။ တစ်လလား နှစ်လလား ပဲ ကြာတယ်၊ ၈၈ ခုနှစ် အရေး အခင်းကြီး ဖြစ်ပါ တော့တယ်။
အဲဒီတုန်းကတော့ ဘာမှနား မလည်။ နာရီစင်ကြီးအောက်မှာ ဟောကြပြောကြ၊ ကျုံးကြီးနံဘေးမှာ ယောက်ျားရော၊ မိန်းမတွေပါ လက်ချင်း တွဲပြီး အော်ကြ ဟစ်ကြ တာတွေ ကို အထူးအဆန်း အဖြစ် ဝမ်းသာအားရ လိုက်ကြည့်ကြတယ်။ နောက် ထူးဆန်းတာ တစ်ခု ကလည်း ကျွန်တော်နဲ့ မကြာခဏ ရန်ဖြစ်လေ့ ရှိတဲ့ အဲဒီအိမ် က ကောင်လေး နဲ့ အဲဒီတုန်းက လက်ချင်း တွဲထားတာ များ အိမ်ပြန်ရောက် တဲ့ထိ မြဲလို့။
အရေးအခင်းကြီး ပြီးတော့ ကျွန်တော် တို့ကျောင်းတွေ ပိတ်သွား တယ်။ အဲဒီခေတ်က ခုလို တယ်လီ ဖုန်းတွေ မပေါသေးတော့ ရွာမှာ ဖုန်းများ မရှိသလို၊ ကားနဲ့ တိုက်နဲ့ နေတဲ့ အဲဒီပျဉ်ကုန်သည် အိမ်မှာ လည်း ဖုန်း မရှိသေးဘူး။ အဲဒီအိမ်နဲ့ သုံးလေး အိမ်ကျော်က အိမ်မှာပဲရှိ တယ်။ အဲဒီတော့ အကျိုး အကြောင်း အဖြစ် အပျက် များကို လျင်လျင်မြန် မြန်မသိနိုင်။ နောက်တစ်ပတ် ကြာမှ ပြေးပြေးလွှားလွှား ဖေဖေ နဲ့မေမေ ရောက်လာကြတယ်။
‘ရှည်လျားထွေပြား မနေမနား တသွားတည်း သွားရမှာ ဘဝ သံသရာ’
ဒီသီချင်းလေးက ကျွန်တော့် မေမေ မကြာခဏ ဆိုနေကျ၊ ညည်းနေကျ သီချင်းလေးပေါ့။ ဘယ်အချိန် မှာလဲဆိုတော့ ရွာက အိမ်နဲ့ မန္တလေးအိမ် အကူးအပြောင်း သွား ခါနီးမှာပါ။
ကျွန်တော့်မေမေ က ခရီးသွား မယ်လို့ စိတ်ပိုင်းဖြတ် လိုက်ရင် နှစ်ရက်၊ သုံးရက်လောက် ကစပြီး စီစဉ်နေ တတ်တယ်။ ဟိုမှာ ဘယ် နှရက်နေမယ်၊ ဝတ်စုံက ဘယ်နှစုံ ယူသွားမယ် နဲ့ အိမ်သုံးဆေးဝါး များ ထည့်တတ်တဲ့ ကြိမ်ခြင်းလေး ထဲမှာ လည်း ဆေးဘူးတွေ၊ ဆေးထုပ်တွေ များ အထပ် လိုက်။ ကျန်နေခဲ့မည့် အိမ်သားတွေ ကိုလည်း စားရေး သောက်တာက အစ ကျန်းမာရေး အဆုံး တတွတ်တွတ် နဲ့ မှာလို့မဆုံး တော့။ ဟိုနားသည်နား လည်တာ ပတ်တာ များလည်း မရှိတော့။ လက် ကြားမှာ စီးကရက် တစ်လိပ်ညှပ်ပြီး (မေမေက စီးကရက်ကို တော်တော် ကြိုက်ခဲ့ပါတယ်) အဝေးကို ငေးနေ တတ်ပါတယ်။ အဲဒီ အချိန်မှာ ကျွန်တော့် မေမေ ဘာတွေ များ တွေး နေခဲ့တာပါလိမ့်။
မေမေက အသက်တစ်ဆယ့် ရှစ်နှစ် အရွယ်ကစပြီး လေးဆယ့် ခြောက်နှစ် အထိ အစိုးရ ဝန်ထမ်း လုပ်ခဲ့သူမို့ ကျွန်တော် တို့မောင်နှမ သုံးယောက် စလုံး အမေ့ညီမ အဒေါ် အပျိုကြီး လက်မှာ ကြီးပြင်းခဲ့ရ တယ်။
”နင်တို့ အမေက နင်တို့ကို ကျွေးဖို့၊ မွေးဖို့၊ ထိန်းကျောင်း ဖို့ ငါ့ကို အပျိုကြီး ဖြစ်အောင် လုပ်ခဲ့ တာ”
ကျွန်တော်တို့ အဒေါ်အပျိုကြီး မကြာခဏ စိတ်မထင်ရင် ပြောတတ် တဲ့စကား။
ကျွန်တော့် အဒေါ် ငယ်ရွယ်စဉ် မှာ ချစ်သူ ရည်းစားနှစ်ယောက် လောက် ထားခဲ့ဖူးသတဲ့။ နှစ်ယောက် စလုံးရဲ့ နောက်ကြောင်း ရာဇဝင်များ ကို စေ့စေ့စပ်စပ် လိုက်စုံစမ်း ပြီး ကျွန်တော် တို့မေမေက ဖျက်ခဲ့တာ တဲ့။
”သားတို့ အဒေါ်ကို စိတ်ချမ်း သာအောင် ထားကြကွယ်၊ သားတို့ ကို အမေက မွေးရုံ မွေးပေးခဲ့တာ၊ သားတို့အဒေါ်ပဲ ချေးသေးကအစ ထိန်းကျောင်းခဲ့တာ” လို့ မေမေ မကြာခဏ ပြောတတ်တယ်။
”ငါ့ညီမလေး လည်း သနားပါ တယ်။ ချစ်သူ ရည်းစားနှစ်ယောက် လောက် ထား ဖူးပေမဲ့ နှစ်ယောက် စလုံး ရောဂါသည်တွေ မို့ ကံဆိုးရှာ တယ်ကွယ်” လို့လည်း မြည် တမ်း တတ်တယ်။
ကျွန်တော်တို့ အဒေါ် ရည်းစား နှစ်ယောက်မှာ တစ်ယောက်က ချိုင်းအောက်နားမှာ သမင်ဖြူ အကွက်ကလေး ရှိနေတယ်လို့ စုံစမ်း သိရှိ ရပြီး နောက် တစ်ယောက်က တော့ အတွင်းရောဂါ (ဘာရောဂါ တော့ မသိရဘူး) ရှိတယ်လို့ သိရ တယ်တဲ့။ တကယ်လည်း နောင်နှစ် ပေါင်းနှစ်ဆယ်လောက် ကြာတော့ ချိုင်းအောက် မှာတင် မကတော့ဘဲ တစ်ကိုယ်လုံး တဖြည်းဖြည်း ပေါ်လာ ခဲ့တယ်တဲ့။ နောက် တစ်ယောက်က တော့ ရွာက ပျောက် သွားလိုက်တာ နောက်ပိုင်း ဘာသတင်း မှ မကြား ရ တော့ဘူးတဲ့။
ဒီလိုနဲ့ ကျွန်တော်တို့ အဒေါ်က အပျိုကြီး ဖြစ်ခဲ့တယ်။ ကျွန်တော်တို့ မောင်နှမ သုံးယောက် ကို ထိန်းသိမ်း စောင့်ရှောက်ရင်း အချိန်တွေ ကုန်ခဲ့ တယ်။ ကျွန်တော့် အသက် တစ်ဆယ့် သုံးနှစ် မှာတော့ ကျွန်တော့် ကျန်းမာ ရေးကြောင့် မိသားစု ကွဲထွက်သွားပါ တယ်။
အဲဒီလို မိသားစုတွေ ကို တကွဲ တပြားစီဖြစ်စေခဲ့ပြီး ကျွန်တော့် မေမေကို ဘဝ တစ်လျှောက်လုံး ပူပန်မှုတွေကို ဖြစ်သွားစေသူ ဟာ ကျွန်တော် များလား မေမေ။ အစ ပထမ ဗေဒင် ဆရာရဲ့ ဟောကြား ချက်အရ ပူပန်မှု များစွာနဲ့ အဝေးကို ပို့ခဲ့ရတယ်။ ဒုတိယ ခေတ္တနေထိုင်ရာ သူစိမ်း အိမ်မှာ စားရေးသောက်တာ အဆင်မပြေဘူး။ ရွယ်တူ လူငယ်ချင်း မသင့်မြတ်ဘူး ဆိုတဲ့ ကျွန်တော့် ကြောင့် မန္တလေးမြို့မှာ ကိုယ်ပိုင် အိမ်လေး မဖြစ်ဖြစ်အောင် ကြံဆောင်ကာ ဝယ်ဖြစ် သွားပြီး ကျွန်တော် တို့ မိသားစုတွေကို ဘဝ တစ်လျှောက် လုံး ကွဲကွာစေခဲ့တဲ့ တရားခံဟာ ကျွန်တော် များလား မေမေ။
”ခေါင်းရှိလို့ ခေါင်းကိုက်တာ ဘယ်သူ့မှ အားမကိုးဘူး”
ကျွန်တော့်မေမေ ကိုယ့်ကိုယ် ကိုယ် အားယူပြီး မာန်တင်း လိုက်တဲ့ အသံ။
မန္တလေးမြို့မှာ ကိုယ့် အိမ်ကိုယ့် ရာလေးနဲ့ တစ်နှစ်ကျော်လောက်ပဲ နေရသေးတယ် ကံဆိုးမှု တစ်ခုက မဖိတ်ခေါ်ဘဲနဲ့ ရောက်လာပြန် တယ်။ အဲဒီနှစ်က ကျွန်တော် ဆယ်တန်း ပထမနှစ်။ ပထမ အစမ်း စာမေးပွဲပြီးလို့ ကျောင်းပိတ် ထားချိန် မှာ ကျွန်တော့်ဖေဖေ ထောင်ထဲ ရောက် သွားတယ်။ အမှုက သစ်မှု၊ တရားမဝင် ကျွန်းသစ် များ သုံးစွဲမှု၊ ခွင့်ပြုချက် ယူမထားသော ကျွန်းသစ် အလုံးရေ ၅ဝ ခန့် သက်ဆိုင်ရာ က တွေ့ရှိသွားတယ်။
အဲဒီနှစ်က ကျွန်တော်တို့ စစ်ကိုင်းတိုင်း ကသာမြို့နယ်က သစ်စက်ပိုင် များအားလုံး ကသာ ထောင်ကြီး ချုပ်ထဲမှာ ၈ လကျော် လောက် နေလိုက် ရတယ်။ တစ်နည်း အားဖြင့် ထီးချိုင့် မြို့နယ်မှာ ရှိတဲ့ သစ်သမားများ ရက်ရက်စက်စက် ထောသွားကြချိန်ပေါ့။
နှစ်ပေါင်း ၃ဝ နီးပါးလုပ်ခဲ့တဲ့ အစိုးရ အလုပ်က ကျွန်တော့် မေမေ ထွက်ပြီး မန္တလေးမြို့ကို ရောက်လာ တယ်။ ရွာမှာ ရှိတဲ့သစ်စက် အပိတ်ခံ ရပြီး ပစ္စည်းတွေ အသိမ်းခံရ။ မန္တလေး မြို့မှာရှိတဲ့ ဝင်းပြည့် အိမ် ပြည့် ခြံဝင်းသေးသေးလေး နဲ့ နေလို့ မလောက်လို့ အနောက်ဘက် တစ်ဆက်တည်း ခြံဝင်းလေးကို ဝယ် ပြီး အဆောက် အဦလေး ဆောက် မယ့်ဆဲဆဲ မှာ ဒီလိုဖြစ်လိုက်တော့ ကျွန်တော့်မေမေ ပျာယာ ခတ်သွား တယ်။
”အခြွေအရံဆိုတာ ခြွေမှရံ တယ်” ၊ ”ဒီနေ့ ကျေးဇူးရှင် နောက် နေ့”
မြန်မာ စကားပုံတွေ ဆိုရိုးတွေ ကို ရေးသားပြုစု မှတ်ကျောက်တင် သွားတဲ့ ရှေးပညာ ရှိတွေများ တော် လိုက်၊ မှန်လိုက်တာလို့ ပြောရမှာ။
တစ်ချိန်က ပေးခဲ့ကျွေးခဲ့ အလုပ်ပေးခဲ့ တဲ့ နှစ်ဖက်ဆွေမျိုးများ အားလုံး ပစ္စည်းတွေ သိမ်း အလုပ် ရပ်၊ ထောင်ကျ သွားတော့ ဝေးဝေး ရှောင် ဝေါင်ဝေါင်ရှေး ဖြစ်သွားကြ တယ်။ ချေးမှာ ငှားမှာ ပူရ၊ အကူအညီ ပေးရမှာ စိုးရနဲ့ကြိုပြီး ညည်းပြကြ ကုန်တယ်။ မခြွေနိုင် တော့ လို့ မရံကြတော့တာ သဘာဝ ကျပေမဲ့ ခြွေဖူးခဲ့ သူများက မခြွေနိုင် တော့ချိန်မှာ ခြွေခဲ့တာတွေကို သတိ မရကြတော့ တာက ဆိုးလွန်း လှပါ တယ်။
မထင်မှတ်ဘဲ အကူအညီ ပေးလာသူက မယုံနိုင်စရာ။
သစ်စက် စမလုပ်ခင်မှာ ဖေဖေက ကျွန်တော်တို့ အင်းရွာ အုပ်စုရဲ့ ကောင်စီ ဥက္ကဋ္ဌ။ အဲဒီအချိန် မှာ ကသာမြို့နယ် ကောင်စီ ဥက္ကဋ္ဌက ဗိုလ်မှူး တစ်ယောက်။ သူက မြန်မာ လူမျိုး မဟုတ်ဘူး။ အစ္စလာမ် ဘာသာ ဝင်လူမျိုးခြား တစ်ယောက်။
မြန်မာ့ဆိုရှယ်လစ် လမ်းစဉ် ပါတီခေတ် တတိယ အကြိမ်မြောက် ကောင်စီ သက်တမ်းမှာ ဖေဖေက ‘အင်းရွာ’ အုပ်စုရဲ့ ကောင်စီ ဥက္ကဋ္ဌ။ ကသာ မြို့နယ်မှာ ‘အင်းရွာ’ အုပ်စု လို အုပ်စု ကျေးရွာပေါင်း ၃၂ အုပ်စု ရှိတယ်။ အင်းရွာ အုပ်စုက ကျေးရွာပေါင်း ၁ဝ ရွာကို အုပ်ချုပ်ရ တယ်။ ဘဘက (အဲဒီ ဗိုလ်မှူးကို ဘဘလို့ခေါ်ပါတယ်) ကသာ မြို့နယ် တစ်ခုလုံးရဲ့ ဥက္ကဋ္ဌ။ ကောင်စီသက် တမ်းလေးနှစ်မှာ ဖေဖေက ဘဘ ရဲ့ လက်အောက်မှာ အလုပ် လုပ်ခဲ့ တယ်။
သစ်မှုနဲ့ ထောင်ကြီးချုပ်မှာ ဖေဖေ အချုပ်ကျစဉ် ဘဘက မန္တလေး တပ်ရင်းတစ်ခုမှာ တာဝန် ကျနေတယ်။ ဘယ်က ဘယ်လို သတင်းကြားသည် မသိ။ တစ်နေ့ တော့ ဘဘက အပြာရောင် ဆန်နီ ပစ်ကပ် ကားလေးတစ်စီးနဲ့ ကျွန်တော်တို့ အိမ် ရောက်လာတယ်။ ဘဘ နဲ့အတူ ဘဘ ရဲ့သားအကြီး ဆုံး ပါ ပါလာတယ်။
”ဟောဒီမှာ ကျွန်တော့် သားကြီး မနှစ်ကပဲ ကျောင်းပြီး ထားတယ်၊ ငါ့ညီမ လိုအပ် တာတွေ သူ့ကို ပြော”
ဘဘက လူတစ်ယောက်နဲ့ ကားတစ်စီး ပေးထားပြီး ကြိုက်တဲ့ အကူအညီ တောင်းရန် ပြောသွားတယ်။ ကျွန်တော် မှတ်မိနေတာ က မေမေနဲ့ ဘဘ ရဲ့ သားကြီးတို့ ရက် တော်တော် ကြာသည်ထိ မြို့ထဲသို့ နေ့စဉ် ထွက်နေကြတယ်။ နောက်မှ သိရတာက ရွှေရောင်း ထွက်နေကြ တာတဲ့။ လုပ်ငန်းက ရပ်လိုက်တော့ ဝင်ငွေ မရှိချိန် အဆောက် အဦက တန်းလန်း။ မေမေ စုဆောင်း ခဲ့တဲ့ ရွှေများက အများအားဖြင့် ရွှေဝယ် ဘောက်ချာ မပါတော့ ရောင်းရခက် နေတာ။
အဆောက်အဦ ပြီးတော့ ဘဘ က လုပ်ငန်းတစ်ခု ကမ်းလှမ်း လာခဲ့ တယ်။ ကျွန်တော် တို့က မြေနေရာ စိုက်၊ ဘဘတို့က ငွေစိုက်၊ ပွဲရုံ လုပ်ငန်း။ ဖေဖေ့ မျက်နှာ မေမေ မျက်နှာ နဲ့ ရွာကတောင်သူတွေ လည်း ကုန်တွေ ပို့ကြတယ်။ ငွေတွေထုတ် တယ်။ ဖြစ်လိုက်တဲ့ အလုပ်။ အဲဒီ အချိန်က ကျွန်တော် တို့ရွှေလီနယ် မှာ သီးခြမ်းထက် ကြံ လုပ်ငန်းကို ပိုပြီး လုပ်ကြတော့ ကျွန်တော်တို့ ပွဲရုံက ကြံသကာရည် ပွဲရုံ အဖြစ် နာမည် ပေါက်တယ်။ မန္တလေးမြို့မှာ လည်း ပေါင်း သကြားစက်ကြီး ဆိုတာ လေးငါး စက်ထက် မပိုသေးတဲ့ အချိန်။
ကသာ ထောင်ကြီးချုပ် ကနေ ၈ လ ကျော် အကြာမှာ ဖေဖေ ထွက်လာ ပြီးတော့ သစ်စက် လုပ်ငန်း ဆက် မလုပ်တော့ဘူး။ ကြံစိုက်ခင်း စိုက်တယ်။ မြို့မှာ ဘဘ ရဲ့သား နဲ့ အစ်မ ငယ်က ပွဲရုံ လုပ်တယ်။ အဆင်ပြေ ပါတယ်။ အဲဒီ ရပ်ကွက်ထဲ လမ်းမ ကြီး ကနေ ကုန်ကားတစ်စီး ဝင်လာ ရင် ဘယ်ပွဲရုံ ကားလဲ မေးစရာ မလို ဘူး။ ‘ခိုင်ရွှေလီ’ ပွဲရုံပဲ။ ဒါပေမဲ့ ဒါက အလွန်ဆုံးကြာလှ လေးငါးနှစ် ပေါ့။
ဟိုပုံပြင်လေး တစ်ပုဒ်လိုပါပဲ။ ကြားဖူးမှာပါ။ သဲကန္တာရ ထဲက ကုလားအုပ် ပုံပြင်လေ။ ခုက ကုလား အုပ် မဟုတ်ဘူး။ လူသား …။ ရွက်ဖျင်တဲထဲ က လူသားက အပြင် ကို ထွက်ပေးလိုက် ရသလို ကျွန်တော် တို့ကလည်း အိမ်ပေါ်က ဆင်းပေး လိုက်ရတဲ့ အဖြစ်။
ဒီလူသားက စောစောကပြော တဲ့ အစ္စလာမ် လူမျိုးမဟုတ်ဘူး။ သူတို့က စိနတိုင်းသား တရုတ် လူမျိုး။ သူတို့က လည်း မန္တလေးသား အစစ် တွေ မဟုတ်ဘူး။ အထက် အညာမြို့ လေး တစ်မြို့က ပြောင်းလာတာ။ ဖေဖေ သစ်စက်လုပ်ချိန် မှာ သူတို့က မော်တော်ပိုင်။ သစ်ကုန်သည်တွေ ကျွန်တော်တို့ သစ်စက်က သစ်ဝယ် စဉ်မှာ သူ တို့မော်တော်က အငှား လိုက်တာ။ အဲဒီမှာ ဖေဖေ နဲ့ ရင်းနှီး ခဲ့တာပေါ့။
”ကိုဘမှန်ရေ … ကျွန်တော့် ကို တစ်ခု ကူညီပါဗျာ။ ကျွန်တော့် သား တစ်ယောက် တက္ကသိုလ် တက် တုန်း ပျက်စီးနေလို့ ငြိမ်သွားအောင် ခင်ဗျား ပွဲရုံမှာ အလုပ် သွင်းချင်တယ် ဗျာ။ နှစ်စဉ် ကုန်သည် ထုတ်ငွေကို ကျုပ် တစ်ဝက်တိတိ စိုက်မယ်၊ ကျုပ် သား ငြိမ်သွားရင် ပြီးရော။ ပွဲရုံ အလုပ် လည်း သင်ရင်းနဲ့ပေါ့”
ဒီလိုပြောရင်း နဲ့ ဝင်လာခဲ့တာ။ အဲဒီတုန်းက သူ့သားက သူဌေးသား ကလေကချေလေး လို့ ပြောရမှာပေါ့။ ဆေးပြားတွေ လည်း ချနေတာလို့ သိရတယ်။
ပထမနှစ်ကတော့ ပညာသင် ရင်း ပွဲရုံကို လာတစ်ချက်၊ မလာ တစ်ချက်နဲ့ပါ။ ပြောခဲ့တဲ့ အတိုင်း ကုန်သည် ထုတ်ငွေတွေကိုတော့ တစ်ဝက် စိုက်ထုတ်ခဲ့ပါရဲ့။ ဒုတိယ နှစ်ရောက်တော့ စကားပြောလာ ပြီ။ ဒိုင်ဆင်း လာတယ်။ အလုပ်ကိစ္စ အဝဝကို တစ်ယောက် တစ်လှည့် တာဝန်ယူဖို့ ပြောလာတယ်။ အဲဒီ အချိန်မှာ ဘဘရဲ့ သားက အစော ပိုင်းပွဲရုံ အလုပ်ဖြစ်စဉ်မှာ အမြတ် ထွက်ခဲ့တဲ့ငွေ ကို တခြားအလုပ် တစ်ခုမှာ ရင်းနှီးမြှုပ်နှံ ထားတယ်။ လမ်း ၃ဝ က GTI ကျောင်း၊ (ယခု ဗဟို အမျိုး သမီးဆေးရုံ) နားမှာ မြို့ပေါ်က တခြား သူငယ်ချင်း တစ်ယောက် နဲ့ ဗီဒီယို အခွေအငှား၊ အရောင်းဆိုင် ဖွင့်ထားတယ်။ အိမ် မှာလည်း ဗီဒီယိုရုံ ဖွင့်ပြီး ပြစားတယ်။ အခွေ ကူးတယ်။ အဲဒီခေတ်က CD ချပ်တွေ မပေါ်သေးဘူး။ အဲ့ဒီအလုပ် ကလည်း အရမ်းဖြစ်တယ် ဆိုတော့ တရုတ်က ပွဲရုံ အလုပ်ကို တစ်နှစ် တစ်ကြိမ် အလှည့်ကျ တာဝန် ယူပြီး လုပ်ရန်ပြော လာတာကို ကုလားက လည်း အလွယ်တကူ လက်ခံလိုက် တယ်။ တစ်နှစ် လုပ်လို့ မြတ်တဲ့ အမြတ်ငွေကို နှစ်ကုန်မှ စာရင်းရှင်း ပြီး ခွဲယူကြတယ်။ အဲဒီ အချိန်မှာ ကျွန်တော်က ကျောင်းတက်နေ တုန်း။ အိမ်အလုပ်ကို ဘာမှ မသိဘူး။ ကျွန်တော့် အစ်မက အိမ်မှာ တောင် သူ၊ ကုန်သည်တွေနဲ့ တိုက်ရိုက် ဆက်ဆံ ချက်ပြုတ် ကျွေးမွေး။ တောင်သူနဲ့ ပွဲစားကို ကြားက ဆက် သွယ်ပေးရတဲ့ အလုပ်ကို လုပ်ရတယ် ပေါ့။ ကုန်ဝင်၊ ကုန်ထွက် စာရင်းကို အစ်မက ကိုင်ရတယ်။ ကားခ ၊ မော်တော်ခ၊ ချိန်ခ၊ ချခ (တန်ဆာခ) တွေကိုလည်း အစ်မက ကြိုရှင်းပေး ထားရတယ်။
ကျွန်တော့်အစ်မပြောတဲ့ စကားလေး တစ်ခွန်းကိုတော့ အမှတ် ရမိတယ်။
”တရုတ်ရော၊ ကုလားရော ဘာမှ မထူးပါဘူး။ တစ်ယောက်က လူပါးဝတယ်။ တစ်ယောက်က အချိန် မလေးစားဘူး။ အမြဲတမ်း ငါ့မှာ ငွေမလောက်လို့ အရေးဆို ဟို ကချေးရ၊ ဒီကငှားရနဲ့” တဲ့။
နောက်ပိုင်း မှာတော့ နှစ်စဉ် တရုတ်နဲ့ကုလားက တစ်လှည့်စီ ပွဲစား အလုပ်ကို လုပ်ကြတယ်။ တောင်သူတွေ ပွဲရုံရောက် လာရင် ကြိုသုံးငွေပေးရတဲ့ ကိစ္စ၊ ကုန်ရောက် လာ လို့ တန်ဆာခတွေ ရှင်းရမယ့် ငွေနဲ့ ချက်ပြုတ် ကျွေးမွေးရမယ့် ငွေတွေ အတွက် တစ်ပတ်တစ်ခါ အစ်မကို ငွေကြိုပေး ထားတယ်။ အဲဒီမှာ တွေ့တဲ့ အခက်အခဲကို အစ်မ က ပြောချင်တာ။
ကုလားက တစ်ပတ်ကို ခန့်မှန်းခြေ တစ်သောင်း (သဘော က) ကုန်မယ်ဆို တစ်သောင်းခွဲ လောက် ကြိုပေးထား တတ်ပေမဲ့ အရေးဆို သူ့ကို ဆက်သွယ် ရတာက မလွယ်။ ကုန်တွေ ရောက်ပြီ၊ ကုန်သည်တွေက တွေ့ချင်နေပြီ ဆို ဖုန်းကို အကြိမ်ကြိမ် လှမ်းဆက်ရ တယ်။ မနက်ဖြန် ၁ဝ နာရီ လာမယ် ဆို ၁၂ နာရီလောက် မှ ရောက် လာ တတ်တယ်။ ဒီကြားထဲ ဖုန်းကို နှစ်ကြိမ်၊ သုံးကြိမ်လောက် ပြေးဆက် ရသေးတယ်။ (အဲ့ဒီတုန်းက ဖုန်းက အိမ်မှာ မရှိ။ တစ်ပြနီးနီး သို့ ပြေး ဆက်ရသည်။)
တရုတ်ကျ ပြန်တော့လည်း အမြဲတမ်းငွေကို စေ့ပြီးပေးတယ်။ တစ်သောင်းခွဲလောက် ကုန်မယ်ဆို တစ်သောင်းလောက် ပဲ ပေးထားပြီး ”နင်တို့ကော စိုက်သင့်တယ် … ရှယ်ယာတွေပဲ” ဆိုတဲ့သဘော။ စိုက်ထားငွေ ကိုလည်း နှစ်ကုန်မှ ရှင်းတမ်း ထဲက ပြန်နုတ်ယူရတယ်။ စိုက်ငွေ အတွက် အတိုးကတော့ မရ။ တောင်သူ ရှင်းတမ်းငွေ ကိုလည်း တောင်သူ မနက်ဖြန်လို ရွာပြန်မယ် ဆိုမှ ဒီနေ့ညမှာ လာရှင်းပေးတယ်။ သူ့အတွေး က ငွေကို ကြိုပေးထား လိုက်ရင် မလိုအပ်တာတွေ ဝယ်ပြီး ကုန်သွား မှာစိုး လို့တဲ့။ အဲဒီတော့ အစ်မက တောင်သူ ကြိုသုံးချင်တဲ့ ငွေကို စိုက်စိုက်ပြီး ပေးထား ရတယ်။ ကိုယ့်လက်ထဲမှာ များမရှိရင် အိမ်နီး နားချင်းတွေ ဆီက တိုးတိုး တိတ် တိတ် ပြေးပြီး ချေးထားပေတော့။ အဲဒီလို တွေ …။
ကျွန်တော်တို့ အတွက် နည်း နည်းခံသာ ခဲ့တာက ရွာမှာရှိတဲ့ အစ်မကြီး ရဲ့အလှပြင်ဆိုင် က အလုပ် ဖြစ်နေလို့။ သက္ကရာဇ် ၂ဝဝဝ အရှေ့ဘက် ၉ဝ ခုနှစ် ဝန်းကျင် မှာ ကျွန်တော် တို့ ဧရာရွှေလီမြစ်ဝ တစ် ကြောမှာ အလှပြင်ဆိုင် ဆိုတာ ရှာ မှရှား။ အနီးနား ရွာတွေကဆို နွားလှည်း နဲ့ကို ဆံပင် လာကောက် ကြတာ။ (အဲဒီတုန်း က ခုခေတ်လို ဆံပင်ဖြောင့်တဲ့ခေတ် မဟုတ်ဘူး။ အကောက်ခေတ်)
ဖေဖေ ကတော့ ရွာနဲ့ ဆယ်မိုင် ကျော်လောက် ဝေးတဲ့ တောထဲမှာ ကြံခင်း စိုက်နေတယ်။ အဲဒီတော့ မိသားစုက သုံးနေရာ ကွဲနေတယ် လို့ ပြောလို့ရတယ်။ ကျွန်တော့်မေမေ အတွက်လည်း သုံးအပူ ပူရတာပေါ့။ မြို့မှာရှိတဲ့ သားနဲ့ သမီးကို ပူလိုက်၊ ရွာက သမီးကြီးအတွက် ပူလိုက်၊ နောက် တောထဲက ခင်ပွန်းသည် အတွက် ပူလိုက် နဲ့ပေါ့။ အဝတ်အစား ကလည်း သူ့နေရာ နဲ့ သူဝတ်ဖို့ သုံးနေရာလုံး မှာ ထားရတယ်။ အမြဲ တမ်း သယ်ရတာကတော့ အင်္ဂလိပ် ဆေး၊ ဗမာဆေး ဆေးပေါင်းစုံ ထည့် ထားတတ်တဲ့ ကြိမ်ခြင်း ကလေး။ တစ်နေရာက တစ်နေရာ ကို သွား တော့မယ် ဆို သုံးလေး ရက်လောက် ကတည်းက ကြိုပြီး စီစဉ်နေတတ် တယ်။ နှုတ်ကလည်း ‘ဘဝသံသရာ’ သီချင်းလေးကို ညည်းရင်းနဲ့ပေါ့။
ပွဲရုံ အလုပ်ကို ပွဲစား အဖြစ် တရုတ်နဲ့ ကုလားက တစ်လှည့်စီလုပ် တာ နှစ်ကြိမ်စီ လားပဲ ရှိသေးတယ်။ တတိယ အကြိမ်မြောက်မှာ ကုလား က ထွက် သွားတယ်။ ကုလား ထွက် သွားတော့ စကား တစ်ခွန်း ပြောသွား ခဲ့တယ်။
”တော်တော်လူပါးဝတဲ့ တရုတ်” တဲ့။
တရုတ် လူပါးဝ တာကို အစော ကတည်းက ကျွန်တော်တို့ သိပြီးသား။ ကုလား တာဝန်ယူတဲ့နှစ်မှာ အလုပ် ချိန်တွေကို မလေးစားတာက တစ်နည်း အားဖြင့် ကျွန်တော် တို့ကို ယုံကြည် လို့လို့ ပြောလို့ရတယ်။ ကုန်လာ သိမ်းပြီဆို ကျွန်တော်တို့ကို အပ်သာ အပ်လိုက်လို့ ပြောတတ်ပြီး ကုန်ချိန် စာရင်းကိုလည်း ကျွန်တော် တို့ကို ယုံကြည်စွာ မှတ်ခိုင်း တတ် တယ်။ တရုတ် ကတော့ အဲဒီလို မဟုတ်ဘူး။ ကုန်သိမ်း လာပြီဆို သူ့ဆီ ဖုန်းဆက် ရတယ်။ သူကလည်း ဘယ်ဆီ ရောက်နေနေ ချက်ချင်း အပြေးရောက် လာ တတ်ပြီး သူကိုယ် တိုင် ကုန်အပ်တယ်။ အလုပ်လုပ်နိုင် ချည်လို့ ထင်စရာပါ။ မဟုတ်ဘူး။ ကျွန်တော် တို့ကို မယုံကြည် လို့လည်း မဟုတ်ဘူး၊ လိမ်မလို့။ ကုန်ချိန် စာရင်း ကို သူပဲမှတ်တော့ သူပဲသိပြီး ကောင်းကောင်း လိမ်ပြီး ဘောက်ချာ ဆွဲလို့ ရတာကိုး။
ကုလား နဲ့တရုတ် အဆင်မပြေ တာက သုံးဦး စပ်ဖြစ်ပြီး လေးငါးနှစ် ကြာတော့ တောင်သူ ထုတ်ငွေကို တရုတ်ကပဲ တစ်ဦးတည်း ထုတ်တော့ တယ်။ အဲဒီအချိန် မှာ ကုလားက ဟိုဘက်မှာ ဗီဒီယို အငှား/အရောင်း၊ အကူး/အပြတင်မက ထုတ်လုပ်ရေး ကိုပါ ခြေလှမ်း လှမ်းလာတယ်။ ဒီဘက် ပွဲရုံဘက်ကို ငွေအား မစိုက် ချင်တော့ဘူး။ တရုတ် တစ်ဦးတည်း တောင်သူချေးငွေ ထုတ်တော့ ကုလား တာဝန်ယူတဲ့နှစ်မှာ တောင်သူတွေ ငွေထုတ်ပြီ ဆို ကုလားက တရုတ်အိမ် ကို ငွေသွား သွားယူ ရတယ်။ အဲဒီမှာ တရုတ်က အကြိမ်ကြိမ် ပညာပြတော့တာပေါ့။ ဥပမာ … မနက်ဖြန် (၁ဝ) နာရီ လာယူပါဆို အိမ်မှာ အရန်သင့်မရှိ။ အကြောင်း အမျိုးမျိုး ပြပြီး ၁ နာရီ ကျော် ကြာမှ ပြန်လာတယ်။ ကုလား မှာ ဧည့်ခန်း ကုလားထိုင်မှာ တစ်ရေး ကိုရလို့။ အိပ်စောင့်ရတာ။ ဒါမျိုးတွေ အကြိမ်ကြိမ် ဖြစ်လာတော့ ကုလားက သုံးဦးစပ် ပွဲရုံက ထွက် သွားရော။ သူ့မှာလည်း ဟိုဘက်က အဆင်ပြေ ပြီးတာပဲဟာကို။
ကြားက ညပ် သွားတာက ကျွန်တော်တို့။ ရပ်ကွက်ထဲမှာ ”ခိုင်ရွှေလီ” က ကုန်ဝင် ကြမ်းတယ် ဟေ့နဲ့ ပွက်ရေလောက မှာ နာမည် ကြီးလိုက်ပေမဲ့ တကယ်တမ်း ချမ်းသာ သွားတာ က တရုတ်နဲ့ ကုလား။ ကုလားက ဒုက္ခရောက်စဉ် မှာ ကူညီ ခဲ့ပြီး အလုပ်ဖြစ် သွားတာ မုဒိတာ ပွားလို့ရပေမဲ့ တရုတ် လူလည် ကျသွားတာ ကတော့ ကျွန်တော် တို့ ညံ့လွန်း အားကြီးလို့လို့ ပြောရမှာပါ။ အထူးသဖြင့် ကျွန်တော် လို့ ပြောရ မှာပါ။
အသက်နှစ်ဆယ်ကျော် တက္ကသိုလ် ကျောင်းသား တစ် ယောက်ပဲ ကိုယ့်အိမ် စီးပွားရေးကို နည်းနည်းတော့ စိတ်ဝင်စားရမှာ ပေါ့။ မဟုတ်ဘူး …၊ ဆိုင်ကယ် တစ်စီး နဲ့ လျှောက်ဝေ့၊ ပြန်လာရင် အိပ်ခန်းထဲက မထွက်၊ စာယောင် ယောင်၊ ဘာမှ ဟုတ်တိပတ်တိ မဟုတ်။ နောက်ဆုံးနှစ်လည်း ရောက်ရော အိမ်ပေါ်က ဆင်းပြီး အဆောင် မှာ သွားနေရတော့မှ ဟ … ဘာဖြစ်တာလဲ ဟနဲ့ မျက်ကလဲ ဆန်ပျာ ဖြစ်တော့တာ။
ဇာတ်လမ်း စတာကတော့ ဖေဖေရဲ့ ကြံခင်းစိုက်တဲ့ လုပ်ငန်းက။ သစ်မှုနဲ့ ထောင်ကျ ပြီး ပြန်ထွက်ခဲ့ တော့ သစ်စက် မလည်တော့ဘဲ ကြံခင်း စိုက်တာ မြေဧက နည်းနည်း နဲ့ တစ်နိုင် တစ်ပိုင်လေးပါပဲ။ ပွဲရုံ လုပ်ငန်းကို တရုတ်ဝင် လာတော့ တရုတ်က သဘောကောင်းကောင်း နဲ့ ငွေအတင်း ချေးတယ်။ မြေဧကများ များဝယ်၊ များများ စိုက်၊ ငွေ အတွက် ဘာ မှမပူနဲ့ပေါ့။ စိုက်တယ်၊ ယူတယ်။ ဧက လေး ငါးခြောက်ဆယ်၊ ဒါ ပထမ။
အခြေအနေလေး နည်းနည်း ကောင်းချင် လာတော့ တရုတ်က သူတို့ အတွက်ပါ ဧကငါးဆယ် လောက် တာဝန်ယူ စိုက်ပေးပါဦးဆို တော့ အိုကေပေါ့။ စာရင်း စာအုပ် ကိုတော့ ၂ အုပ် ထားရတယ်။ ကိုယ့် အခင်း အတွက် ချေးငွေနဲ့ စာရင်းက ၁ အုပ်။ သူတို့ဧက ငါးဆယ်အတွက် စာအုပ် ၁ အုပ်။ ပထမတော့ ဟုတ် သလိုလိုနဲ့ ထွက်သမျှ ကုန်တွေကို လည်း သူတို့ပဲ ကိုင်ထားပြီး နှစ်ကုန် လို့ စာရင်း ရှင်းတော့ အမြီးနုတ်၊ ခေါင်းနုတ်နဲ့ ဆင့်ပါးစပ် နှမ်းပက် သလောက်။ စာရင်း ဇယားတွေ နိုင်သွား ပုံများ။ ကိုယ့် အခင်းက ထွက်တဲ့ကုန် အိမ်အောက်မှာ ကုန် ချိန်လို့အော်တဲ့ အသံကို အပေါ်ထပ် ကနေ တိတ်တဆိတ် ခိုးပြီး မှတ်ခဲ့ရ တယ်။
တစ်ခုသော နှစ်။ ကြံတောင်သူ တွေ ခွက်ခွက် လန်အောင် ရှုံးတဲ့နှစ်။ တချို့ဆို ကြံပင်တွေ မကြိတ်ချက် တော့ဘဲ (ကြိတ်ရင်လည်း ကုန်ကျ စရိတ်နဲ့ ပြန်ရငွေက အီကွဲ(လ်) တူပဲ ဆိုတော့) မီးရှို့ လိုက်ကြတဲ့နှစ်။ အဲဒီနှစ်မှာ နင့်ခနဲ နေအောင် ရလိုက် တာက အကြွေးတွေ။ နောက်နှစ်ကျ တော့ လှပတဲ့ စကားလေး တစ်ခွန်းနဲ့ ကြံခင်း ရှင်ကြီး ဖြစ်သွားပါတယ်။
”ကိုဘမှန်ရယ် .. ခင်ဗျား လည်း အသက် ကြီးလာပြီ၊ တစ်နှစ် ကုန်တိုင်း စာရင်း စာအုပ် ကလေး ကိုင်ကိုင်ပြီး လာလာ ရှင်းရှင်းနေရ တာ ပင်ပန်းပါတယ်။ အဲဒီ ကြံခင်း တွေအကုန် (ဧက ၁ဝဝ ကျော်) ခင်ဗျားပဲ ယူလိုက်ပါတော့ဗျာ” တဲ့။
လှလိုက်တဲ့ စကားနော်။ မသိ ရင်တော့ ကောင်းလိုက် တဲ့စေတနာ လို့ ထင်စရာ။ အဲဒီ အချိုနောက်မှာ အခါးတွေ ပါလာမှန်း သိသိကြီးနဲ့ မျိုချ လိုက်ရတယ်။ အဲဒီတုန်း က ရွှေလီ နယ်မှာတော့ ကျွန်တော်တို့ ဖေဖေက နာမည်ကြီးပေါ့။ မြို့မှာ လည်း ပွဲရုံ နဲ့တောမှာလည်း ဧရာမ ကြံခင်း ပိုင်ရှင်ကြီးပေါ့။
နောက်ထပ် တစ်နှစ် လည်း တိုးရော မြို့ပေါ်က အိမ် တရုတ်ကို ထိုးအပ် လိုက်တာပဲ။ ဖေဖေပြောတာ ကတော့ ပိုင်ဆိုင်မှု ချင်း လဲလိုက် တာပါတဲ့။ အဲဒီနှစ်က ကျွန်တော် နောက်ဆုံးနှစ်။ အဆောင်မှာ ပြောင်းနေလိုက် ရတဲ့နှစ်။ ကျွန်တော့် အစ်မ ငယ် ရွာပြန်ပြီး ဈေးပြန်ရောင်း ရတဲ့နှစ်ပေါ့။
ကျွန်တော့်မေမေ ကတော့ သူဆိုနေကျ ‘ဘဝသံသရာ’ သီချင်း လေးကိုပဲ တညည်းညည်းနဲ့။
”ပူလို့ ခုန်ဆင်းပါတယ်၊ မီးပုံ ထဲ ကျသွားတယ်”
ဒီစကားကို ပြောလာတာက ကျွန်တော့် ဖေဖေ။
တကယ်တော့ ဘဝ ဆိုတာ ဖြစ်ချင်တာတွေ မဖြစ်ရတာ ကိုများ ခေါ်ဆိုလေသလား မသိ။ ဒီခရီးကို သွားရင် ဒီဟာတွေ နဲ့ တွေ့မယ် ဆို တာ ကြိုသိထားပေမဲ့ ဟိုဟာတွေ နဲ့ လည်း ဆုံရသ လိုမျိုးပေါ့။
”တကယ်ဖြစ်ချင် တကယ် လုပ် အဟုတ် ဖြစ်ရမည်” ဆိုတဲ့ ဆောင်ပုဒ် လေးကလည်း စာနဲ့ရေး၊ စိတ်နဲ့ဖတ် ရတာ အားရှိလိုက်တာ၊ တက်ကြွမှု ရှိလိုက်တာ။ တကယ်တမ်း ပန်းတိုင် ကို ရောက်ဖို့တော့ သိပ်မလွယ်ကူ။ ဘဝ တစ်ခုမှာ ကိုယ်ဖြစ်ချင်တာ ကို လွယ်လင့်တကူ ရရှိ ပိုင်ဆိုင်သွားကြ တာ ဘယ်နှယောက် များရှိလို့လဲ။ ပိုင်ဆိုင် သွားကြတဲ့ လူတွေ ကရော ဘယ်လို အခက်အခဲ၊ ဘယ်လို အတား အဆီးတွေကို၊ ဘယ်လောက်တောင် များ ကျော်ဖြတ်ခဲ့ ရသလဲ။ ကျွန်တော် မသိသလို ဘယ်သူမှ လည်း သိနိုင် မှာ မဟုတ်ပါဘူး။ ဒါပေမဲ့ ကိုယ့်ဘဝ ရဲ့ ခရီးကိုတော့ ကိုယ်တိုင် ကျော်ဖြတ် မှ ကိုယ့် ကိုယ်ကိုယ် အားကိုးနိုင်မှ ခရီး အဆုံးထိ ရောက်နိုင်မှာပါ။ ဘယ်နေရာ မှာ ခရီး ဆုံးပြီလို့ သတ် မှတ်ဖို့ကတော့ တစ်ဦးနဲ့ တစ်ဦး ထပ် တူညီနိုင်ဖို့ မလွယ်ကူလှပါ။
တရုတ်ကို အိမ်လေးအပ်ပြီး တောထဲက ကြံခင်းမှာ အောင်းလိုက် တာ အတိအကျဆို တစ်နှစ်ခွဲလောက် ကြာတယ်။ ကုန်ပေါ်ချိန်ရောက် တော့ စဉ်းစားရတော့တယ်။
ဘယ်သူ့ ပွဲရုံကို ပို့ရမလဲ၊ ဘယ်လို ရောင်းမလဲပေါ့။ နောက်ဆုံးတော့ အိမ်ရှိ လူကုန် လက်ဝတ် လက်စား လေးတွေ ထုခွဲပြီး မြို့ပေါ်ပြန် တက် လိုက်တယ်။ ကိုယ့်ရှိ တာလေး နဲ့ သင့်တော် တဲ့မြေနေရာလေး ကမန်း ကတန်း ဝယ်လိုက်တဲ့အိမ်က အမွေမှု ရင်ဆိုင်နေ ရတဲ့အိမ်တဲ့။ နောက်မှ သိရတာပါ။ ဖေဖေ ကတော့ ”ပူလို့ ခုန်ဆင်း ပါတယ် မီးပုံ ထဲကျသွား တယ်” လို့ ညည်းတာပေါ့။
ကဲ … မတတ်နိုင်ဘူး။ ရင်ဆိုင်နေ တုန်း ဆိုလည်း ရင်ဆိုင်ရုံ ပေါ့။ လောလောဆယ် လူအတွက် ကျော တစ်နေရာစာ ဆိုတာ ထက် တစ်နှစ်ကျော်လောက် တော ထဲ အောင်း ထား ရတဲ့ ကိုယ့်ချွေးနှဲစာ လေးများ ကိုယ့်စိတ် နဲ့ကိုယ် ရောင်းချ နိုင်ဖို့ အတွက် ဆိုပြီး မျက်စိကို စုံမှိတ် ပြီး မြို့ပေါ်ကို ပြန်တက်လာခဲ့ တယ်။
စိတ်၏ ချမ်းသာခြင်း၊ ကိုယ်၏ ကျန်းမာခြင်း များနဲ့ ကွေကွင်း ရပါလို ၏လို့များ ဆုတောင်း မှားခဲ့လေ သလား။ နှစ်ပေါင်း သုံးဆယ်ကျော် ဖြစ်ပျက် ခဲ့ပြီး သွေးအေးနေ တဲ့အမွေ အမှုက ကျွန်တော်တို့ ဝယ်ပြီး ကြည့် ကောင်းရုံလေး ပြင်ဆင် လိုက်တော့ မှ အုန်းအုန်း ကျွက်မျှ တစ်စခန်း ထလာ လိုက်တာ။ ဘယ်နေ့ ထွက်ပေး ရမ လဲ၊ နို့ တစ်စာ လာကပ်မယ်တဲ့။ မောင်းထုပြီး ထွက်ပေးရ မှာတဲ့နဲ့။ စိတ်တွေ တထိတ်ထိတ် နဲ့ အိပ်ရေး ပျက်ခဲ့ရတယ်။
အမှုရင်ဆိုင်နေ ရတဲ့ မြေနေရာ ဆိုတော့ နေဖို့ထိုင်ဖို့ အဆောက်အဦ ကိုလည်း ခိုးကြောင် ခိုးဝှက် နဲ့ နေဖြစ် ရုံလေး ဆောက်လိုက် ရတော့ လေပြင်း တိုက်ရင်လည်း စိုးရိမ် ရ၊ မိုးသည်းရင် လည်း အိပ်မရ ဆိုတာမျိုး ကို လေးငါးခြောက်နှစ်လောက် ရင်ဆိုင် ခဲ့ရတယ်။
ပြီးခဲ့တဲ့ မိုးတွင်းကြီး ထဲမှာ ကျွန်တော့်မေမေ ရောက်လာတယ်။ ကုန်စုံဆိုင် နဲ့ စာအုပ်ဆိုင်လေး ကြား မှာ ခြားထားတဲ့ ရေတံလျှောက် က မလုံတော့ (အိမ် လည်း ပြင် မဆောက် နိုင်သေးချိန်) ခါတိုင်းနှစ်တွေမှာ ဆို ဆောင်းတွင်း လောက်မှာပဲ လာတတ် တယ်။ ခုတော့ နှစ်ပေါင်း သုံးဆယ် ကျော် ရင်ဆိုင်နေ ရတဲ့ အမှုကြီးလည်း ပြီးသွား ပြီဆိုတော့ ဝမ်းသာ အားရ ရောက်လာတယ်။ ပျော်ရွှင်စွာ မိသားစု တွေ့ဆုံကြတယ်။
လအနည်းငယ် ကြာတော့ လက်ရှိ မန္တလေးမှာ နေထိုင်တဲ့ ကျွန်တော် တို့မောင်နှမ နှစ်ယောက် ရဲ့ ဘဝကို အနီးကပ်တွေ့မြင်သွား တယ်။
”သားလေးရယ်၊ အမေက သားကို ကြီးကျယ် ခမ်းနားတဲ့ ထိုင်ခုံ ကြီး တစ်လုံးမှာ ခန့်ခန့်ကြီး ထိုင်စေ ချင်ခဲ့တာ၊ ခုတော့ … ကွယ်”
ကျွန်တော့်မေမေ တိုးတိုးဖွဖွ လေးရေရွတ်ရင်း မျက်ရည်တွေ ဝဲပြီး ပြောတယ်။ ကျွန်တော့် စာအုပ်ဆိုင် လေးနဲ့ အစ်မရဲ့ကုန်စုံဆိုင် အပြင် ဘက် ဆိုင်ခန်းနှစ်ခု အစပ်မှာ မတ်တတ် ကလေးရပ်ရင်း ကျွန်တော် စာအုပ် ငှားနေစဉ် ငှားသူများနဲ့ ပြောဆို ဆက်ဆံနေတာ များကို ငေးမောရင်း ကြေကွဲနေရှာတယ်။
သြော် … မေမေရယ်၊ ထိုင်ခုံဆိုတာ ကြီးတယ် ငယ်တယ်၊ ခမ်းနားတယ်၊ သေးသိမ်တယ် အဓိက မကျပါဘူး။ လိပ်ပြာလုံဖို့ သာ လိုတာပါ မေမေ၊ ဖိအားနည်း ပြီး စိတ်ပျော် ဖို့သာ အဓိကပါ။ သား ပျော်ပါတယ် မေမေ၊ လက်ရှိရောက် နေတဲ့ ကိုယ့်ဘဝ ကိုယ် ကျေနပ်ပါ တယ်။ ခုချိန်မှာ သားအလိုချင် အတောင့်တဆုံး အရာဟာ ဘယ် အရာ လို့ မေမေ ထင်ပါသလဲ။
အောင်မြင် ထင်ရှားတဲ့ အနုပညာရှင် ကြီးလည်း မဟုတ်ဘူး။ သိန်းထောင်ချီအောင် ချမ်းသာတဲ့ စီးပွားရေး သမားကြီးလည်း မဟုတ် ပါဘူး။ သားအတွက် နဲ့ သားတို့ မိသားစု ကြီး တကွဲတပြား စီဖြစ်သွား ခဲ့တာ ခုဆို နှစ်ပေါင်းနှစ်ဆယ်ကျော် ခဲ့ပြီနော်။ ဖေဖေတို့ မေမေ တို့လည်း ခုနစ်ဆယ်ကျော် လာပြီပဲ။ ပြီးတော့ သား တို့မောင်နှမ သုံးယောက်လုံး လည်း ဘဝ ခရီးလမ်းကို ခံစားမှု မျိုးစုံနဲ့ ဖြတ်သန်းနေ ရတာမို့ နောက် ဘဝတစ်ခု အသစ်ကို မစဉ်းစားရဲခဲ့ ဘူး။ ဒါကြောင့် သူစိမ်း ဆိုတာ လည်း သားတို့ ဘဝထဲမှာ မရှိခဲ့ဘူးလေ။
ခု လာမယ့်နှစ်လောက် ဆိုရင် တော့ သားတို့ မိသားစု တစ်စု တစ်စည်းတည်း နေနိုင်တော့မှာပါ။ အဲဒီ အရာကိုပဲ (အဲဒီဆု) ကိုပဲ သား လိုချင်ပါတယ်။ တစ်နှစ် တည်း ပါ နော် … မေမေ။ ရွာမှာ မေမေ ရှိစဉ် ဖုန်းလှမ်းဆက်တဲ့ အခါ ဖုန်းထဲ မှာ သားပြောပြော တတ်တဲ့ စကား တစ်ခွန်း ကိုပဲ ထပ်ပြောပါရစေ မေမေ။
”မေမေရေ … ကျန်းမာရေး ဂရုစိုက်ပါနော်၊ သိပ်မကြာတော့ပါ ဘူး။ သားတို့ အတူနေနိုင်တော့မှာ ပါ။ သားတို့ မိသားစုရဲ့ ဘဝ ခရီးလမ်း က ဆူးတောတွေ ပျောက်ပြီး ပန်းခင်း တဲ့လမ်းကို မကြာခင် ရောက်တော့ မှာပါ။ အဲဒီတော့မှ သားတို့ မိသားစု တစ်ယောက်ချင်း ကမ္ဘာမြေကြီးကို နှုတ်ဆက် ထွက်ခွာသွား ကြမယ်လေ နော်”
လွန်းမောင်မောင်
၁၃၇၅ ခုနှစ်၊ ပြာသိုလတွင် အသက် ၇၁ နှစ်ပြည့်ခဲ့သော မေမေသို့
